مغتربه ومعاج خدامتج؟؟ حياج فيدينا

[ام مضاوي]

خواتي شاكرتلكم ردودكم
وآراءكم عالعين و الراس كلها

والي تقول مو محتاجين خدامه وتعودي عالكرف ونظمي وقتج و و و و ... ذ

انا لله الحمد ماتعبني الشغل كللللش بالعكس كنت مستمتعه فيه
الايجابيات كان في ايجابيات بس السلبيات اكثررررر

يعني مو كل وحده تقارن نفسها بغيرها
لان كل وحده ظروفها وعدد افراد اسرتها يختلف عن الثانيه
مثل البيوت بالكويت في ناس محتاجين خدامه او 2او 3

انا اشوف الي ماعندها يهال وماتدرس كلللش مو محتاجه

انا مثل ماذكرت ماعندي مشكله مع شغل البيت والطبخ وبالعكس حددددي كنت منظمه وقتي
بنتي4 سنوات مقدوووور عليها
ولدي سنه ونص الله يخليه شي مووووطبيعي والله كنت اغط دقايق الاقي بلاوي صارت وراي

جربي اذا بتطلعين مشوار صغير ووراج يهال تزهبينهم ساعه علشان تطلعين مشوار صغير!!!! او مشوار ضروري والجو مايساعد ان اليهال يطلعون او المشوار متتتتعب بالنسبه لهم

وبعدين اوك ينامون مبجر عال8 معقوله لازم انام وياهم!!!! ليش انتو ماتقعدون مع ازواجكم تسهرون شويه تسوين جو يخفف شعور الغربه
هالشي مايبيله خلق؟!!!! مو وحده قاعده من 7 ونص تكرررف وتسهر لي 12 او 1 بليل تفضي لزوجها تري حتي الزوج له حق

انا عن نفسي ربي يسهل اموري ماراح اسافر بدون خدامه وهالشي رغبة زوجي قبل لاتكون رغبتي

 

[مجنونة حبه]

الله يوفقج
بس ابي اقولج شغله بنتج كبيره اسم الله عليها يعني تفهم وغير تروح الحضانه
يعني راح ترتاحين الصبح وتجابليم واحد اذا ماراح يروح الحضانه
ثاني شي من ناحيه التبديل ساعه كامله اشدعوه كل لبس تلبسينهم بس يعتمد على سرعتج
وثاني شي شنو كل يوم مشوار وصغير اهني مو نفس الكويت كل شي قريب
يعتمد
واذا حاطه بالج تروحين مشوار سوق او جمعيه صدقيني انتي ماجربتي هالشي ومن الحين تحاتين
ترا سوقهم اذا دشيتيه ما تخلصين منه الا بعد ساعه او اكثر
اتخلين اليهال بالبيت بروحهم مع الخدامه !!!
حتى ولو عادي اخذيهم معاج شوي ترا يغيرون جو من الحكره بيت
ونقطه الثالثه الزوج
تقدرين اتوفقين بينه وبين عيالج
اول شي تقومين الصبح واكيد بعد ظهر ارتاحي ونامي
اذا ياه بليل وناموا العيال وريل ماعنده شي سهروا ما فيها شي وثاني في عطل يوم السبت والاحد سهروا بعد اليهال اذا ناموا

صراحه هذا رايي ومو قصد ني اضغطج او ازعجج بالراي بس حبيت اقولج الحياة صعبه صح بس الواحد اذا يبي شي يسهلها وكل شي في حل
واذا تتوقعين راحتج بخدامه ييبيها معاج
بس اذا بامريكا ويايين دراسه او عمل انتبهي اطلعينها وايد
ولا تاخذين فليبنيه او هنديه او سيلانيه لان بامريكا متكودين وايد واخاف احد يسحبها بحجي وتقعد تتبلى لا قدره الله
ولان هالايام امريكا امبطله عيونها عدل عالعرب
مو قاعده اخرعج بس حابه انصحج
وتقبلي بمروري

 

[ام عبدالوهاب555]

الله يوفقج
بس ابي اقولج شغله بنتج كبيره اسم الله عليها يعني تفهم وغير تروح الحضانه
يعني راح ترتاحين الصبح وتجابليم واحد اذا ماراح يروح الحضانه
ثاني شي من ناحيه التبديل ساعه كامله اشدعوه كل لبس تلبسينهم بس يعتمد على سرعتج
وثاني شي شنو كل يوم مشوار وصغير اهني مو نفس الكويت كل شي قريب
يعتمد
واذا حاطه بالج تروحين مشوار سوق او جمعيه صدقيني انتي ماجربتي هالشي ومن الحين تحاتين
ترا سوقهم اذا دشيتيه ما تخلصين منه الا بعد ساعه او اكثر
اتخلين اليهال بالبيت بروحهم مع الخدامه !!!
حتى ولو عادي اخذيهم معاج شوي ترا يغيرون جو من الحكره بيت
ونقطه الثالثه الزوج
تقدرين اتوفقين بينه وبين عيالج
اول شي تقومين الصبح واكيد بعد ظهر ارتاحي ونامي
اذا ياه بليل وناموا العيال وريل ماعنده شي سهروا ما فيها شي وثاني في عطل يوم السبت والاحد سهروا بعد اليهال اذا ناموا

صراحه هذا رايي ومو قصد ني اضغطج او ازعجج بالراي بس حبيت اقولج الحياة صعبه صح بس الواحد اذا يبي شي يسهلها وكل شي في حل
واذا تتوقعين راحتج بخدامه ييبيها معاج
بس اذا بامريكا ويايين دراسه او عمل انتبهي اطلعينها وايد
ولا تاخذين فليبنيه او هنديه او سيلانيه لان بامريكا متكودين وايد واخاف احد يسحبها بحجي وتقعد تتبلى لا قدره الله
ولان هالايام امريكا امبطله عيونها عدل عالعرب
مو قاعده اخرعج بس حابه انصحج
وتقبلي بمروري

:rerrerek: :rerrerek:


دخلي عيالك اثنينهم حضانة وخلي مشاويرك الضحى تمشي بروحك ، او مع ريلك اذا ما عنده دوام!!

همن ولدك واحد ما يأثر اذا خذيتيته معاك

بعدين حرصي ع الشقة كل شي يكون فيها ومريحة للشغل

واحسن شي تجيبين شركة تنظف ، او خدامة مقيمة هناك تحاسبينه بالساعات

لان الهنود منتشرين ببريطانيا وكشخة يتمشون بالساري ، ما اعتقد بترضى الخدامة بالحبسة او تشوفهم وتسكت ، فاحسن شي تكون مقيمة وحابة تشتغل خدامة

 

[Cristal$$ l$$]

الله يعينكم على الغربة
ويصبرك
انا الاردن وخايفة
شلون دول اجنبية

 

[D.asmaa]

:yaaaaaarb:الخدم اكبر غلطه ابامريكا ياما ناس انسجنو بسبتهم انا فاهمه وضعج ايجابياتها وايد بس سلبياتها اكثر وعن تجربه واحد من الشباب مع ريلي انسجن وبغت تروح بعثته والسبه خادمتهم شكت عليهم واهيه مشتغله عندهم 8 سنسن بالكويت لوما تدخلت الحكومه ودفع تقريبا 5000 دولار تعويض وقايله انهم يطقون عيالهم اقوولج الله ستر عليهم ماراح الريال الله يسهل امووورج يارب بالنسبه لي قرار شخصي ماكو خادمه :yaaaaaarb:

 

[إنسانه وأكثر]

السلام عليكم ورحمة الله وبركاته

شلونج حبيبتي شوفي انا قعدت بأمريكا 6 شهور وكنت حامل وولدت هناك متى حسيت باهمية انه تكون عندي خدامه لما ولدت ودخلت المستشفى رديت البيت لقيته مو معفوس بس هم من بالنظافه اللي كنت اتمناها لانه ريلي كان مع ولدي ولاهي معاه وانا بالمستشفى فحرام صار ضغط عليه وخصوصا اني كنت رايحه علاج لولدي فكان حده ضغط على ريلي

والحين احتمال ارد اسافر ومحتاره اخذها ولا لا وخصوصا اني باخذ عيالي كلهم مااقدر اخليهم حياتي

الله المستعااان

 

[usgirl]

رد : مغتربه ومعاج خدامتج؟؟ حياج فيدينا

بنات انا بروح انشاء الله علاج امريكا هالمره ودي اخذ اعيالي اسم الله عليهم 3 اصغرهم بنتي بتصير ان شاء الله سنه واشوي و ودي اخذ خدامتي لان تخيلي بالطبيب ومراجعات وتحاليل
وانا ياهل على جتفي وياهل الاحقه والكبير حبيبي ريال عمره 5 ونص
غير لما ارد البيت ما اكون مسويه غدى وعفسه وارمضان ياي

ودي اخذ فلبينيتي

اش رايكم

 

[شندوخه]

رد : مغتربه ومعاج خدامتج؟؟ حياج فيدينا

خدامه بامريكا لايحوشك والله بتمين قاعده على اعصابج وخايفه .. اهما بالكويت ويالله تخلصين من مشاكلهم هالمره هناك؟
وترى لم تودينها مقابله بالسفاره مالت الفيزا يمسكها واحد بنفس لغتها ويفهمها كلشي ويخربونهم عليج بالطقاق اهما بينحاشون بس ريلج اللي ياكلها وتطيح براسه وسين وجيم .. اشتري راحه بالج
بعدين بامريكا الامور حيل حيل مبسطه والله اهما شعب كسول وموفرين التعب على نفسهم

 

[ام مضاوي]

خواتي شاااااااااكره ردودكم

بس انا مو بامريكا ببريطااااااااااانياااااا


وترى حدددي حدددي محتاجه خدامه ولدي بوسنه ونص الله يخليه شي لاااايوصف

ماله داعي اكتبلكم شيسوي علشان تقتنعون اصلا سوالفه بروحها يبيلها موضوع

يكفي اني فرطت بخدامتي الي يحبونها عيالي علشان اخاف منها بلبل انجلش وجامعيه وتحب الحياة

ويبتلي سيلانيه اووك بالشغل بس مومقتنعه فيها حق اليهال فرق عن الفلبينيه قلت تكون غشيمه وفقيره تبي تعيش بس:gr4uu:

غير ان في بيبي بالطريج :bbbiu: كنت ناويه ادرس لغه وانتهزها فرصه بس راحة عيالي و زوجي اهم

وربي يكتبلي الي فيه الخيييييير

 

[Beverly Hills]

ام مضاوي انتي باي ديره ماعندهم حضانه لياهل
واخذي راحتج بالتنظيف و اذا كنتتي تدرسين الله يعينج

 

[نتوفه]

من صجكم تاخذون خدامات حق امريكا ولا دول اجنبيه؟؟؟؟ !!!!
على قولة شندوخه لا يحــــــــــــوشك
عزالله بتفتح عيونها وبتشوف اللي نفس جنسها عايشين ومتهنين و تلقى اللي يقص عليها وتنحاش
عاد روحي دوريها والله لا يحطونج بين سين وجيم
نفس الطالب السعودي اللي انسجن والسبه الخدامه
ماخذينها معاهم امريكا علبو تشتغل شافت الحياه انحاشت عنهم وقالت هذول يطقوني ويعذبوني

مايحتاج خدامه تقدرين تقسمين الشغل والوقت واذا على العيال في حضانات تحطين عيالج فيهم

 

[ام مضاوي]

ابيييييييه بنات ليش محسسيني ان الوضع مستحيييييل وجرييييمه!!!

اشوف اغلب ربع ريلي العوايل السعوديه معاهم خدم عااادي الوضع ومرتاحين لااا واندونيسيات >>هالجنسيه ماافكر اييبها بالكويت الا تسافر معاي!!

وكذا عايله كويتيه اييبون معاهم
انا شايفه وحده بالطياره معاها هنديه وقعدت ادردش معاي
وسألتها اذا عادي وضع الخدامه؟؟ قالتلي عادي صارلها سنه ونص معاي مافي مشاكل
بس ماحبيت امصخها و أسألها اكثر

وعيالي بس بنتي الكبيره حضانه ولدي اقل من سنتين متعلق فيني حاليا ماافكر ادخله عالاقل لين يكمل٣
وغير ان في بيبي بالطريج مثل ماذكرت يبيله سهر وتعب ان شالله

 

[queen2007]

رد : مغتربه ومعاج خدامتج؟؟ حياج فيدينا

الله يوفقج باللي راح تقررين علية ويبعد عنج شرهم ويعطيج خيرهم انتي وريلج واستخيري قبل لاتاخذينا وان شاء الله ما ييج منها الا الخير

 

[Model Look]

مضاوي حياتي ببريطانيا عالاقل اهون من امريكا امبيه اللي صار بالطالب السعودي والسبب خادمتهم شي لا يوووصف

انا بالنسبه لي اخدم نفسي وبس لاني شايله نفسي

بس فيه عايله اعرفها بلندن عندهم فلبينيه انحاشت هناك معنه معاهم ١٢ سنه !!!

كاتبه رساله سوري بس هذي فرصه العمر لوووول

ماسوو شي علاطول بلغو السفاره وسوو الاجراءات ولا صار شي لهم الحمدلله :yaaaaaarb:

 

[Om_Ksha]

وااااااااااااااي بنااااااااات خرعتووووني .. ناويه اذا الله كتب واغتربنا اخذ خدامتين معاي !!

الله يستر

 

[ام فله]

لندن انا اخذتها سياحه معاي اعيالي عادي فلبينيه

اهم شي لا تختلط مع احد خليها بالشقه او اذا طلعتوا عينج عليها صادقيها اكرميها كل ما رحت السوق دبلت معاشها لبست

جنز وبلايز كشخه انا اللي اشتري لها الملابس كانت مو مصدقه عمرها طايره من الفرحه

اما امريكا لا والف لا ولا استجري واعيالي معاي مع ان المره هذي خدامتي هنديه وعلى نياتها

بس امركا غير حاطين عينهم على العرب وجيرانج يراقبونج 24 ساعه اي حركه غلط لو تتركين العيال ساعه ابروحهم

بالبيت على طول اتصلوا بالشرطه

 

[مجنونة حبه]

لندن انا اخذتها سياحه معاي اعيالي عادي فلبينيه

اهم شي لا تختلط مع احد خليها بالشقه او اذا طلعتوا عينج عليها صادقيها اكرميها كل ما رحت السوق دبلت معاشها لبست

جنز وبلايز كشخه انا اللي اشتري لها الملابس كانت مو مصدقه عمرها طايره من الفرحه

اما امريكا لا والف لا ولا استجري واعيالي معاي مع ان المره هذي خدامتي هنديه وعلى نياتها

بس امركا غير حاطين عينهم على العرب وجيرانج يراقبونج 24 ساعه اي حركه غلط لو تتركين العيال ساعه ابروحهم

بالبيت على طول اتصلوا بالشرطه

يب صح كلامج
اوربا متعودين عالعرب ومالهم شغل فيج لو اطقين ياهل
بس امريكا عيونهم عليج

 

[ام مضاوي]

مشكورين خواتي

شوي ريحتني ردودكم

انا كنسلت سفرتي لي شهر 9 لي وقتها يصير خير ان شاءالله

يمدي وصلو الخدامات الي طلبتهم وبختار بينهم وحده تروح معاي لي شفتها مضمونه

بس الفلبينيه مادري ما احس اقدر اخذها !!! ام فلة انتي اخذتيها سياحه اما انا تقريبا بستقر فتره صعبه اخذها بقعد احاتي كل ليله وكل يوم :eh_s(1):