^**"^**^ مــــــطــــبـــخ مــــــــغــتــربـــات ^**^**^

[درقاء]

هلا مغتربه شلونج ؟
حدي متوهقه
مرت رفيج ريلي .. سعوديه بتزورني
وانا توهقت .. ماعندي شي زاهب ممم قصدي الشقه يبيلها اشيا ..
مثل مفارش ولمساتي بس مامداني ماصار لي اسبوع .. على ما تأقلمت على فرق التوقيت والنوم .. كلشي معتفس ..
ومطاطير نفس الأوادم واستكانات مافي
مابي جذي ماحب ... لازم ابيض الويه .. عشان نفسي وعشان زوجي .. وهذي ضيفه .. ريلي يقولي اكييد بتييب شي معاها .. بس ياربي مايصير ... لازم كل شي تمام وبيرفكت ..
ياريت تساعدوني ...
اهي دقت بس مارديت .. لأني باطبخ .. فقلت بعدين ادق عليها وقلت اشوفكم بعد عشان نصايحكم .. ولأني ماعرف شي هني
وتعرفون الرياييل ماهمهم هالسوالف .. وانا ابي اطلع بش ... سواء من مواعين او ديكور او حتى طبق طبقين لو اييبهم من بره ..
شووورووووا علي بلييييييييييييييز
ياليت احد يرد علي

 

[مغتربة 2006]

حبيبتي درقاء ادري ردي متاخر بس والله توني اقدر ادش على هالمنتدى كله معلق

حبيبتي عادي اهيا تدري انج توج يايه وترى انا كنت مثلج ابي كل شي بيرفكت بس اكتشفت ان محد يهتم سويتي ولا ما سويتي يعني سوي الي تقدرين عليه وحتى على الجاي والمطاطير اخذي هذا مال الجاي الفخار وسوي الجاي حزه الحزه مع اكواب مو لازم استكاين
يعني قزري بالموجود وترى حددده عادي لا تحاتين وبتتعودين على الوضع ومتى ما رديتي الكويت بالسلامه اشتري الي ناقصج

 

[مجنونة حبه]

بما ان ما في احد
حبيت اقولكم اخييييييييييييييييييييييييييييييييييييييييييييييييييييرا سويت
كنااااااااااااااااااااااااااااافه بالجبنه

 

[مجنونة حبه]

اخليكم مع الصور

 

[مجنونة حبه]

 

[مجنونة حبه]

سوري ما ادري ليش طالعه كبيره

 

[مجنونة حبه]

 

[Australia girl]

مممممممممم شكلها لذيذه الكنافه تسلم عليج وعليكم بالعافيه

شلون طريقتها بليز

 

[مجنونة حبه]

الطريقه حدها سهله
اول شي لازم يكون عندج صينيه نفس الي بالصوره ( لو كنت بامريكا جان قتلج روحي ول مارت قسم العرايس )
تحتاجين
عجينه او شعريه كنافه او شعريه حلويات عربيه
كوب زبده سائحه
ملعقتين كبار سكر وملعقه صغيره من ماء الورد
كوب من جبن موزاريلا منقوعه في ماء بارد ( علشان اذا فيها ملوحه تروح )
٢٨ غرام يعني ١ oz من جبنه حلوه منقوعه بماء بارد ( تقدرين اتبدلينها باي نوع من جبن مثل العكاوي بس لازم اتقعينه بماء بارد لمده ليله )
ملعقتين كبار من زبده
نص ملعقه صغيره بودر تلوين خاص للكنافه ( اتحصلينه بقالات عربيه في حاله ان ما لقيتيها تقتدرين تستبدلينها لون سائل برتقالي فقط قطرتين منه )
قطر ( يعني شيره )
فستق مبروش للزينه

الطريقه :
تدهنين الصينيه بملعقتين زبده مع نص ملعقه صغيره من البودر التلوين
تقطعين عجينه او شعريه كنافه الي قطع صغيره او على حسب الرغبه
اتصبين فوق الشعريه كوب زبده السائحه وتدعكينه باطراف اصابعج الى ان تتشرب العجينه
تقسمين العجينه الى ثلاثه ارباع وربع
ثلاث ارباع اتصبينه فوق الصينيه وضغطي عليه الى ان يتوزع عدل وخلي اطراف العجينه مرتفع تقريبا ٢ سانتي على صينيه
شخلي الجين موزاريلا والحلو من ماء عدل وحطيها بالباديه وعليها ملعقتين من سكر وملعقه صغيره من ماء الورد
وادعكيها او فتتيها لقطع صغيره
بعدها حطي جبن فوق طبقه الشعريه وضغطي عليها بعديها اخذي الكينينكس المطبخ وحطيها فوق طبقه الجبن وضغطي عليه علشان يتشرب الكينينكس من ماء الجبن عيدي الحركه لما تتخلصين من ماء
اخر الخطوه حطي الطبقه ربع شعريه الكنافه المتبقيه ووزعيها فوق طبق الجبن ثم ضغطي عليه

بعدها حطي صينيه بالفرن (bake ) بدرجه ٤٠٠ فهرنهايت ( قبل ما تشتغلين سخني الفرن ) لمده نص ساعه الى يصبح سطح الكنافه لون ذهبي
بعدها اتركيها بره لده عشر دقائق الى ان تبرد قليلا ثم اقلبيها وصبي عليها قطر ( يكون على درجه حراره الغرفه ) وزينيها بالفستق
وبالعافيه

 

[مغتربة 2006]

مااااااا شاء الله شكلها حدها لذيييذه تسلم الايادي
وكل عام وانتوا بخير

 

[قطوة@@]

رد : ^**"^**^ مــــــطــــبـــخ مــــــــغــتــربـــات ^**^**^

مبارك عليكم الشهر و تقبل الله طاعتكم


مجنونه حبه ... تسلم ايدج و شكلها يمي يمي

 

[مجنونة حبه]

بالعافيه حبيباتي اشلونكم انتوا
عاد أنا للحين بأمريكا مع رمضان طوييييل بس يالله هانت كلها جم يوم وراجعه الكويت

 

[بشوره الكويت]

الل يعينكم علي الغربه

وان شاء الله ترجعون سالمين وغانمين

 

[مجنونة حبه]

امين الله يسمع منكم
وترقبوني بما ان انا في حاله نقل لشقه يديده
راح ابلش من بعدها فناتك الغربه
واي سؤال للمبتدئين في المطبخ والغربه انا حاضره
خلي كلنا نعيد نشاط هذا القسم

 

[Frawlaah]

هلا مغتربه شلونج ؟
حدي متوهقه
مرت رفيج ريلي .. سعوديه بتزورني
وانا توهقت .. ماعندي شي زاهب ممم قصدي الشقه يبيلها اشيا ..
مثل مفارش ولمساتي بس مامداني ماصار لي اسبوع .. على ما تأقلمت على فرق التوقيت والنوم .. كلشي معتفس ..
ومطاطير نفس الأوادم واستكانات مافي
مابي جذي ماحب ... لازم ابيض الويه .. عشان نفسي وعشان زوجي .. وهذي ضيفه .. ريلي يقولي اكييد بتييب شي معاها .. بس ياربي مايصير ... لازم كل شي تمام وبيرفكت ..
ياريت تساعدوني ...
اهي دقت بس مارديت .. لأني باطبخ .. فقلت بعدين ادق عليها وقلت اشوفكم بعد عشان نصايحكم .. ولأني ماعرف شي هني
وتعرفون الرياييل ماهمهم هالسوالف .. وانا ابي اطلع بش ... سواء من مواعين او ديكور او حتى طبق طبقين لو اييبهم من بره ..
شووورووووا علي بلييييييييييييييز
ياليت احد يرد علي

هلا حبيبتي إنتي وين متغربة ؟؟

بس ترى عادي إهيا أكيد بتعذرج رحبي فيها بالعكس وحطي الموجود عندج قولي لها عذرج إن والله سامحيني على القصور توني متأقلمة مع الوضع جديد علي وماني عارفة من وين أشتري هل سوالف (( وإهيا أكيد بتساعدج إذا صار لها فترة متغربة)) أدري إن كل من يحب يطلع زينة بس ترى إنتي معذورة :]

الله يعينج على الغربة ويسهل أمرج يارب

 

[ام عبدالوهاب555]

اهلين مج مج توني اشوف الموضوع

حركااات والله

يلا ناطرينك عن فناتق الغربة

اتحفينا ونورينا

 

[q8_toffee]

بنات بليز شلوووون تسووون بسبوسه ؟؟

يمقادير ومكونات امريكا ؟؟

ودي اجرب اسويها بس ماني عارفه مكونتها

وشلون اسوي شيره حقها ؟؟

 

[اختكم بالله]

هلا توفي


سبحان الله البسبوسه احبها بس ماعرف اسويها

انشالله البنات يعلمونا

 

[مجنونة حبه]

اهم شي يبيلها اسميد وجوز الهند
والشيره مثلا كوبين شكر وكوب ماء والهيل وعلى نار لما تغلي وبس تكثف شوي وطف النار عليها

 

[q8_toffee]

منو وين الفي سميد ؟؟ شنو اسمه بالانجليزي ؟؟


ابي المقادير بالضبط بليزززززززززززززز بنات