مـحـــتـااااره بهالـــعيــد مـــيــــلاااااااد .....Help Me

[A7la 7la]

:eh_s(8):

السلام عليكم ...

شلونكم خواتي...

بغيت مساااعـده.... أو .... إقـتراح ...

بس أبي من وحده عندها أفكااار خطيره و غريبه .. عشان أدعيلها من قلبي.......:eh_s(21):



بنات رفيجتي عيد ميلادها بعد شهر تقريبآ ....
ومحتاره شنو أهديها .. لإنها صج غاليه علي .. وغير جذي اهيا من النوع اللي تجي من أقصاها اذا صارت عندي مناسبه ....


وبعيد ميلادي الاخير ماخلت شي ماجابته يعني جابتلي أكثر من هديه .. مع الكاكاو .. مع الورد ..

الصراحه أحرجتني بطيبها...

و بعيد ميلادها السنه اللي طافت .. جبتلها طقم عطر .. وجبتلها تراجي شوارفسكي لإن كان عندهم عرس.. فإخترتلها تراجي و أهديتها ....



بس هالحين محتاااااااااااااره ....:eh_s(10):

مادري شنو اجيبلها بس شي يناسب ميزانيتي .. لإنه عقب العيد عندنا عرس من الجماعه و بقط على مكياجي و نفنوفي الصراحه ...!!



فـاماانه اللي عندها فكره حلوه و غريبه .. وبسعر معقول .... يعني لايطوف الـ 50 دينار..........:eh_s(4):

تساااعدني... وبدعيلها ...:eh_s(15):


ناااطرتكم حبيباتي...:eh_s(8):

 

[شهودة البطة]

هلا حبيبتي

أول شي كل عام وانتي ورفيجتج بخير


بعطيج جم فكرة وانتي نقي الي يناسب شخصية رفيجتج وعمرها وانشالله تعجبج اقتراحاتي

* أول شي ممكن تروحين ومن سيكرت عنده بجايم مع شحاطاتهم والشنطه مالتهم وابواكه روعة لبقيلها طقم واعتقد ما تتعدا الخمسين تحطهم لج بعلبه ذربه قوليلها انها هدية اتوصا فيج ونتي وشطارتج اذا بتغلفينها ممكن تلفين العلبة بورق الكريشه ومع الشرايط والحركات تقدرين تضيفين شغله على علبه الهدية من فوق اهي تعتبر هدية بعد وشكلها تحفة هاتي المشط مع مرايته الي في سنتر بوينت عرفتيهم الي يكونون ملبسين مخمل وعليه وروود وشك ناعم ونسقيهم مع تغليف العلبة من برا تكون هدية حلوة وذربه حق البيت


* عندج بعد محل فيرونا بالكوت والمنشر وجنه بالمهلب بعد عندهم شنط فلنتينو بيبلوس حلوين ونعومين والحين عندهم دسكاونت انا ماخذه نهم قبل فترة قصيرة جنطة فلنتينو 37 د ك بعد الخصم وشزينه حدها كول يزيد 13 دينار اخذيلها علبه ناعمة وشكليلها من كاكاوات لندن الانواع الي تحبهم من كشك المهلب :eh_s(22): فكرة الكاكاو انا مطبقتها بفرحووون فيها أكثر من الهدية


* اذا متزوجة اشتريلها بطاقات دعوات عشا في مطعم من هالمطاعم الي تارسه الديرة واحجزيلها بيوم ميلادها وقوليلهم يظبطونها بالجو الرومانسي خل تظبط ريلها على حسابج خخخخخ


* في وحدا كان عندها أطقم فضة وأحجار كريمة بس الصراااحة كانت روعة عندها تصاميم واذا تبين تعدلين وتغيرين تسويلج عالطلب شفتها في معرض دار الجوري واهي على طول تشارك بمعارض
بس للأسف كرتها موعندي بس اختي ماخذه من عندها وان لقيت رقمها بحطه لج والي تعرفها من بنات المنتدى تفيدنا الله يخليكم ودي آخذ من عندها للعيد


وسلالالالالالالالامتج انشالله عاد يعجبج شي ترا عصرت مخي لج :eh_s(8):

 

[أمـ طلال ــ]

1 ) تقدرين تروحين محل (( مكياجي )) عندهم علب حلويه فيها تشكيله كبيره من المكياج ووايد حلو اختي توها شاريه حق صديقتها من هناك .. في بالمهلب وفي بالفنار وأسعارهم حلوه يناسبج .

2 ) وتقدرين تشترين لها ميداليه حلوه حق سيارتها من شوارفسكي او فيلا مودا .

3 ) تقدرين تشترين لها ملفع راقي من فولار .

4 ) تقدرين تحجزين لها موعد في سبا تايم بالمهلب فوق ترى فكره حلوه يعني .

 

[.]

اهي شنو تحب..

50 شويه..

حلاته تاخذين لها جنطه وبوكها..

ساعه +عطر..

شوفي اون تايم ساعته حلوه واسعاره معقوله..

 

[diorella]

ساعه من guess

 

[الاسطورية]

شوفي انا عندي علبه كيوت واحلوه من توفيسد وميزتها تنحط بالجنطه بعد يعني فيها كل شي ومجكنمه ومكياجي كله من سيفورا معروف وعندي شغلات حوه






وهذا موقعي في اشكال وايد
http://pic6.piczo.com/os6oria/?g=45402996

المحل هذا البنات يحبونه وايد

 

[A7la 7la]

بعد جبدي والله شهوووده البطه التبتووووبـه...!!

فديت مخج اللي عصرتيه لي... ورفيجتي مو متزوجه .. ياويلها اذا تزوجت و خلتني....!!!! هههههه

واكثر فكره عجبتني:

* عندج بعد محل فيرونا بالكوت والمنشر وجنه بالمهلب بعد عندهم شنط فلنتينو بيبلوس حلوين ونعومين والحين عندهم دسكاونت انا ماخذه نهم قبل فترة قصيرة جنطة فلنتينو 37 د ك بعد الخصم وشزينه حدها كول يزيد 13 دينار اخذيلها علبه ناعمة وشكليلها من كاكاوات لندن الانواع الي تحبهم من كشك المهلب فكرة الكاكاو انا مطبقتها بفرحووون فيها أكثر من الهدية!!!!


بفكر فيها عدل...

ومشكوووورهــ... حبوبـهـ..............

 

[A7la 7la]

أم طلال ماقصرتي و الله وذكرتيني بسالفة الملافع .. هالحين على وجه دوام و عيد و دوام بعد العيد أكييييد راح ينفعها الملفع..!!

راح أضيفه للقائمه ...!!

 

[A7la 7la]

رونـه.. ماقصرتي .. بس حطمتيني لمن قلتي 50 شويه...!!

مو قلتلج ورانا عرس , و قبله العيد ... والميزانيه راحت وانا طالبه مو موظفه .. عشان جذي حددتها بخمسين...!!

ومشكووووورهـ.................

 

[A7la 7la]

diorella ياقلبي ماقصرتي على المرور..

بس أقولج شي؟؟؟ رفيجتي بينها و بين الساعات عدااااوهـ.......!!! هههههه

 

[A7la 7la]

كلج يهبل اسطوريه ... والله يوفقج حبوبهـ...