معامله اهلي والفراغ العاطفي شسوي فيهم

[مزيونة الخبر]

امين يارب مشكورين يالبنات الي دعيتولي بس جد الحرمان وكلام الناس موجع حيل والفراغ العاطفي اوجع اكثرر لكن الحمد الله على كل حال

 

[مزيونة الخبر]

طيب بنات شسوي مع الولد الي كلة يطالعني بدوام انا اشتغل بمستشفى سكرتيرة بالادارة والمستشفيات اختلاط معاي واحد بدوام لة اربع شهور ماكلمني بس كلة يطالعني عيونه ماطيح على شسواة

 

[ناتشوو]

يامزيونة
ترى مو كل طيحة بتطلعين سالمة
ومو كل مرة بيستر ربي عليج
وسط اهلج معززة ومحشومة
ودوام ومعاش رغم قلة الوظايف عندكم
هذي نعمة
خليج محتشمة وماشية سيدة
الشباب عيونهم ع الخفيفة مو شرط الحلوة
واذا قصدج ممكن يكون حابج
يتعرف عن طريق الاهل
انت الحين نضجتي ووعيتي
لا تعيدين اغلاط الماضي
ادعي وتمني وتصدقي
بس ابتعدي عن الحرام والمعاصي
رزق الله يجي بطاعته

 

[عطاء أنثى]

الله يرزقج ان شالله

 

[مزيونة الخبر]

انا مادري شقول اخاف تفهمون كلامي غلط انا خلاص صرت كبيرة محتاجه رجال بحياتي يازواج او حب صايرة كلة ارد نفسي واقول صديقاتي العزابيات يقلون حبي وعيشي حياتج والمتزوجه الي نايمه بحضن زوجها تقول لا طيب انا منو يحس بالي بداخلى

 

[شب وحرمل]

لاحول ولاقوة الا بالله العلي العظيم عزيزتي مزيونة الخبر أولا هل سبق وتقدم لك خطاب وانتي رفضتي؟؟ ولا من الاساس محد طق الباب؟؟ ثانيا عزيزتي كثري طلعاتك للعروس والزوارات والأماكن الي تتواجد فيها الحريم لاتصيري منعزله وبس بالبيت واهم شئ صفي النيه والله يرزقك بالزوج الصالح الي يستاهلك وبالنسبه لأهلك ان ماكانو يعطونك مصاريف والحين يقولون لك عطينا انا برأيي عطيهم لكن بحدود ومو كل شهر عشان لايتعودون وربي يكون بعونك

 

[قآنون كيفكـ!!]

حبيبتي الله يرزقج يارب
اهلج مالج غناه عنهم حتى لو عطيتهم من معاشج اعتبرية رد لجزء من تعبهم عليج
يدتج اغلب العجايز جذي متى تتزوجين ماعليج
اللي معاج بدوام حبيبتي باقولج شي يبيج جاد بالزواج بيسال عن بيت ابوج
راعي بنات خرابيط وهذا الغالب طنشي ولاتحاجينه
رضى ربج اهم ورمضان ماباقي شي استغلية بالدعاء وتحري ليله القدر
اقري سورة البقرة كل يوم وكل يوم تصدقي لو ببطل ماي

 

[قآنون كيفكـ!!]

انا مادري شقول اخاف تفهمون كلامي غلط انا خلاص صرت كبيرة محتاجه رجال بحياتي يازواج او حب صايرة كلة ارد نفسي واقول صديقاتي العزابيات يقلون حبي وعيشي حياتج والمتزوجه الي نايمه بحضن زوجها تقول لا طيب انا منو يحس بالي بداخلى

بسالح سوال واحد فكري فية
شنو تالية كلمت حبي وعيشي حياتج
اكلم شاب اوكي سمعت كلام حلو اشبعت نفسي بس وبعدين بستمر شهر سنة سنتين
وانتي ماتبحثين عن هذا انتي تبين شي مستقر مو علاقة عابرة يمكن اهي اللي تمنع رزق ربي عنج تحاجين واحد وانواع مايغضب الله من حجي وغيرة ..
اللي يحس بداخلج الله فقط قوي علاقتج فية اكثر واكثر اسجدي وقولي اللي بخاطرج كلة
مايحتاج تصفصفين حجي وترتبين الله فاهمج ع طول وان شاء الله ربي يكتب لج اللي يرضيج
بس امشي بالسليم

 

[سبحآن الله"]

انا مادري شقول اخاف تفهمون كلامي غلط انا خلاص صرت كبيرة محتاجه رجال بحياتي يازواج او حب صايرة كلة ارد نفسي واقول صديقاتي العزابيات يقلون حبي وعيشي حياتج والمتزوجه الي نايمه بحضن زوجها تقول لا طيب انا منو يحس بالي بداخلى

ربي حآس بالي بداخلك .. وله حكمته بتأخير زواجك .. حتى لو تزوجتي ماراح يحس فيك زوجك الا لما ربي يشاء انه يحس فيك .. ربي معاك يمنع عنك شيء عشان يدبر لك الي احسن منه
( انا عند حسن ظن عبدي بي )

 

[مزيونة الخبر]

امين يارب الله يسمع منكم وماينتهي رمضان الا وانا متزوجه والله كل الناس تسالني مافي خطيب البنات بدوام ها ما جا عريس جاني اكتيئاب نفسي اقول شكلي خلاص ماراح اتزوج العمر كلة

 

[مزيونة الخبر]

ادعولي بزوج الصالح

 

[أحلى عروس 2012]

سوووورة البقرة على نية الزواج

 

[أحلى عروس 2012]

يااااربي يامزيونه ندور عليج نلقاج
في ركن العرايس
ياااارب
ونساعدج بالاجهاز بعد
بحق محمد وآل محمد

 

[مولاي الفرج]

نصيحه لاتحنين وتفكرين وايد بالزواج

كثري من الدعاء وصفي نيتج والله بيعطيج على قد نيتج

والعمر ماله شغل بالنصيب شنو ما الله كتب راح يصير

انا اعرف وحده تزوجت بال 45

وسمعت بوحده صارت حامل عقب 15 سنه زواج


منو كان يتوقع هالخير لهم ؟ محد .. بس رب العالمين يدري وكتب لهم بهالوقت

 

[صعبه]

الزواج مو كل شي بالدنيا ادري انه هلج يضايقونج بالكلام ومو بيدج

بس انتي لازم توقفينهم عند حدهم وتردين ماتسكتين وتسوين نفسج الضعيفه جداهم

ترا اغلب المتزوجات لما يتزوجون يتمنون يردون للعزوبية الزواج شي مو هين ومسؤولية
بالعكس دلعي نفسج وعيشي حياااتج واهتمي بنفسسج وانسي موضوع الزواج عدلي العيوب اللي فيج عشان تكونين جاهزه اذا يوج الخطاطيب

والله يرزقج الزوج الصالح

 

[مزيونة الخبر]

مشكوراااااات بنات

 

[وصوف]

الله يفرج هممممممممممك

 

[modern]

حياتي الله ما يتركك و تقربي له اكثر و ادعي له يعطيكي الزوج الصالح
و التفكير بالجنس وايد وحدة من اهم نتائج انتصار الغرائز و الميول عليكي
و نحنا بشر و ربي ميزنا عن باقي المخلوقات بالغقل لا بالفطرة و لا الغريزة

 

[al-musk]

من يتق الله يجعل له مخرجا ويرزقه من حيث لا يحتسب ..