معلمات! شكله الناظره بكتبلي لفت نظر (يحق لي ما أوقع عليها بهالحاله؟)

[ماكوشغل]

ياحليلكم هذي اي مدرسة اللي تستاذنين من رئيسة قسمج شفوي وتطلعين واللة احنا مدرستنا معتقل ماتطلعين ولادشين الاببطايق من الوكيلة ولو تدرعمين بدون بطاقة ينطلج الحارس رايحة فيييييييييييييين ياأستازة؟؟؟

:dddds:

لايكون ابو سعيييد هههههههههههههههههههههه

نفس مدرستنا ...

وبعدين ياحليلكم اتخلون التصحيح وايروحون الابلات اييبون الريوق من المطعم؟؟ ليشششششششش ماكو خدمه توصيل ؟؟

عموما اختي لااتحطين في بالج والموضوع ان شاءالله منتهي بس ديري بالج مره ثانيه خلي كل تعاملاتج رسميه .. وهالموقف يعتبر درس وكل اطراااق بتعلوومه ..

 

[ليلى رمضان]

على قولتكم انشالله اتكون ناسية الموضوع ، وطبعا حارسنا قال له دور بعد ماقصر الحمدلله والشكر جنه احنه طالبات مراهقات ولا كأني معلمة لي احترامي والله العظيم أشمأز لما أشوف الحارس واقف عند الباب ويطالع اللي رايحة واللي رداه والله العظيم هذي قلة أدب من الناظره
وطبعا رئيسة القسم قالت حق الوكيلة:" انا مادري عنها ليلى وين رايحة ماقالتلي " <---- ترا رئيسة قسمي متدينه ها ! ولا تسمع أغاني وكل صلاه بوقتها !! لكن شوفو بهالموقف تبرت مني وجذبت على الوكيلة
وفعلا هذا طراق حقي اللي أعتمد على وحده مثل هذي
انزين بنات اهي الناظره ماكلمتني للحين يا خوفي انها تكتب شي بتقريري

 

[وافية*]

ماتقدر تكتب اي شي بتقريرج الا انتي توقعين علية ليش خايفة هذا موقف عادي ومايسوى يبة استانسي بهالويك اند وراج غثا الاسبوع الجاي امتحانات وتصحيح وهي لوبتسوي شي جان بحزتها موتنطرج اسبوع لايبة لاتحاتين انشاللة ماكو شي بس عاد انتي لاتصيرين خوافة اي موقف خقيتي لايبة هذيل واللة مايستحون هالناظرات ولاينعطون وجة طنشيها وريحي بالج

 

[ليلى رمضان]

مشكورين يا بنات وانتي بالأخص وافية
الحمدلله الرهبة راحت عني وكلامج شجعني ولاني خايفة من هالناظره على قولتج طناااش

 

[قوطي نيدو]

انتي قوليحق الناظره اني كلمت رئيسة القسم و وواجهي رئيسة القسم جدام الناظره

 

[oranGe~Girl]

حبيبتي انا مو مدرسه بس ان شالله بصير

شوفي عندي لج دعاء من اطيح بمشكله اقووله وربج يحلها

اللهم آجرني في مصيبتي واخلف لي خيرا منها

 

[ليلى رمضان]

مشكورين وايد على وقفتكم معاي
وانشالله بواجه الناظره بس اشرايكم اذا الناظرة ما كلمتي انا أروح لها أكلمها ولا أسكت عن الموضوع ؟؟؟
لانه مابي ياخذون عني انطباع انه عندي حركات ومادري رئيسة القسم شنو مفهمتهم
" اللهم آجرني في مصيبتي واخلف لي خيرا منها " مشكوره يا اورانج

 

[james546613]

حبوبتي روحي للناظرة وتاسفي منها وقولي كل الي صار بالطيب والمسايسة وكلشي بيصير على هواك ولاتحاتين وياكثر المطبات الهوائية في الوظيفة