معلمه فاشله وتشتكي بعد علي ادارتها !!!!!!!!!!!!!

[خلوفه]

الصراحة أكيد المعلمة مااشتكت على ناظرنها إلا في شئ قاهرها وأحس الموضوع تكرر وايد

 

[m!ss Cute]

شكررررا علي الردود نحترم رأيكم لاتشهير ولاشي إهيا شهرت عن نفسها بنفسها بالمنطقه بكبرها وأعرف مشرفه تقول الناظرات كلهم

بمنطقتهم التعليميه عرفوها ورافضينها لأنها بتنقل بس أنا ليش طرحت هالموضوع أحب أوصل لكم أن الشكاوي أحيانا تضر وماتكون

في مصلحة الشاكي بل ضده لأن دايما الناظرات بالمنطقه هم اللي الحق معاهم خصوصا لما يشوفون تقدير الشاكي وعقوباته

واللي عندها رأي ثاني تتفضل نستمع كلنا أذان صاغيه

 

[فطووومة]

صاجـه
الحيـن الكل يطالب امتيـاز ..
تلقينهـا غيـاب طوول السنـه مافي ابداع مافي وسائل ..
اصلا مالها خلق تفكـر للدرس ..
وبالاخيـر .. تطالب بـ امتيـاز ..

انا اقوول الامتياز يبيــن تـرى ..
يعني شغلج والتزامـج بدوامج .. وشغلج بالصف
وشغلج للمشرفه والاداره اذا طلبوا منج شي ..
يبيـن انج امتـياز ..

لكن اللي يطالبون بـ امتياز .. هم اللي لا دوام لا ابداع لا حصص سنعه ولا شي ..
شي شايفتـه يعينـي ..
:tek:



وترى يا بنات .. والله السالفه مو سالفه ترقيـات أو ترشيحـات ..
سالفه شي معنوي ..
يعني لما تكرفيـن طول السنه وتبدعيـن .. وتفكـرين .. وتداوميـن ..
حلوووة انهم يقدروونج .. ويقدروون شغلج ..
عشان يعطيج طاقه للسنيـن الجايـه ..

والله يوفقج جميـع الابلات اللي يستحقوون ويعطيهم الامتيازات يارب ..

:tek:

هههههههههههه ضحكتيني اختي ،،،، ترى وايد هالنماذج نشوفهم

غياب واهمال في الوسائل وعدم تصحيح للدفاتر وزف ببنات خلق الله وتبي امتياز :dddds:

 

[عبق الورد]

انا معاج انه ماله داعي للشكوى لان فعلا المنطقه ما توقف مع المعلمه والناظره دايما على حق
انا اقول احسن حل النقل والظالم حسيبه الله
وشكرا على احترامج راينا

 

[عيون سارة]

بصراحه
غريبة المفروض تجخل من نفسها

 

[عهود الحب]

وييييييييييييييييييييييه ياماااااااااا و يااماااااااااااااااااااااا
انظلمت ولاشكيت الا لرب الكوووووووووووووون
عسى ربي ينتقم ممن ظلمني
وان انتقم لي ربي فهو حسبي ونعم الكفيل
ومابي عقابهم بالدنيا ابي ربي يعاقبهم بالاخرة
ابي حقي يوم القيامة


كليت ظلم لين قلت بس كافي
وهم ماشبعوا للحين متولجيني بوصاياتهم
ناظرات مايخلون احد بحاله
تنتقلين وتروحين اخر الدنيا
ويلحقووووووووونج بتوصياتهم
خلااااااااص طفح الكيل منهم
بس شكواي لرب العزة والجلالة عسى ربي يوريني فيهم بيوم
وعسى ربي ينتقم من مشرفتي هالسنة الي لها سنين ملعوزتني اثاريها سوسة
حسبي الله ونعم الوكيل
الله ينتقم من كل انسانة تستغل منصبها بأذية خلق الله
اللهم انت حسبنا ونعم الوكيل فيهم

 

[Turquoiseya]

حبيباتي اللي تكرف بضمير وماشية جمب الطوفة ماتحصل لا امتياز ولا بطيخ
بتحصل الدقرة والكرف الزايد
واللي معطيتهم بولباس ولسانها طويل يخافون منها ويعطونها امتياز واهما مغمضين
هذا اللي حاصل في المدارس والله المستعان

 

[قوطي نيدو]

حسبي الله ونعم الوكيل\

الله يهديها انشالله

 

[m!ss Cute]

شكررررا لردودكم الطيبه وأحترم وجهات نظركم

 

[m!ss Cute]

شكررررا للجميع علي المشاركه الفعاله ونحترم وجهات النظر المختلفه

 

[بحر الذكريات]

اشكثر عندنا من هالنمونه بس مو عاد يشتكون

وسايلي كلها تطرها وما عمرها خذت دفتر التحضير معاها البيت والحصه ارف وفوق هذا الناظره والمشرفه انجنوا على حصتي؟ على شنو؟؟ على حصه قرعه؟؟

لا وتغير اذا سويت درس ع الداتا شو

 

[m!ss Cute]

الله يعينج عليها وفي ميزان أعمالج كافي تكون الوحده عزيزة نفس ماتاخذ شي من غيرها وكريمه تعطي غيرها والله يسخر لج الطيبين من

عباده مثل الإداره

 

[كولوراديه]

مو انتي إلي تحكمين على المعلمه
يمكن فعلاً منظلمه

 

[m!ss Cute]

كولوراديه أنا ماحكمت عليها خبرج الحريم ماتتبلش في بؤهم فوله الكل يتكلم بالمدرسه والناظره بعد تتكلم وفي إجتماع إفضحتها لأن
إشتكت عليها طبعا . شكراااااا لمشاركتج

 

[*أم*خالد*]

لوووووول زين تسوي فيهم

عيل اللي تشتغل وتتبهذل ماتطول الامتياز خل تنقلب الآية شوي ماصارت لووووووووول

 

[^^ ريان^^]

حبيبتي اهي ما وصلت الوزاره وسوت تظلم ٌالاانها حاسه بالظلممممم مو شرط حصتها متروسه وسائل عشان تكون معلمه مبدعه
اشكثر اعرف معلمات معاها خمس ست وسائل وخبه والحصه مفكككه مو مترابطه والشرح الله بالخيييييييير
واعرف معلمه حضرنالها حصه من اروووووع ما يكون دشت بقلم السبوره بسسسسس
وتعالي شوفي الرسومات التوضيحيه والتمثليات والتعلم التعاوني شي عجيب
يمكن المعلمه اللي تكلمين عنها حاطين عليها الاداره مو معناتها ان الناظره كبر امها لازم تكون حقانيه ياما شفنا ناظرات مزاجيات وعلي المشتهي وممكن المعلمه شافت ان في معلمات اقل من ادائها والناظره معطتهم امتياز لان بصراحه شي يقهر:0bee2e8d89:
وما فيها شي اذا طالبت بحقها لان بالنهايه الكل بياخذ حقه

 

[Om.MeMe]

مع احترامي للجميع و للمدرسات ..

وايد مدرسات ما يستحون و ما يقدرون ولا يعطون من عمرهم و فوق هذا لسانهم طويل الحمدلله و الشكر​

 

[m!ss Cute]

شكررررا خواتي لمشاركتكم ووجهة نظركم نحترمها

 

[نسمه بارده]

انا اشوف ان المدرسه ان كانت مهمله برايج فهي تمثل شريحه قليله جدا امام العطاء الي نشوفه بواقع عملنا لكن المشكله تقييمنا كمعلمات ماصار علي شغلنا وعطائنا وحبنا لمهنتنا لااااااااااااااااااااا
صار علي مزاج فلانه وعلانه للاسف اذا كرهتج الادارة فانتي الحلقه الاضعق بتصيرين كورة تشوتج كل رجل تشوفج
ولاتنكرون البهدله الي نعانيها وحتي لو نكتب نقل يلحقونا هاللي مايخافون الله بسوالفهم يخربون علينا يعني موت وخراب ديار واقول للي تقول هالمدرسه تساتهل تري انتي ماتعلمني الغيب ولاتحكمين من طرف واحد تري انا عشت تجربه الله العالم فيها مع رئيسه قسمي وحيل ظلمتني وللاسف الناظرة علي هواها والاداره كلها بعد واشتكيت لين طلعت روحي بالنتطقه والتوجيه ولا في فايده
وللاسف شغلي وتعبي واشفع لي لاحد شفع لي رغم اني من المعلمات الكفوئات وشايله اداره قسمي بنفسي يعني نائبه رئيس القسم بس للاسف شايلته طول الوقت وفوق هذا ناجحه رئيسه قسم وقسمي يلجئ لي بكل المشاكل وتعاملي مباشره مع التوجيه غير التزامي واني قدوة صالحه ومييزة لزميلاتي سزاء من ناحيه الشغل الفني او الاداري وعلاقتي طيبه بالكل وحتي رئيسه ه قسمي اللي مضايقتني ماعمري رفضت لها اي تكليف بالعمل ولا اهملت بواجب ودايما ابادر واسد نقص اي مدرسه او اي ظرف عمركم شفتو وحه تعطي نفسها الاحتياط اوتوماتيك والله اني شلت احتياط 4 مدرسات هالسنه بكامل مناهجهم وتخيلو معاي انا ادرس 12 علمي
تخيلو مدرسه معانا مرتين تاخذ اجازة زكل اجازة بشهرين انا شلت مناهجها كامله وتخيلو شلت اربع صفوف 12 علمي بروحي ولا حتي تكلفت رئيسه قسمس تطلب مدرسه انتداب رغم انه ممنوع انفراد بالمنهج تهقون ليش لاني خبره وكفائة وعلي قوله الموجه انتي ريال وتسدين اي نقص وكل هذا هل شفع لي لا
لذلك اتقو الله يلي حكمتو علي المدرسه بغير علم وتذكرو انكم محاسبون واسال الله ان يعفو عني وعنكم

 

[نسمه بارده]

اسفه للاخطاء الاملايه لاني اكتب بسرعه