معلمة رياض الأطفال التعيسة

[دخون ازرق]

كم انتي تعيسه يامعلمة رياض الأطفال
ياالله كل ابله تكتب عن التعاسه اللي تعاني منها في بعض تجاربكم التعيسه برياض الأطفال المايك لكم
ونكمل مشوار التعاسه

 

[ام كوثر2007]

وموحل ان نستقيل ام كوثر--والله لويستلمون عيالكم وافدين تروحون فيها --والله حتى طق يطقونهم ويسوون عصابات على الجهال --بالعكس انتوا دوركم ياامهات تشجعون وتشكرون وتساعدون المعلمة موتقولون استقيلوا--وبالنسبة لتعليقك ان عيالكم كانوا بالروضة بالنسبة لي عيالي مدارس انجليزية ومافيها نص الخبه اللي عندنا والوجبات تشرف عليهم فلبينيات مو الابلات --درس الحركي ابلة بدنية--المكتبه تاخدهم ابلة المكتبة والشغل مقسم مومثلنا خبه وكل شي على الابله وبالاخير هم الابله مدمومه ياجماعه خافوا الله صج احنا تعيسات ياابلات الروضة خخخخخخخخ

من قالج انه احنا ما نشكركم ومستانسين فيكم يا بنات ديرتنا انكم انتو اللى تعلمون عيالنا علي الاقل نفس لهجت الياهل ..


من قالج ان احنا نبيكم تستقيلون .. انا قلت هالكلمه لمن قلتي زهقنا وقاعده جنج تمنين علي اليهال انج تسوين لهم كل هذا ما تدرين انه بميزان اعمالج بالاخره وبالدنيا ..


انا كان تعقيبي عليج لمن تقولين ولي الامر اييي ولسانه شطوله .. سألتج قلت لج ليش ؟ شسالفه ؟


احنا بعد عيالنا برياض الاطفال .. ونموت علي المدرسات لانه عيالنا يعشقونهم .. وطول عمرنا نحترم المدرسه ونقدرها هذا اللى تربينا عليه ..

بالنسبه حق مدرستج صراحه ما عندي فكره انتي باي منطقه اللي مسوين فيكم كل هذا .. انا اتكلم عن رياض اطفال الجابريه .. مافيها ربع اللى قلتيه ..

علي العموم عسى الله يعينكم واحنا ندري انه مهنتكم شاقه ومتعبه .. عساها بميزان اعمالكم يا دخوون .. وعيالنا اهم عيالج امانه برقبتج .. حتي لو الاداره ضغطت عليكم .​

 

[RO0O7Y KUWAITYA]

صح السانكم ريا ض الاطفال كلهاااااااااااااا ضغط بضغط حرررررررررررقة اعصاااااااااااااااب
ابي النحششششه

 

[dore~]

اوماااا ... بناااات خوفتووني والله ..
انا ناويه اتخصص رياض اطفال هالكورس ان شاء الله...
بس بسالكم جم المعاش ..! و الدوام من 7 لي 12 صح ..
و شكرااا ...

 

[ابله كويتيه]

نصيحه لا دشين والمعاش كله طاير الروضه اللى انا فيها زززززفت تلوع الجبدد وصراحه مجاكر حربم

 

[dore~]

بجدد ...
صحيح تعب طبيعي يعني نفس المدرسات كلهم تعب و تعبببب ..


انا للحين افكرر يا رياض اطفال يا مدرسه ابتدائي ...

 

[ابله كويتيه]

مو نفسهم انا خواتي مدرسات ابتداءى مونفسنا احنا الله العالم

 

[دخون ازرق]

ابببببببببببببببببببببب

 

[المستغفرة 74]

مزون انا ما ا قوول انكم ما تتعبون بالعكس بارك الله فيكم وفي جهودكم .. انتو ترا تاثيركم بيظل مع الطفل لين يكبر يظل يذكر الروضه ويذكر ابلاته خصوصا اذا الابله اكسبت قلب الطفل وصار يحبها...


مشكله الاكل انا مستغربه .. اختي مدرسه رياض اطفاال .. اول شي بالنسبه للاكل يدخلون المطعم .. معاها ثلاث معلمات .. بالصف .. وخدامات ..

ونفس الشي بالفرصه .. الخدم موجودين .. انا استغربت من اللى تقول نغسل لهم وننظفهم ؟؟؟؟؟؟؟؟؟؟؟؟؟؟؟؟؟؟ عيل شخانت الخدم اللى مسطرين يم الباب ؟؟


اذا جذى عيل انتو روضتكم ادارتها فاشله صراحه ...

اختج باي روضة
اول مرة اسمع ان لفترة المطعم يدخلون ثلاث ابلات زين والله
ممكن تعلميني شنو هالروضة العجيبة الي غير كل الرياض
وبعدين شكو الخدم بطفل الروضة
صحيح ان احنا المعلمات ننطر طفل طفل يغسل ايدينة ويفرش اسنانة ونجابلهم ونبطل الوجبات لين ينكسر ظهرنا . لا وفي شغلة جدية تعالي يابلة لبسي واحد واحد صدرية وربطيها والصف 30 طفل وغير لما تنصرعين من الريحة يكون واحد عاملها وساكت تقعدين تنادين الفراشة اليتيمة لين بالاخير تخضعين للامر الواقع وتغسلين للطفل وتدورين لة ملابس وتلبسينة وتغسلين حمامج الي بالصف وتهوين الدرايش لين احد يمر عليج ويسالج ليش يا ابلة لون وجهج ازرق اقولها انصرعت من الروايح العجيبة .
وتقارنين شغلج كمدرسة انجليزي بمعلمة الروضة لا حياتي ما في مقارنة بتاتا
انتي لج حصة تروحين للصف بطرق كتابج وبس ولفترة معينة وتردين تكملين قعدتج لين تجي حصتج الثانية احنا بالروضة يمر اليوم كلة واحنا مراكض ورا الجهال وما نقعد الا فترة وحدة وبنص ساعة وبسرعة بسرعة تتريقين جنة احد يركض وراج
وغير المعاش الي كلة طاير للمكاتب والوسائل والله وكيلج كل خبرة بالاقل شي اقط 25 دينار مع اني مدرسة قديمة 12 سنة وغير شغلي برة الصف
وغير الامهات المتفرغات الي يحسسونج خدامتهم لاكشمي .لا ومن زود حرصهن يعطونج الادول وتوصيج انج تقيسين حرارتة وتعطينة الدوا واذا اتصلتي عليها يالله ترد عليج الاخت ترجع تكمل نومتهتا.
والي تقول حولي ادارية ليش بالله الحين احنا درسنا اربع سنوات عشان نحول ادارية وبعدين صاحبة الموضوع ما اغلطت لما فضفضت مافيها شي بس حبت تبين للكل الي حاسدين ابلة الروضة وتبين لهم الكرف والشغل سواء داخل او خارج الفصل
ولله الحمد بالنسبة لي صج شغلي صعب وتعب ومسؤولية وتحطيم وشغل تكملينة حتى بالبيت وفرارة من مكتبة لمكتبة بس حاااابة شغلي وقاعدة اخلص فية ومو حرام لما افضفض ولا عيب
وكل كلمة قالتها صاحبة الموضوع انا اشهد عليها وفي ذمتي انها صح وعسى الله ياجرنا ويطرح البركة بفلوسنا ويبعد عنا الحساد اللهم امين
وكلامها ينطبق علي كل الرياض الي اعرفهم ومو بس روضتها بس روضة اختج عجيبة بصراحة اتمني كل الرياض تحذو حذوها :yaaaaaarb:

 

[المستغفرة 74]

خلاص استقيلو عيل واخذولكم تخصص تدريس باي ماده تحبونهها .. وشرط بتردون تتحلطمون .. وعقب بتقولوون ليش الوافدين ماخذين مكانتنا بالديره .. اذا احنا اهل الديره انتحلطم عيل شخلينا حق الغرب ... هذا وانتو بنات الديره .. :bbbiu:

ام كوثر انتي ربة منزل صح ؟؟؟؟؟؟
:bbbiu:

 

[PuPa^^SWeeT]

لااا بالعكس



والله دووووركم مو هين



انا بنتي بالروضىة


اول شي احس لساانها انطلق مو مثل قبل ماتعرف


وبعديين عندج اسم الله علييكم نفسكم مهما تكوون حلوة و هاديين


انا امس رحت اييب بنتي

اسمع بجييها


لما دشيت ولا اهيا اثاريها طايحة و قاعدة تبجي والابلة اتبوسها على خدها بس حبيبتي بسسس


بالعكس والله فييكم الخيير


وانا مابي وافدة اتدرس بنتي


من كثر ماشفت وافدات قليلات ادب و لساانهم زفررر


ام كوثر حبييبتي ادري انج ماقبلتي بكلمة تبلع اليهال هذي اللي زت بخاطرتج



بس تراا من حررر مافييهم لاتلومينهم



ولاتقولين اولياء الامور مايهاوشون


فيه ولي امر امس ولدي مضيع جاكيته و قااعد زففف بابلة نتوووووفة اتهبل و اهيي مخترعة اتقوووله والله اهنييي



يالله طلع الجاكيييت ولا الولد حاطة بالجنطة



صدقييني كل مرحلة عمرية فيها بلاوي



وانا ادري انه ابلات الروضة اهم اللي يغيرون حق بنتيي لأنها اتقووولي اذا مرييضة ولا بطنها ولا فيها عرفتي


من جذيي انا مرتااحة عالاقل مو خداامة ماسكة بنتي بالحماام

 

[PuPa^^SWeeT]

واذا ماتحلطمنااا شوي من الضغط اللي فينا



شنسوي ؟؟؟؟ لاازم انطلع حرتنااا شوي


علشان اليوم الثاني نقدر انواااصل عملنا

 

[دخون ازرق]

اببببببببببببببب

 

[دخون ازرق]

المستغفرة عجيب والله ردك بارك الله فيج

 

[دخون ازرق]

ابببببببببببببببببببببببببببببببببببببببببببببببب

 

[رهان]

انا معلمه جديده في رياض الاطفال لي ثلاث شهور بس

بصراحه الله يعين معلمات الرياض حتى فطور مثل الخلق ما نقدر ناكله هي استراحه نص ساعه واذا المعلمه غايبه حطوني

انتظار والنص الساعه هذي من حقي بس ايش اسوي ما اقدر اقول شي

 

[Eva-SS]

بوبا سويت

شلون الأبلة تبدل لبنتج .. وين الفراشة

هذي مو أبلة كل شي تسوي قريندايزر ههههههههههههههههههههههه

حبيبتي احنا من عمرنا الطفل اذا بيدش الحمام يروح بروحه واقول للفراشة روحي شوفي اهي تغسله وتبدله اذا مايعرف والمفروض طفل الروضة يعرف يدش بروحه اغلبهم يعرفون .. ولو موسخ نفسه اذا عنده غيار تبدله ولو ماعنده نوديه للاخصائية تدق على اهله يجون ياخذون ولدهم ولا يقعد بوسخه ليما اخر الدوام مو مشكلتي انا مادرست بكالريوس عشان اغسل الجهال وابدلهم

انا اقول هالكلام عشان أوضح لبعض الاهالي لانه فيه اهالي على بالهم وظيفتنا نغسل عيالهم بالحمامات تقولي مره ولية امر بنتي فيها التهاب انتي الظاهر ماتغسلين لها لما تدش الحمام هههههههههههههههه قلت لها لا انا ماغسلها ولا ادخل معاها هذي شغلة الفراشه مو شغلتي

 

[ام كوثر2007]

بوبا سويت

شلون الأبلة تبدل لبنتج .. وين الفراشة

هذي مو أبلة كل شي تسوي قريندايزر ههههههههههههههههههههههه

حبيبتي احنا من عمرنا الطفل اذا بيدش الحمام يروح بروحه واقول للفراشة روحي شوفي اهي تغسله وتبدله اذا مايعرف والمفروض طفل الروضة يعرف يدش بروحه اغلبهم يعرفون .. ولو موسخ نفسه اذا عنده غيار تبدله ولو ماعنده نوديه للاخصائية تدق على اهله يجون ياخذون ولدهم ولا يقعد بوسخه ليما اخر الدوام مو مشكلتي انا مادرست بكالريوس عشان اغسل الجهال وابدلهم

انا اقول هالكلام عشان أوضح لبعض الاهالي لانه فيه اهالي على بالهم وظيفتنا نغسل عيالهم بالحمامات تقولي مره ولية امر بنتي فيها التهاب انتي الظاهر ماتغسلين لها لما تدش الحمام هههههههههههههههه قلت لها لا انا ماغسلها ولا ادخل معاها هذي شغلة الفراشه مو شغلتي

شهد شاهد من اهله ...


هذا اللى انا من الصبح اقوله .. الفراشاااات دايم مع اليهال بالحمام .. وكل صف قاعده يمه فراشتين ..


انا اللي صج مستغربه انتو اللى بأي روضه قاعدين ؟؟ انتو مدرسات والا تجابلون اليهال بالحمام .. والا تغيرين له يا مستغفره لمن يوصخ الياهل علي هدومه ؟


عيل شخانه الخدامات المسطرين وتارسين الروضه ؟؟؟؟؟؟؟


واختي تشتغل في روضه بالعاصمه .. من غير ذكر اسماء .


حبيبتي ادارتكم فيها خلل .. انتو بتجابلون العيال عشان تدرسونهم الخبرات والا تقعدين تغيرين له ملابسه ؟؟؟؟؟؟؟؟؟؟ ​

 

[يالله الخيرهـ]

اتمنى هالصفحه تكون لشرح المعانات اللي وحدهم معلمات الرياض يستشعرونها

والنار ما تحرق إلا رجل واطيها ولاتستمر الردود التي افقدت الموضوع هدف الاساسي

 

[يالله الخيرهـ]

اختج باي روضة
اول مرة اسمع ان لفترة المطعم يدخلون ثلاث ابلات زين والله
ممكن تعلميني شنو هالروضة العجيبة الي غير كل الرياض
وبعدين شكو الخدم بطفل الروضة
صحيح ان احنا المعلمات ننطر طفل طفل يغسل ايدينة ويفرش اسنانة ونجابلهم ونبطل الوجبات لين ينكسر ظهرنا . لا وفي شغلة جدية تعالي يابلة لبسي واحد واحد صدرية وربطيها والصف 30 طفل وغير لما تنصرعين من الريحة يكون واحد عاملها وساكت تقعدين تنادين الفراشة اليتيمة لين بالاخير تخضعين للامر الواقع وتغسلين للطفل وتدورين لة ملابس وتلبسينة وتغسلين حمامج الي بالصف وتهوين الدرايش لين احد يمر عليج ويسالج ليش يا ابلة لون وجهج ازرق اقولها انصرعت من الروايح العجيبة .
وتقارنين شغلج كمدرسة انجليزي بمعلمة الروضة لا حياتي ما في مقارنة بتاتا
انتي لج حصة تروحين للصف بطرق كتابج وبس ولفترة معينة وتردين تكملين قعدتج لين تجي حصتج الثانية احنا بالروضة يمر اليوم كلة واحنا مراكض ورا الجهال وما نقعد الا فترة وحدة وبنص ساعة وبسرعة بسرعة تتريقين جنة احد يركض وراج
وغير المعاش الي كلة طاير للمكاتب والوسائل والله وكيلج كل خبرة بالاقل شي اقط 25 دينار مع اني مدرسة قديمة 12 سنة وغير شغلي برة الصف
وغير الامهات المتفرغات الي يحسسونج خدامتهم لاكشمي .لا ومن زود حرصهن يعطونج الادول وتوصيج انج تقيسين حرارتة وتعطينة الدوا واذا اتصلتي عليها يالله ترد عليج الاخت ترجع تكمل نومتهتا.
والي تقول حولي ادارية ليش بالله الحين احنا درسنا اربع سنوات عشان نحول ادارية وبعدين صاحبة الموضوع ما اغلطت لما فضفضت مافيها شي بس حبت تبين للكل الي حاسدين ابلة الروضة وتبين لهم الكرف والشغل سواء داخل او خارج الفصل
ولله الحمد بالنسبة لي صج شغلي صعب وتعب ومسؤولية وتحطيم وشغل تكملينة حتى بالبيت وفرارة من مكتبة لمكتبة بس حاااابة شغلي وقاعدة اخلص فية ومو حرام لما افضفض ولا عيب
وكل كلمة قالتها صاحبة الموضوع انا اشهد عليها وفي ذمتي انها صح وعسى الله ياجرنا ويطرح البركة بفلوسنا ويبعد عنا الحساد اللهم امين
وكلامها ينطبق علي كل الرياض الي اعرفهم ومو بس روضتها بس روضة اختج عجيبة بصراحة اتمني كل الرياض تحذو حذوها :yaaaaaarb:

:eh_s(2): خنقتني العبررره تذكرت الذي مضى الله لايعوووده ويعينكم يارب