معقولة ما سمعتوا عن رجيم شوربة الملفوف 7 كيلو بالأسبوع

[الزمن ماله أمان]

هاذي شورية السلري

انا مرة جربتها صج عجييييبة

و الله يعطييييييييييج الف الف عافية لاني داشه المنتدى علشانها و انتي وفرتي علي

هلا مرحبا فيج يا ذكريات الله يعافيج وانا سعيدة اني قدرت أوصل معلومة تفيدج ونورتي والله

 

[الزمن ماله أمان]

انا بعد جربتها بس بدون الرجيم الى معاها .. يعنى كنت اشربها كل ما احس بجوع وما كنت حاطه سلرى كنت حاطه بقدونس عااادى نزلت 1ونصف فى اسبوع بس ما كملت مليييييييت واشتقت لحبيبي الكاكاو ....وخربت الدنيا عسانى العافيه ...

حياج الله وانا بعد نفسج الككاو عدو الرجيم اللي أسويه ما أقدر استغنى عن شي اسمه ككاو

 

[الزمن ماله أمان]

عاد هالشوربه صج لذيذه احبها

بس شنو علبه الى علبتين معجون طماط وااااااااااااااااااايد

انا احط قفشه صغيره معجون بس حق اللون واشويه الطعم

جذي تصير مرقة مو شوربه ؟؟؟؟؟؟؟


ولازم معاها الكرفس الأمريكي اهم شي

اهوا الي ينزل الوزن

نونو يا نونو انا معاج الشوربة لذيذة بس على فكرة انا ما أطبق المقادير بحذافيرها أنا أحط بس الملفوف والبصل والفلفل الأخضر وعلبة معجون طماط مع الشوربة وعلى قولتج لو أحط 2 بتصير مرقة

نورتي يا الحلوة

 

[الزمن ماله أمان]

اعرف وحدة سوتة وانزلت 7 كيلو بأسبوع وانا سويته لحد اليوم الخامس ونزلت خمسة بس ما تحملت طعمها ومشكورة

بس على فكرة الكرفس الأمريكي الي اهو السلري تلقينة بكل الجمعيات متوفر

حياج الله يالغالية ونورتي الموضوع بصورتج المميزة وحرام ليش ما كملتي والله مفعولها قوي تمنياتي لج بالتوفيق

 

[الزمن ماله أمان]

مشكوووووووووووووووووووووورين على الطريقة

حياااااااااااااااااااج الله نورتي

 

[^^دموع الكويت^^]

الله يتمم عليج و توصلين للوزن المثالي وانتي بصحة وعافية


مشكووووووورة يعطيج العافية

 

[الزمن ماله أمان]

نورتي يا دموع الكويت وجزاج الله ألف خير على الدعوه الحلوة واللي يسمع منج يااااااااااااااارب

 

[om_shamah]

مشكوره اختي على الوصفه وانا بجربها ان شاء الله واقولج النتيجه

 

[ظمأ الوجدان]

ماقصرتي حبيبتي ويعطيج العاااااااااااااااااافية

 

[الزمن ماله أمان]

ام شمامة ، ظمأ الوجدان


ألف شكر لمروركم ونورتوا الموضوع والله وتمنياتي لكم بالتوفيق انشالله

 

[بحور الشوق1977]

هذي المقادير بالضبط مابي الا دعائكم لي
عدد 6 بصل الاخضر او العادي
عدد 2 فلفل اخضر
علبة او علبتين معجون طماط
شدة سالاري (selery )
حبة كبيرة ملفوف
كيس واحد من شوربة البصل ماركة ليبتون
بلااضافة الى الملح والفلفل والبهارات على حسب الرغبة


يتم تقطيع الخضروات الى قطع صغيرة ويتم وضعها في قدر مناسب على النار بعد ان يضاف اليها الماء حتي يغطيها ثم كيس شوربة والبهارات والملح حسب الطلب
تغلي الشوربة لمدة 10 دقائق على نار عالية ثم تخفض النار حتى تصبح الخضروات طرية وبالعافية

 

[angelic^smile]

حبيباتي انا سويت هالريجيم قبل تقريبا خمس سنوات وكنت اضعف باليوم كيلو وعلى نهاية الاسبوع الاول ضعفت 7 كيلوات وبعد سنتين سويت نفس الريجيم ما نزلت الا كيلو واحد ماكو غيره ولما قريت عنه عرفت ان هالريجيم بس مفعوله يكون مره وحده بالعمر وسمعت تجربة اكثر من شخص كلهم نفس الطريقة اول مره ينزلون كل يوم كيلو وبعدين ما ينزلون الا كيلو او كيلوين حتى لو عادوا الريجيم بعد خمس او ست سنين

 

[الزمن ماله أمان]

شكرا لمرورج يا بحور الشوق لكن حسب معلوماتي وحسب ما ذكرته المواقع الأجنبية ان أهم شي الملفوف والسالاري والبص والشوربة والباقي على حسب الرغبة انا ساعات احط معجون وساعات لأ على حسب مزاجي مو شرط

وشكرا لج مرة ثانية ونورتي الموضوع

 

[♥خـذنـي مـعـآك لـدنيــإك♥]

السلام عليكم..

أختي في نوعية محدده للأكل مع الشوربه يعني ألتزم بدايت معين
وإلا عادي أكل أي شي..؟؟ :080402ask_prv:

 

[dl3 q8]

ودي اجربه

وزني صااار 65 و انا قبل 55 شحلاتني

ما حسيت على روحه الا انا كبري


باليووم اكل 10 كاكاوات عادي عندي مو مشكلة 50 كيس بطاط هم عادي بيبسي عيووش برجر و الله كرهت رووحي صايره مشفووجحه على الاكل

<< وحده هدت الموضوع و قامت تكتب معاناتها لوول


يعطيج العافية حبوبة ما قصرتي

 

[SAMSAMA]

صباح الورد


ودي أجرب هالشوربه بس اخاف اجربها يوم واطنشها أيام

 

[الزمن ماله أمان]

حبيباتي انا مرة سويت الرجيم اللي مع الشوربة بدون الشوربة ؟ شلووون ؟ انا اقولكم يعني طبقت النظام اللي مع الشوربة اليوم الأول فاكهة والثاني خضار ..... الخ بدون ما أشرب الشوربة ونزلت 3 كيلو بالأسبوع وأحسن ما في هالرجيم ان يبين على الشكل أكثر يعني اذا هندج جينز ما يدش بفخوذج بعد ما تخلصين الاسبوع مع الرجيم تلقينه دخل بالفخذ واذا سويتيه الاسبوع الثاني تلقينه يصكر عليج والله يا جماعة عن تجربة شخصية 3\4 وزني قطيته من هالرجيم والله ابي لكم الفايدة بس ترى يبيله صبر اذا ضبطتي اول اسبوع خلاص كل شي يصير عندج سهل

 

[Saroona86]

يعطيج العافية وماقصرتي
بس ان شاء الله يفيد فينا
بس لونستمر
الله كريم
ميرسي

 

[um wahaby]

خووش شي ... انا احب الشوربات ... وبعد فيه اكل يعني ماتموتين من اليوع
وانا مو محتاجه انزل اكثر من خمس كيلوات
انشالله بتوكل على الله واسويه

 

[أم عواشي]

لازم مع الرجيم ؟؟