معلومات عن ألمانيا

[<Miss ROoSe >]

السلام عليكم
شلونكم يا أحلى كويتيات شخباركم
بداية بما أن السنة اليديدة على الأبواب
حبيت أقول لكم
كل عام وأنتوا بألف خير
وعساها سنة سعيدة عليكم وتحققون كل اللى بخاطركم
وبما أن الكل قاعد يستعد ويخطط على دولة يسافر لها باجازة الصيف
وهالسنة أن شاء الله رمضان الله يشرفه راح يكون بشهر 8 يعنى ماعندنا فرصة للسفر الا ب 6-7
عشان جذى قعدت أفتر على المواقع اللى تهتم بالسفر
وعجبتنى وايد ألمانيا وحابة أروح لها بس محتارة بينها وبين أسبانيا
لأن اسبانيا رايحة لها من زمان وكنت قاعدة بمدريد يعنى مارحت ( برشلونة ، ملقا ) وما طولت فيها فاذا فكرت أروح اسبانيا حابة اروح لها بروحها وأقعد فيها اسبوعين بس أتنقل من منطقة لى منطقة
وحبيتكم تشاركونى بآرائكم وكل وحدة فيكم تدخل تقول لى
شرايها بالديرة؟
وشنو الشى اللى عجبها هناك ؟
وجم كلفتها السفرة من ( تذاكر ، سكن ، مصرف ) ؟
وشنو نوع السكن اللى اختارته ( شقة ، فندق )؟
أتمنى ألقى تجاوب منكم حتى اللى ماعندها فكرة بالموضوع تدخل وتعقب عشان كلنا نستفيد من بعض​

ناطرتكم​

:gathering:​

 

[سمسمه السمسومه]

انا رحت ألمانيا بس ماعجبتني وايد بس ترا سوق مافي طبيعه ولا شي مو مثل النمسااااااااااااا روعه وجمال جنه الله في الارض

المهم المانيا مافيها الا شارع ماكسمليان شارع الماركات وشارع شتراسا الي في اتش اند ام

و سي اند ام وبان هوف مجمع كبير وسبرت وغيره تقريبا نفس الكويت بس النمسا روحي فيينا ومطار فيينا بالتحديد وشوفي الماركات الي احلى من المانيا وكابرون روعه الثلج فيها مراحل 4 كل ماصعدتي فوق يجيج البرد واثلج يالله من فضلك ثلجهم ذررررررررررب

المهم او روحي سويسرا اذا عندج ميزانيه لانه سويسرا ناااااااااااااار انا سكنت في هوليدي ان ليلته 45 دينار بس حاجزينه من الانترنت واذا رحتي جذي يصكونج ب 60 وفوق

بس نصيحتي لج روحي النمسا وياليت احط الصور بس ماعرف انزلهم

 

[<Miss ROoSe >]

مشكورة حبيبتى على مرورج وكتابة رايج بالديرة
والناس أذواق فى ناس تمدحها وناس تذمها حالها حال أى ديرة​

 

[<Miss ROoSe >]

لا حدكم مبدعين
شدعوة 18 وحدة تدخل وما ترد على الا وحدة
بصراحة ونعم الخوات

:0bee2e8d89:​

 

[غيـ الناس ـر]

هلا بككاوتنا الحلوه


يا حلو المانيا ..

انا رحت برلين ووايد حبيتها .. سوق وطبيعه ومطاعم

وجو بديييييييييييييييييييييييييييييييييييييع اينن يهبل جوها تمطر كل ساع مطر يرد الروح

اسبانيا ريلي ما يمدحها يقول اروح لكل ديره مرتين الا اسبانيا ما اطبها مره ثانيه !! مع ان خاطري اروح لها ..


برلين فيها حديقة حيوان كبيره معروفه هناك .. وفيها برلين شرقيه وغربيه تونس وايد حلوه بس مو اكثر من 5 ايام ..


الفندق كلفتنا الاقامه يمكن 500 دينار 5 ليالي .. بس معاريس كنا سويت مو غرفه عاديه ^_^



المانيا ارشحها بقوووووووووووه


واذا تبين طبيعه روحي هايدلبيرغ بالمانيا قريه مو مدينه شحلوووها بعد

 

[<Miss ROoSe >]

غير الناس
بعد قلبى والله
والله لا خلا ولا عدم ياعمرى عسى الله يجبر بخاطرج مثل ماجبرتى بخاطرى
حبوبة أنا أسبانيا رايحة لها بس من زمااااااااان يعنى من قبل الغزو واااااايد عجبتنى
بس حبيت آخذ معلومات من البنات اللى توهم رايحين لها
بس ألمانيا ناوية أروح لها ان شاء الله لأن وايد عجبتنى الطبيعة اللى فيها
وبينى وبينج نبى البراد واسبانيا حارة مافيها شتا
عموما شاكرة مرورج يالغالية وعسى الله يخليج لى

:33_1185028183:​

 

[SoSoWaa]

المانيا رووعه

انا من صغري هنااك متعوده عليها

حلوه ,, روحيلها و بعدين مري على اسبانيا

يعني اول شي رووحي المانيا قعدي فيها سبوعين

بعدين اسبانيا سبوعين

و مري عالنمسا حلوه بعد

اتمنى لكم سفر سعيد بدون مشاكل

ثنكيو

 

[<Miss ROoSe >]

حبوبة شاكرة مرورج ماقصرتى يا قلبى​

_03ba:​

 

[3e6er alwrd]

المانيا تيين انا رحت لها اولت العام وبرح لها بالصيف انشاء الله , رحت منهايمن وهايدلبيرج وستوتجارد ومريت على اخن, والسنة انشاء الله بروح كولون وبادن بادن وميونخ وبروح النمسا وياهم , اذا حصلتي معلومات قوليلي

 

[<Miss ROoSe >]

يعطيك العافية حبيبتى
عطر الورد


بس بنات حبايبى أبى اللى رايحة من قبل تقول بأى شهر راحت؟
وجم كلفتها السفرة من تذاكر وسكن ومصرف ووين سكنت ؟
عشان نستفيد من بعض​

 

[كويتية طيبه حنونه]

المانيا تيين انا رحت لها اولت العام وبرح لها بالصيف انشاء الله , رحت من}د ومريت على اخن, والسنة انشاء الله بروح كولون وبادن بادن وميونخ وبروح النمسا وياهم , اذا حصلتي معلومات قوليلي

ممكن اعرف منك شنو الشي المميز منهايم وهيدلبيرغ لأني حالبا في منايم وكنت في هيدلبيرغ والمنطقة الي قلتي عنها وين سكنتو يشقة ولا فندق ومشكورة

 

[ظلال القرآن]

رحت ميونخ ورست ومن رست طلعنا بادن بادن والبلاك فورست الغبه السوداء
المانيا احبها تهبل وانظف دوله اوربيه
بميونخ سكنت في فندق سويت هوتيل وهو عباره عن سويتات مو غرف وايد حلو سعره تقريبا 30 دينار ونظيف جدا واثاثه يديد السويت فيه 4 سراير هافندق هو سلسله منتشره بكل اوربا وايد حلو سكنته بعد بباريس بس اهو مو بالسنتر ما يصلح الا الي عنده سياره

 

[بطه فيها نطه]

اختي ماصار لها فتره راده من ميونخ واجرت سيارة راحت فيها زلمسي ومن فرانكفورت راحت

سويسرا 3 ايام والصراحه وااااااايد تمدحلي المانيا تقول عائلية ونظيفه

والمقاسات باللبس حيل حلوه خاصه السايزات الكبيره ... والمطاعم عندهم متوفره بشكل

كبير حلال ( ايرانية , تركية , مغربية , لبنانية ) ....

اما اسبانيا انا ماطبيت غير برشلونه ... 5 ايام .. زوجي كان حاب يحضر مبارة برشلونه ورويالمدريد

اللي طافت .... الجو حده باااااااارد والمطر من رحنا ماوقف ... ماحبيت اكلهم بالمره

مايعترفون بشيء اسمه بهارات .. ازفره موطبيعية ... بس احلى شيء تلقينه الفواكه المجففه

والشوكليت ( صناعه محليه ) والزعفران موطبيعي .... بس باختصار مو عائلية

وبالاخير تبقى وجهة نظر شخصيه ....

 

[3e6er alwrd]

ممكن اعرف منك شنو الشي المميز منهايم وهيدلبيرغ لأني حالبا في منايم وكنت في هيدلبيرغ والمنطقة الي قلتي عنها وين سكنتو يشقة ولا فندق ومشكورة

انا سكنت في فندق هوليدي ان حلوه وغرفته وسيعه وحلوه واعجبتني المنطقة هادية وجوها عجيب و مو وايد زحمة وطبيعتها حلوه