مطعم زهر الليمون الخدعه

[مارون جلاسيه]

أنا عجبني ما في شي يمكن صنف عن صنف يفرق والناس أذواق

 

[**TiGeR**]

مشكورة اختي هالتنبيه

عاد ناوية ارووحلة

 

[عسولة الكويت]

مشكورة عالتنبيه

 

[bombo]

في ناس عجبهم ناس لا

 

[غرشة عطر]

السلام عليكم شلونكم كويتيات بختصر الموضوع اليوم رحت مول360 ورحت مطعم زهر الليمون اللبنانى اللى كله زحمه وماكو حجز قلت اكيد هالمطعم وااااااااو المهم رحت اليوم مبجر عشان الاقى طاوله طبعا كنا شخصين انا وريلى ولما دشينا الديكوريشين عجيب والموسيقى اللبنانيه والقعده حلوه عطونا المنيو وطلبنا:krkrkr: الله يزيد النعمه الحمص كله ثوم وماله طعم والشيش طاووق مشوى وصلنا لونه ابيض شلون مشوى مدرى والشبس ماعندهم حطى المطاعم الهنديه عندهم الا اهما وماكو عرايس ماكو الخبز يابس الله يزيد النعمه طبعا ماكلينا شى واللى حارنى غالى على شنووو :eh_s(14):ونصيحه اللى يبى ياكل ابمطعم لازم يشوف المنيو قبل لا يقعد ويتوهق مثلنا:krkrkr:​

اي والله صاجه وكنت باكتب عنه وسبقتيني تدرين رحت له الاسبوع اللي طاف قبل اسافر انا وخواتي فديتهم اشتقت لهم واشتقت للكويت المهم :gathering:قعدنا سوالف وطلبنا ولاحظت مشاوي مشكله ب5ونص توقعت متروس الصحن الا جايب لنا سيخ كباب وسيخ تكا وسيخ شيش طاووق الصحن شكبره والاسياخ منكمشه من الشوي ماكفتنا احنا 5 بنات وردينا طلبنا سندويشات شاورما الدجاج روعه واللحم موحلوه الله يديم النعمه(( الحمص)) !!!!!!!!!!!!!!!!!!!!!!!!!صاجه والله العظيم ناديته وقلت له شم ريحته ليش جذيه قال هذا ريحة الزيت زيتون اصلي قلت شنو اصلي هذا حمصك بايت او انه خربان قعد يشمه قلت دامك شميته اخذه وياك مانبيه استغفرالله والله موثوم لالالا ريحته بايت اوخربان مادري قال بايت مستحيل احنا مانلحق كل يوم الشيف بيعمل 10 طناجر من حلاته طبعاا :dddds:بس التبوله روعه والشاروما الدجاج والباقي لاتطلبونه وعلي فكره نسيت اقولكم حجزنا دور بالاسم وقال رورحوا وردوا بعد نص ساعه وزهقنا وردينا وكسرنا خاطره جواعي ودخلنا لودارين جذيه اكله ماتعبنا روحنا صراحه من الفراره المجمع كبييررر حيل بس ماكو محلات مفتوحه يعني لاتعنون مايسوي مثل الافنيوز ومثل شرق وغيرهم

 

[cadbury]

مشكوووره عالتبيه الصراحه ما جربته بس جربت المطعم الهندي الي يمه استغفرالله يلوع الجبد والله اني كرهت البرياني بسبته صج صج يلوع الجبد اتوقع الي يروحله ما راح يفكر يروحلها مره ثانيه

 

[مع حبي]

مشكوره على ذكر تجربتج

 

[ryo_oma]

شكرا أختي على نقل التجربة,, بس على فكرة المطعم لما يبطل مرات يكوون فيه عيووب وعقب يصلحوونها ,,بس اتفق معاكم على الاسعار الناار ,,!

 

[bride collection]

مشكورين حبيبتي على المعلومة

 

[غزلان]

تكبرين وتنسين

 

[جوجو.]

الناس أذواق
انا ماجربته
وشكرا

 

[&& قيثاره &&]

مشكورين بنات عالردود وفى النهايه الناس اذواق ومن وراى احلى مطعم لبنانى من ناحيه الاكل والقعده والنظاااااافه الميجانا بلا منافس

 

[جلاديلياس]

الناس اذواق الحين ماعرفنا حلو والا لأ هههههههه ضيعتونا بنات


مشكووره يالغاليه نبهتيها عالمطعم

 

[rosemary777]

المطاعم بالكويت حييييل بخيليين وحتى المطعم الزين يصغر الصحون ويقلل السلطه الى ان يصير قفشه وحده

مطعم زهر الليمون للحين ما يعرفون يقدمون الاكل ولا يعرفون يحاسبون الشيش طاووق مو مستوي شوي احمر والبطاط يابس

 

[Q8 New Style]

مشكوره على التنبيه

 

[قمر ضاوي33]

عادي وايد مطاعم زحمة وما في حجز



ولمن تروحين عادي وأقل من العادي يعني بالعربي دقة

طبعاً صارت لي اشكثر مع زوجي امدح مطعم شكثر واقول زحمة وما في حجز ويطلع دقة وتعالي أخذي طنازة


حرمت الحين ما اروح إلا المطعم الموثوق منه وسائلة عنه ومتأكدة

حق الشماتة يا سعد ( :

 

[Hambka Q8]

انا سمعت انه حلو و سمعت مو حبو

بس ماعرف احكم الا لما اجرب ^,^

 

[@Miss Dio@]

والله الكويتيتن هبه ما شاء الله عليهم يعني مطعم الصنوبر مثلا ديكوره يهبل بس أكله موحلو زفر واكو ناس يعجبهم اي مكان مافيه حجز وزحمه عفسه الكويتيتن عنده

 

[tatona]

اي انا جربته حده غبي

عيل مطعم ما عنهم خبز لبناني فرش!

مطعم ما عندهم بطاط شبس!

و القوووووويه ما عندهم كتشب!! عيل ليش فاتحين؟

 

[شوق@ذوق]

يسلمووووووووو