مطلق وعنده ولدين .. تعالو عطونا رايكم " للمتفتحات ذهنيا فقط"

[حقـوق]

والله انا رآي انها توها صغيره والخير قدامها .. شنو لها بالمشاكل .. تاخذ لها مطلق وعنده عيـال ..

ترا الطليقه مصيبه والغيره تعمل عمايل .. انا اعرف وحده تزوجت واحد مطلق .. وعنده عيـال .. وعلاقته مع طليقته مقطوعه .. حتى عياله حارمتهم منه .. بس من تزوج .. قامت تتصل عليه .. وعيالك تعال شوفهم .. وعيالك يبون .. خلت حياته جحيم وشغلها مايطلع الا نص الليل

وازيدج من الشعر بيت .. وحده بعد سحرتها طليقه زوجها .. ومابينهم عيــال تخيــلي .. البنت من اخذته مو مترقعه .. وبالنهايه تطلقت .. مع انها اخذته وهي بكر .. تقول ماقدر اشوفه اتخيله ابليــس !!!

وايد مشاكل .. وغير المشاكل الى راح تطلع ان كبروا عيالها .. لازم يتعرفون على اخوانهم من ابوهم .. ويمكن العلاقه تكون مو شي ويبدأ التفكك العائلي ..ومسأله الورث .. وانتي تقولين عندهم مشروع وهالسوالف .. باجر تصير مشاكل ..

انا اقول تستخيــر .. وتفكر بكل شي .. مو بحياتها لسنه وسنتين معاه .. خل تشوف نفسها ابعد من جذي ..
والحب مو كل شي بالحيــاه .. ياما ناس خذو عن حب وتطلقو ..

 

[نعم نعم شنو]

حبيبتي الحذر ثم الحذر ثم الحذر

لا تستعيل خليها تتركد بتخاذ قرارها لانه مطلقه وعنده عيال ترى مو لعبه واهي توها صغيره

واهي بعد لا تسبق الاحداث يمكن اهلها مايرضون

اذا صار اوكي ويا خطبها خليها تفكر لانه جذي بتتعب راح تفكر شنو بتسوي ويمكن يصير شي وما يخطبها

حراام نفسيتها تتعب

خلاص لا تفكر واهم شي تستخير اذا يا خطبها ختفكر بعياله الـ 2 يمكن امهم تشيشهم عليها

يا ما سمعت سوالف انه عيال الطليقه يشيشون ابوهم على مرته اليديده انها تخون ويبدا يشك فيها وتنهدم حياتهم

خليها تفكر بعقلها بعدين بقلبها

واذا ماكو نصيب ان شالله ربي يعضوها بلي احسن منه يارب

 

[سميتك الغلا كله]

اتزوجه .. دام هي تحبهه وهو يموووت فيهآ ..

 

[* Snow White *]

خل تستخير واهوه بعد تقوله يستخير
والله يوفقهم .. من وجهة نظري انه عادي مافيها شي لو تزوجته

 

[دندونه@@@]

حبوبه واضح ان البنت متخذه قرارها بس تبي اللي يشجعها قوليلها خل تكون قويه وتدرس مشروع الزواج وتشوف سلبياته وايجابياته واذا كانت على استعداد انها تتحمل مسئولية طفلين ممكن امهم تقطهم على ابوهم كردة فعل على طلاقها وزواجه وانها تكون عادله على عيال زوجها خاصه اذا تزوجت والله رزقها عيال هي ادرى باللي بيتزوجها من ناحية اخلاقه وسمعته واذا راح تتفق معاه بالافكار والميول وغيره اتوقع انها خايفه من ردة فعل اهلها مو اكثر خل تستخير وتتوكل على الله بس اهم نقطه لا تشجع الرجال على طلاق زوجته يعني ممكن تكون هي دافع للزوج انه يطلق زوجته وبعد الزواج الاخ يحن للاولى ويردها هني شنو يكون موقفها تقدر تتحمل انها تتشارك مع ام عياله فيه اذا الاخ يبي يطلق وصاكه فيه الدنيا بيطلق سواء هي موافقه تتزوجه او لأ لكن كلامه يبين العكس خل تعطي نفسها وقت اكثر قبل لا ترد عليه وتحاول تحط نفسها بمكان زوجته وتعيش الموقف نفسه والله يقدر اللي فيه اخير

 

[miss_whitemocha]

والله يا حبيبتي هالشي أهيا تقدر تقرره بنفسها..
لو إنه مطلق من غير عيال ماكو مشاكل..
بس أهوا عنده إثنين الله يخليهم له..
يعني غصبا عنه لازم يصير فيه إحتكاك بينه و بين طليقته عشان العيال..
هل أهيا راح تتحمل هالشي..
هل راح تتحمل إن طليقته تدق عليه أو تطرش له مسجات؟؟
بعدين في شغلة مهمة..
بعض الحريم يتمون يحبون رياييلهم حتى عقب الطلاق..وإحتمال إنها تسوي حق الزوجة اليديدة مشاكل عشان تخرب عليهم..
هل رفيجتج ممكن تتقبل هالوضع؟؟
يعني اللي بوصله لج..
خليها تقولبها بمخها عدل..و أهي تقرر إذا تقدر تستحمل أو لأ..
موفقة خير إنشالله و ربي يكتبلها اللي فيه الصالح..​

 

[المرتاحة]

انا حبيت اعقب على شغله

دام يدري انه متزوج او مطلق ليش يعييش البنت بحلم وانه راح يتزوجها وفجأة وعقب ما تعلقت فيه البنت يقرر انه يتركها لان الاخ توه يتذكر انه متزوج او مطلق؟!! وخصوصا انه فترة معرفتهم ما كانت قصيره.. وتعذر لها على قولته ما لقى فرصه يقول لها ( عذر اقبح من ذنب)

ليش ما ابتعد عنها من البداية اذا هو صج ما كان يبي يجرحها ..او على الاقل قبل ما يفتح معاها موضوع الزواج يقول لها انه قاعد يقوم باجراءات الطلاق

بس لانه اناني وخاف انها تتركه اذا فاتحها من البدايه قال اعيش معاها الحب بعدين يحلها الف حلال

لا تقولين انه ما جذب عليها اهو بس اخفى الحقيقة.. اقول لج يا حبيبتي كله نفس الشي كله جذب بجذب اخفاء نص الحقيقة اهو الجذب بعينه و خاصة للي يفكر انه يتقدم للزواج هالاشياء لازم يوضحها من البداية

بعدين اقول لج يا اختي ان كل انسان معرض للغلط ونقول صج اهو من كثر حبه لها اخفى عنها حقيقتة لانه مايبي يخسرها.. اذا اهي ما باذنها ماي و تبيه خليها تفكر بكل اللي قالوا عنه البنات

شنو سبب طلاقه ترى من حقها تعرف منه ومن غيره؟؟ تحط احتماليه انه ممكن يرجع زوجته وخصوصا انه عنده عيال وتراجع كلام البنات اللي قالوه

بعدين انا استغربت من شي.. قال لها بس توافقين انج تتزوجيني راح يطلق زوجته على طول!!!

انا ما فهمت اهو شنو يقصد بالشي هذا؟!! يعني اذا هو ما يبيها ليش ما يطلقها من الحين على طول؟!! ليش يبي يتنازل عن حقوقه لمجرد موافقة البنت؟!!

على اي حال الرياييل ما يعرفون لهم زين الا الرياييل واذا هو فيه خير خليها تستخير و يتقدم لها و تخلى ابوها و اخوانها يسالون عنه زين
و عسى الله يوفقها ويكتب لها اللي فيه خير لها

 

[:: Diva ::]

كوين بلاها احسن
اولا المطلق على خلاف و عنده عيال
حيل راح يتعب بنت صغيره و ما طافها سن الزواج !
و لا فيها عيب و حلوه و تدرس او تشتغل
و بنت




اولا
من الناحيه الماديه
مهما كانت ظروف الريال زينه راح يصير في ضغط
لان النفقه تكبر مع اليهال و الطليقه في هالحاله راح تبيعه هدومه بالمحكمه
اهي عده اهي نفقه اليهال اهي اجرة سكن و خدامه و سايق و سياره
و كل شوي تقول ابي اكثر لان اساسا مشاكل و حقد و كره مو طلاق عقل


نفسية الريال راح تتعب
ما تعطيه الرؤيه
يتعورون عياله او يقولون كلام مو شي
او يغلطون او يسمعون الكلام الي راح تحفظهم اياه الطليقه
انت مو زين و احنا ما نحبك و انت طقيتنا و احنا يهال
و انت طقيت امنا و هالتبلي و غيره بيطلع حرته في مرته الثانيه


الطليقه ممكن تقط الياهل على العروس
تعالي يا عروس جابلي حفاظات و حليب او
دخلي هذا حمام و سبحي هذا و لعبي ذاك و درسي و نومي
و غسلي و انتي للحين !!


انتي جذابه في كل الامور !
لانج مرت ابو
الاهل ضدج حتى اهل زوجج
و اليهال ان تبلوا عليج رحتي فيها و ان تشكيتي لابوهم قط الغلط عليج
و ان صار شي قال انتي حاطه عليهم و تكرهينهم


اليهال يحنون يبون امهم
احتمال يرد زوجته قائم طول ما اهي قاعده بدون زواج !


الريال ماعنده شي يدييد
انتي بتحملين و بتتدلعين و اهو لا
انتي تولدين و تفرحين بالبجر و اهو لا
انتي تراقبين كل التحركات و تعتبرينها شي يدييد اهو لا





الريال بييج متروووووس
و مثقل هموم
ما يتحملج



الطليقه لا حطتج براسها والله ما تتصورين شنو ممكن تسوي لج
عادي تلفق لج تهمه !
و مخافر و بلاوي
و عادي تسحب ريلج من حضنج على ابو ان الحق ولدك طاح ولا تعور
يحلو بعينها و تدشين بحرب وياها و انتي الخسرانه لان اهي ام العيال




المقارنات الي ما لها اول ولا تالي
هذا غير لما يغلط باسمج و يناديها حتى بالفراش !!
يعني شقول لج اكثر ؟!


وايد وايد امور تتعب
فبلاها احسن
عندي اكثر بس هذا الي يحضرني الحين


24 سنه للحينها ورده !
لا تغلط و تندم




طبعا كلامي مو تعميم
في مطلقات على الراس
و في مطلقين مظلومين
لكن هذا الريال و هذي الظروف الي كتبتيها فوق
ما تطلع احسن من الي انا قلته !

 

[3oosh <3 MJ]

انا ما اشوف فيها شي دام انهم يحبون بعض ومتفاهمين
بس هو لازم يصارح عياله بالموضوع عشان مايتفاجئون بالمسأله ويلعوزونها
الله يوفقها يارب

 

[المجروحههههههه]

اولا صلاة الاستخاااره والدعاء ثانيا تعرف سبب طلاقه يمكن يكون كذاب وبقول لس حاجه لو ما ستخارت مارا تتوفق لان المطلق ينخاف منهم وحتى اذا وافقت وعاشت معه بذبحها با المقارنه بينها وبين طليقته والله يكتب لها الي فيه الخير وبما اني من السعوديه وبلدنا محافض لا اييد ها العلاقته تبع المل وهيك شي ما خاب من استخااار

 

[اعاتبك بإبتسامه]

تستخير الله

 

[مفسرة الاحلام]

تستخير ورب العالمين بيخيرها للخير

بنسبه لي كا استشاره من باب ماخاب من استخار ولاندم من استشار


ماااااااافيها شي تتوكل على الله وتتزوجه دام بينهم توافق ومرتاحين مع بعض وحتى لو يرد حرمته مافيها شي

احنى من احسن من الصحابيات رضي الله عنهن وارضاهن

والله يوفقنا وياكم لكل خير

 

[ShoO8ShoO8]

شوفي حبيبتي ما راح اقولج هو غلط وهي غلطت

انا بوصل معلومه وحده انه مو كل مطلق معناته مو زين
مع احترامي للكل ترى في حريم عوب وفي حريم رديات


يعني انا مطلقه ودايم اقول انه زوجي زين
وبنفس الوقت انا زينه بس سبحانه الله ربي ما كتب لنا نكمل مع بعض


الزواج نصيب
والمطلق له الحق انه يحب ويتزوج مره ثانيه



بس هي اذا طول الفتره كانت مرتاحه معاه وشايفه انه اخلاقه واطباعه زينه
خصوصا من اللي فهمته من كلامج صار لهم فتره طويله يكلمون بعض
يعني مستحيل الواحد يقدر يمثل كل هالفتره هي خليها تستخير

وتشوف


بس نبيها انه بيكون لعياله حق عليه

 

[كادى الحب]

خل تستخير ويسالون عنة واذا اهو زين توافق علية

 

[درة أهل الطولات]

دام عاجبهاا وتحبه خل تاخذه

شنو يعني مطلق عااادي

 

[أم حمد =)]

ماكو مشكله انها تاخذ مطلق وعنده ولدين

المشكله ليش طلق ؟ وليش خش عليها ؟ وليش جذب ؟؟


وخل تستخير كل يووووم

صج ترا مهم تعرف سبب الطلاق .. واهلها يسالون عنه عدل ..

بس سؤال .. عياله بيعيشون عنده ولا عند طليقته؟

انا اقول خلتستخير .. والله يكتبلها الي فيه الخير ..

 

[ترانيم القصيم]

بارك الله فيك يا عسل ,, و أحسن إليك ..

بس تمنيت يا الحبيبة الطيبة إن تم سرد المشكلة من دون التطرّق لموضوع ( العلاقة المحرّمة ) ,,

لأن هذا يُعد مُجاهرة بـ معصية صديقتك يا عسل ^__^ ,,

و حتى أكون صريحة معك يا أختي المسلمة و ما أخدعك أبدًا لأني أحبك في الله

و زيك عارفة إن العلاقات الغرامية حرام حتّى لو كانت بهدف الزواج ,,

و سبق و حطيت موضوع مماثل تحت عنوان :

تزوجتِ عن علاقة ؟ اتقِ الله و استري على نفسك لا تجاهرين و تشجعين البنات !

الرابط :

http://www.q8yat.com/t880775.html

و لهذا يا عسل كان المفروض إننا نطرح المشكلة من دون التطرق للعلاقة ^^

زي العنوان حلو شرح المشكلة باختصار :rerrerek:

يعني يكون السرد :

صديقتي متقدم لها واحد متزوج و عندهـ ولدين و الولد من عايلة محترمة و ناس معروفين و راح يطلق زوجته .. إلخ

من دون لا يكون فيه تطرق لذكر العلاقة الغرامية حتى ما يكون مُجاهرة بالمعصية ^__^

و الله يسعد قلبك يا الحبيبة الطيبة ,,

و الله يهدينا و يتوب علينا و يغفر لنا و يغمرنا بعفوهـ و سترهـ

احترامي و تقديري

ترانيم القصيم

 

[غداً القاك]

تستخير واللي فيه خيره بيكتبه الله لها

 

[LuLiTa]

و الله حيرة ... انا اشوف انه حرام تتزوج واحد مطلق و اهي توها بـ عز الشباب و الفرص جدامها وايد ... بـ تلاقي روحها مسؤلة عن عيال مو عيالها و ومجبورة و مرتبطة فيهم .. يعني بـ اتكون حياتها غير تقليدية مثل ما يقولون ... بس شنو اللي يحدها ؟ خل اتفكر جدام شوي ... بـ اتشوف انها ما يعيبها شي ...يمكن اهي الحين متأُرة بـ مشاعرها لكن خل يكون تفكيرها مستقبلي شوي ...


امممم انا اقول خل ترفضه ..

 

[رمانه كويتيه]

نصيحه من وحده فاهمه الدنيا عدل وخبره لاتتزوجه الحب راح يروح عقب جم شهر ريال مطلق وعنده اعيال وهو ملزوم منهم وراح يشوفهم ويطلع معاهم ويشتريلهم هذيله اعياله بعد راح تذبحها الغيره اذا اتصلو عليه وقالوله امي تقولك ودنا المكان الفلانى اهى تعبانه ولا تعال قطنا بيت يدي امى ماتقدر اهي مو من كبرها مو تقولين عمرها بال٣٠ وطالع تتزوج لا اصغيره صدقيني الحب كله يروح والمشاكل مالها والي خل اتركد