^**"^**^ مــــــطــــبـــخ مــــــــغــتــربـــات ^**^**^

[زوجة حبيبي]

ان شالله البنات اللي ببلجيكا يردون عليج و يساعدووونج يارب و الله يهون عليج غربتج و يردج بالسلامه يااارب

اللهم امييييييييييين حبيبتي ولكل مغتربه ان شاءالله

ماشاءالله عليكم بنات امريكا والله حركين :gathering:

اما بنات بلجيكا فشلونا ما ادري وينهم :tomato2:

 

[مغتربة 2006]

اي وييينهم بنات بلجيكا مالهم حس؟؟
يالله تلحلحوا خل نتعرف عليكم

 

[شندوخه]

دلول
الخل مانستغني عنه امي اللي اخترعت هالطريقه وصرنا كلنا جذي حتى لغسيل الخضار والفواكه لازم خل لانه يقتل البكتيريا
وقطاعه اللحم مانستخدم بلاستك ولا خشب صحن يكون مخصص لقص اللحم والدياي وينحط برف بروحه يعني طلعت طريقه امي صح لول

جوكلت
اي نيتنا والله نروح بس ماكو وقت وقلنا بنروح بالويك اند بس بيصب مطر وبرق ورعد أجلناها يوم ثاني

مغتربه
تسلم الايادي شكلها يشوق عاد انا اقدس السندويجات لول

 

[مغتربة 2006]

شندوخه
الله يعافيج حبيبتي

 

[مغتربة 2006]

هذا غداي قاعد يطبخ بالفرن
اهو عباره عن دياي مقطع وفوقه بطاط حطيت فوقه خلطه عباره عن:
ثوم مطحون - زنجبيل مطحون- فلفل اسود - شويه صوص صويا - وزيت - ملح - حليب - ماي

واخليه ساعه بالفرن ومع عيش مشخول


لما يستوي احط الشكل النهائي

 

[dalal]

زوجة حبيبي: لوووووووول مو احنا بنات امريكا من الفظاوه حركيين


شندوووخه: يحليلها امج مشالله عليها .. قوليلها طريقتج طلعت علميه وصحيحه لووووووول الله يحفظها ويخليها لكم


مغتربه : شالززيييييين ... يالله ناطرين الديايه عقب ماتستوي عاد لي صورتيها كبري الصوووووووره باكل وياكم لوووول
انا متبله بعد دياي من امس ولي شويته بصوره ان شالله ..

 

[dalal]

هههههه امبي الله يعينج والله شعور مو سهل انج بس تبين تفتكين

واااااي انا الكورس اللي طاف معاااانااااااة
وااااي مابي اتذكر
مع ان انا صارلي بالجامعه اربع سنين و كورس هالكورس الزياده غثثثثثثني

اول كنت ايب قريدات زينه
اخر كورس حتى D صارت عندي عادي المهم انجح

و على اليهاالووو لوووووول والله انا كنت احس اني ديناصوره بالجامعه معني بس كووووورس قعدت زياده بس كله اقول انا ديناصوره بالجامعه :dddds::dddds:
(قلت قصة حياتي لووووول)

و التيركي والله ما ادري شنو نوعه و مخلص من عندنا
بس اللي اشتريه لذيذ و مو زفر
اذا شريت اقولج عنه اوكي

انا بعد يمكن اكون اكبر من ديناصورج :0bee2e8d89:

احس الدكاتره بيقولولي عسى ماشر صرتي معيده؟؟ :dddds:

وااي الله كريم ..



وناطره منج اسم التيركي

 

[شندوخه]

دلول
لووووول بقولها عاد امي مسكينه كله نقول عنها بسج وسوسه بس اخر شي يطلع كلامها صح
وصج جربتي تيركي سارالي ؟ انا بالكويت كنت اشتريه من مركز سلطان واشوفه موجود بالوول مارت وايد حلوووووو خاصه المدخن

مغتربه
شلون حليب ؟ اول مره اشوف صينيه بالحليب بس شكلها يونس ماشاءالله ننطر الصوره النهائيه

بنات ملينا عيووووووووش شنو عندكم فناتق بعد واهم شي سهله ؟

 

[o_mermaid_o]

بناااات امريكا بغيت اسألكم سؤال في خاطري من زمان
لوووول
منو راحت مؤتمر اتحاد الطلبه هالسنه؟؟؟

انا رحت وايد استانست خصوصا بحفلة بلبل الخليج

 

[dalal]

عيل انجرب سارالي ليش لأ ...

اممم انا ماسوي عيووش وايد يعني يمكن بالشهر 4 مرات ...

اممممممم انا يايه اسألكم شنووو السمج الي تاكلونه ؟ ولا ماتحبون ازفره ؟؟؟

انا مجربه نوعين ومعلقه عليهم مليت ودي اغير بس ماحب اجازف... مجربه السالمون وهم البيبي شارك لووول

في احد مجرب انواع ثانيه وطعمها لذيذ ؟

 

[dalal]

انا رحت وايد استانست خصوصا بحفلة بلبل الخليج

مرمييييد من ورانا اشوووف :dddds:

 

[مغتربة 2006]

مرميد
احنا مشينا وقت الحفله عشان نرجع مبجر

شندوخه
اي الحليب وايد حلو مع الستيكات والدياي يطلع لذيذ تامرين الحين احط الصور

دلال

انا جربت نوع اعتقد اسمه قات شي جذي
طعمه وااايد حلو وخفيف جنه سمج الكويت ومو زفر
تلاقينه مو قطع نفس السلمون
لا يكون فليه على شكل سمجه كامله ما ادري عني جذي صاير عندنا بس حلو

 

[مغتربة 2006]

[/url][/IMG]

هذا بعد ما استوى

[/url][/IMG]

وهذا مع العيش
والله طلع لذيذ يمكن شكله مو ذاك الزود بس الطعم اوكي

 

[dalal]

مغتربه هالصحن حقي؟؟؟؟؟؟ لووووووووول

عليكم بالعاااافيه .. لا مشالله خوش شييي مبين .. يزاج الله خير على النقصه ..

 

[<<لمار>>]

الله يرجعكم بالسلامة

 

[مغتربة 2006]

اييي بالعااافيه حبيبتي الصحن حقج مخصووووص

 

[dalal]

فديييييتج والله ... عاد يه متأخر حسافه لاني تغديت لووووووووووووول>>>

وهذا غداي بسم الله : :082502bye_prv:



Shish TawuuG With A Special Mixture


المقادير:
صدور دياي على العدد (انا سويت 3 صدور)
كركم بودره نص قفشة شكر -ورشه من الفلفل الاسود واحمر -رشة بهار حلو -رشة دارسين -ملح-بقدونس مفروم ربع شده-روب 3 قفاش كبيره-نص قفشة ماسترد- 3قفاش زيت - قفشة عصير بصل- نص قفشة ثوم مدقوق. (طبعا البهارات انا اكنفيت برشه من كل شي .. وكل وحده على رغبتها شلون تحب طعم البهار يبين ولا لأ..)

الطريقه:
1- تقطيعين الصدور مربعات مثل الشيش طاووق.. تالي تخلطينها مع كل مقادير التتبيله مع مع الظغط عشان البقدونس يلزق (يعني استخدمي ايدج بالخلط افضل) وتخلينا بالثلاجه يوم كامل ...

2- اليوم الثاني الي اهو يوم الطبخ تشكين الصدور بعود خشبي وتيبين المقله المظلعه مالت الشوي وتحطين شوية دهن وتشوينهم مع التقليب على جميع الجهات يعني كل مايستوي جنب ويصير احمر قلبيه الصوب الثاني... واخر شي لي استوى الدياي يبت فحمه شابتها وحطيتها بقصدير ودخلتها بالمقله وغطيت المقله عشان ياخذ ريحة الفحم والشوي ...

3- الي عندها مشروم تقدرين تشكين المشروم بعد بعود خشبي وتدهنينا بالخلطه الزايده مالت التتبيله وتشوينها هم يطلع لذيييذ بس انا ماكان عندي مشروم ..

ممكن تقدمينه مع خبز أو عيش...

 

[مغتربة 2006]

واااااااااااااااااااااو
شكله لذييييذ حده
يعطيج الف عافيه

 

[شندوخه]

تسلم الايادي ماشاءالله عليكم فناتق

 

[pretty eyes]

مرحبتين كبار لا حلى ناس موجودين برا الديرة > ورقصني يا جدع ههههههههه .... شلونكم يا بنوتات ياحلوات؟؟؟ شالحركات ما شاء الله عليكم تشوقون وتخلون الواحد غصب يشارك .... والله انا حسبالي انا وجم وحدة من البنات بس المغتربات ( دوانية المغتربات)!!!! حياكم زورونا هناك خخخخخ

دلول ماتنلامين فيهم ماشاء الله حركات وشغل عدل ... بعدين ماشاء الله شهالشغل السنع تسلم ايدينج يامييييييي... يعني انزل الي عندنا والا شرايج؟ لا بالله راح الرجيمممممممم خخخخخخخ