مطعم زهر الليمون الخدعه

[&& قيثاره &&]

السلام عليكم شلونكم كويتيات بختصر الموضوع اليوم رحت مول360 ورحت مطعم زهر الليمون اللبنانى اللى كله زحمه وماكو حجز قلت اكيد هالمطعم وااااااااو المهم رحت اليوم مبجر عشان الاقى طاوله طبعا كنا شخصين انا وريلى ولما دشينا الديكوريشين عجيب والموسيقى اللبنانيه والقعده حلوه عطونا المنيو وطلبنا:krkrkr: الله يزيد النعمه الحمص كله ثوم وماله طعم والشيش طاووق مشوى وصلنا لونه ابيض شلون مشوى مدرى والشبس ماعندهم حطى المطاعم الهنديه عندهم الا اهما وماكو عرايس ماكو الخبز يابس الله يزيد النعمه طبعا ماكلينا شى واللى حارنى غالى على شنووو :eh_s(14):ونصيحه اللى يبى ياكل ابمطعم لازم يشوف المنيو قبل لا يقعد ويتوهق مثلنا:krkrkr:​

 

[سارونه الكويت]

يالله تعيشون وتاخذون غيرها خخخخ مشكوررررة انج نبهتينا على هالمطعم اللى انا اول مرة اسمع عنه.........وناسه انا اول وحده ترد

 

[كلمة مضيئه]

هونغا بونغا زين قلتيلنا حبوبه بس زهر الليمون وين صاير صوب المطاعم وإلا اللي بزاويه وعنده كافييه نسيت اسمه وثاااانكيو​

 

[كتاب]

فعلا اختي كلامك صحيح الواحد لازم يشوف المنيو انا مره وزوجي كنا تونا قاعدين في مطعم سواح بالافنيوز ولالالالالالالالالالالالا اشوف المنيو يمه ......... بطل الماء بدينار وشيء .... شنو شاريه كرتون غير الوجبة يعني مثلا الكباب ب8 دنانير ليش الغلا ولا اشوف اللى قاعدين كلهم مو طالبين شيء يعني اكل خفيف ( الظاهر انهم توهقوا ) وقمنا وخلناه قبل لاناكل واكلنا في مطعم ثاني ما يكلف واسعاره معقولة لان معظم اللي يقعدون في هذه المطاعم يهمهم المظاهر قدام الناس .

 

[&& قيثاره &&]

شاكره مروركم
المطاعم الدور الثاني إللي فيه السينمات
اهوا مكانه الدور الأول يمه مطعم هندي

 

[WHO CARES!]

انا بالعكس عيل وايد عجبني وعجب اهلييييي اكله يهبل صج لولا اختلاف الاذواق لبارت السلع عالعموم انا عجبني الفته والحمص والشاورما واايد حلوه ومشكوره حبوبه

 

[ســاره]

اكله الله يزيد النعمه كلش مو حلو

 

[bambena]

الناس اذواق يمكن عشان يديد مو مكتمل المنيو

 

[الـوايـلـيـة]

عاد انا لازم اجرب بنروح له اليوم وبنشوووف ونرد لكم خبر

 

[زلابيا]

Pink Girl بعد ما مدحت اكلهم

مشكوره على ذكر تجربتج

 

[Queena_85]

مشكووره انج نبهتينااا ..
و هذي الدنيا يا تصيب يا تخيــب

 

[hang_out]

صج الناس اذواق.. عيل انا واايد عجبني الحمص وبيديان الراهب.. والشوارما عجيييييبة واهم شي ليمونهم بالنعناع عجيييب

 

[grumpy22]

تعيشين وتاكلين غيرهاا
ومشكوره لذكر تجربتج
والنااس اذوااق

 

[أم علي الرفاعي]

فعلا الناس اذواق

يسلمووو

 

[Kadin Cligin]

تصدقين عااد كنت بتغدا فيه بس اهلي مااعجبهم

زيييين نبهتيينا


و360 مااااكو مطاعم فيه حلووه غير ماكدوونالدز

 

[ميني كويتيه]

مشكوووووووورة عالنصيحة

 

[tmtmt]

اييييي عاد شفته وقريت ليموون ذبت غراامي اليمون والفلفل

بس كنت بطلع بروح الافنيوز فكاكلينه فيه

تعوضونها ان شاءالله

 

[Q8TrendyGirl]

مشكووورة حبيبتي
أشووه أنج قلتي كنت ناوية أرووحله

صج المطاعم الحين أسعارهم جنوون

قبل يومين اخوي رايح موفمبيك الشويخ وطالب مشاوري وصار له تسمم يومين بالمستشفى والمصيبة طلع له مبلغ العشا 38 دينار كان رايح مع زوجته​

 

[زهرااا]

مشكوره على التنبيه

 

[orangeya]

رحتله مع رفيجتي ,,وعجبتنا القعده وحتى الاكل

بس للامانه مو واو,, يعني حلو بس مو واو!

الناس اذواق