لووول الله يديم الوناسه يااارب
انا صارتلي شكثر مواقف بس بقول منها اللي اتذكره
الله يسلمكم كنا في مصر فالصيف وراكبين الحناطير كلهم توزعو على الحناطير وانا وبنت خالي وولد خالتي على حنطور ومال الحنطور ياهل عمره يمكن 10 سنوات بس لسانه يلوط اذانه بو لسانيين حرررررني المهم عاد ذيك السنه مادري شفيهم على القطريين من يشوفون قطريين كانهم شايفين عزراييل عاد انا توني بلف شيلتي ولا واحد مصري يسحبها واحنا نمشي زين لحقت على طرفها ولبستها بس مالفيتها لا يباااااااا ربطتها مثل التركيات من عند الرقبه اي بعد شلون .. وماخذنا خمس دقايق الا المصارون يجون ويرشوون على عيونا الرشاش اتعرفونه الابيض اللي مثل الثلج ؟! اكيد تعرفونه ! امانه اعرفوه ما اعرف اشرح .. عاد الحين عيونا تحرقنا ووقفنا سياره فيها خليجيين عندها مسدس ماي سلمنا ويهنا لهم وقعدو يغسلون عيونها بالرشاش المهم عاد هاي ترى لفه وحده واحنا متفقين لفتيين تونا بنخلص اللفه الاولى الا يطيح الحصان على ويهه اونه رجله انكسرت عياااااااااااااااااااار مدربينه لاتصدقون وجان هالنزغه يقول فين الاجره قلت ولا اعطيك ولا جنيه قال بئــولك هاتي الاجره لالم عليك الناس < يالدقمه احنا على الكبري والناس ملتمه شبتلم بعد .. كان يبي 50 جنيه عاد ماعطيته الا 20 ياكل عيش بس شنو 50 واحنا ماخلصنا لفتنا وتمرمطنا ..... عاد واحنا نمشي السياره بعيده والسواق اذا خذ لفه بيطول علينا والمكان زززززززززززحمه كله شباب يخرع يخرع عاد خذو الرشاش الابيض ويكتبون على الارض احرف ويولعون فيها وتشب نار
واحنا نركض انا لابسه كعب وقفت فصخته ومشيت حافيه من حلات الروح وولد خالتي قاعد يلعن خيرهم ولا في فايده كل واحد لسانه اطول من الثاني ... وبس عاد خسسسسسسسنا لبسنا ملثد من الرشاش تمسكينه يدبق ووويع << والطامه الكبرى مارحنا نتسبح لا رحنا كافيه نسهر ههههههههه
قرقرت وايد ها
