مع قرب رمضان ..نبي افكار شنو ممكن اهدي "خالتي و امي "

[سعادتي برضى ربي]

السلام عليكم ورحمة الله وبركاته

مبارك عليكم الشهر مقدما ...وياعسى يبلغنا رمضان ونحن في احسن حال ان شاءلله

وبما عارفين رمضان شهر الرحمه وصلة الرحم والتقارب

وحابه اني اهدي خالتي ام زوجي هديه بهذه المناسبه

ومحتاره ششتريلها ..ومعلومه اهيا مو كبيره حيل

وبإنتظار افكاركم وفناتقكم ,,ولنشارك ولنتسابق للخير :eh_s(9):

 

[سعادتي برضى ربي]

up\\\\\

 

[الاسطورية]

انا اسمع الكل يتحجى عن سجادات الصلاه الحرير وغاليين وراقيين بس مادري وين سجاده حرير


ومكن تهدينهم طقم مبخره ومرش او دراعه سوالف رمضان

 

[سعادتي برضى ربي]

فكره روعه مثلج يالغاليه

شاكرتلج

وبإنتظار افكار باقي البنات

 

[الحياة]

بنات ابي شي حق امي هديه حلوة بس شي له القيمة وحلو
بس ابيه بمناسبة تقاعدها

 

[سعادتي برضى ربي]

بإنتظار فناتقكم ياكويتيات وينكم

 

[صــــدفــــه]

والله انا بعطيها طقم مطارتين حلوييين اخذتهم بــ25 دينار ...

انا هذا اول رمضان يمر علي عند اهل زوجي فمادري اذا يعطون هديه ثانيه او

انا غلطانه بالهديه ........

علموووني اذا غلط اعطيها مطارتين ؟؟؟؟؟؟؟؟؟؟

 

[سعادتي برضى ربي]

صــدفه : انا بعد فكرت باخذ مطارات لأنه شي حلو ينفعها برمضان

من وين خذيتيهم

وبعد محتاره في شي ثاني

 

[أحلام]

رمضان عادةً نتشراله مواعين يدد .. فحلو تشترين لها مطاطير ..أو طقم تقديم للحلو ..استكاين كشخة .. هالسوالف ..
وممكن بخور جديد ماقط جربته ..حتى يكون رمضان جديد في جديد ..:eh_s(9):

ممكن دراعة وملفع يناسبها ممكن سيجادة صلاة كشخة تبخرينها لها ..تاخذها حق التراويح ...شنو بعد ..:eh_s(10):

بس تعبت....

 

[al7noona]

والله انا مفكره اشتريلها طقم استكانات وفناجين وهالسوالف الي ايي طقم كامل بكل مكان ينلقى
وامي ناويه اشتريلها طقم سياده مع ثوبها بس هالشي مادري من وين اخذه ؟؟؟؟؟؟؟؟؟

 

[سعادتي برضى ربي]

شكلي بشتري طقم مطارات بس محتاره مع شنو احطلها معاه

بشوف فياصل

 

[بنات حواء2]

و انا محتاره ما ادري شاخذ بس فكرت بطقم كامل من الشايع مع البخور و اللوشن و العطر

 

[zoba]

اكو موضوع بقسم الهدايا والاشغال اليدويه
http://www.q8yat.net/showthread.php?t=86073

نفس الموضوع اللي تبينه ومشاركات اكثر يعني افكار اكثر

 

[brbecan]

انا مليت من هالاشياء كل سنه
عاد هالسنه سويت هديه غير
شريت صندوق صغير واحد حق امي وواحد حق خالتي وواحد حق زوجي

وحطيت فيه مصحف صغير وكتيبات وادعيه صغيره ومنظر صغير يتعلق عليه ايه قرانيه
ووصل افطار صائم باسم كل واحد فيهم وشويه بخور
وبس

 

[مريم الكوت]

الصراحه أحلى شي حق رمضان مواعين يعني طغم مطارات أو استكانات وتقدرين بعد تاخذينلها شي حق العيد تكشخ فيه مثلا دراعه أو سواره أو شيله كشخه

 

[نطوووعه]

بنااااااااااااات منين نلقى مطاطير و مواعين زينه نشتريهم حق الخااااااااااااااااله

 

[سعادتي برضى ربي]

انا شريت من فياصل صج شي حلو وسعره فيه

عندج ( فياصل \ هوم كولكشن <الرايه \ تروفاليو \ جمعية الفيحة \ الصانع )

 

[BaiTotia]

عندج طقم مطاطير
إستكانات
مواعين حق البيت ويكونون حلوين
أو شغلات حقها مثلا سوار ذهب
لفة مع عباتها
بخور ودهن عود ورشوش