مطلوب 5 مشتركات للمنافسه فقط لمسابقة جهاز المشي للجادين فقط

[بنت عبدالغني شربت]

عاشت عاشت روزيتا عاشت

جيرل شنو رجيم الكورن فلكس كتبي لي الله يعافيج

 

[بنت عبدالغني شربت]

الله يعافيج جيرل يالله ناطره رجيم الكورن فلكس بنات حطو mbc اعاده الرابح الاكبر

 

[q8**girl]

كاهوو شربووت :


الريوق كورن فليكس + حليب قليل الدسم
الغداء كورن فليكس + حليب قليل الدسم
العشاء كورن فليكس + حليب قليل الدسم

وممكن توزعين واجباتج على 6 او 5 حصص يوميه والشي اللي اباكم تعرفون وهو المهم انه هذا الرجيم هو من رجيمات السعرات الحراريه المنخفضة ...

وممكن تتفننين في اختيار نوع الكورن فليكس اللي به مكسرات او فواكه او اي شيء وخاصه انه به كل الفيتامينات المفيدة مع حليب قليل الدسم

وممكن البراون او الحبوب الكامله ... يعني انتي وشو تحبين

ومن الاختيارات الموجودة :



الكورن فليكس ابو ديج
وكورن فليكس الرشاقة
والبراون كورن فليكس

بس بدون اي سكر والحليب لازم يكون قليل الدسم او ممكن تستفيدين من موضوع السعرات وتاخذين كامل الدسم

هذا حسابي ل4 وجبات كورن فليكس = 724 سعرة حرارية في اليوم وممكن تكملين على راحتج بالفواكه والخضروات والعصاير حسب جدول السعرات الحراريه اذا كان متوفر عندج واذا مش متوفر ممكن تحلينه على النت وتختارين براحتج ...

واشربي الماء اي وقت بالاضافة الى الاعشاب
والشاي بدون اي تردد اذا كنتي تراعين انه الحليب خالي الدسم وسكر خاص بالرجيم


الوجبة الوحدة = كوب كورن فليكس 95+ كوب حليب خالي الدسم 86 = 181 سعرة


السعرات الحراريه في كورن فليكس كوب (25 جرام ) = 95 سعرة حرارية وممكن تشوفين اللي موجود على الجدول اللي اي على العلبه وتحددين ...

السعرات الحراريه في حليب قليل الدسم 1%
1 كوب
102

السعرات الحراريه فيحليب قليل الدسم 2%
1 كوب
121

السعرات الحراريه في حليب خالي الدسم
1 كوب
86

ولازم الوجبات ماتزين عن 5 او 6 وجبات فقط في اليوم ... توزيعنيها براحتج ...

*****************************************


للبنات اللي مايستغنون عن النسكافيه اقدم لهم هذا
الجدول الصغير ..

اذا احتوى على 2 معلقه شائ سكر وكانت كل معلقه سكر تساوي 20 س
صارت40




اذا احتوى على2 معلقه شائ حليب وكانت كل معلقه حليب تساوي 50 س
صارت 100 س
اذااحتوى على 1 معلقه شائ نسكافيه و كنانت كل معلقه نسكافيه تساوي 5 س
صارت 5 س

يعني كوب الحليب بالنسكافيه = 145 سعرة هذا النسكافيه العادي

واذا قليل او منزوع راح تكون اقل بوايد ..


والشيء المهم في الموضوع انه شربه ابد مايمدج بسعرات حراريه تمتن .. السعرات موجوده في السكر العادي والحليب العادي ... وترومين تستبدلينهم براحتج

ولا تنسين الرياضه لو نص ساعه 5 مرات في الاسبوع ...


الله يوفقكم ...

انا وضحت لكم كل شيء ... واي سؤال انا حاضرة ...



ملاحظة : ممنوع الاستمرار عليه اكثر من اسبووووووووع وممكن تغيرين او تاخذين راحه يومين وتردين تكملين ... عشان جسمج مايتعود عليه بس

ـــــــــــــــــــــــــــــــــــــــــــــ

 

[smily]

شربوته ادري و الله بس ما ابي اتعود على طول حلو لازم اعود نفسي

وبالعافية الغدا .. بس قولي لنيرووو شنو جوكليت بيتزاا جنها قوية و سلمي عليها وايد وايد

فاااااااااااااااااااصل و صوووور الغدا تنزل

تري برد يا بنيااات تدفوااا

 

[بنت عبدالغني شربت]

مشكوره جيرل بس ايوع شكله بس جربيه ان شاء الله تنجحين فيه

ان شاء الله سمايلي يوصل حبيبتي وناطرين صورج حبيبتي

 

[q8**girl]

اجمعيين شربووت .. عاد اتصدقيين انا ما اكل واايد والله بس من الكرتزوون استغفر الله اللهم لاعترااض ... يلا يلا بحرم نفسي وبجرربه وبشووف اخرتها يا انا ياوزني ههههههههههه ابي اصييير ضعييفه بالتخررج ....

 

[smily]

ماي لنش بطاطا مشوية بالفرن و لما تبلتها بملح و فلفل اسود و قطعة جبن سلايس لايت مع طبق سلطة و ملعقة صغيرة درسينج لايت

وهذا غدا روزيتا ساندويش جبن لايت مع سلطة و شوربة عدس و 3تمرات

وعلينا بالعافية

 

[q8**girl]

سمييل علييج بالعافييه انتي ورزينا شكل البطاطه يشووق

 

[june_m00n]

مثل ما قلت لكم ما كلت ولا شي لحد الحيين ( توه اقول الله واكبر المغرب ليتني ناوييه الصيام )

اخاف اني اكل اخربط فقلت لا اكل احسن لي

والحمدلله ربي لك الحمد والفضل والمنه مشيييت وافتكييت


والحين بطلع يمكن اكل سلطه وشي مشوي والله يسهل انشالله

 

[june_m00n]

روزييتا سمايلي : عليكم بالف وستميه عافيه ... مشالله الله يثبتكم وتوصلون الوزن اللي تبون

كويت جيرل : ودي اروح حق المطوع يمدحوووونه لأن الدكاتره الثانين كلهم مجربتهم ودي اروح عشان دمي وعشان ابي احد يتابعني على الاقل اهاب من احد لأن الايام اليايه اخاف ان ارادتي تضعف


شربااااااااااات : انا نفسج بالضبط مالي خلق اطبخ وبنفس الوقت اقول لهم سووولي لأن مالي خلق افكر ( الحمدلله كلشي مالي خلقه ) بس الريوووق اخاف منه

انا الحين بالبيت وقادره احكم نفسي

بس بالدوام الصاجات وبنيني وبونجوورنو وريحة البطاط المقلي يمه يمه امووت ما عبر .

عشان جذي محتاره وخبرج الاراده كل مالها وتخق الشكوى لله

 

[بنت عبدالغني شربت]

عليكم بالعافيه روز وسمايلي

مون المناقيش عن دايت شوب تهبل 200 فلس بس وايد حلوه في البتزا والخرابيط بعد عندهم واشياء حلوه حق الريوق شرط اهما راح يسون مثلج بعدين

 

[روزيتا]

مسالخيرات والكوتات والبريدات والدفايات يا بنات


شخباركم سمايلى نزلت صور الغدا وما شربت كل الشوربه ولله الحمد :gr4uu:


المهم ابشركم لعبت على الغزال اليوم 20 دقيقه وخذيت فاصل ورحت اشرب شاى مع الماما :ada:


والحين منتظره عشاى وراح يكون طبق سلطه ونخى وتفاحه


وباليل بكمل رياضه ان شاء الله _03BA:


وعاشوا البنات :q8:



جيرل حبوبه ترى مال الكورن فليكس الريجيم حيل متعب واخاف شعرج يطيح لا نسوى شى ونخرب شى

لو بديتى اشوى اشوى تضمنين انج تستمرين والكورتيزون ان اء الله فتره وتعدى وتصيرين احلى بنوته بتخرجج



مون بالدوام مثل ما قالت شربت اخذى يوم من دايت شوب يوم ويوم اخذى شابوره ويوم اخذى كورن فليكس مع فاكهه ولا سلطه باجر ايقلدونج والله ​

ونيرو اشتقنالك وان شاء الله تردين بالسلامه

 

[بنت عبدالغني شربت]

هلا والله روزيتا عفيه علي الشيخه الي الامام سررررررررررررررررررررررررررررررررررررررر عاشت عاشت كملي رياضه مو تقطعين

 

[روزيتا]

,وهذا عشاي انا و سمايلي

طبعا عشاي نخي حاااار يابته لي سمايلي من الجمعية و تفاحة وحدة و ماي ..أما سمايلي تركي ساندويش هوم ميد من غير مايونيز مع جبن خالي الدسم و خس

:wqedqw::wqedqw:

 

[q8**girl]

موون : اتصدقيين كرهت كل الدكاتررره محد سوالي شي وانا ملوله ..!!
روزينا : اهو مدته بس اسبووع بجرر وبس ..!! خو انا مينونه كل شي جربت بس بقى هذا هههههههههههههه

 

[q8**girl]

بالعافييه روزينا انتي وسمايليي :*

 

[بنت عبدالغني شربت]

الله اشتهيت بسكوت وحليب لوووووووول يالله خل اسويلي وارد لكم

 

[بنت عبدالغني شربت]

بالعافيه سمايلي وروزيتا انا اليوم فيني خواره

 

[q8**girl]

شربوووووت : لا لا لا لا لاتخربيييييين حراام علييج ماتبيين تضعفيين الكل ضعف الي احناا يلا عاااد يوووزي حراام عليييج

 

[nero]

هاي صبايا شباب

شلونكم؟؟ فقدتكم وااايد معنه يوم واااحد

اليوم اكلي زين ما خربطت وايد ومشيت مشيت مشيت بالسوق ليما شدت ريلي

وان شاء الله بس ارجع بيتنا اوريكم الصور والتفاصيل

واعرفكم على الجوكليت بيتزا الي فيها زيروو كالوري

:RoadRunner:


شدوووو حيلكم راده لكم بااااااااااااااااجر بقوه