معلومات مفصله عن بوستن بليز

[BOSTON^girl]

مرحبا بنات

ياليت تساعدوني بمعلومات عن بوستن افضل مكان سكن يكون نظيف غرفتين نوم لان معاي عيالي وخدامه

وانا ناويه اقعد فتره طويله لان زوجي يدرس هناك فياليت اللي عندها خبره بشقه مجربتها واذا وحده اخذت معاها

خدامه من قبل واذا في مشاكل بالفيزا للخدامه وهل عادي العبايه عندهم والا تحسون يستغربونها وهل فيها عرب

وايد


وثانكس مقدما وانشاءالله اذا ساعدتوني راح اقدم يوميات بالصور لعيونكم

 

[Meeesh]

بالنسبه للسكن ماعندي فكره
بس انا رايحه لها في شهر 5
عجبتني وايد وانشالله تعجبكم وبالنسبه للعرب ايه فيها عرب وخليجين بعد لانه الولايه كلها جامعات
والعباة صراحه انا ماشفت ولا وحده لابسه عباه
حجاب وملابس واسعه بس عباه لا

 

[BOSTON^girl]

رد : معلومات مفصله عن بوستن بليز

Meeesh


مشكوره ياحياتي على ردج ماتقصرين


بس ياليت البنات اللي عندهم فكره عن الشقق هناك يردون يعني مو معقوله محد عند خبره بكويتيات

واللي تعرف عن الخدم سهل يمشون فيزتهم والا صعبه


يالله ياحلوات بليز لاتطول

 

[BOSTON^girl]

رد : معلومات مفصله عن بوستن بليز

الووووووووووووووو



بنات شدعوه

 

[RED^ROBY]

هاي

بصراحه ماعندي معلومات عن بوسطن اتمنى البنات يساعدونج

بس اللي سمعت ان فيها جامعه هارفرد وانها مدينه ساحليه وبس


واكيد ماراح يقصرون البنات

 

[Mazyoona]

حبيبتي بوسطن ، لبى هالمكآن اللي وحشني
شوفي حبيبتي بالنسبه للسكن لازم تسألين ريلج شنو جآمعته ؟
إذا جآمعة بوسطن
سكنوآ في بوسطن
يآ Emerson Place و تتكون من مجموعة عمارات سكنية
سكآنهآ كلهم دكاترة و بروفسورات لأنهآ يم مستشفى Mass General Hospital
و آهوآ من أحسن المستشفيآت هنآك و غرفة الطوارىء بابها قريب من العمارة.

أو سكنوآ في الـ Longfellow Place و اهوا تقريباً مقابل الـ Emerson.
و هالمجموعتين من العمارات تابعين لشركة وحدة و هذا سايتهم.
السكنين هذول يمهم Whole Foods و آهوآ مثل نظام بقالة بس غالي شوي لأنه
فيه وايد أشياء طبيعيه! فيهم صالة رياضة بس اشتراك تدفعين يعني.
و فيهم غرف غسيل بالسرداب، و فيهم مصبغة توصل للشقق، و بقالة قريبة.
المول يبعد من هالعمارات 5 دقايق بالسيارة و تقريباً 10 مشي.
محطة القطار تبعد 4 دقايق من العمارتين.

السكن الثالث آهوآ الـ Regatta Cambridge Apartments و هذا سايتهم هذا اذا كان
زوجج يدرس عبر الجسر فيه منطقة Cambridge. بس تبقى قريبه حيل من بوسطن
جنه قرطبه و السره مثلاً. فيه هالعمارة صالة رياضة، غرفة كمبيوترات، و بقالة.
المول يبعد من هالسكن دقيقتين مشي بس و الحدايق نفس الشي.
محطة القطار تبعد من هالعمارة تقريباً 10 دقايق مشي.

الثلاث عمارات السكيورتي فيهم رائع يعني تضمنين أمان عيالج. يكون نظامه Double Door
يعني باب كهرباء و الثاني ينفتح من داخل! أو بقطعة خاصة يسمونهآ الـ Fob ما تنعطي الا
لساكني العمارة! و الثلاث عمارات لازم تدفعين لمساحة السيارة في السرداب!
و ديربالكم لا تصفطون بالشارع ترى ياخذونها الا يوم السبت بالليل عند المواقف اللي نوعهم
دفع تكون ببلاش هالليلة يعني ليلة الأحد و تقدرين تصفطين لي الساعة 6 الصبح بس.

المول القريب من هالعمارات كلهم اهوآ الـ Cambridge Side Galleria و هذآ سايتهم.
في مجموعة حلوة من المحلات لج و لريلج و عيالكم بس عيبه صغير

بخصوص الجمعيآت و الأكل فيه :
Super Stop And Shop
هذي كاملة و متكاملة
اهي جمعية فيهآ صيدلية و محلات ورد
و مخابز و قسم أغراض مكتبة و دي في ديات
و كتب.
و هذا سايتهم
ميزة هالجمعية انه فيها أقسام للدول طبعاً ماكو دول خليجية
بس تقدرين تشترين من أكل اليهود لأنه قسمهم تقريباً نفس منتجاتنا
بوايد أشياء.


و فيه يم المول جمعية Shaws و هذآ سآيتهمو حاله من حال stop and shop بس انه ما فيه
أقسام للدول. و يمه بالظبط فيه
Marshalls هالمحل عجيييييب فيه اهدوم اغراض
بيت جناط و كل شي ماركات الامريكية و اشياء عادية بأسعار
تهبل. و هذا سايتهم

محلات الكترونيات و هالاشياء فيه Best Buy موجود بالمول
كامل و اينن. و Radio Shack بعد!

و المطاعم الحلآل دخلي هالسايت اسمه Zabihah قيه
صفحة لكل المطاعم الحلال اللي تبينهآ

و فيه بقالة رهييييبة

بس بمنطقة ثانيه في الريفيير اسمها
Safi Halal Market
تبيع لحوم و دياي ذبح اسلامي
و هذا مكانهم و رقمهم
691Broadway, Revere, MA 02151-2347
Phone: (781) 284-0761

و في محلات الارمنيين فيها منتجات عربية وايد!

الهدوم أنصحج ما تكثرين يا زين سوقهم و رخيص.
بس ديربالج من البرد حق عيالج يعني جاكيتات و جذي!

بوسطن فيها وايد خليجيين لانها ولاية علاج و جامعات
و أغلب الكويتيين يتيمعون يومياً في لوبي فندق الماريوت

و اذا تامرين اي شي زبادة أنا مستعدة أرد عليج
بس رسالة خاصة و لج اللي تبين !

 

[BOSTON^girl]

رد : معلومات مفصله عن بوستن بليز

مشكوره مزيونه صج ماقصرتي


كفيتي ووفيتي

 

[قصيدة عمري]

هلا حبيبتي انا ساكنه في بوسطن لي شهرين

ساكنه بمجمع حلو على البحر اسمه هاربر بوينت قريب من

محطة القطار jfk فيه بيوت وفيه شقق والسكان من دول العالم

وتبعه نادي وسوبرماركت وملعبين تنس

وجنبه مدارس وجامعة يو ماس ووجنبه محطة الباص

وقريب منه عياده وعلى البحر ومرتب وااامن



انا ساكنه بشقه غرفتين وحمامين وصاله ومطبخ بـ 1882 دولار بالشهر



بس هذا اللي اعرفه


وتوصلون بالسلامه حبيبتي



:eh_s(18):
​

 

[؟؟دلع البنات ؟؟]

اب اب لعيوونج

 

[BOSTON^girl]

رد : معلومات مفصله عن بوستن بليز

حبيبتي قصيده عمري

ماقصرتي مشكوره

بس بغيت اسال هل الشقق مفروشه وشلون مستوى النظافه والامن

وشرايج بالبيوت ودي اسكن في بيت بس خايفه من مسألة الامن

 

[BOSTON^girl]

رد : معلومات مفصله عن بوستن بليز

مشكوره دلع البنات على رفع الموضوع

 

[قصيدة عمري]

رد: رد : معلومات مفصله عن بوستن بليز

حبيبتي قصيده عمري

ماقصرتي مشكوره

بس بغيت اسال هل الشقق مفروشه وشلون مستوى النظافه والامن

وشرايج بالبيوت ودي اسكن في بيت بس خايفه من مسألة الامن

حبيبتي مافيه خوف ان شاءالله المجمع له بوابه


وعليه سكيورتي

وانا وبنتي لحالنا ودايما نطلع ونروح ماشفنا شي الحمدلله

الشقه بس فيها موكيت ومطبخ طبعا فيه ثلاجه وفرن وغسالة مواعين

الشقه انتي تأثيثينهااا وتبع كل عماره غرفة غسيل ملابس

انا قبل اخذها رحت كذا مكان بس اكثر شي اعجبني مكان شرح والبحر قدامك

وكل شي له قريب

وبنتي تقول عن الداون تاون بس 6 ميل

بس الشي الشين فيه ممنوع تركبين دش

لانهم يقولون يشوه المنظر

بس فيه قنوات امريكيه

وبالتوفيق قلبيوو

:blueSmCLR:​

 

[BOSTON^girl]

رد : معلومات مفصله عن بوستن بليز

مشكوره قصيده عمري

انا دخلت موقعهم صج شكلها كووول بس مالي خلق ااثث ودي بمكان جاهز وهم ماستغني عن الدش

 

[SUGARY]

رد : معلومات مفصله عن بوستن بليز

السلام للجميع انا حاليا في بوسطن صارلي يومين واصلة وساكنة فندق وادور شقة مومحصلة وماأعرف شي عن هالولاية واحتاج معلومات عنها الي تعرف تساعدني وجزهاالله خير. بنسبة للخدامة كنت باخذها معاي لكن السفارة ارفضت الفيزا لعلها خيرة :ssssso:

 

[BOSTON^girl]

رد : معلومات مفصله عن بوستن بليز

هلا sugary

انا ليمى الحين مارحت بس قاعده اجمع معلومات وفي شقق وايد بس يفضل شوف العين شوفي المواقع اللي حطوها البنات

بس الخدامه ليش رفضوها ما معاج يهال والا شنو

 

[SUGARY]

رد : معلومات مفصله عن بوستن بليز

اهلين احنا ندور شقق فيها الكويتين والخليجين اهما جم عمارة ومليانة واذا فاضية محجوزة . وانا رايحة علاج ومعاي طفل معاق لكن ارفضوها وكنت ناوية اخذ كل عيالي على ساس معاي خدامة تساعدني بس لمارفضوها خليتهم

 

[Ms.Mia]

رد : معلومات مفصله عن بوستن بليز

تروحين وتردين بالسلامه

تسلميين والله يعطيج العافيه

 

[BOSTON^girl]

رد : معلومات مفصله عن بوستن بليز

هلامس شوجري الله يشافي مريضكم واجر انشاءالله

اما بالنسبه لعمارات اللي فيها خليجين نصيحه حاولي تغيرين لان حسب تجربتي بكذا دوله الشقق اللي فيها خليجين اغلى واقل نظافه

اما على الخدامه بنتحر اذا رفضوها

 

[BOSTON^girl]

رد : معلومات مفصله عن بوستن بليز

الله يسلمج حياج الله مس ميا

 

[عمار يا كويت]

هههههه
سبحان الله انا توني بكتب موضوع استفسر عنها
احنا ان شالله بنروح الأسبوع الجاي مؤتمر و سياحة واحنا اول مرة نروح تكساس بكبرها
بقعد اسبوع انا وزوجي