مـالي غيركم من بعد اللـه

[مشتطـه]

السلام عليكم

بنات انا لجأت لكم بعد ربي

لان زوجي مانعني أقول لاحد الي صار
وحالف علي فـ انا ماني قادرة أسكت اهو رّيال ومو حاس مع انه خايف اكثر مني

توني راده من السلام الدكتورة نهاد

سوتلي سونار وقالت لي ان سبب الدم اللي قبل نزل عليج بيّن معاي الحين

واهو انفصال بسيط بالمشيمة

انا انصعقت حدي صكت فيني الدنيا

قالت لي الماي والنبض زينين بس هذ1 انفصال مو خطر هامشي بسيط

قلت لها شنو اسوي عشان اشفى قالت مابيدنا شي هذ1 بإيد الله ما عليج الا الراحه


انا كملت اسبوعين من الثامن و دشيت اول يوم بالاسبوع الثالث من الثامن

عطتني موعد بعد اسبوع من اليوم
اكون خلصت 3 اسابيع من الثامن

وقالت تكونين 34 اسبوع
واذا زاد انفصال المشيمة راح نظطر نولدج عشان البيبي لا يكون في خطر

بنات انا الخميس ابدي اول امتحان فاينل اخر كورس لي

مادري شفكر فيه الحين
عسى الله يستر ويعديها على خير

الدكتورة نظامها هادية وحس كلامها باارد

وانا بنت حساسه احتاج احد يواسيني ولا اقدر اقول لامي وخالتي

اانا خايفه حيل

ها في احتمال يكبر
وهل يلتم ؟

انا اذكر وحده متقطعه مشيمتها وردت مثل ما اهي بعد شهور

بنات حالتي خطرة والا عادية تصير

شرحولي؟

ما عليه اذيتكم بمواضيعي بس شسوي بطلع اللي بقلبي ماعندي احد

اهي قالت لي لو ولدتي الاسبوع الياي تكونين بالاسبوع 34 وغالبآ مايحتاج شيشة
وانت بالاول ماخذه ابرة الرئه ف ان شاءالله خير

ياااااااارب اكمل شهري بصحه وسلامة

 

[كتالونيه]

الله يهون عليج
ياقلبي اكيد خطر لانه اذا انفصلت
تولدين عمليه
اهم شي ارتاحي حيل وانسدحي ع ظهرج

 

[Ahwk]

الله يشافيج ويعينج بس ليش ماتقولين حق خواتج وامج ؟؟؟
انا لو منج اروح الصباح اشوف كلامها صح ولا غلطانه او روحي اكثر من دكتور عشان تتطمنين اكثر لا تسكتين علي نفسج
والله يشافيج انا عن نفسي ما اقدر مااقول حق خواتي علي الاقل يساندوني وهم عزوتي الله لا يحرمني منهم

 

[مشتطـه]

الله يشافيج ويعينج بس ليش ماتقولين حق خواتج وامج ؟؟؟
انا لو منج اروح الصباح اشوف كلامها صح ولا غلطانه او روحي اكثر من دكتور عشان تتطمنين اكثر لا تسكتين علي نفسج
والله يشافيج انا عن نفسي ما اقدر مااقول حق خواتي علي الاقل يساندوني وهم عزوتي الله لا يحرمني منهم

اقولج مانعني ؟

يعني اتطلق عشان بس عشان اقول لامي !!!!!

وانا ما سكت على نفسي ولا اهملت نفسي لو حالتي خطره جان ماخلتني الدكتورة ارد البيت

مشكورة على ردج

 

[مشتطـه]

الله يهون عليج
ياقلبي اكيد خطر لانه اذا انفصلت
تولدين عمليه
اهم شي ارتاحي حيل وانسدحي ع ظهرج

لا مو خطره لان مو انفصال كبيييييير !!!!!!!!!!!!!!!!!


انا قلت انفصال بسيط



تسلمين عالدعوه

 

[مشتطـه]

بنات يا ريت اللي عندها خبره تقول

واللي ماتدري شنو انفصال بسيط لا تفتي وتخرعني

انا من مساع أبجي

ومو ناقصه حجي ماله صحّه

 

[Ahwk]

حبيبتي مشتطه ترا ما اقصد اضايقج
الله يتمم عليج ويشافيج والله يعينج
وان شاءالله البنات مراح يقصرون

 

[كتالونيه]

حبيبتي امي الله يخليها انفصلت خفيف
وسبحان الله فجاءه نزل معاها دم وولدوا ع
طول بالثامن
حبيبتي دام نقولج علمي اهلج مو راضيه
ودام ننصحج ترتاحين لانه بعدين تولدين
عمليه موراضيه
اجل شنو تبين

 

[مشتطـه]

اهواك حبيبتي حصل خير تسلمين عالدعوه بعد عمري

كتالونية
وضحت لج بالموضوع ان زوجي مايرضى يدرون اهلي وهذي خالصين منها

والعملية للانفصال الكلي يسوونها

وانا جزئي بسيط
وبينت بموضوعي ان ابي احد يكلمني عن الانفصال الجزئي مو العملية

وهذا انا قاعده ارتاح ما قلت ماراح ارتاح !!!

شكرآ على مرورج

 

[*فرحة عمري*]

حبيبتي لا تحاتين
يبيلج راحة تااااااااااامه
انا من الاسبوع الثامن تخيلي و الحين انا بالاسبوع ال 20 عندي انفصال و تجمع دموي
لا تخافين ماراح ياثر على البيبي بالمرة و الحمدلله انتي خطرتي مرحلة كبيرة حلوة
و الحمدلله ماخذة ابرة الرئة
بس نصيحة من اخت لها تجارب اكلي برد لندن واااايد باليوم 3 قواطي علشان يكبر البيبي لان اذا اقل من 2,500 كيلو راح يدش حضانة لا تحاتين و الله بتفرحين وراح تكملين شهرج باذن الله تعالى

وهذا برد لندن

 

[● عـِـِـِزۈة آخ‘ـَـۈاْنـهـآ «-~]

حبيبتي انتي
اول شي هدي اعصاااااابج
وريلاااكس
انا ادري ان وضعج صعب
خصوصاً البجريه تحاتي كل شي
لانه الوضع جديد بالنسبه لها
انفصام المشيمه كذا وحده اسمع عنها
في بنات جزئي وفي احياناً يصير كلي
اعرف وحده انفصلت مشيمتها ٣ سم
وماشاءالله ريّحت وارتاحت ورد كل شي طبيعي
انتي خليج مرتاااااحه عالاخر
لا تتحركين الا لحمام وانتي بكرامه وصلاة
واسسسألي عن الصلاة اذا تقدرين تصلين
قاعده وهل يجووز هالشي


وان شاءالله يااااارب تتمين شهرج بخير وعافيه :*

 

[● عـِـِـِزۈة آخ‘ـَـۈاْنـهـآ «-~]

وصح كثري ككاوووو

دكتوري يقول اذا تبين البيبي يكبر كثري ككاو وعصير مانجا
ودااايم استودعي بيبيّج بهالدعاء
اللهم اني استودعك جنيني فرده لي يوم ولادته سليما
معافى دون زيادة او نقصان واتم حمله للشهر التاسع

والله كريم

 

[● عـِـِـِزۈة آخ‘ـَـۈاْنـهـآ «-~]

وصح كثري ككاوووو

دكتوري يقول اذا تبين البيبي يكبر كثري ككاو وعصير مانجا
ودااايم استودعي بيبيّج بهالدعاء
اللهم اني استودعك جنيني فرده لي يوم ولادته سليما
معافى دون زيادة او نقصان واتم حمله للشهر التاسع

والله كريم

 

[مشتطـه]

فرحة عمري تسلمين ياقلبي بقول لزوجي إييبه لي بس ليش برد لندن شنو فيه زياده؟


عزوة تسلمين ياقلبي عالدعاااء امين يارب العالمين

 

[*فرحة عمري*]

فرحة عمري تسلمين ياقلبي بقول لزوجي إييبه لي بس ليش برد لندن شنو فيه زياده؟


عزوة تسلمين ياقلبي عالدعاااء امين يارب العالمين

هههههههههههههههههههه لان حلو ودسم وفعلا يسمن البيبي

 

[مشتطـه]

هههههه ان شاءالله

 

[ام الحلوااات]

اللـــــه يــــتـــمـــم حـــمـــــلــــج الـــــى شــــــهــــــرج ويـــهـــــون عــــلـــيـــج ولادتـــــــج ويـــقـــومـــــج بــــاالـــســـلامــــه انــتـــي والـــبــيــبــي

 

[sosowaty]

اااااب

 

[المها الابيض]

الله يتمم حملج على خير وتولدين بالسلامه
يارب
وانا قاريه موضوعج اللي قبل واحسج حيل
توسوسين وخايفه وماألومج
بس نصيحه وكلي امرج لله سبحانه عشان
يكفيج كل شي
وانا صار معاي انفصال بسيط بالثالث ونزل علي دم
بس الحمدلله الحين مع الراحه صرت احسن
وارتاحي راحه تامه تامه وكلمي دكاترتج
اذا في مجال تأجلولج الامتحانات اوييبيلهم مرضيه وتقرير من المستشفى

 

[مشتطـه]

تسلمون عالدعوه


لا مابي أاجلهم بروح امتحن وارجع وانا ما اطلع كلش وبقعد شهر كامل بالبيت بس امتحاني وارد

حرام أاجله وانا ليلحين مو بمرحلة خطرة

بفتك
اخاف ااجلهم واتوهق بالصعوووبه