مـــاخـــذ قــرض ، . . . . . تـتــزوجــيـــنــه ؟!

[ملاك بين البشر]

انا اذا علي ماراح ارضى ليش ماخذ القرض علشان شنو سياره وسفر وخرابيط مولازم بس اذا علشان اهله وظروفه ذاك الساعه افكر

 

[انا والحب قصة]

ما احب اكون مو واقعيه واعيش بالاحلام اني بكافح وياه وبساعده

لا انا اذا تزوجت اتزوج عشان ارتاح في حياتي واسسها صح مو اتزوج ريال 24 ساعه تفكيرة شلون يسدد القرض وعايش بهم وقلق

انا بقولج لا ابي البداية تكون صح حتى ما اخطا في قراري

وكيفهم الي يوافقون كل واحد يعيش حياته مثل ما يحب

 

[المـــــها]

مــــشــــكـــــووووريـــــــن خــــــــواتـــي

(( أنا و الحب قصة ......... مــلاك بين البشر ))

بصراحة وجهة نظر سديدة و أحترمها .... نورتوا الصفحة

 

[روح البنفسج]

منو ماعنده قرض هل الايام مايطلع كويتي اذا ماعنده قرض او اقساط

 

[dr.elzain]

عادي المهم الاخلاق .. وبعدين منو مو ماخذ قرض هالايام .. بالعكس هذا يبين انه ريال ويشيل مسؤليه
كافي مضايق على روحه وماخذ قرض لاهله

 

[المـــــها]

D. Elzain .......... روح البنفسج

أشكركم خواتي على رايكم

و أنا بعد أعتقد إن هذا شي زين منه يساعد أهله ... و متحمل عشانهم

بس بدرجة معقولة .. و المفروض الأهل يسعدونه و يخففون عنه

 

[أم ولهــ]

عادي اذا كان الشاب زين و أخلاقه عالية ليش لا (( مد ريولك على قد لحافك )) ما نطالع فوق كل واحد على مستواه ،، حطي في بالج ممكن تاخذين واحد ما عنده قروض بس أخلاقه مو حلوة .. أنا من ناحيتي عادي

 

[المـــــها]

مشكوووووورة إختي العزيزة

أم ولـــــــه
أكيد أهم شي الأخلاق