معاناتي مع الخدامـه حق البيبي إن شاءالله

[مشتطـه]

السلام عليكم


بنات انا حالتي النفسيه اليوم تعبانه
وقالولي عادي الحمل يخليج تعتفسين وكل شي نقطه عالحمل


آنـا حاليآ بالسادس

وقاعده أفكر حيل بالخدامه لان ابيها مبجر شقتي كبيرة ومالي خلق اتعب نفسي

الله يسلمكم

السالفه وما فيها


ان امي تحن علي ييبي فلبينيه

ورفيجاتي ثنتين ما مدحو الفلبينيه للياهل

واانا ودي فلبينيه عشانها نظيفه


بس ريلي مايبي يقول فصّع وكلهم رايحين فيها


وخالتي نفس الطريقة رفضت نييب غير السيلانية
لان خدامتي بتنام عندهم تحت واهي خدمها سلانيات

وانا ماعندي غرفة خدامه عندي غرفتين بشقتي غير غرفتي
بس مابيها عندي
باخذ راحتي مع ريلي خصوصا اننا ماكملنا السنة زواج

تونا صغار وبنستانس قبل الحكره


رضيت بالامر الواقع ما الوم خالتي ماتبي مشاكل


امي ردت تحن ييبي هندية أحسن

وانا عندي ماتفرق


المهم بلا طواله

انا اليوم رحت طلبت لي سيلانية عمرها 43 مشتغله سنتين اول بالكويت


طبعآ شفت ثنتين وحده 30 والثانية 43


قلت لريلي ابي ام 30

رفض

قال مانبي صغييييييييييييييره غبيه انتي ويسويلي فلم


الا يبيها كبيره

وامي تقول اخذيها بالعشرينات احسن وافتكي من الكبيرة


وانا حيل احاتي شوي وابجي ان مالتي كبيرة 43


حطيت الموضوع ابيكم تكلموني عن الخدم واليهال


شلون مالتي كبيرة على ياهل ؟ والا احسن من الصغيرة ومنو جربت مثلي
وهل السيلانية تصلح لياهل

؟

وفيدوني حدي صاكه فيني الدنيا ما ابي مجاملات عفيا

 

[! بــدويه وآآيــد !]

،


حبيبتي مشتطه لاتضايقين عمرج ولا شي
اول شي لاتزعلين مني محد له شغل يتحكم بالجنسيه الي تجيبينها مادري شدخل خالتج ولاتزعلين مني:/ اول مره اسمع خاله تتحكم بجنسية خدامة مرت ولدها

المهم زوجج صاج الفلبن وصخااااااات حيل حيل حيل بس يفكرون بالرجال بس نظيفااات

انا الي اعرفه الهنديات مايحقدون السيلانيه يقولون حقوود وبالنهايه الخدامه حظ نصيب

 

[مشتطـه]

بدوية وايد اول شي منورة موضوعي حييييييييل فديتج


خالتي حرام صج مالها شغل بس هم من حقها تختار لان خدامتي بتنام تحت عند خدمها !


لو انها بتنام عندي فوق قلنا اوكي مالها أي دخل فيني بس ما الومها صراحه


اي صح انا سمعت جذي ان الهنديه احسن بس مادري ما يبون وريلي قفلت معاه

 

[janoona]

حبيبتي طالما ريلج مايبي ماكو فايده من الحجي الهنود انظف و اسنع من السيلانيات وقلوبهم رحيمه بس يقولون الهنود اختربوا بعد هذول هنود قبل الحين كلهم صاروا نفس الشي وانا للامانه ماجربتهم كله فلبينيات انظف و يفهمون حق اليهال معنه فيهم اغبيه ويعلون القلب مثل الاي عندي الحين بس الشي الزين انج طلبتي كبيره تكون اتكن ومويايه حق خرابيط وترا كل الخدم بكل الجناسي حظ وان شاء الله الله يقطج بوحده زينه تريح قلبج وتساعدج

 

[shak!shoka]

نفسسسسسج بالظبط بس انا عروستي للحين ما وصلت اففف

كنت ابي فلبينيه و امي بعد ما تأيد الا فلبينيه

و ريلي و خالتي يبون هنديه

طلبتها و من تجارب معارفي الهنديه احسن شي حق الياهل تتحمل و تتحمل الكراف


الله يستر و توصل خدامتي قبل لا اولد
والله العظيم اليوم ابجي من التعب و طول ابيوم هاذي ببالي
بس اناي ارحم مني
اتا عند ولدي سنه و نص شااااااق القاع

 

[kuwaitya_zoGaa]

up up up

 

[ruby13]

انا اختي يابت سيلانيه حق عيالها مشتغله بالاردن و الامارات وتتكلم فرنسي وايطالي وانجليزي وفلته حدها بس سبحان الله انا مارتحت لها فيها شي مايريح المهم اهي اتنام مع الخدم والخدم من باجر اشوفهم تحت عيونهم هلات سود اقولهم شفيكم اقولون مرضه ثاني يوم نفس الحاله ثالث يوم هاااه شالسالفه روحو الطبيب ولا السالفه طلعت كبيره اثاري السيلانيه ملبوسه ولما اتنام اتكلم اصوت ريال والخدم متصروعين وموقادرين انامون من الخوف وخايفين اقولون لنا احنى انقول انهم محترين منها اشوه اللي الله فكنا منها واشوه انه اختي ماخلتها اتنام ويا عيالها جان تعقدو ابعيشتهم ديرو بالكم من الخدم وخصوصا اذا حق ياهل انا عندي فلبينيه بالنظافه اوكي نظيفه بس حق ياهل اتنرفز منها بااااااااااااااااااااااااااااااارررررررررررررررررررررررررررررررررددددددددددددددددددددددددددددددددددههههههههههههه اتنرفز وعيونها طايره بغراظ البيبي وكلشي مصيبه اتلاحظه مايطوفهم شي انا عن نفسي افضل هنديه حق ياهل معنه هم الاثيوبيات زينين قلوبهم نفس الهنود بس مثل ماقالو البنات الخدم حظ كل وحده وحظها

 

[المسكـ]

شوفي ياقلبي انا اول حياتي يبت اندونيسيه طبعا تينن وتهبل حق البيبي وتطبخ ماشالله عليها وحتى بنفاسي خليتها عند خالتي لاني كنت ساكنه عندهم تطبخ لهم اتسوي كللللللشي وطبعا ولدي بعهدها صار متبتب من كثر ماتدعس ببطنه اكل لوول واتحبه وتلعب معاه طبعا بتسالوني انتي وينج ؟؟ بقولكم انا بالجامعه من الصبح لي 5 وايييي هلكاااااااااااااااانه مالي خلق نفسي الذبانه اذا مرت على خشمي اتهاوش معاها خخخخخخخخخخخ
المهم بعدين صارت سالفه وباقت فلوس من عمي وسفرناها

بعدين يبت اثيوبيه >>>>>>>>>> ووووووووووووووووععععععععععععععععععع ماستحملت ريحتها كللللللللش مع اني شريت لها ديودرنت وعطورات وملابس تمت جم شهر ووديتها الله ياخذها عليها ريحه اتبط الراس تخلي الكاااااااااااافر يسلم بس طبعا غبيه ماتعرف تتصرف مع البيبي بس مخلينها حق التنظيف

بعدين يبت فلبينيه طبعا شفت الويل منها ماخلت احد من اهلنا ماتحرشت فيه كانت تتحرش بخواني وريلي وماخلت لووول بس مع هذا نظيفه جدا جدا جدا جدا ادش الغرفه القاها تلللللللللمع الكبت ايييييييييينن الملابس كلهم مسفطه كبر بعض بس خلصت سنتين وشوي وراحت تبي اتعرس
طبعا كل ما اصيد عندها تلفون اخذه والله مادري من وين اتييبهم

وبعدها طلبت هنديه وياليتني ماااااااااااااااااطلبتها الله ياخذها طلعت عيييييييييييييني وصخه وصخه ولساااااااااااااانهااااااااااااا شطووله وكل شي مو عاجبها وفوق هذا صوتها عاااااااااااالي كل ما بنام اخترع من صوتها عبالي ولدي فيه شي وبس اتصررررررررررخ الشقه صغيره والصوت كله بداري ويوم قتلها وينج عن الولد ماتشوفينه شيسوي كان معفس غرفة ابوي لوووول عاد جان اتقول انا شسويله انا عندي 4 مو مثله هذا وايد يتحرك وانتوا يوم طلبتوني ماااقلتولي عندكم ياهل >> عيل بالله يابنت اللذين يايه شتسوين ؟؟؟؟؟؟؟؟؟؟؟؟ طباخ انا اطبخ غساله انا احط وانا وراي دوام يعني يصير اجابل الولد 24 ساعه والشقه كلهما 3 غرف وصاله وحمامين واللي نستخدمهم غرفة نومي وغرفة ولدي وحمامي والباجي تنظيف بالاسبوع مره لان محد يدشهم
وجاااااااااان اعصب عليها فوق شينها طوووووووووووووووووول لسانها عاد انا اتحمل كل شي الا اللسان والشغل الوصخ
وبنات كله قااطه حجابها ووييع وشعرها يطيح بكل مكان
وديتها

وتميت شهرين بدون خدامه ومليت وقمت ابجي من الشغل جان اييبلي اثيوبيه غبيييييييييييييييييييييييييييييييييييييييييييييييييييييييييه لابعد الحدود بس شسوي مستحملتها عشان تنظف بس عالاقل

والحين طالبه فلبينيه والله يستر توصل ولا لا



الخلاصه

فلبينيه كبيره وايد احسن لج من سيلانيه حقوده ولا هنديه ام لسان طويل وفوق هذا تبي تطلع جتي وتبي اتشوف اخوووها من الكويت والخ
وانا ماطلب ابدااااااااااا لو شنو يصير ما اطلب خدامه طابه الكويت وعارفه كل شي فيها
وبعد انا نوعي امسك على الخدم معاشين ؟؟؟ ليييش ؟؟؟؟ عشان حبايبي اذا انحاشت اتشوف ورا اذوونها ان شافت معاشاتها
وبعد ابداااااااااا ما اكون علاقه معاهم ولا اسولف ولا اخذ واعطي بس اتسوي لي اللي ابيه ومع السلامه عشان لا تتيرع
وابدا ماخلي ولدي بروحه معاها لازم عالاقل واحد من اخواني ولا يدتي ولا عمي ولا حماي يكون بالبيت وكل مكان اخذه واذا عندي مكان نسائي اخلي ابوه يجابله شوي وهذي نادر ماتصير لو مهما اتكون الخدامه زينه جدامج مع الياهل ماراح اتكون زينه من وراه احنا اهلهم ساعات انمل من عيالنا ونزفهم ونطقهم فمابالج الخدم ؟


ااف قررقت واااااااايد
اتمنى تستفيدين من قرقتي

 

[tbola]

البنات كفووو وووفووو وعلى قولتهم الخط نصييب

 

[Judy . abbot]

واااااي انتو جذي وهقتوني زياااده

كنت حاطه امل على السيلانيه وطلعت حقوده
والفلبينيه بارده
والهنديه لسان طويل معني يقولون زينين مادري يمكن حظ ولا الهنود تغيرو هههههه
الاشيوبيات طناقر او وصخين واغبيه وبرود
والاندونسيات شياطين وسحره معنهم نظااف وشقردين وهم انقطعو

شبقى ؟؟؟!

 

[جذابه بنت ذيابه]

يا قلبي انتي الفلبينيات اغلبهم مو زينات

وافصل لج هنديه للبيبي بس تكون صغيره مالتج كبيره حيل بس ان شاء الله تكون زينه

 

[c a t w o m a n]

الخدم ورقة يانصيب إنتي و حظج شنو يطلعلج هذا أول شي

بالنسبة حق الجنسية أنا ما أحب الفلبن فيهم إجرام يكافي الشر ومفتحين باللبن غير عن الباجي لكن من ناحية نظافة ماعليهم كلام

بالنسبة للعمر إذا تبين وحده حنونة ييبي وحده عندها عيال تصير أحن عالياهل بس خوفج كل شوي تبجبج تحاتي عيالها وتبي تروح ومشاكل مع ريلها

و إذا خالتج تحاتي شغالة تخرب شغالة بالعكس لا تيبين سيلانية يبي من جنسية مختلفة السيلانية مع السيلانية يصير إتفاقهم أسهل ما تدرين شنو يدور بينهم لي يبتي وحدة غير يحتاطون لأن حجيهم يصير بالعربي قبالج خصوصا إهي مشتغله عن عايلة قبل وبالكويت يعني تقارنلج بين اهني واهناك

عموما مع كل هذا هم إنتي وحظج بس الواحد يسوي إيللي عيه و يحتاط

والله يسخرلج خدم حقج وانشالله كل وحده تدش بيتج يكون قلبها وعينها نظيفين ولا الشغل إذا ما ضبطته تعيده مرة ومرتين وعشر أهم شي تكون إهي سنعة

 

[miss_Ba6oOo6a]

خلج علا فلبينيه بس صغيره واول مره بس طقوس ولحد يحاجيهم وكل شي يعرفون فصع لوول
والهنديه ابرك حنونه
السيلانيه انحاشي لسان ووصاخه
والله الثيوبيات حلوين انا عندي وحده وااايد زينه تهبل ونظيفه وتموت ببنتي
ووايد طالبين من اهلنا زينين
اهم شي اول مرة تطب الكويت العمر او اكثر من ٣٥ لان مالها مقاقه ركض وره الياهل حلاته اخر العشرينات من ٢٧ وعندها ياهل عشان تحن عليه
او يديده انتي علميها وتاكدي انها تعرف للبيبي لا توهقج ولا تطلبينها واخر شي تقول مابي بيبي

 

[" ام حمود "]

انا اشوف الفلبينات وصخات وصخاات ..
انا عندي سيلانية بصراحة حنونه ع اليهال وتحبهم وتخاف عليهم
حتى اذا كبيرره عادي .. وبعدين ام ريلج مالها دخل تتحكم هالشيء
انتي تتحكمين فيها لانه انتي راح تجابلينها 24 ساعه
مو خالتج ....

 

[:: Diva ::]

الفلبينيه مو شي مع الياهل الصغير بس تمام مع الي يتكلم و يقول لج فلانه طقتني و لا عورتني لان ايدهم طويله
الهنديه حنونه بس تتدلع !!
تبجي و تتحسس و كل شوي بسافر و بروح بس بالمقابل ولدج معاها و انتي مرتاحه قليل منهم الي تمد ايدها على ياهل
السيلانيه ما احبها وصخه و بواقه و فوق هذا مو على الياهل
الاثيوبيه كلش مو حق اليهال

باجي عندج النيباليه ما ادري عنها ما جربتها
بس يقولون مثل الهنود و الله أعلم


طبعا انا ما اعمم
ممكن تلاقين فلبينيه احن من احن هنديه ماله شغل
الخدامه صايره مثل الرقيه !!!!

 

[مشتطـه]

ممممممممممم


شكرآ على تفاعلكم بنات

 

[camilia]

لا حول الله
مهما كانت ظروفج اختي
ترا اليهال أمانة برقابنا
ليش تبين خدامة تجابل ولدج؟!!!
خليها حق تنظيف مواعين وتكرمين حمامات وغرف
بس مجابل يهال لاااا شكووو
المهم دامج طلبتي وخلصتي ويايه تسألينا عن راينا
انا افضل الفلبينية
لانهم انظف الموجودين
سيلانيات وهنود وساااااخة
خدم امي يا هنود يا من سيلان
وساااخه شوية عليهم
ومن قال حنونين؟ ترا يمدون ايدهم عاليهال وربي
طبعهم حاار ويطقون
ولا تتوقعين من وحدة غريبة بيكون قلبها امية بالامية على طفلج
فلاتلومينها اذا أذته وطقته!!!
وانتي الله يهداك طلبتي وحدة عووده
يعني صبر مااكو
بعدين انتي ملزومة تسمعين كلام ام ريلج لانج بتنومين الخادمة تحت ببيتها ومن حقها تقول مابي فلبن
فانشالله اللي طلبتيها تبرد جبدج بس حاولي ماتحطين البيبي وايد عندها حراام

 

[انسام الكويت]

الخدم انتي وحظج يا تييج وحده زينه والله وحده اللهم ياكافي جدامج زينه

ومن وراج تسوي بلاوي انا ماجربت غير السيلانيه يبتلي وحده كبيره 44 سنه

قمه الخباثه والتمثيل والحمدالله انه اهلي اكشفوها سفرتها عساها ماترجع

جدامي يعني تحب بنتي وزينه ولمن انبها على اي شغله او غلطت تبجي انها غلطت

واطوف عقب صارت ملعونه ترفع صوتها وتبي تجعم فيني وانا ابلع العافيه عشان بنتي عندها

لدرجه لمن مرضت بنتي كانت تبجي ياربي مبدعه بالتمثيل وبعد ماسفرتها انصدمت من خدامة

اهلي تقولي انه ماتوكل البيبي وانها اطقها ومالها خل للشغل تبي بس تقعد بمكانها وتاكل مالها مزاج مجابل

للياهل والحين افتكيت منها وبعدين ماله شغل بالجنسيه الشي يعتمد على انتي وحظج ويا اللي تييج ومعروف

اغلب الخدم الكبار مايبون يهال مالهم خلق للصياح والعباله وتلقينهم مفتكين من هم عيالهم هالدور يهال غيرهم

الكبار يبون تنظيف وطبخ وباجي الوقت اطقها سوالف وقرقره ويا باجي الخدم

بس نصيحه لمن تيي خدامتج اليديده لاتأمنين للياهل لها حتى لو قدامج تسوي انها زينه بس مايندرا بالخافي

ولمن تحطين الياهل عندها قولي انا بروح اتسبح وبعد 20 دقيقه او اكثر روحي شوي شوي وطلي عليها وشوفي

شتسوي للبيبي عشان تصدينها اذا هي زينه راح تشوفين شلون تعامل الياهل من وراج واذا موزينه راح تعرفين

ومنها ترتاحين وتطمنين اكثر

 

[نكهةالبرتقال]

و الله احنا ما نقدر نحكم اذا الخدامة زينة و لا شينة

هذا بيد الله
انتي تبذلين الأسباب و التوفيق من الله

 

[Melazlaza]

ولا وحدة
للأسف هذا رأيي ويمكن ما يعجب وايد ناس
بس ما مرت علي خدامة من مختلف الجنسيات تنفع للبيبي
اهلي
اهل زوجي
رفيجاتي
رفيجات خواتي
كل الي اعرفهم صارلتهم مواقف مع الخدم وعيالهم
تلاقيها تمدح بالخدامة وان صارلها سنين وتموت عالبيبي وفجأة تكتشف انها تطقه او تغتصبه او تعذبه نفسيا
سوووري كلامي يخرع بس هذا الصج
اذا تبين خدامة تساعدج بشغل البيت فعادي اي جنسية ممكن تنفع لانها تمشي على نظامج بالتنظيف بس حق طفل ولا وحدة بتصير مثل ماتبين