مـالي غيركم من بعد اللـه

[مشتطـه]

راحه تامه يعني شنو بالضبط

انا ما اقدر انسدح 24 ساعه صعبه

اذا قعدت مجابله التلفزيون عالقنفه والقنفه مريحه حيل عادي ؟
ما اروح الا حمام وصلاتي بس ؟

وما اطلع كلش

 

[ايمانو حلوة]

عادي بس ارتاحي ماكو خطر لا عليج ولا علي البيبي وراح تولدين بشهرج بعد عادي

 

[! بــدويه وآآيــد !]

،


حياتي والله ماعرف كلش بهالسوالف بس بدعي لج يارب تعدين شهرج وينزل بيبيج بصحه وعافيه كامل الخُلق والخًلق

 

[مشتطـه]

ايماانو ان شاءالله يارب


بدوية يا بعد عمري اجمعين ياااارب العالمين

 

[alhnan]

اي ممكن يصير انفصال بسيط في المشيمه ما يضر باذن الله
بس اللي عليج ارتاحي قد ما تقدرين تكونين منسدحه لا تشدين نفسج لا تشيلين شي ثقيل
والله يوفقج بامتحاناتج
واذا صار اي شي او شكيتي باي شي روحي للطبيب لا تسكتسن على نفسج

 

[مشتطـه]

بنات ما اقدر انسدح 24 ساعه صعبه

بروحي محكووورة بالبيت

بس كله قاعده ما اشيل شي ولا اتعب نفسي

وصلاتي على كرسي

 

[*فرحة عمري*]

لازم منسدحة الانفصال يبيلة سدحة شالمشكلة تنسدحين
انا قاعدة بالمستشفى 3 اشهر ومنسدحه حمدي ربج انتي في بيتج
​

 

[cramela]

هلا يا قلبي انا لو منج ما انطر علي نفسي اروح مستشفي الولاده الزم ما علي ولدي من صجج ما اضحي بشي علشان صحته روحي احسن لج من الخااااااااااااص لان اذا توهقوا الخاص دزوج اسم الله عليج للولاده يا قلبي والله حافظج مع البيبي واحسني الظن بالله والله اكيد بيكون عند حسن ظنج ي قلبي

 

[جلكسي1234]

حبيبتي الانفصال يبيله سسدحة على طوول

شرايج انا منسدحة ٤ شهوور حركتي من الحمام وانتوا بكرامة الى الفراش ، كلها فتررة وتعددي

ولاتوسوسين ، الله يهون عليج يارب

 

[مشتطـه]

آمين يارب

بس الدكتور ما قالت لي انسدحي
قالت ارتاحي

يعني اتوقع لازم تقولي انسدحي !!!!

عسى الله يسهل يارب وبنسدح

عاد الدراسه بدرس وانا قاعده

انزين بنات السدحه لازم عالظهر والا عادي على جنب

لان نومة الظهر ما احبها

 

[أم راشد المطيري]

مشتطة سوي اللي يريحج حبيبتي تبين تريحين ريحي تبين تنسدحين انسدحي

تبي تدرسين درسي ما تبي لا تدرسين

اهم شي اسمعي كلام الدكتورة

والله يقومج بالسلامة

 

[{عسوله مطير]

الله يسهل عليج ولادتج ..وتطلعين بالسلامه

والاختبار أحضريه وطلعي وتوكلي ع الله وعليج الاستغفار بنيه


وحافظج ربي حبيبتييييييييييييييييييييي ​

 

[مشتطـه]

تسلمون عالرد ماقصرتوووو

 

[tbola]

حبيبتي انتي ارتااحي ودااايمن ادعي ربج والحمدالله الدكتوره طمنتج

 

[مشتطـه]

الحمدلله يا رب على كل حال

عندي ثقه كبيرة ب ربي الحمدلله

 

[mirrorsweet]

مشالله تبارك الرحمن لا اله الا الله


صبوره الله يثبتج حلو فيج الثقه وصبر واتزان النفس


نصيحتي روحي مستشفي حكومي واستشيرهم وشوفي وضع بيبي راسه تحت فوق

واستخيري وشوفي وضعه اذا مستقر اوكي

اذا مو مستقر خل يولدونج لو بطلق صناعي


احسن من ان تدهور الاوضاع وتحولين عمليه


الله يكافيكم شرهااا يارب مجربه قيصري بغيت اموت من التعب النفسي قبل جسدي

 

[مشتطـه]

لا راس البيبي تحت

مستحييييييييييل اقولهم يولدوني وانا حالتي مو خطرة على قولتهم

بس اذا تطورت راح يضطرون يولدوني

واساسا حجي الدكاترة كله تخريع والسهاله من الله

رفيجتي نقص ماي البيبي وتنومت بالمستشفى وكاهي ولدت بالتاسع مع انها مخرعينها حيل

انا متوكله على ربي

وان شاءالله اللي فيه خير لي و وللبيبي يصير

وان شاءالله اكمل الثامن وادش التتاسع بصحة وسلاااامه يارب

 

[أبكاني ذنبي]

الله يشافيج ويهون عليج ويحفظه لج ويفرحج فيه يااارب

اول مرة اسمع بجذي مادري والله بس البنات ان شاء الله يفيدونج

بس ادعي الدعاء وايد زين ومسحي على بطنج واقري قرآن سورة البقرة واايد زينه

والله يتمم حملج على خير ياارب

 

[mamlaka33]

حبيبتي مشتطه البنااات ماقصروا جزاهم الله خير كل اللي بقوله قاالوه وانشالله يفيدونج بس بغيت اذكرج حيااتي ان اللي خلق هالبيبي هو الله والله الوحيد الي قاادر يحفظه لج انشالله ف مالج الا اللجووووووووووء لله اولا وبعدين سووي الشغلات الثانيه اكثري من الاستغفااااااااااااار قد ماتقدرين بنية ان الله يحفظلج البيبي وتولدين بالسلامه وكثري من الدعاء اللهم اني استودعك من في بطني فاحفظه لي يا رب \\وانتي ماشاء الله باين عليج ان ايمانج بالله قووي وانشالله كلها فتره بسيطه وتعدي وتبشرينا بولادتج \\الله يسهل عليج انشالله

 

[مشتطـه]

مملكة صدقيني انا حيل مؤمنه بأن ربي اللي يكتبه بيصير لو حالتي خطرة حيل

ومؤمنه بأن وحده اللي يحفظ ما في الارحام وبيده ما في الارحام

هذا اللي مريحني
بس
محتاجه اقرا تجارب مثلي عرفتي

الحمدلله يارب على كل شي