معاناة البعض لمشكله جسديه و احساسه بالنقص (تم تغيير العنوان)

[puppet]

فلم يعرض على احدى قنوات التلفزيون

وانصدمت حيل انه مترجمين كل كلمة قالوها الممثلين

****

صلب الموضوع : رجل تدفع له النساء مقابل المتعة

women pay me to give them pleasure

***

النقطة الاساسية للفيلم : واحد يتصلون عليه الحريم ويعطونه عناوينهم مقابل مبلغ

الحريم هذول اما تكون وحدة كبيرة في السن او تعاني من طول زائد او جميلة جدا ولكن برجل مبتورة او تعاني من بدانة شديدة او عندها مرض النوم المفاجي او عندها نوع من التشجنات العصبية

***

مع نهاية الفيلم اقتنعت ان هذا واقع
وانا فتحت الموضوع مو علشان انتقد القناة او وقاحة الفيلم
فأرجو من المشاركة عدم الانحراف عن الهدف

ولكن عشان نسأل نفسنا :

ليش احنا البنات والشباب لما الواحد يعاني من مشكلة جسدية
هذي الشغلة تعرقل حياتنا وتخلينا نضيع من ايدنا فرص كثيرة في الحياة

هل هو ظلم الانسان لنفسه .. أو هو ظلم الناس الثانية

؟؟؟

.
.

انا برايي هذا بسبب ظلم الناس اللي من حوالينا

تم التعديل من قبل أمواج البحر

 

[نهى الأحمد]

رد: ديوس بيجالاو .. ميل جيكولوو

مشكوره حبيبتي على هذا الطرح
وحرصج على الجميع

(انا برايي هذا بسبب ظلم الناس اللي من حوالينا)

وانا وياج بهذا الرأي

تقبلي مروري

 

[noo7a]

رد: ديوس بيجالاو .. ميل جيكولوو

باختصار
اذا الانسان حب و اقتنع بنفسه راح يحبونه الي حوالينه

 

[اسوووره]

رد: ديوس بيجالاو .. ميل جيكولوو

اول شي ضعف الايمان برب العالمين ... و ثانيا عدم الثقه بالنفس ... و ثالثا نظرة المجتمع الدونيه ...

 

[gazl~q8]

رد: ديوس بيجالاو .. ميل جيكولوو

اول شي شنو العنوان مافهمته

وبعدين فوكس موفي اقذر قنااه لو اقولج شنو طلعوا ذاك اليوم تنصدمين <<طلعت شوي برا الموضوع..

وبالنسبه لموضوعج السبب الرئيسي اهو انعداام الثقه بالنفس ويطالع الناس الكاملين احسن منه عشان جذي مايقدر يطلع ويعيش

طبيعي عشان مايحس بالنقص وهذا شي غلط مفروض الانسان يحمد ربه عالنعمه الي هو فيها لو مهما كانت لان الله سبحانه له حكمه

بكل شي..

 

[puppet]

رد: ديوس بيجالاو .. ميل جيكولوو

شكرا على الردود

بس انا اخالف راي البنات اللي يقولون انه انعدام الثقة بالنفس او ضعف الايمان

لان انعدام الثقة سببه الناس نفسهم ، كثر السخرية وترديده على مسامع الشخص

يولد عنده حالة انفعال مالها علاقة بالايمان وغيره

لدرجه ممكن توصل أن الشخص هذا

عشان يحاول يكسب صداقة الناس يذل نفسه ويمكن يصرف فلوس عشان تظل العلاقة مستمرة

 

[Judy abbott]

رد: ديوس بيجالاو .. ميل جيكولوو

السبب الرئيسي المجتممممممممممع

النااس ما ترحم لا بلسانها ولا بنظرات عيونهاااا

خصوصا احنا بمجتمعنا ينظرون حق الاقل منهم بشوي ولا شي ونسو انه انساان

 

[dla3_princess]

رد: ديوس بيجالاو .. ميل جيكولوو

صغيره اشكرج لطرح المووضع الهادف بإذن الله

بس بقوول شي ترا صج قناة فوكس موفيز وااايد فيها اشيااء قذرة و مو مقطعه صج هالقناة بلوى !!

المهم بالنسبه لنقطة الرئيسيه :

في واااايد اسباب بس اهمها بوجهة نظري :

- ضعف الثقه بالله و ثم ضعف الثقه بالنفس ( يعني احيانا الواحد اتييله مصيبه او مشكله صارتله ابتلاء فيفقد الامل

و بالتالي تضعف ثقته بنفسه و يحس بيأس شديد .. عشان جذي الدين رحمه لأنه كله امل و يقين و توكل و يعينج ان تصبرين)

- ثاني شي المجتمع له نظرات احيانا تكون قاسيه يعني يتعاطفون مع الشخص الضعيف لكن بنفس الوقت يتجنبون ان يحتكون فيه!!!

تحسين ان في ظلم وااايد بالمجتمع للأسف ..

عشان جذي هذووله الناس المساكين ان استسلموا و فقدوا الامل و الثقه تلقينهم بينعزلون ويتعاملون

مع الامور بهالطريقه للأسف !

الحمدلله على نعمة الدين و على نعمه الفهم و العقل .. الله لا يبلانا بمصيبه ما نقدر نصبر عليها يارب..


و مشكوووووووورة قلبي

 

[GoLdeN~$~LaDy]

رد: ديوس بيجالاو .. ميل جيكولوو

لأ مو انعدام ثقه بالنفس ولا قلة ايمان

هذا مجتمعنا اللي مايرحم

وهمه اهناك كثرنا 10 مرات لا يغرج اعلامهم وكثرة منظماتهم الإنسانيه

لو ماعنهم هالظاهرة (وانا ما اسميها مشكله لأنها عندهم ظاهرة)

جان ماشفتي كل يوم والثاني مطلعين لنا منظمه شكل!!!

الحل ان الواحد يتقي ربه ويحط نفسه مكان صاحب الإبتلاء

ويحمد ربه اللي رحم حاله وماصار مثلهم

لأن هو ماله فضل بالموضوع

هذا فضل الله يؤتيه من يشاء والله ذو الفضل العظيم

والله يهدي الجميع ويخلون عنهم هالسوالف

 

[puppet]

رد: ديوس بيجالاو .. ميل جيكولوو

شكرا جزيلا للمتبقي من الردود

نعم .. هو ظلم المجتمع !! ..

 

[روحها لكويت]

رد: ديوس بيجالاو .. ميل جيكولوو

هذا ظلم الناس للناس
أعرف وحده قرعه وتزوجت واحد وعايشه معاه بسعاده ولكن الأهل كل ما شافوها قالولها تقعدين مع ريلج جذي لبسي على شعرج شيء هم شعليهم

 

[[[ عيون جابر ]]]

رد: ديوس بيجالاو .. ميل جيكولوو

السبب الرئيسي اهو انعدام الثقه بالنفس
مشكوره على طرح الموضوع حياتي

 

[shaikhat elbnat]

الاثنين مع بعض
احساس الانسان انه اهوا فيه شي ناقص عن غيره .. انه ما يقدر يزاول اعمال غيره يقدر يزاولها .. انه شكله مو مثل شكل الباجي .. انه فيه عاهه ... الخ هالامور اتولد لدى الشخص احساس بالنقص ممكن يقود عالى نقص او انعدام الثقه بالنفس .. كل واحد و شخصيته .. في منهم يحافظ على ثقته و يؤمن ان الله عطاه اضعاف ما اخذ منه .. و في منهم يتحبط

و الشي الثاني .. نظره الناس .. اما تكون نظره عطف اتحسسه انه مو طبيعي او نظره في استغراب و تعجب او نظره سخريه والحمدالله على كل حال

 

[يمة يادلبي]

يمكـن في ناااس اتكون عندهم مشكلة بجسـمهم واتكون مو عاجبتهم بس حياتهم اتكون طبييييعية وهذا يتوقف على الناس الي حواليها إذا فهموها ان هالشي عادي وإن كل واحد فينا الله ماخلقه كامل وفيييه عيب وهالشي مو سبب ان احنا نوقف حياتنا فـ ماراح تتأثر وايد بس إذا عالطالع ـة والنازلة قعدوا يعايرون بهالشي اكيد راح يأثر هالشي سلبا عليهممم

وانا عندي مشكلة فيني والي اهي القصر الزايد وووايد اكره نفسي مرات بسبتها بسسسسس شسوي لا زعلت واكتأبت بصير طويلة لا ؟ فالحمدالله متعايشة مع هالوضضضع واطلع واروح واييي ووواثقة من نفسييي ومالي شغل بتعليقات فلان وعلان وخلاص الحياة سعيدة :$

 

[المـــــها]

أنا أعتقد إن اللي عنده مشكلة جسدية أو مرض أو غيره ... لازم أول شي يعرف إنه إنسان حاله حال باقي الناس ...
لازم يقدر نفسه بالأول و ما يقلل من شأنه أو يتنازل عن أي شي بسبب العيب اللي فيه ..