معقوووولة في بنات جذي !!!

[Maltesers]

اشلووووووونكم حبيباتي .. :68_asmilies-com:


أمس كنت أسولف مع بنت خالتي .. قاعده تقول لي انها كانت طالعه من الدوام واهيا راده البيت ولا في واحد واقف يمها عالإشارة يأشر لها وو ينزل جامته يبي يكلمها .. واهيه لافه ويهها تقول ما عطيته ويه خليته

اشوي ولا يطق لها هرن .. هم حقرته .. بعدين زودها قام يطق لها هرنات ويصارخ (( تااااااااايرج مفشووووش لا تمشين )) اخترعت بطلت الجام وقال لها صفطي مكان من تبطل الاشارة عشان اشوفه .. طبعا طلع فيه مسمار والحجية مو حاسه ان التاير فاش

ما علينا المهم اللي وراها كانت عالإشارة بنيه .. تقول انا طقيت فلشر لمن بطلت الاشاره جان تعصب عبالها الصبي قاعد يتحرش فيني واحترت .. لمن صفطت بعيد ونزل يشوف التاير الصبي المسكين جان اتيييي هالبنت يمهم



وتسويلهم حركه قذره بايدها وراحت



انتوا متخيلين الوضع .. طبعا انا انصدمت .. معقووووووووووووله بنيه تسوي جذي :eh_s(14)::eh_s(14)::eh_s(14):



بصراحه شي مو معقول وما ينسكت عنه .. في بنات فصخوا الحيااااااااااااااااااااااااااااااااااااااااا مره وحده :eh_s(14)::eh_s(14)::eh_s(14):



صج اتنرفزت من سمعت السالفه

 

[كحيلة يام]

الحمدالله الله والشكر صدق مهي صاحيه وناقصة عقل ..... حبيبي لاتضايقين وهذي شريحه من الطبقه المتدنيه وباين ان نيتها شينه وتفكيرها سوقي والله يهدي الجميع ......

 

[*مسك*]

عمى بعينها ،،،كلن يرى الناااس بعين طبعه واعليه عليها بنت خالتج كسرت خاطري

 

[qa6wa_q8]

اييي والله افصخوو الحيااا لاا حول ولاا قوة الاا بالله

 

[سكارلت]

هههههههههههههههههههههههههههههههههههههههههههههه

انا مرة انا وامي بنعدي الشارع عشان نوصل السوق ولا في وحدة مارضت توقف وتخلينا نمر ولا فجأة تطالعنا وتوقف عشان

تتفل علينا هههههههههههه

خبلة وربي و التافهة الثانية ابي اروح لسيارتي ولا توقف وتأشر بحركة قذرة وتكش علي هههههههه مسكينة

 

[softlady]

الحمدالله والشكر

 

[sereen]

واااااى زايدين هالاشكال ماادرى شالبيئه اللى يايين منها اى عوايل اتسوى جذيه للاسف بس محسوبين علينا " نون النسوة"

 

[حناينq8]

كلمن يمثل بيئته

الحمدلله والشكر اللي كملنا بالعقل والثقل

 

[رنه خلخال]

اول شي حمدالله على سلامته وان نبه ولد الحلال وحبيبتي عادي كل شي الحين اصير قله تربيه صراحه

 

[camilia]

ختولي اصلا ماله داعي تنزلين موضوع عشان هالاشكال البربرية ولا المفروض يقهرونج ! الحمدلله على نعمة العقل

 

[afesa]

عادي بهالزمن ما عدنا نستغرب شي صار كل شي نشوفه جدامنا عادي ولازم نمرره على انه عادي والناس اشكال والوان واجناس وكل واحد يعمل بتربيته واصله وخليهم يولون وطوفي لانك اذا تكلمتي او استنكرتي الموقف بتطلعك انتي الغلط والحمدلله والشكر

 

[غير كل الناس]

اللي اختشوا ماتو

الله يقطع هالنوعيه

 

[بنات حواء2]

ان لم تستحي ففعل ماتشتهي

 

[*سوسو ستار*]

هذا دليل على تربيتها وطيب اصلها !!

 

[ba6bo6a1]

الله يستر علينا و يهدينا و يهدي هالبنات

 

[زبــــــــدة]

ههههههههههههههههههههه

اي شي شكلها محتره هههههههههه

مساكين والله

 

[Maltesers]

مشكورين عالمرووور


الله يهديها .. ويستر عليها

 

[*مارلين_مونرو*]

ياحلااااة الصبي والله ايه هذيله شباب الكويت السنعين يهبلوووووووووون والله العظيم ماكو اسنع منهم ..

واذا عالبنت الثانيه ترى يمكن حطت ابالها ان صج متحرش فيها و مو محتره منها يمكن احترت ان ابالها اشكرى عينك عينك جدام الناس نازله و صافطتله اشكرى !! عرفتي !!

يعني فكرت بشي سلبي من حرتها عبالها ان البنت بايعتها فهمتيني !!

يمكن ما تدري ان الموضوع فيه بنجر كان بيودي البنت بداهيه مسكيينه الله عداها الشر ..

يعني تفكيرها صار مثل تفكير 3\4 بنات المنتدى اللي عسى ماشافو موضوع فيه بنت الكويت انقزولج تدعي و تلعن و تشمت فيهم و مااانخللص من كلامهم الماصخ لووووووووول ..

 

[FOZQ8]

قطيعه تقطعها شهالاشكال !! صج ما تستحي

 

[وليفة الليل]

الله يهدي هالنوعيه من البنات انشاءالله ..

والله يستر علينا وعليهم ..