رد: مطلوب خادمه (تم دمج المواضيع المشابهه)
السلام عليكم ..
عندي فلبينية مسيحية عمرها 36 متزوجة وعندها 3 يهال وايد ثقيلة وتكانة ..طباخة درجة أولى ما تتخيلون تعرف تطبخ مجابيس ومطبق سمك ومروقات وتلف ورق عنب وتسوي محاشي ومعجنات وفطاير وتسوي سلطات وحلويات مثل المطاعم الكشخة تقول دارسة ضيافة وفندقة وكانت تبي تشتغل بفندق بس تقول يوم شفتج ماماوبابا واااايد زينين ظليت عندكم ...صار لها عندي 7 سنين
سبب التنازل اني بسافر أمريكا بكمل دراستي مع زوجي هناك وعيالي ثلاثة شايلين روحهم باخذهم معاي ..وما أجازف آخذ فلبينية أمريكا أخاف يوزها الشيطان تنحاش وتشتغل بمطعم ما يندرى عنهم هذيله .. وفوق هذا كله يقول أبوي فيزا الخدامة حق امريكا واوربا صعععععبة ...والله على ما أقول شهيد .
نجي للمهم .. أبي فيها 800 ومعاشها 80 والتجربة 3 أيام مع دفع نص المبلغ واذا ماصار نصيب في الخدامة يخصم مبلغ 9 دنانير للأيام الثلاثة
رجاءا التواصل عالخاص للجادااااااااااات فقط والرجاء عدم الاحراج بالنسبة للسعر
وماراح أقدر أنتظر وااايد لأن سفرتي يمكن على نص شهر 7 ولازم أكون مرتبة أموري قبلها بواااااايد عندي 50 شغلة براسي
يعني على أول 7 بوديها مكتب اذا محد خذاها .
والله الموفق :33_1185028183:
==========================
اختي حبيبتي,,,,الله يوفقج فيها ان شاء الله ....
بس حبيت اقولج ان لو وديتيها اي مكتب ما راح تتربحين من وراها مبلغ يوصل للـ 800 سأليني بعت خداماتي ولا واحدة اوصلت للـ 500 حتي خدامتي الفلبينية تخيلي واليديدة توصل كلش كلش 550 والمسترجعة اذا امباعت من المكتب حدها 650 لا بعد ووايد عليها.... وارد واقول الله يوفقج فيها ان شاء الله.
![([عطر رومانسي])](/data/avatars/m/84/84055.jpg?1621060859){kind=avatar}
