مظاهرات وجمعة الغضب والكلام الي مالة معنى

[مطيرية متواضعة]

رئيس حكومة شعبي يعني سنة سنتين وبنصير حالنا حال البنغالية مانستلم رواتبنا الا كل ست شهور مرة ويمكن مافي غير الوعوود

سؤال صريح عمرنا وصلنا عضوا جمعية تعاونية جمعية مو رئاسة وزراء عمرنا وصلنا عضوا مجلس جمعية وطلع شريف مو حرامي ؟؟؟؟؟؟

مظاهرات تعدت 6الف ههههههههههههههههههههههههههه حلووة

شوفوا اليوتيوب الجمعة الي فاتت وشوفوا جمعة اليوم على مباشر اقل من السابقة بكثيير

كافي نفاااق







؟
​

 

[ScarletteO'Hara]

بالعكس وجهة نظري .. لما يكون منتخب من الشعب بيراعي الشعب اللي انتخبه ويخاف ع جماهيريته ..


غير لما يكون منصب من الأمير .. ولا هامه أحد يتجاوز ويخطئ وممنوع الكلام عليه كأنه معصوم لانه "شيخ"

لا اختي غلطانه
شنو بتبدلون الدستور؟
حبوبة ديموقراطيتنا محصورة في انتخاب اعضاء مجلس الامة فقط!!!
مالنا اي علاقة بإختيار رئيس مجلس الوزراء الي اهو حق لاميرنا الله يطول بعمره
اوكي احنا عارفين ان سالفة الحكومة في رايين مع و ضد
و لو اني ضد هذي المظاهرات الي ماني فاهمة شنو فايدتها بالليل و جدام مجلس الامة يوم اليمعة
بس هم مؤمنة بحق كل واحد براية
بس هني و ستوب!
ما نتدخل بصلاحيات الشيخ صباح
و لا نتعدى على مواد الدستور
مو لاربعكم قاعدين يرددون "الا الدستور"؟؟؟
عيل شسالفة هالمطالبات بأن الرئيس يكون شعبي؟
حلو الواحد يعبر عن رايه بس قاعدة اشوف كل مالهم و يتمادون

 

[soosooa]

المظاهرات توصيل رســاله لبابا صباح ليلبي طلبات أبنائه الكويتيين .. ويشكل حكومه شعبيه بإختيار الشعب ...



.. الآن القرار هو قرار الشعب .. وابونا صباح كريم وشعبه يستاهل ...

 

[وردة-الكويت]

الله يحفظ الكويت

 

[حمامة مكه]

الله يحفظ بلادالمسلمين من اي شر

الله ينصر الحق

 

[مطيرية متواضعة]

المظاهرات توصيل رســاله لبابا صباح ليلبي طلبات أبنائه الكويتيين .. ويشكل حكومه شعبيه بإختيار الشعب ...



.. الآن القرار هو قرار الشعب .. وابونا صباح كريم وشعبه يستاهل ...

:krkrkr::krkrkr::krkrkr:

 

[غيدآء]

بالعكس وجهة نظري .. لما يكون منتخب من الشعب بيراعي الشعب اللي انتخبه ويخاف ع جماهيريته ..


غير لما يكون منصب من الأمير .. ولا هامه أحد يتجاوز ويخطئ وممنوع الكلام عليه كأنه معصوم لانه "شيخ"

عفوا عزيزتي تبينه نصير مثل لبنان يعني؟؟

يعني لو نخلي رئيس الوزراء من الشعب منو تبين مثلا الي فكره ليبرالي والا منو؟

مالنا غناة عن ال الصباح ... من عمر واحنا معاهم ... واللي يبون حكومه شعبيه خل يروحون لبنان اصرف لهم ويعرفون حزتها شنهي الديموقراطيه اللي يبونها...

انا من وجهة نظري يتم دمج ولاية العهد مع رئاسة الوزراء مثل قبل شحلونا وشزينا محد كان يصارخ ويقول حريه حريه جنه الحكومه هادمه بيته والا حاطته بسجن ابو زعبل :d

 

[غيدآء]

نسيت اشكر صاحبة الموضوع

مطيريه متواضعه الف شكر لاتاحة الفرصه لنا للتعبير عن آراء الشعب الكويتي الذي يطالب بحقوقه المسلوبه هههههههههههههه

 

[soosooa]

عفوا عزيزتي تبينه نصير مثل لبنان يعني؟؟

يعني لو نخلي رئيس الوزراء من الشعب منو تبين مثلا الي فكره ليبرالي والا منو؟

مالنا غناة عن ال الصباح ... من عمر واحنا معاهم ... واللي يبون حكومه شعبيه خل يروحون لبنان اصرف لهم ويعرفون حزتها شنهي الديموقراطيه اللي يبونها...

انا من وجهة نظري يتم دمج ولاية العهد مع رئاسة الوزراء مثل قبل شحلونها وشزينا محد كان يصارخ ويقول حريه حريه جنه الحكومه هادمه بيته والا حاطته بسجن ابو زعبل :d

ههههه ضحكتيني .. يعني رئيس وزرائنا تفكيره إسلامي ماشاء الله ..


ثم لبنان مو مثل الكويت .. لأن نصف الشعب اللبناني أو الغالبيه مسيحيين ..

واهما اللي متحكمين بالبلد


والديمقراطيه إما تكون بطابع إسلامي وهذا اهو مطلبنا .. أو ديمقراطيه بطابع علماني ليبرالي عفن مانحتاجها ..

 

[غيدآء]

للاسف انج ماتعرفين انه اللي يطالبون برئيس الحكومه الشعبي الي تبينه تفكيرهم عفن على قولتج وليبرالين

ياليت تتطلعين على افكار اللي يطالبون لج قبل لا تهتفين وراهم بالحريه المسلوبه منكم

 

[soosooa]

الشعب الحمدلله مسلم واهو اللي بيده الإختيار ..

 

[غيدآء]

وهل الشعب تكتل احمد السعدون الليبرالي عزيزتي؟

التكتل الليبرالي لا يمثل الشعب ...فهو يمثل فئه

ولذلك لا يصح لفئه بمطالبة رئيس حكومه شعبي باسم الشعب...

 

[مطيرية متواضعة]

نسيت اشكر صاحبة الموضوع

مطيريه متواضعه الف شكر لاتاحة الفرصه لنا للتعبير عن آراء الشعب الكويتي الذي يطالب بحقوقه المسلوبه هههههههههههههه

هلاوغلا فدييتها المسلوبة حقوقها

قوليلي ياقلبي شنو سوالكم ناصر المحمد هد عليكم البيت وصرتوا مشردين بالشوارع

وصرتي من وانتي صغيرة ماعندكم شقف يظلكم من حر الشمس او المطر


غيدا ياحلوة لاتناقشينها مبين عليها توها مراهقة او اخوانها يدورون واسطات من النواب

وصايرين معارضة فكثرانة سوالفهم قدامها عن الحكومة الكويتية الظالمة الي حرمتها من كل شي


:krkrkr::krkrkr::krkrkr:




.
​

 

[شذى2007]

لالا ماصدق يصير بالدول كلها مظاهرات الاالكويت ليش جذيه شسالفه ولا الشيعه بدا دورهم بالكويت حسبي الله على اللي بيفكك وحدة الكويت

 

[قطــرات مطــر]

أحلى شي لما بوحمود علًق على ولاء عواد

الله يصلح حال الحكومه والمجلس

احترنا وياهم والله :eh_s(4):

ما أقول إلا الله يردك لنا بــ السلامه يابوناصر
ويحفظ الكويت من الفتن ماظهر منها ومابطن

 

[كادى الحب]

الكويت تستحق الافضل ارحل ياناصر المحمد

 

[sarah_]

المتظاهرين ما يتعدون ال 2000 شخص

والشعب الكويتي مليون

فهذه الفئه ما تمثل الشعب بأكمله

ما تمثل العشر حتى

فيكرمونا بسكوتهم وايد ابرك

وعليكم الحسبه شوفوا كم عدد الاشخاص الي يرفضون بقاء

المحمد وكم عدد الاشخاص يصرون على بقاءه

والرأي للاغلبيه

فوق هذا كله قرار اميرنا بوناصر الله يحفظه يمش على الكل

وناصر المحمد من اختيار ابونا بوناصر

واحنا سمعا وطاعه

 

[صرخات من القاع]

عن عائشة بنت سعد بن ابي وقاص ، عن ابيها رضي الله عنه انه دخل مع رسول الله صلى الله عليه و سلم على امراه وبين يديها نوى ، أو حصى تسبح به ، فقال : اخبرك بما هو ايسر عليك من هذا او افضل ؟ فقال : ( سبحان الله عد ما خلق في السماء ، سبحان الله عدد ما خلق في الارض ، سبحان الله عدد ما بين ذلك ، سبحان الله عدد ماهو خالق ، والله اكبر مثل ذلك ، و لا اله الا الله مثل ذلك و لا حول ولا قوة الا بالله مثل ذلك ) .
أفضل كلام قيل في هذا الموضوع شكرا لصاحبته وجعله في ميزان أعمالها

 

[وبعديين]

الى يقولون مو من حقنا نتظاهر واحد من اثنين

اما انهم فداويه يعني اهم شي معزبهم طال عمره

لو يلعب لعب بالبلد او يشوفون امنها مهدد

مايهمهم... اهم شي طويل العمر


او انهم سطحيين وتفكيرهم محدود

يعني تمشي لهم رواتب وعندهم بيوت على قولتهم

خلاااص

اشيبون اكثر من كذا ؟؟!!

للاسف ماعندهم خلفيه عن اي شي ثاني

مايفكرون ابعد من خشومهم الله يعينهم

..

والى يقولون احمدوا ربكم شوفوا اليمن ومصر والسودان

نقولهم بسكم تخلف

انتم شوفوا بريطانيا وكندا وسويسرا وامريكا واليابان

ليه ماتقارنون انفسكم بالدول المتقدمه

كل مالكم تتراجعون

هذي العقول المصديه ومن هم على شاكلتها

هم من خربو البلد وارجعوه الف خطوه للوراء

 

[جمانه وحنين]

الله يهديهم