معاناتي مع القشره

[Nono AlBahrain]

السلام عليكم بنوتات اخباركم علومكم؟



سنين وانا اعاني من القشره و بعد استعمالي لبعض الخلطات و الحنه و السدر الحمدلله
راح
لكن من بعد ما تركت الخلطات بفتره رد رجع لكن باكثر من قبل..صار يطلع لي قرحات و حكه مووووووو طبيعيه والله من الحكه ودي اقطع شعري ولو الود ودي اقرع مره وحده من القهر :eh_s(16):

تعبت من المشفيات دايم يعطوني نفس الدواء ولا يسوي شي

طلبتكم تساعدوني فديتكم الي تعرف شي يساعدني اتخلص من القشره تنورني
الله يوفقك و ييسر لكل من يساعدني او يرفع موضوعي
:eh_s(7):


وكل من يقرى موضوعي لا يحرمني من دعائه (جزاك الله خير )

 

[Killer^Girl]

جربتي شامبو Vichy الاخضر ؟
وايد زين

 

[Nono AlBahrain]

تسلمين يا قلبي
لا ما جربته
وين احصله هذا ؟

 

[N3n3]

فيه شيء تحطينه بشعرك ويخفف القشره بشعرك
تلاقينه بالصيدليه لون علبته ابيض واصفر؟؟
أنا جربته وخف شعري من القشره ..
جربي وشوفي

 

[Nono AlBahrain]

مشكوووره n3n3 على المساعده
بدور بالصيدليه و بسال و ان شاءالله احصله

 

[Alesar]

حبيببتي الحل ما راح تلاقينه بالشامبو او الانبولات بالعكس الشامبو راح ينشف الشعر والانبولات يوم تهدينها راح ترد القشرة الواضح ان المشكلة عندك متأزمة انصحك تاخذين
ماسك للقشرة تسوينه مرة او مرتين بالاسبوغ وممكن تبدين بمرتين ويوم تخف شوي شوي وبعدها لازم تستخدمي نقاط علشان تحمي الفروة وتمنع تكون البكتيريا الي بتسبب القشرة مرة ثانية
اتمنى اني اكون افتدك بمعلومتي

 

[sul6ana]

اعتقد غير خلطات السدر والحنا ماينفع

لانه فيج تقرحات والشي الطبيعي انفع وآآمن

الله يشافيج يارب وتروح القشره النحيسه من شعرج << سهرانه وفاصله

 

[Nono AlBahrain]

Alesar

مشكوووره حبيبتي

sul6ana

هههههه تسلمين يا قلبي

 

[Miss Cherry]

روحي طبيب جلديه اذا فروة شعرج متحسسه لا تحطين عليها شي

بس الحنه والسدر زين ما يضر


انا قبل فترة استعملت ريجين بخاخ للشعر وطلع قشرة وشعري قام يحكني عاد قالت لي وحده عن الخل او الليمون انا استعملت الخل مخففته بماي من اول مره راحت القشرة وفيه بالمستوصف شامبو جنه لونه ازرق يهبل للقشرة

 

[Nono AlBahrain]

Miss Cherry
تسلمين غلاتي

 

[موج-البحر]

انصحج بشامبو غارنييه ضد القشرة اخوي مجربه

 

[q8ia7]

لا تقطعين السدر او الحنه ..

يعني حاولي بالشهر مرتين .. او بالشهر مره

تريح فروة الراس .. وتنظفه عدل ..

صدقيني الشامبوات ماتنفع وحتى اذا نفعت فتره شعرج يتعود عليها ومع الوقت ماتفيد

فلازم حنه او سدر ..

 

[om deaj]

لا تقطعين السدر او الحنه ..

يعني حاولي بالشهر مرتين .. او بالشهر مره

تريح فروة الراس .. وتنظفه عدل ..

صدقيني الشامبوات ماتنفع وحتى اذا نفعت فتره شعرج يتعود عليها ومع الوقت ماتفيد

فلازم حنه او سدر ..

وجربي هالشامبو وبتدعيلي

ونصيحة انا راحت مني
وحاليا استخدم شامبو كلير بالليمون

بس اذا عرقت فروت راسي او كانت مبلولة تدرلي
فانتي فلي شعرج وخليها تنشف لا تقمتين فوة راسج لازم تتنفس

 

[*فرحة عمري*]

اب اب

 

[Nono AlBahrain]

موج-البحر
q8ia7
noni103

تسلموووووون يا قلبي على المساعده
والله من هالاسبوع بديت برنامج حق الحنه و السدر وان شاءالله ينفع معاي


يارب سخرلي زوجي
مشكوووره يا روحي على الرفع

 

[كايدة العذال]

فييييه خل التفااااح اللي من عند الدانوووووووووب
مرررة رهيييييييب يقطعها

 

[ladylazydazy]

شامبو نيزورال .. انا يوم انقطع من الكويت قمت اطلبه من امريكا ما استغني عنه للقشرة والا تنتفني تلاقينه في الصيدليات اشوه ردوا يابوا منه وما تشوفين شر ..

 

[حلوه ولمآحه]

غسليه بسفن آب،،
وبعدين بشآمبو
وحآولي تبعدين عن الزيوت هي الي تيب القشره اذا طولت يوم ولا يومين
خليها بس ساعين وغسليهآ

 

[أم لطووف]

حبوبه لازم دكتور جلديه يشوفج بالاول ويوصفلج العلاج المناسب..
أنا نفس معاناتج وربي من الضيجه ساعات ودي أقرع موس مره وحده من لوعة الجبد والحكه..
وبالاخير طلع إلي فيني صدفيه مو قشره وفروة راسي حدهاااااااا حساسه..
عطاني الدكتور كذا علاج ولله الحمد شعري الحين وايد أحسن من قبل وأستخدم شامبو من الصيدليه ماشيه عليه هم وايد زين ما شاء الله أسمه يونيل تي وهذي صورته

 

[Nono AlBahrain]

يعطيكم العافيه حبايبي و مشكوووورييين

والله فدتونييي كثيييييير الله يوفقكم و يشفي كل مريض يارب و يعطيكم الصحه و العافيه