معلمات رياض الاطفال ساعدوني .. اظل ولا احول ؟؟

[ai shai]

صراحه انا ميداني وانصدمتتتتتتت من الشغل كلش غير عن الدراسه
فرررررق ابلات التخصصات الثانية عن رياض الاطفال

 

[baby johnson]

اصلا مسمى معلمة رياض الاطفال المفروض يتغير الى بيبي سيتر بدون زعل ​

جليسة طفل يعني بالعربي ​

ضافوا لها مسمى معلمه يا فرحتي ههههه​

سوري بس هذا الصج ​

بس الحين صاروا 3 معلمات يمسكون فصل واحد وفي رياض ميته ​

مافيها احد فيها ايجابيات ليش تحولين خلصي واشتغلي واستانسي ​

دام تحبين شغلج راح تشوفين كل هالعيوب عادي واسمج بكالريوس ​

يعني معاشج لا يقل عن 900 دينار اذا ماخاب ضني ​

ورزقج حلال ومحلله معاشج ويالله هانت سنتين وانتي مخلصه​

وانشاءللله 3 ونص تخلصين بعد اذا متفوقه ​

والله يوفقج وكملي مالج شغل باحد فرضا طلعتي وين تروحين ​

اقضبي مجنونج لا يجيج اللي اجن منه احسن من غيرج​

يتمنون باكالريوس وانشاءالله نسمع خبر توظيفج يارب ​

ما عليج من الحريم ​

ترى بالدول الاجنبية تدرين شنو شروطهم علشان تصيرين معلمة طفل​

لازم يكون معاج ماجستير ؟؟؟؟؟؟؟؟؟؟؟​

متخيله لان عندهم مرحلة الطفولة اهيا اهم مرحله بالذات الحضانة ​

وبالتوفيق اشوف رفيجاتي مستانسين بس اغلبهم ما يحبون الشغل​

يقولون نحس بضغط علينا وبسسسسسسسس​

قلتتتتتتتتتتي اللي بقوله ماشاءالله عليييييييييج
متفائله وترفعين المعنوييات

 

[البتـولـ :$]

يا جماعة السالفة و ما فيها ان في فروق فرديه في ناس تحمل في ناس لا و في ناس تميل لـ هالشغله و في ناس لا
, يعني اللي يذمون ما عندهم تقبل و لا امكانيات ولا ميول , و اللي يمدحون يكون عندهم ميول , الزبده يا حبيبتي اذا انتي حبيتي هالتخصص و حابه الجهال و حابه الابداع و الفناتق و الشغل راح تبدعين و اذا لا راح تافافين مثل اللي كتبولج فهمتي ؟؟؟

و بصراحه كلام الحريم ماخوذ خيره هواله بزياده لحد يخرعج ماكو الا العافيه اخر الشهر يجيج معاش يبرد على قلبج غير هذا شوفي رياض الاطفال اهون مهنه تدريس , يعني شوفي مدرسات المواد الثانيه شرح و ذمة و ضمير كل طالب لازم يفهم و تصحيح و دفاتر و درجات و اختبارات , و ما يعطلون الا بعدنا و احنا لا غاببو الجهال ماكو شغل عندنا ..

مافي شي سهل و ما في مهنه سهله , تبين تقعدين على مكتب ؟؟؟؟ روحي اخذي دبلوم و ريحي راسج !!!
صح مرتاحين بس لا شهاده ولا كادر في فرق بين مدرسه و اداريه و الحين الناس لا قلتي مدرسه قلن بقق عيونه صرنا محسودين و شكثر يتمنون مكانج

سمي بالرحمن و خلج واثقه بقراراتج و مع الدراسه اذا عندج ميول راح تحبين التخصص , انا بصراحه كنت مثل حالتج و ما خرعني الا هالمنتدى تهاويل عجيبه غريبه و قعدت ابجي تعقدت و تمسكني اختي مدرسة رياض و تفهمني كل شي ..

نصيحه : لا تصدقين كل شي ينقال

و موووفقةة :$

 

[ساره 1992]

انا اللحين ثانويه عامه وبدخل تخصص رياض اطفال بس لما اقرأ في هالمندي احس اني بتحسف انصحوني هل حلو ولا لا

 

[يبقى الوله]

شدعواااااا بنات خرعتو البنت

يبه محد مرتااااح بوظيفته والكل يتذمر ومحد عاجبه مجال شغله
رياض الاطفال حلوو بالعكس وماكو مجال مافي تعب وموووفقه قلبووو

 

[ديانا سبنسر]

انا مومدرسة بس انصحج رياض الاطفال حلو وكل مهنة فيها كراف وشغل وفيها مميزات ولازم تكونين مقتنعة بتخصصج وحابته علشان تقدرين تنتجين اللي يشكون من التخصص كانو يحسبون انه الروضة ماكو شغل وراحة لكن مستحيل تلقين وظيفة مافيها تعب حتى الادارية موفقة

 

[{ عبره وهلت }]

ردي متأخر .. بس لو شفتي الموضوع حطي ببالج هالكلام ..

مدام انتي في مهنة التدريس هي بحد ذااتها تعب , لا تقولين الابتدائي اريح ولا غيره ..
لو تسألين الابتدائي بتقول لا خليج رياض اطفال تطلعين مبجر وغير هذا ماعندج الا حلقه كم مره بالاسبوع ...الخ

وابلات ياض الاطفال نفس الشي بتقول الابتدائي احسن وتذكر محاسنه ..


الرياض حلو لكن حاله كحال اي معلم (( متعببببه )) بس لما تتأقلمين راح ترتاحين وتعرفين شغلج ..
فكري بالايجابيات واتركي السلبيات , على الاقل مافي تأنيب ضمير درجات وظلم ..وتصليح

هو بس يبيله طولة باااااااااال وسعة صدر على الطفل اللي جدامج ..


والله يرزقنا راحة هالتخصص ويبعد عنا متاعبه

 

[شوق95]

مالج شغل بكلام احد استخيري واللله يوفقج
والكل يمدح هالتخصصص
وانا انشالله بدخل هالتخصص

 

[نورالدنيا]

تخصص رياض الاطفال اهو التخصص الوحيد اللي ماتشتغلين الا معلمه روضه ومايصير تحولين ولا تقدمين استقاله وتعيين بمكان ثاني الا بعد عشر سنوات خدمه برياض الاطفال كمعلمه للروضه او عذر طبي وتدشين لجنه وممكن يوافقون لك او لا ...

 

[MiSs_CRaZya]

مشكورين بنات ما قصرتوا )

انا مقتنعه بتخصصي و قررت اظل فيه عقب الكلام الي سمعته من الناس

​

 

[PRiyaNKaa]

يمه يمه يمه يالهوووووووااااااال

اشدعوه عليكم كليتو البنيه حسستوني الوظيفه سجن ولا عقاب

اقووووووووول الي مو عاجبتها الوظيفه تحول اداريه مثلها مثل غيرها

تحمدو الله بس شوفو مدرسات الثانويه شقاعدين يجاهدون عماتي هالات عيونهم فحمت مو صارت سوده من التعب

اذا ماعندكم .... لا اوراق عمل ... ولا تصحيح .. ولا درجات ... ولا كنترول....ولا اشراف... ولا طالبات لسانهم طويل ... ولا اولياء امور لسانهم اطول ... وتعطلون اول الناس .... والاطفال يعطلون قبلكم وان عطلووو قعدتو جنكم اداريات جاي وقهوه وحلو وسوالف .. لحد يقول لا مو صج هذا واقع

وبعدين اذا الدوام بكبره اربع ساعات .. ماعندكم من التدريس الا (حلقه ) ولا (لاصفي) وتقدمين واحد منهم باليوم والمدرسات الثانيه معاج
والحين المدرسات صارو 3 يعني بعضكم تمر عليه ايام مايدري لا حلقه ولا حتى لاصفي

تعبانين تجهزون وسائل حق حلقه ... الله يخلي المكتبات قاطين فلوسكم بشمس وقاعدين بظلال اهم شي حتى لو كراف ووسائل يكفي النفسيه مرتاحه لا اولياء امور يزفون ولا طالبات يقلون ادبهم ولا انتم مثل الثانويه تجيكم طالبه قليلة ادب ان سكتي عنها احتريتي وتمصخرتي وان ماسكتي وشرشحتيها قعدتي تفكرين طول اليوم مهمومه باجر بيجي ولي الامر شنو بيسوي ومايسوي وهممممممممممممممممم


شخليتو حق مدرسات المدارس الوحده تمسك لها ثلاث اربع صفوف ... كل صف تحضير يومي ... ودفاتر طالبات وتصحيح ودرجات واختبارات وتسميع واوراق عمل واحتياطات .. وكنترول ... ومراقبه .. واشراف ... ولا خلصو اخر السنه من تصحيح مدارسهم طلعو وراحو يصححون بالمدارس الثانيه وقعدو للساعه 4 العصر

وانتو ساعاتكم ماتتخير عن ساعة سندريلا اهيا 12 وانتو 12 ونص فبيوتكم يوميا فرق ساعه


والاطفال ياعمري عليهم

غبار غابو حر غابو برد غابو اخوانهم عندهم امتحانات عطلو قبلها غابو وياهم اهلهم سافرو غابو الام عند اهلها زعلانه غابو

وان ماغابو ... وان شرحتو .. وان درستو .. وان كرفتو ... ترا كل وحده وشخصيتها ... كلهم اطفال ياعمري لايهشون ولا ينشون ولا يقلون ادبهم عليهم الواحد من تخزينه خزه تبريد وقعد مكانه

الي شخصيتها قويه واهم شي عندها ترضي ربها وضميرها ماراح تتأثر بكلام موجهه ولا ناظره ولا مشرفه هاذي بترتاح وبتعيش ملكه بعد

والي شخصيتها ضعيفه وكل من يلعب عليها من ناظره وموجهه ومشرفه ومخلينها مكده هاذي الله يعينها بصراحه مو بس بالروضه بكل مكان تروح له تلقونها تبجي وتتحلطم

لاتقعدون تراكضون وراهم وتحملون نفسكم فوق طاقتها بخرابيط واشياء حتى الطفل مايستفيد منها واخرتها تقولون ماعطونا امتياز


الامتياز مايحتاج كل هالخرابيط ... وصلي معلومتج للطفل ... انشالله بأدوات بسيطه انتي وذكائج لاتعب ولا كراف .. وان حبتك عيني ماضامك الدهر

ندري ان في مدرسات ضاربين الروضه بالي فيها بعرض الحيط واخر السنه امتياز وانتو هم تدرون


تحمدو الله وقولو الحمدلله شوفو غيركم ... غيركم مايبي الامتياز يبي الراحه مو لاقيها ولا حاصله له لاعافيه ولا خير مدرسات ثانويه مابقى مرض ماجاهم من التدريس الي دسك والي ذبحتها الدوالي واذا فيها خير تقعد ... انتو حتى الحلقه تقدمونها قاعدين

اذا تبون من اول الدوام لآخره جاي وقهوه وسوالف خلاص احسن حل حولو اداريات ...تريحون وترتاحون

هاذي سوالف مدرسات الروضه تتشكى ليل نهار ولقلنا حولي اداريه قالت تعودت على المعاش .... ياسلام

اوكي بس انتي تتحلطمين مو متعوده على الكراف ... حولي مثل ماحولو مدرسات الثانويه وقطو 400 دينار من معاشاتهم وقالو يالله نبي عافيتنا وبس هذيل الي صج انكرفو

 

[PRiyaNKaa]

حبيبتي الي منزله الموضوع وتسألين


توكلي على الله اذا حابه الاطفال وصدرج وسيع دشي وكملي ولا عليج من احد

واذا على الدروس ترا المنتدى مليان افكار لاتحاتين في مدرسات ماشالله عليهم مايقصرون ...

والوظيفه اهون من غيرها اذا تبين راتب قوي ومدرسه وشهادة وعطل ووناسه خلج على رياض الاطفال ... اجسن من ابتدائي وثانوي ومتوسطه ... ولو تتعبين شوي عاااااااادي

واذا تبين راحه لدرجة الملل صيري اداريه براتب ضعيف وبدون كوادر ولا شهاده ...

كل مكان تعب بس الرياض حلوه مو مثل مايوصفون تعبها خفيف وراتبها وعطلها يستااااااااااااهل انتي وشخصيتج وشطارتج

انتي شوفي الوضع وقارني بينهم وبين المدارس فررررررررررررررق

حتى مدرسات الفنيه والاقتصاد ينكرفون لايغرج يقولون صيري اقتصاد ولا فنيه بنات خالتي فيها وعندهم ناظرات مثل ماعندنا ...

ولاتظنين في مدرسات بيداومون بمدارس من الساعه 7 للساعه 1 ونص بيقعدون رجل على رجل .. مثل مايقولون عن مدرسات الاقتصاد والفنيه ...

لاياعمري حتى مدرسات الفنيه والاقتصاد وراهم ناظرات مثل ماورانا احنا قشرات يكدشونهم تكدش بوظايف اداريه وغيرها والوقت اطول انتي 4 ساعات مايمديها بتكدشج الا جرس الهده طاق ههههههههههه

ومووووووووفقه

 

[Mramy]

شوفي يا ابله ان دشيتي هالمجال مافي طلعه منه لان تحويل الاداريه جدا صعب شبه مستحيل الا اذا كملتي 10 سنين خبره يالله مع واسطات يحولونج اداريه انا تعيين يديد وبغيت احول اداريه رحت سألت المنطقه والوزاره والديوان كلهم نفس الحجي لي درجة رحت كلمة مراقبة رياض الاطفال نوره المسلم قلتلها انا مابي التدريس ابيج تكتبين فيني كتاب انب ما انفع للتدريس قالت حتى لو كتبتلج هالكتاب بالوزاره راح بوقفونج لانج ما كملتي 10 سنين وانا حاليا مفكره اتبع نظام مابي اقدم شي وحتى لو حضرولي بقولهم ماني مقدمه شي عشان يحولوني اداريه فيا حبيبتي لا تحطين ببالج انج اذا ما عجبج الوصع تقدرين تحولين اداريه بأي وقت السالفه مو سهله واخذيها نصيحه اذا انتي مالج مقاقة اليهال ولا لج خلق نفسية الاداره والكلام اللي بصيغة الامر كل يوم تسمعينه ولا من كراف شغلتج نفسها من اغراض من تفكير وكل يوم تسمعين ابدعييي يا ابله اقولج اياها طلعي من هالمجال اذا لا والله لج خلق كل هذا وعندج افكار يديده او عندج استعداد كل يون تفكرين بشي يديد ظلي بمجالج بس على فكره انتي مو مطلوب منج انج تسوين شغلج وبس لا في بند يحاسبونج عليه اسمه التعاون مع الاداره يعني لازم تروحين تتلزقين بالناظره وتدلعينها وتسوين لها شغل الروضه من صبغ وتأثيث وغيره عشان تحبج وتعطيج امتياز وغير جذي عندج لازم تسوين ورشه او درس نموذجي اذا ما سويتي مالج امل تاخذين امتياز يعني يا ابله شغلج كراف بكراف لا يقصون عليج ويفولولج تتعبين اول سنه او سنتين هالكلام مو صحيح بتطلين على طول بهالكراف اذا عندج استعداد حق كل هذا قعدي بمكانج وانتي وكيفج عاد

 

[حنطاويه عسل]

يمه يمه يمه يالهوووووووااااااال

اشدعوه عليكم كليتو البنيه حسستوني الوظيفه سجن ولا عقاب

اقووووووووول الي مو عاجبتها الوظيفه تحول اداريه مثلها مثل غيرها

تحمدو الله بس شوفو مدرسات الثانويه شقاعدين يجاهدون عماتي هالات عيونهم فحمت مو صارت سوده من التعب

اذا ماعندكم .... لا اوراق عمل ... ولا تصحيح .. ولا درجات ... ولا كنترول....ولا اشراف... ولا طالبات لسانهم طويل ... ولا اولياء امور لسانهم اطول ... وتعطلون اول الناس .... والاطفال يعطلون قبلكم وان عطلووو قعدتو جنكم اداريات جاي وقهوه وحلو وسوالف .. لحد يقول لا مو صج هذا واقع

وبعدين اذا الدوام بكبره اربع ساعات .. ماعندكم من التدريس الا (حلقه ) ولا (لاصفي) وتقدمين واحد منهم باليوم والمدرسات الثانيه معاج
والحين المدرسات صارو 3 يعني بعضكم تمر عليه ايام مايدري لا حلقه ولا حتى لاصفي

تعبانين تجهزون وسائل حق حلقه ... الله يخلي المكتبات قاطين فلوسكم بشمس وقاعدين بظلال اهم شي حتى لو كراف ووسائل يكفي النفسيه مرتاحه لا اولياء امور يزفون ولا طالبات يقلون ادبهم ولا انتم مثل الثانويه تجيكم طالبه قليلة ادب ان سكتي عنها احتريتي وتمصخرتي وان ماسكتي وشرشحتيها قعدتي تفكرين طول اليوم مهمومه باجر بيجي ولي الامر شنو بيسوي ومايسوي وهممممممممممممممممم


شخليتو حق مدرسات المدارس الوحده تمسك لها ثلاث اربع صفوف ... كل صف تحضير يومي ... ودفاتر طالبات وتصحيح ودرجات واختبارات وتسميع واوراق عمل واحتياطات .. وكنترول ... ومراقبه .. واشراف ... ولا خلصو اخر السنه من تصحيح مدارسهم طلعو وراحو يصححون بالمدارس الثانيه وقعدو للساعه 4 العصر

وانتو ساعاتكم ماتتخير عن ساعة سندريلا اهيا 12 وانتو 12 ونص فبيوتكم يوميا فرق ساعه


والاطفال ياعمري عليهم

غبار غابو حر غابو برد غابو اخوانهم عندهم امتحانات عطلو قبلها غابو وياهم اهلهم سافرو غابو الام عند اهلها زعلانه غابو

وان ماغابو ... وان شرحتو .. وان درستو .. وان كرفتو ... ترا كل وحده وشخصيتها ... كلهم اطفال ياعمري لايهشون ولا ينشون ولا يقلون ادبهم عليهم الواحد من تخزينه خزه تبريد وقعد مكانه

الي شخصيتها قويه واهم شي عندها ترضي ربها وضميرها ماراح تتأثر بكلام موجهه ولا ناظره ولا مشرفه هاذي بترتاح وبتعيش ملكه بعد

والي شخصيتها ضعيفه وكل من يلعب عليها من ناظره وموجهه ومشرفه ومخلينها مكده هاذي الله يعينها بصراحه مو بس بالروضه بكل مكان تروح له تلقونها تبجي وتتحلطم

لاتقعدون تراكضون وراهم وتحملون نفسكم فوق طاقتها بخرابيط واشياء حتى الطفل مايستفيد منها واخرتها تقولون ماعطونا امتياز


الامتياز مايحتاج كل هالخرابيط ... وصلي معلومتج للطفل ... انشالله بأدوات بسيطه انتي وذكائج لاتعب ولا كراف .. وان حبتك عيني ماضامك الدهر

ندري ان في مدرسات ضاربين الروضه بالي فيها بعرض الحيط واخر السنه امتياز وانتو هم تدرون


تحمدو الله وقولو الحمدلله شوفو غيركم ... غيركم مايبي الامتياز يبي الراحه مو لاقيها ولا حاصله له لاعافيه ولا خير مدرسات ثانويه مابقى مرض ماجاهم من التدريس الي دسك والي ذبحتها الدوالي واذا فيها خير تقعد ... انتو حتى الحلقه تقدمونها قاعدين

اذا تبون من اول الدوام لآخره جاي وقهوه وسوالف خلاص احسن حل حولو اداريات ...تريحون وترتاحون

هاذي سوالف مدرسات الروضه تتشكى ليل نهار ولقلنا حولي اداريه قالت تعودت على المعاش .... ياسلام

اوكي بس انتي تتحلطمين مو متعوده على الكراف ... حولي مثل ماحولو مدرسات الثانويه وقطو 400 دينار من معاشاتهم وقالو يالله نبي عافيتنا وبس هذيل الي صج انكرفو

معاااهاا :rerrerek: