بنات رجاء
اتمنى الكل يقرا ردي
وبعدها انتم وراحتكم
لـحـد يتكـلـم عن الجنسية
الجنسيه حق سيادي بـ يـد الأمير الله يطول بعمره
يعني مابي اسمع وحده تقول جنسو .. والثانيه تقول جايين من برا
الموضوع مو موضوع جنسية
ولا موضوع مظاهرات للأخت الي تتكلم عن قانون
الموضوع ان انا بشر ووراي حساب
وكلكم تعرفون قول الرسول صل الله عليه وسلم
(((((( وهل يكب الناس على وجوهم في النار الا حصائد ألسنتهم )))))
كلامي الي بقوله كل واحد قبل يتكلم بقناعاته ورغباته
يتذكر حق المسلم عل المسلم
تركو السياسه لأهلها
بس لاتظلمون بختكم وتقولون يستاهلون
أنا ماتكلم عن مظاهرات ولا أتابع كل هالمواضيع
أتكلم عن الانسان لا يرض الظلم على أخوه
أتكلم عن شهاد ميلاد ودوا وعقد زواج على سنة رسول الله
لا تعطونهم فلل وجناسي وفلوس .. ما اطالب بتحسين معيشتهم
لكن كل الي اقوله انا ما ارضى على نفسي أقول لفلان يستاهل ويسألني ربي عن هالكلمة يوم القيامه
وانا لا بيدي لا ربط ولا حل في هالموضوع
بسكم فتن وكلام ما انتو قده
رحمو الكويت رحمونا من الفتن والطائفية ولا تنجرون للدول المجاورة
الكويت طول عمرها على قلب واحد
كل من تربى بهالديرة يحبها
لاتقولون لي يبون جناسي مايبون جناسي
نقولون خل يطلعون وأنتم بايدكم تجيبون اخواننا المصريين والهنود
والبدون يرضون انهم يشتغلون بوظايف هنود ومصريين وتمنعونهم
ما كنت أحب أتدخل في هالمواضيع
بس شهادة حق عل لساني وكان لازم أقولها
الي يخليني اتكلم بحرقة كثرت المواضيع والمناقشات فهالمنتدى عن مواضيع تعور القلب
سنه شيعه حضر بدو بدون
بس رحمو الكويت
كلمه سمعتها من ناس بحرينين
قالو ماشاءالله ع الكويت أقعد بديوانية فيها وايد ناس
قسم بالله ما أقدر أميز بين أصل الواحد سني شيعي , واحنا عندنا يبين من اول ماتشوفه
قلت الحمدالله طول عمرنا ربع رفيجاتنا ماعمرنا فكرنا بمثل هالمواضيع بس الله يستر علينا من هالتأزيم
وتر الي يطلعون بتلفزيون ويصارخون ... لاتركضون وراهم ترى ما همهم الا مصالحهم الشخصية
ولو زينو لكم الكلام والحجي والظاهر
انتو تحبون الكويت أكثر منهم لأن ما وراكم مصالح
خلوكم مثل ما انتم ولا يأثر فيكم شقال فلان وشصرخ فلان
