معكرونة الذواقة بصلصة المشروم بالصور

[زمردة الكويت]

السلام عليكم

حبيت انزل لكم معكرونه دائما اسويها و سهله و سريعه بنفس الوقت جربوها مره و بتعجبكم اكيد

و المقادير بالصوره
طبعا نحتاج اللى
معكرونه خاصه تحصلونها من ركن الذواقه من جمعية الشاميه أو مركز سلطان تكون داخلها مشروم أو جبن أو سبانخ

و انا دائما اخذ بالمشروم و اخليه عندي بالفريزر

و كريمه و مشروم طازج بس وقتها ماكان عندي مشروم طازج فحطيت علب بس مع الطازج احلى

و ماجي و جبن بارمزان مبشور و بصله

و بالجدر نحط المعكرونه و نفوحها لمدة 9 دقائق تقريبا مع زيت و شوية ملح

و تكونين قد جهزتي البصل و المشروم و قصصتيه مكعبات صغار

و تحمسين البصل لمن يتغير لونه شوي و تحطين فوقه المشروم (ممكن اضيف قطع دجاج مقصصه مكعبات اذا كان عندج دجاجه غير مثلجه بس مرات اكون مو مطلعه دجاج فاسويها مع المشروم بس هم تطلع لذيذه )

و تضيفين مكعب الماجي و تحمسينه لمن تشوفين المشروم شكله نضج تقريبا

و تضيفين بعدها نص علبة الكريمه و ملعقه كبيرة جبن البارمزان و تخلينها لمن تشوفينها تغلي (اللي تحب تخفف من طعم الكريمه تضيف حليب سائل )

بتكون المعكرونه خالصه نشخلها و نضيفها على الصلصه

و نتركها لمده 5 دقائق على نار هادئه حتى تتشرب الصلصه شوي و تقدم

و بالعااااافيه _03BA:

و على فكره شفتوا طريقه الصلصه اللي راحت لمطعم نينو اللي عالبحر و ذاقت شوربة المشروم نفس طعم الصلصه بالضبط


و قبل لا تطلعين ياليت لو تعطينا دعوه حلوه منج :gathering:

 

[زمردة الكويت]

شدعوه 12 وحده مرت :0bee2e8d89: و لا رد واحد

هذا ثاني طبق لي بالمطبخ و ما في تشجيع

 

[~باقة ورد~]

لي الشرف إني أكون أول من يرد عليج بعد كل العدد اللي شاف الموضوع

والله يعطيج العافيه يارب ويحققلج اللي تتمنينه

بس يالغاليه وين الصور:080402ask_prv:​

 

[||الجـــواهـــــر||]

زمرده بعد قلبي تسللللللم ايدج عاد انا امووووووت بهالاكلات المشروم والباستا بانواعها
بس توني ادري عن المعكرونه المحشيه ومثلجه ؟؟ عادي ماتخترب؟؟

 

[ام السعد22]

الله بعطيج العافيه وتسلم ايدج علي هالاكله الحلووووووووووووه

 

[جارة القمر]

مشكووووره



بس وين الصور

 

[مساء مونترو]

الركن حدة عجيب..
يعطيج العافية عالوصفة

 

[jolie_q8]

تسلم ايدج على الوصفة

يعطيج العافية

 

[مشمشه_كويتيه]

مشكوره حبيبتي على الاكله الحلوه بس الصور مو طالعه

 

[Đ ă Ŋ Ť ě Ļ]

يعطيج العافيه حبيبتي ما قصرتي

 

[زمردة الكويت]

لي الشرف إني أكون أول من يرد عليج بعد كل العدد اللي شاف الموضوع

والله يعطيج العافيه يارب ويحققلج اللي تتمنينه

بس يالغاليه وين الصور:080402ask_prv:​

شااكرتلج مروورج بس غريبه مع ان الصور طالعه عندي راح احاول اشوف مشرفة القسم تعدلي الموضوع و شكرا

 

[زمردة الكويت]

زمرده بعد قلبي تسللللللم ايدج عاد انا امووووووت بهالاكلات المشروم والباستا بانواعها
بس توني ادري عن المعكرونه المحشيه ومثلجه ؟؟ عادي ماتخترب؟؟

هلا والله الجواهر لاا ما تخترب حبيبتي انا دائما اخذ منهم كميه و احطها بالفريزر و ماتخترب ان شاء الله

 

[زمردة الكويت]

الله بعطيج العافيه وتسلم ايدج علي هالاكله الحلووووووووووووه

تسلميين و شاكرتلج مرورج

 

[SOFTY^LADY]

تسم ايدج ياقلبي

 

[بحرينية محرقية]

احلى شي ان فيها مشروووم
تسلم يدج على الوصفة الحلوة ..

 

[نطوووعه]

تسلم ايدج

بس ليش مستخدمه هالكريمه يعني اهيا احلى من الكريمه الحمرا كي دي دي؟

 

[نونيا]

يا علج بالجنه باجر عندي قريش وان شاءالله اجربها تسلم ايدج

 

[بحيرةالبجع]

تسلم ايدج اختى زمرده شكلها لذيييييييييييييييييييذه يم يم

 

[محاميه المستقبل]

تسلم ايدج حبيبتي
على هالطبق الحلوو

 

[حناينq8]

مشكوره حبيبتي وتسلم ايدج

بس هالكريمه منين ؟؟ ولو استخدم كي دي دي تعطي نفس الطعم والا لا ؟؟