معهد تشامبينز الصحي الجديد (الجابرية)

[Maloka^koka]

منو يعرف عن معهد تشامبينز العائلي الصحي الجديد الي في الجابريه الي جدام حولي على الدائري الرابع

ابي اي معلومات عنه مثل متى الافتتاح وشلون نظامه وجم اسعار الاشتراكات فيه ؟

 

[جنات]

ليلحين مافتح فماعتقد تقدريت تعرفين عن أسعاره لين يفتح .. أو تقدريت تكلمين شامبيونز للبنات و تسألينهم

رقمهم 5322418

 

[Maloka^koka]

يعطيج العافيه اختي

ما تدرين متى راح يفتحونه يعني ؟
شنو سامعه عنه ؟
وشنو الفرق بينه وبين الافرع الثانيه حق تشامبينز ؟

 

[بنت من الكويت]

اسمه شامبين ... وهو للعائلات يعني للريايل والحريم والأطفال ...

مختلط

 

[Maloka^koka]

اسمه شامبين ... وهو للعائلات يعني للريايل والحريم والأطفال ...

مختلط

اختي ياريت تروحين عنده وتقرين اسمه عدل :s141:
شامبين هذا اسم مشروب كحولي

النادي هذا اشهر من نار على علم
وادري انه للعائلات فقط ومكتوب عليه بالاصفر بخط عريييييض
بس حبيت اعرف طريقته نفس منتجع فلكس الصحي وله نفس منتجع النخيل وله شلون؟

 

[Dancing^Queen]

اللي عنده معلومات ياليت يفيدينا

 

[بنت من الكويت]

حبيبتي champmen اسمه مو champian

champ=رياضي oo men= ريايل

بس الكتابه بالعربي وحدة

وانا كنت مشترة in champions واعرف من زمان انه نادي العائله

مثل نادي crunches بنيويورك

 

[ريم ست الحريم]

بناااات والله اول مره اسمع في نوادي مختلطه بالكويت اشلون يعني يسوووون ايروبك مع بعض 000000اأحسها مسخره

صرااااحه ماتصلح هالنوادي الا للخوارج


مافي احلا من الستر هذا راي

 

[Maloka^koka]

بنت من الكويت
مادري وين دخلتينه وقلبتو الموضوع عن اسم النادي هىهىهىهى
اسمه تشامبينز ومتأكده من هالشي يدخلنه بالكحوليات والرياييل ما ادري
الموضوع نبي نعرف شلون طريقته
لانه قالو مختلط وفيه ناسو قالو لا الرياييل بصوب والبنات بصوب والاصفال هم لهم ركن خاص
مثلا منتجع النخيل ونادري الكرنيش وايليزيوم خلط بكل شي

واختي ريم ست الحريم ترى من زمان فيه نوادي خلط بالكويت واولها الفنادق كلهم خلط
عشان جذي انا قاعده اسأل واستفسر لانه لو خلط نفس الباجي ماراح ينفع نشترك فيه.

 

[Dancing^Queen]

حبايبي تايم ااوت
بلاخوارج ولادواخر ولاصراعات دينيه ولاحزبيه والمعني وصل ياحبيابي مايحتاج شرح لهالدرجه لمعني الاسم لاتنسون الغرض من المووضوع والسؤال بليز
موضوع نادي عائلي اسمه تشامبيز او تشامبينز او شامبينززززززززز المهم المعني وصل




ثاني شغله اختي ريم
حتا النوادي المختلطه قاعات الايروبكس منفصله ماعندنا حريم ويا رياييل يتمنون ايرووبكس مع بعض ولله الحمد

 

[Maloka^koka]

كوين اختي حبيبتي روحي اندية الفنادق وشوفي بعينج
وحتى لو مع بعض القاعده جام شفاف وكل شي يبين فيها هذا الي مانبيه
الي سمعته عن تشامبينز انه قسم حق الرجال وقسم للنساء وقسم للاطفال وقسم مختلط بس ليلحين ما بين شي
الكلام وايد بس نبي الصج وينه

 

[ظلال القرآن]

انا سمعت الحريم يسولفون بالنادي يقولون ان الاشتراك بالف وشي
ويقولون مختلط>>> ياخزياه

بس باجر بيب لكم الخبر اليقين

 

[Maloka^koka]

يعطيج العافيه اختي ظلال
بالنسبه للسعر هذي اسعار النوادي
الاشتراكات العائليه كلها بحدود الالف وانتي صاعده
بس خل نعرف شنو نظامه لانه لو حلو نفس ماسمعت عنه ودي اروح اشترك
بس لو كله مختلط ما ينفع

 

[^SwEeTa^]

مشكورين على المعلومات بنوتات

و بسكم مداحر الله يهداكم .. ما تيوزون!!

تهبلون .. بس لو ما هالعساره اللي فيكم ههههه

(كويتيات ماكو فايده )

 

[^^ROSE^^]

شصار الحين؟ شنو طلع النادي؟
انا شفته عالشارع بس ماتشجعت ادش اسأل

 

[Maloka^koka]

شصار الحين؟ شنو طلع النادي؟
انا شفته عالشارع بس ماتشجعت ادش اسأل

انا هم بعد نفس حالتج
زينو النادي بالليتات وحالتهم حاله من بره جنهم قربو على الافتتاح :nbvppw:
الي يعرف شي لا يبخل علينه بمعلومه يابنات

 

[noty]

هلا قلبي

اهو بعد يبيله وقت ليلحين ما خلص

و على انه عائلي اي اهو حق الحريم و الرياييل بس منفصل مو ميكس

و الاخت اللي قالت عن اليزييوم انه مكس لا حبيبتي مو مكس ,, منفصل اللي عاليمين الحريم و اللي على اليسار الريااييل
وحمام السباحه في ايام بالاسبوع حق الحريم بس و الباجي مكس

اللي مكس الكورنيش و النخيل و اغلب نوادي الفنادق

 

[شيهانه]

الكورنيش مختلط الايروبكس بنات ورياييل يسوون التمارين مع المدرب

 

[sanyoreta]

بعدة مافتح وهوة بمنطقتنا وكاتبين عليه للعائلات فقط
وعلي فكرة في نوادي بالكويت مختلطه وفيها شغلات الله لايوريكم

 

[Dancing^Queen]

السؤال
فتحو والا بعد؟
والله الجابريه اقرب من الشعب البحري