معرض الكتاب موجود خلونا نستفيد منه

[عالمي المجنون]

مساء الخير يا متزوجات

بما اني بفترة ملجة حبيت استفيد انا والعرايس اليدد منكم او البنوتات الي ع وشك الزواج

يعني في منا اول بنت تتزوج بعايلتها او ماعندها احد يعلمها ع الحياة اليديدة فحبيت تقترحون لنا كتب

تقدر تفيدنا في حياتنا الزوجية خصوصا ان الحين معرض الكتاب مفتوح

وسلامتكم بانتظار اقتراحاتكم الي استفدتوا منها وراح نستفيد منها ان شاءالله:eh_s(8):

 

[عادت ذكرياتي]

آنا رفيجتي كانت شارية كتاب :
عسليات زوجية حلو وايد تقول استفادت منه
وعندج كتاب أصول المعاشرة الزوجية
وأذكر اشكثر كتب شرتها حلوة بس السنة اللي فاتت
ربي يوفقج

 

[bent_7awa]

رد : معرض الكتاب موجود خلونا نستفيد منه

صـآآجه ..

أحلـى شي القرآآءة .. حدها ونيسه ومفيده .. وتعتبر سلآآآح معرفـه للـ بني آدم ..

من فتره كتبت لي جم اسم كتـآب قلت أول مآ يتبطل المعرض بروح واشتريهم ..

بس ضآعت الورقه !!



البركه بالبنات خل نستفيد من أسامي الكتب اللي بيشترونها ..

 

[لمسه حزن]

رد : معرض الكتاب موجود خلونا نستفيد منه

صج انا مو متزوجه بس في كتاب

قريته وايد مفيد

اسمه

الرجال من المريخ و النساء من الزهره

 

[bent_7awa]

رد : معرض الكتاب موجود خلونا نستفيد منه

سوري توني اقرا مره 2 وعرفت انج محتاجه كتب عن الحيآة الزوجية
انا مآ كنت أقصد كتب الزوجيهـ ! I'm Sorry

 

[عادت ذكرياتي]

ئي صح كتاب رجال منالمريخ ونساء من الزهرة دكتورنا امدحه لنا مثل ما اذكرته الاخت
قال كل وحدة مقبلة عالزواج أنصحها بهالكتاب فيه طريقة التعامل مع الزوج ...إلخ

 

[عالمي المجنون]

smiling

مشكورة حبيبتي ماتقصرين

بنت حوا

عادي حبوبة

المهم كتاب نستفيد منه بالحياة عامة

وبالحياة الزوجية خاصة

يعطيج العافية

لمسة حزن

اي هالكتاب حاطته باللسترة

مشكورين خواتي

 

[fdeet_shosho]

امم عندج كتب واجد
رجال من المريخ ونساء من الزهره
كتاب رومانسيات زوجيه اجزاءة واجد حلو ومفيد
كتاب تحفه العروس حلو ومفيد
فى كتاب انجليزي اذا لقيتي مترجم يكون افضل اسمه 77 سر لتجعلى زوجك يعشقك يطاردك ويرتبط بك

 

[الأميرة جوري]

رد : معرض الكتاب موجود خلونا نستفيد منه

رجال من المريخ ونساء من الزهره
كتاب رومانسيات زوجيه اجزاءة واجد حلو ومفيد
كتاب تحفه العروس حلو ومفيد

كنت بقولج هالكتب .........ووضيفي عليها اسميه مريح ومهدى النفس طبعا مو عن الزواج بس يشرح الصدر يمكن تعرفينه (لاتحزن) لدكتور /عايض القرني عجيب

 

[هنـــــد]

رد : معرض الكتاب موجود خلونا نستفيد منه





كتاب تحفة العروس
يهبّل ومنه تتعلم البنت كيفيه الطهارة عقب الجماع
عشان الصلاة .. ويعلمها آداب التعامل مع زوجها أول الأيام

وموفقين كلياتكن

 

[سيدة الذوق]

فن الاتيكيت .. شي مو طبيعي

تو رفيجتي شاريته وتمدحه

 

[Tom ♥ Jerry]

.

وآيد كتب روحي و رآح تحتآرين بعد (= !
موفقه آن شاء الله



.