مغتربة مع طفل سنة ونص فيدوني امهات

[بنت^كآليفورنيآ]

اتمنى
اتمنى اغلب اللي يردون يكونو عندهم طفل بنفس عمر ولدي


او خبره عالاقل



بنات

انا جدا متوتره بغربة ومعاي طفلي بجري
بنات انا عندي اهل وورفيجات وام حنونه الله يخليها فادوني

بس ايدي تحكني ودي اخذ تجارب اكثر


بنات اانا فوق هم الغربه زاد همي ولدي الله يحفظة

عمره 1 ونص

نقعد 9 ونص الصبح انا معاه اشربه حليب

عقب على حزة ريوقي 11 ونص اسويله صمونه بيض وجبن وياكلها مع عصير

انا اعطيه حليب 8 ارقام بس احس شوي عليه شرايكم ؟


2 اغديه طبعا حدي محتاسه ماعرف اسوي مجابيس من جذي توترت وكله عبالي ما شبع

خصوصا ان بالكويت كل يوم معانا عالغدا عيش

انا اسويله اكل زين لا تحاتون من هالناحيه


ينامله ساعه ونص تقريبا او ساعه ويقعد 4 ونص

عال 5 اعطيه بطاط او موزة او روب ومن هالسوالف

ليماااا ال 9 تقريبآ ما اخليه بدون اكل لا تناتيف


اعطيه عشاه 9 بعدين 10 ينام او 10 ونص

بدون رضعة ثانية


ومن الوحده يحن وايد وكله عبالي يوعان واتوتر


اسئلتي هل وجبة حليب وحده زينه ؟ ( اعطيه حليب بودر مال اطفال مو علب)

والا ازيد رضعه قبل النومه؟


8 ارقام زين والا شوية


طريقة تقسيمي للاكل زينة


عندكم اضافات او افاده ؟


مادري من التوتر احس متدوددهه خصوصا اني بغربه


الطفل بهالعمر شنو اعطيه شي معين

مادري سولفووو



ماشاءالله تبارك الله


بنات لا تقولون دخليه حضانه وارتاحي لان هذ مووضوووع ثاني ما ابي اتكلم فيه هني



سولفو وياي بهالموضوع افيدوني


احس ماعندي سالفه

 

[نور دنياه]

مشالله مبين نظامج للاكل زين لولدج بس بالنسبه للحليب مادري والله انا بعد ام جدييده وماعندي فكره اشوف البنات يكتبون اهني انه حليب"بيدياشور" يعطونه عيالهم من يكمل سنه
و دايما امي تقولي خففي الحليب واستبدليه بالوجبات واسوي قوقل للوجبات الي تناسب عمر بنتي

ابحثي بقوقل شنو يناسب ولدج وان شالله الباقي يفيدونج

 

[Um Tuki]

ولدي عمره سنتين و اعطيه الحليب على فترتين

قبل قيلولته الظهر الساعه 12

و قبل رقاده فالليل الساعة 8

و اعطيه الحليب لفرش ( مراعي ) و هذي نصيحة الدكتور

اريقه و اغديه و اعشيه و بين الوجبات خيار او فواكه

عشاه يفضل يكون خفيف

روب

سليس توست

و من هالسوالف

لأن بعدها يشرب الحليب ويرقد

انتي ترتيبج ممتاز بس لا تحطين 24 ساعة في بطنه أكل ..

 

[غصوون]

ماشاء الله نظامج حلو بس اتوقع لو تعطينه حليبه اكثر افضل على الاقل ثلاث مرات في اليوم والاحسن تاخذينه زياره لطبيب اطفال تتطمنين على وزنه وطوله بين وقت ووقت وتتابعين معاه نموه وتسالينه اللي في بالج والله يحفظه لج ويسهل عليكم غربتكم

 

[M!SS.LOBY]

الله يحفظه لج ولا تشوفين فيه مكروه

 

[M!SS.LOBY]

نظامج الغذائي حلو وايد ماشاءالله

 

[همي رضى خالقي]

حليب اول مايقوم وقبل النوم احسن

ولا تعطينه اكل اذا مو يوعان يعني بين الوجبات الرئيسية خا يلعب يطالع تلفزيون ولا تغصبينه. عالاكلة ارا مو يوعان ومايبي ويعطيج العافيه

 

[AVE.NJ]

حبيبتى نظمي اكله وتعلمي تسوين عيش مع خضار واذا مالج خلق في خضار مثلجة بالجمعيات وم
شوي شوي ضيفي عليه الايدام وعطيه الياهل باعتدال يعنى ريوق سناك والسنال
ك يكون فواكه والغداء عي وخضار بعدين رضعه وينام العصر سناك بسكوت فواكهه وعطيه بطاط وبفك خل يستانس بس كمية صغيرة بصحن وبعدين عشاء انه اعطي ولدي نفس الغداء وبعدين رضعه وينام والله يعينج على الغربة

 

[Bio_reem]

قوة
انا بغربة مثلج
وولدي معاي من عمره ٧ اشهر لي الحين سنتين و١٠ شهور
اكل ولدج واااايد اخسن من ولدي لان ولدي لي الحين ماياكل بروتين ، اكله كله عيش وبطاط ومعكرونيه ولا يحب الجبن ولا الروب ولا اي نوع من اللحوم ولا البيض والخبز ياكله فاضي من غير شي


بس لي عودة بكتب لج بالضبط شكثر يحتاج حليب وشكثر فاكهه وشكثر خضار وشكثر بروتين
وعندي لج موقع بعد سجلين كل اكله ويطلع لج اذا فيه نقص معين وين يكون حتى على مستوى المعادن والفيتامينات

راجعة والله يسهل عليج الغربة

 

[بحور العنا]

نظامج زين حق الاكل بس زيدي له بالرضعات لان الكالسيوم ظروري للجاهل بهالعمر
والله يخليه لج يارب

 

[!!الزينه!!]

حبوبه بهالعمر الطفل يحتاج الكالسيوم حييل لان عظامه قاعده تنموو


عشاان جذي رضعه وحده ماتكفي


والله يخليه لج

 

[M!SS.LOBY]

الله يخليه لج

 

[الغضى]

خليهم رضعتين حبيبتي احسن

 

[M!SS.LOBY]

اب اب اب

 

[شوكلاتة سويسرية]

الدكاور قايلي من سنة لي سنتين لازم رضعتين باليوم الى ٣ كحد اقصى فقط

 

[cute_mama83]

حبيبتي زيدي له عدد الرضعات علاقل قبل النوم عطيه بعد عشان يشبع ومايقعد لج كل شوي , اذا انتي تراجعين دكتور اطفال طلبي منه جدول الاكل وعدد الرضعات المناسب لعمر ولدج
اذكر انا دكتورة بنتي عطتني جذي محدد لج العمر وعدد الرضعات والكميه وكل شكثر وجذي بالنسبه للاكل

 

[Q6RYA]

حبيبتي لا تحاتين نظامج زين ممكن تعطينه رضعه دافيه قبل لا ينام وبالنسبه لحليب الصبح انا احط لولدي فيه بسكوته فارليز في امريكا مافي فارليز بس في بسكوت يذوب بالحليب حق اليهال بتحصلينه بالجمعيات (لان هذا اعتبره ريوقه ويهمني يكون شبعان قبل لا يروح الحضانه) بعدين اهم شي لازم يكون في وجبه غدا ووجبه عشا (عيش او معكرونه) وبين الوجبات عادي عطيه توست وجبن فواكه روب بالفواكه كراميل اي شي وحاولي تعلمينه ياكل بروحه هالعمر بيتعلم قعديه على كرسي الاكل وحطي الاكل جدامه اول شي بتشوفينه يلعب بعدين بتشوفينه يجرب الاكل وشوي شوي بيتعلم