مـــا أدري اللــــــــي ســـــــويته صــح ولا غلــط ...

[فطوم 84]

ماعندج سالفه. انا. لو. منج. اطق. اصبع.

انها. فارجتني. وبتزوج. خل. تولي. اهو. ووياها. كيفهم. تتزوجه. ويكشف. خياسها. ويطلقها

بس كان. مفروض. تخلينها. تتزوج. وتطس

وانتي. شدراج. اللي. بياخذها. خلوق. ترا. دايما. تذكري((الطيبون. للطيبات. والخبيثون. للخبيثات)). الله العالم اذا. زين. الرجال. ماتعرفين لهم. وايد. تحسبين. انهم. اخلاق. وبعد الزواج. تكتشفين. خربطتهم.


كان. مفروض تستانسين. وتخلينها. تطس. باللي. مايحفظها

الحين اكيد بترجع. تسوي مشاكل لج ولزوجج

الله يهداج. بس

والله ييسر امورج. ويسخر لج زوجج ويبعد عن بنت الحرام. هاذي

 

[am faisal]

حبيبتى ما تثقين بواحد راح ينصفج لو خانك كل البشر
صدقينى الجىء لربك ولا تنتقمين لنفسك وانتظرى انتقامة

 

[WAAAW]

انتي ما فضحتيها وما سويتي شي غلط .. بالعكس اللي سويتيه عييييييييييين العقل والساكت عن الحق شيطان اخرس وانتي قلتي الحق للريال ..... بالعكس ارتااااااحي ولا يأنبج ضميرج وعسا حوبتج ما تتعداها يا رب...... حدددددددددي انقهرت منها

 

[أكذب عليك]

الله يعين قلبج

شوفي اهي مو كفو ولا زوجج
والله امر بالستر بس انتي محتررره ومالومج
بس لوكنت بمكانج مااكون ساكته لحد هاليوم
مو افضح البنت لانه المشكله بزوجك ولا البنت بيلاقي
الف غيرها دامه بيخووون

دامج تحملتي كل هالسنين والبنت تزوجت الله يستر عليهااا
خليهااا عنج والكلام اللي قلتيه لزوجها ماراح يأثر 
والله يعينج

 

[english muffin]

شلون تبررون لها !!!!!!!
طبعااااااا غلط
انتي شكو
يمكن هالواحد الله دازه لها حق يهديها ويستر عليها

 

[(*ام عهــــد *)]

الله يسخره لج
والبلاء مو فيها في زوجج هو اللي متمااادي
ومثل ماجابها يجيب غيرها

 

[ماني من الناس]

مانلومج صراحه

اللي سوته فيج شي يحر

 

[أجمل إنسـآنـه ~]

لو انا بمكاانج اسوي العن من جذي ماقول غير حسبي الله ع هالاشككال,~:؛
وخلاص ماعليج منها الحيوانه هاذييي ,,بتتزوج وتفتكين منها ومارد رجاالهـآ بيطيح عليييها وانتي زوجج ان شااءالله عقب ماتروح هالووسسخه بيرررد طبيعي والله يخليه لج,:~+_(

 

[حرم بدر]

زين انج صابره للحين وزين ما سويتي الي يقولج غلطانه وليش جذي ما عاش الي عشتيه

الصراحه لو انا ما اتحمل نهائيا ولا اتوقع احد يتحمل جان من زمان كل واحد بطريج

انتي ما غلطتي قلتي استخير ربك بس لا تكلمتي بعرضها لا وشي

انتي عليج اللحين تكررين داااااااايم دعاء

اللهم استودعك زوجي قلبه وسمعه وبصره وفرجه

وربج راح يبدل حاااااااله ان شاء الله

بس عليج انج تثقين بالله وتيقنين باللي تقولينه وربي يسر امووووركم ويسخرج بعلج ان شاء الله

 

[قلب طفـــله]

تستاهل الواطيه شعليج منها والمطاوعه اللي سألتيهم ماعندهم سالفه متأكده مشايخ ! هذا غش مايجوز لازم الريال يدري هذي باجر بتييب له كوكتيل عيال من كل اشكال والوان لووول واهو علباله منه !واهما عيال . ! لايأنبج ضميرج ولاشي هالاشكال موكفو حتى تفكرين فيهم قطيعه هالاشكال حظها قايم !

 

[كريستال]

فوضي امرج لله

 

[ملگه]

الله يعينگ يارب

 

[MzMzq8]

انا اللي اعرفه انه اذا احد سألج عن شخص خاطب وانتي عارفه عنه شي سيء واجب انج تقولين

وبالعكس حرام اصلا انج تغشينهم

وقيسيها على حالتج بالعكس انتي اصلا ما شهرتي فيها ولا قلتي شنو فيها بس قلتي استخير

والله يعينج وبعدين شلون صابره كل هالوقت على علاقتها مع زوجج ابسط شي هدديها

انج تفضحينها عند اهلها الاشكال هذي ما ينفع معاها الطيب تخاف ما تستحي

 

[نـعـومـه]

هلا اختي
اللي سويتيه غلط اكيد مايجوز واذا تركها الريال فاول واحد بترجع له زوجج.
مفروض تستانسين انها بتتركه وبتاخذ غيره شلون تروحين تخربين عليها؟؟؟؟

انشالله بس ياخذهااااا ويشيلها من دربج. وبعدين انتي غلطانه من اول صراحه من يوم العرس وهو يخونج اشكره. مفروض ماتسكتين له. بس بالنهايه 99.9 ٪ من الريايل يخونو في هالزمن صار عادي ومافي شي بيرده الا التدين. تصبري. عليه والله يغفر لج ولي ولجميع المسلمين ويسخر لج زوجج.

على اي دراسه طلعتي هالنسبه !!؟؟؟! شدعوووه 99٪ مبالغه بصراحه

صاحبه الموضوع

يعني زوجها درا ؟!؟

ماراح اقولج غلط او صح بصراحه مالومج من قهرج بس دام شيخ دين قال مايجوز خلاص

غلطتج كنتي تسكتين بالبدايه وشكو نطرتيها تزوج هنيه رحتي قلتي !! الصح انج تقولين لاهلها لما كانت تكلم ريلج واهيه عدرييه مو الحين

وانتي غلطتي بالبدايه كنتي تسكتين عن وعنها

 

[نـعـومـه]

عدرييه= عزوبيه

 

[نـعـومـه]

وزوجج قوليله يعوضج عن الماضي

 

[ديانا سبنسر]

لاانتي غلطانة ولاشي شدعوة شقلتي قلتي له استخير حتى اهله يقولون له استخير لافضحتيها ولاشي وريلج حاولي تصدينه عنها وعن غيرها باسلوبج ودلعج وصبرج عليه الله يهديه لج ويسخره

 

[أبريلية]

أختي ما عليكي من الردود اللي ضدك..لأنها أكيد حتزيد همك..
احنا بنات نوزنها بالعاطفة ما عندنا ميزان العقل..
لكن بحكيلك إنتي ما سويتي شي غلط..إنتي قلتيله استخير...
ما رحتي طلعتيله عيوبها و فضايحها..
ليش الندم؟؟ انتي ما علمتي شي يأذيها بالعكس هي اللي آذتك
وهاد الأذى احتسبيه عند ربنا
واللي قالتلك كما تدين تدان ما كذبت..
على الرغم من ان زوجك ملوم كمان..يعني هو غلطان و هي غلطانة

و انتي اتأكدي إنك ما عملتي الا زينة العقل..، حرام انسان خلوق يبتلي في وحدة زي هاي..

و اللي تقول ليش تخبري، خليه يتزوجها و ترتاحي منها..
نفترض انه تزوجها..و هي ضلت على حالها خاينة و لعوبة..انتي شو استفدتي؟؟
و اذا تزوجها و اكتشف العلل اللي فيها وطلقها..اكيد رح ترجع لزوجك
اما اذا اتزوجها و اتسنعت وربنا هداها..خير وبركة..

الله يعينك و يهدي زوجك ان شاءالله
​

 

[جوري 2007]

المفروض تستانسين انها بتطخ عن ريلج ،، واصلا رب العالمين ماراح يخليها راح تذوق الحرة والقهر باي طريقة كانت المهم انه وكلي امرج

لله سبحانه واهوة بياخذ حقج منها

 

[رنا 2012]

لايعورك ضميرك عشان وحدة ماتستاهل
بس كان احسن تتزوج وتفتكين منها واللة يمهل ولا يهمل