رد: مطلوب خادمه (تم دمج المواضيع المشابهه)
مع إن صار لي مدة طويلة أدور خدامة بس توني أقرا هالموضوع بصراحه لأني حدي يأست من الخدم !!!!!!!
والله إن صار لي 3 سنين مومترقعه مع الخدم !!! قبلها كان عندي أندونيسية بصراحه روعه من كل شي بس قبل ماتكمل سنة لما قربت أولد قامت تتميرض عشان تبي تسافر خافت إن الشغل يزيد عليها ،،، ومن بعدها مافي ولا خدامة طولت عندي والله بدون مبالغة ،،،
كلهم الي تقعد عندي كم يوم والي تطول تقعد كم شهر حتى ماتكمل سنة !!!!!!! وساعات أتم مدة طويلة بدون خدامة حتى مسترجعه ما أحصل ،،،
آنا عندي عسى الله يحفظهم خمسه وبيتي دورين وخدامة وحده ماتقدر عليه يعني لازم خدامتين بس آنا وحده مالقيت عشان أييب الثانية ،،، مايمديني أييب وحده إلا ويطلع فيها ستين عيب ،،،
والله مادري العيب فيني ولا فيهم !!! آنا مو من النوع الشديد لأني أخاف على عيالي أخاف تحط حرتها فيهم فمتساهله مع الخدم وايد بس طبعا في شغلات لازم أشد شويه عليهم بس في الغالب أطوف ومع هذا مافي وحده راضيه تقعد عندي ...
والله محتاره مادري شسوي !!! بخاطري أييب طباخه تكون شاطره ووحده ثانية لليهال والتنظيف يتقسم بينهم أو يتساعدون مع بعض بس مادري شلون ومن وين !!!!!!!
آخر شي يبت لي وحده من الشارع شكلها منحاشه وباقيلها 3 شهور وتنتهي إقامتها فبتشتغل عندي ومن المعاشات بتسافر ،،، طبعا شغلها أي شي بس مستحملتها لأنها مؤقته ولازم أدور على وحده عشان إذا قالت بتروح في أي وقت إلا عندي خدامه ما أتوهق ,,,
آسفه إني طولت عليكم......
بس عندي أمل إن ممكن ألقى أحد يساعدني بهالمشكلة ؟؟؟
