معلومة مهمة عن تايلند ضروري

[رزه واستايل]

هاااااااااااااااااااااااااااااااااااااااااااااااااااااااي بنات بليز انا وريلي بنروح تايلند 13 يوم بنقسمها ابانكوك وبوكيت بعرف جم يوم بانكوك وجم يوم بوكت بللللللللللللللللللللللللللللللللليزززز لاتبخلون علي بمعلوماتكم

 

[jowajo]

على كثر ماقريت الكل يقول أفضل تقعدين في بوكيت أكثر من تايلند لأنها رووووووعه حسب كلامهم

وأنا على فكرة مثلج للحين ماني عارفه اشكثر أقعد في بوكيت واشكثر في تايلند ( بس يمكن بوكيت أكثر )

وانشاء الله نروح أنا وإنتي ونرجع بالسلاااااااااااااااااامه

 

[صمت الروح]

رفع

 

[المدينه]

انا انصحج ابوكت 9ايام و4 ببانكوك لاني انا ابوكت الحين بصراحه شي خيال رومانسيه على مغامرات والجو روعه بس بانكوك للحين ماشفتها بعد جم يوم بروحلها وودي امدد ابوكت لاني استانست فيها

 

[q8y-moon]

سبحان الله كل واحد له انطباع غير عن الثاني
انا اليوم الفجر راده من تايلند قعدت 4 ايام شنغماي حلوه وعائله والجووو يهبل
و4 ايام بوكت لالالالالالالالالالالالاعت جبدي حر ورطوبه وخيسه ولا فيها شي زود
و7 ايام بانكوك صراحه وايد عليها 7 ايام وبس حمدالله علي سلامتي

 

[خوخة الحلوة]

هلا حبيبتي
انا اول امس رديت من تايلند
اول شي قعدنة في بانكوك 1 بس ارتحنا وبعدين سافرنا بوكيت
بوكيت روعة
ولما رحنة مطار بانكوك علشان نروح بوكيت شركة سياحة حجزنا منة التكسي من مطار بوكيت الى الفندق وهم بالردة من الفندق الى
المطار وجزيرة جمس بوند مع الصبع تقعدون الساعة 6 على ما تتريقون
تنطرون بالرسبشن الساعة 7 يجي ياخذكم الباص طبعا اكيد معاكم قروب اجانب وساعة يمكن عرب
يعطيكم استكر تحطونة على ملابسكم علشان انكم مسلمين تاكلون اكل حلال
وبعدين تركبون يخت مع الماء والببسي والشاي والقهوة والفواكة وبسكوت طبعا هذا موجود من اول الرحلة الى الساعة 4 العصر مع الغدا
مع ركي وانناس بعد الغدا وينزلونكم اكثر من جزيرة علشان تسبحون
شي صراحة روعة
واليوم الثاني هم رحنا رحلة سفاري كنت روعة ركبنا الفيل ورحنا الغابة شي مع الغدا بعد بس ديربالج ترى مطر
وخذي معاج حماية شمس ريلي احترق من الشمس
كل هذا ب 80 دينار كويتي على الشخص الواحد 40 دينار
وعندج سباق السيارات وحديقة الحيوان فية عروض التمساح والفيلة والقرود
في بعد جزر تغوصين والمطاد وجتسكي صراحة روعة
واخر شي بانكوك سوق بس علية القيمة
واخر شي دفعت وزن زيادة ديربالج
خلي عندج فلوس

 

[خوخة الحلوة]

صج نسيت اقولج بعد عندج المساج يا بلاش
عندنا الصالونات الساعة 25 دينار عندهم بدينارين
روعة انت وريلج سوي مساج و سوس رسم على اظافرج
وعليكم بالعافية ان شاءالله تستانسون

 

[om MaRyooM]

اذا 13يوم روحي 3 مناطق

واحلى توزيعة انا اقوولج ياها

4ايام بانكوك .. تقدرين تروحين السوق و دريم وورلد والاكورايوم اليديد
6ايام بوكيت .. روحي رحلات حق الجزر واحلى جزيرة الشاملة اللي يودونكم سنوركلنغ وجزيرة القردة توكلون الشواذي وبعدين جزيرة صغيرونة تتسبحون فيها وتقعدون ساعة فيها رهيييبة حدها حلوة
وفي رحلة ال atv لاتطوفينها عجيبة عجيبة
و3ايام في شنغماي..امانة مارحتلها بس يمدحونها ويقولون جوها حلوو للاستجمام

اذا تبين دشي موضوعي في قسم التقارير المصورة حاطة في صور عن تايلند (رحلتي الممتعة الي تايلند وكوالالمبور)