معلومات عن الاوت لت فرنسا

[al5aldee]

انشاله بسافر فرنسا بالصيف وبسكن لافييت وابي اعرف الاوت لت وين وهل اسعاره رخيصه؟؟

 

[QATAR QUEEN]

اختي الات لت هذا موقعه اون لاين الصراحه حلو واسعارهم حلوة اذا تحبين الماركات مثل دولتشي ان جابانا جوتشي كنزو كريستيان لاكروا سيلين ميسونني وغيره وايد محلات...
http://www.lavalleevillage.com/en_GB/cat/women

 

[al5aldee]

مشكووووووووووووووووووووره وايد والله يعطيج العافية بس سؤال اخير اذا قلت حق التكسي يوديني الات لت عادي يعني مكان معروف وسامحيني انا اول مره برووووح باريس وابي اشري حق بنتي.

 

[رفووعه]

قووه اشلوونكم انا اول مره ادش عليكم هني وحبيت اقول حق الاخت اللى بتروح فرنسا متى بتروح ؟؟ لان انا السبت ماشيه اذا انتي بعدي بتروحين اجووفلج الاماكن الحلوه والاسواق الرخيصه واسعارها معقوله واعطيج خبر اوكي .

 

[معلمة روضه]

يا حليلج رفوووعه وبارك الله فيج

والاخ صاحبة الموضوع ما ادري اسمج الخالدي ولا انا غلط هههه صراحه ما ادري شنو يعني ترجمة رقم 5

المهم بالنسبه للتكسي حق الاوت لت راح يكلفج وتتوهقين بطريج الرده لأن ماكو تكسي

الاحسن دام ان رايحه وساكنه بالفندق سأليهم بالرسبشن راح تلاقين مغاربه وعرب بالكونكورد لافاييت

واخذي القطار مال الانفاق راح يوديج على طريج ديزني لاند قبلها مكان القريه اللي فيها الاوت لت ...بس بيني وبينج انا مجربه الاوت لت بأوربا ماااايسوى لأن بالغلب فيهم عيب وبسعر رخيص مثلا القميص منتوف ولا الجنطه طايحه منها كرستاله..الخ واسعارهم حرااام وفي منهم تقليد بالكود .... صراحه روحي استانسي وتطمشي عالاوادم على قولتهم راااحه واستجمام...جان زين اتعرف عليج والله جان اقز معاج قز عدل بالشانزلزيه ههههههه انا راح انتقل بالقطار من لندن الي باريس وصراحه اول مره بروح باريس و بقعد استكشف هههههه

الحين بتقولين شكووو معطتني توصيف للمنطقه وانتي اول مره ههههه لا تستغربين ترى دخلت السايت وقريته وعطيتج الزبده من نصايح ناس سكنو بالكونكورد :dddds:

 

[dashtiya]

مرحبا حبوبه
اقولج شغله اول شي روحي بالمترو اسرع وارخص سالي الرسبشن اي محطه واي خط اهو يشرححلج
ثانيا هناك في مجمع تدخلينه حلو بعد والله بس الاوت لت بعد المجمع من داخل صاير
ثانيا ترا مافيه من الماركات وايد طقت غوتشي وهذيل
فيه كنززو وجس وبولو وبربري وفي غيرهم بس مو غوتشي والفي وهذيل مافي
يبيله تروحين له من الصبح احسن على كيفج تتسوقين وفي مجمع بعد حلووو
اخييييه والله وناسه باريس
بس ترا لافييت بعيد عن الشانز
انا كنت قاعده بروشستر خمس دقايق مشي واطلع على الشانز واااااايد مكانه حلو واهو حلووو بعد بس غالي طبعا الليله 82كويتي
عالعموم تروحين وتردين بالسلامه
واجازة سعيده

 

[فرنسا]

الوت لت مثل ما وصفوا البنات لج ........ بس لاتخبين نفسج علية ترى اسمة اكبر منة كل اللي فية قدييييييييييييييييييييم قديييييييييييييييييييييييم
والسوق روحي منطقة الوبيرا حق اوبيرا لافيت مو الافيت اللي انتي فية لا هذا الكبير ويمة اوبغانتوة ....... وشارع المونتينيا وجورج سانك وشاتليليالبوليفارد وماغشية بوليفار

 

[روحي تحب]

والله اختي بصراحه ماتسوي الفلج كلش ماشرينا ذاك الشئ اللي اقولج اسكت كله تشكيلة السنه اللي طافت ومورخيص والله فيلا مودا تنزيلاته احسن لوووووووووول اذكر بس رياييلنا شروا من نايك حلو فيه بضاعه ماتوصلنا ولا بولو مايسوى وبالي تعجبنا منه ماجنه اوت لت وايد غالي على الفاضي احس انه تضييع وقت على الفاضي الكل يمدح اللي بلندن وماادري هذا رايي وموفقه

 

[al5aldee]

مشكورين ورفوعه انشاله بروح 26/7

 

[صاحبة السمو 88]

مشكورين حبايبي ع الأفاده ماقصرتو بس أبي اعرف وين يبيعون الشنط كوبي ون في فرنسا واسعارهم زينه لأني رايحه لها قريب ياليت تفيديوني حتى عن الاسعار

 

[بنت بن فهد]

حبيبتى انا تونى راده منه
لو مدوحنى صرت عروس
كله خلاجين قديمه واجناط قديمه ومايسوى العنوه
وتحسفت انى رحته
مايسوى
والناس اذواق وانتى براحتج
روحى جاليريا لافييت وااااااااااااايد احلى

 

[Gourges]

انا ناويه باجر اروحله @@

 

[قـہۈه فـرنسيـہ™]

ماااااااااااااااايسوا الصراحه ....غاااااااااااااااالي

 

[مهوووه]

والله انا توني رادة من باريس ما شفت فيها اي شي يسوي الصراحه الناس خابينها بس عندج محدجمع لافيت كلة ماركات وكلها عندنا بالكويت تبين روحي مكان كله خضار وحلو لا وانا بعد من كانت وايد حارة حارة الكويت ابرد من اروح بس انا طبعا كله مشي علي ريولي والله ماركبة لا مترو ولا باص ولا تاكسي عاد انتو تخيلو احترق لوني بالحر صرت سوووووووووووده بس قبل ما رجع بجم يوم صار الجو شوي بارد

 

[تكووه]

امممممم حيرتونا والله

ليش يقولون اوت لت فرنسا حلوو

يعني مثلا سمعت ان قمصان بربري النسائية على 30 كويتي ومني ب90 وماينزلون عليها ان ذبحوا عمرهم سووهم ب60

واتوقع نحصل جواتي قطع حق اليهال يعني شي جذي

انزين في ديور بالاوت لت ولالا

 

[مجرد اسم عابر]

طيب الي بيروح لباريس من وين يشتري ماركات يعني انا بسافر لباريس اول مره وابي اشتري من هناك اشياء مميزة مثل شناط ماركات وملابس وما ابي اضيع وقتي على اماكن غالية او ماتسوى

ياريت الخبيرة باسواق باريس تنورنا