( مـَــــــــآذَآ فَعْلـــتِ بِيٌ السمنٌــــه ..؟؟ ) :( تعالوا فضفضوا ,

[مهندسه "]

وهذي الصورة حق انواع الاجسام

 

[لولو المزيونه]

يعطيه العافيه ضماد كلامج روعه

 

[ملامح اوروبيه]

واااااااااااااااااي موضوووعج يااا عالجججررححح:eh_s(16): صجج المتتن يععدم الشخص انا قبل سنتين كاان جسمي زين مربربه بس بضعف اكثر كانو يقولون لي جسمج حلو لا تضعفين مرغوب لا متينه ولا عصله بس كنت طمااعه و من فكرت بالرجيم قمت امتن الحين صرت بقره و صابتني غده خامله رحت عند دكتور اسامه صالح و نزلت خمسه كيلو باسبوعين شجعني و قالي استمري يا فتره امتحانات و سافرنا و قطعت عنه جان يزيد وزني دبل و بعدها بسنه راجعت عند فهد مالح هم ما استمرييييت زدت و كل ما شافوني قرايبنا يقولون لي متنانه ردي مثل قبل اف وربي احس صرت مطنزه و ملوعين جبدي كل ما شافوني يابووو هالطاري متحسرين على جسمي قبل اكثر مني لووووول صايره اكره نفسي و كله ابجي و اتحسر على قبل هههههههه و امي تزيد علي انتي ما حمدتي ربج و حسدتي نفسج هههههه و اخواني كل ما شافوني يقولون انتي يوم قلتي بضعف متنتي صرت مطنزه للكل :eh_s(16):ماحب اشوف جسمي بالمنظره بس اشوف ويهي صابتني حاله نفسيه بسبه المتن و عرس اخوي بعد اربع شهور انشاء الله ياارب اكوون غيير ادعووووولي

 

[برنسيسه ورده]

انا السمنه حرمتني من ملابس تلبسها اخواتي ومررررررره رهيييييبه
انا اشتري معاهم بس ملابسي للحين مثل ماهي جديده لانها ضيقه
كنت 86 والحين 79 واتمنى يخلص رمضان وانا داخله 60 قولوا امين
من غير نفسيتي اتاثر لا شفت شخص كان يعرفني قبل لا امتن يقولي وش صار فيك مدري شو
وانحرج مدري شو اقول
صحيح ان السمنه احيانا بما كسبت يداي لكن بصراحه في ناس ماعندها اسلوب لمن تنقد شكلك تحسب انك ما تسمع ول لمن تناظرك وكان طلبنا منهم الشقفه مثلا

 

[miss.42]

وااائ صج المتن يلووووووع الجبد من كل النواحي ...

و موضوعج شجعني و تجارب البنات بعد. أن شاءالله نضعف بصحه و عافية

و الله صاير عندي إرادة هاليومين و مخففة أكل و ألعب رياضة في البيت و أن شاءالله أستمر خل نشجع بعض بنات و نكون إيجابيات لين نوصل للي نبيه

 

[كويتية بروما]

والله عندي ركبتي شاخصه علي عوااار اتوقع من وزني الزايد

حتى بالصلاه احس نفسي ثقيله

 

[yam_yam]

خوش موضوع

 

[modern]

البنت الايطالية اذا خبرها زوجها انها سمينة تنتحر اما عندنا اذا زوجنا خبرنا ان جسمنا مخرب و فيه دهون متراكمة نقله<< روح شوف أختك او امك >>
بجد الموضوع ثقافات

 

[eman_21]

والله انا نفس معاناتكم كنت ضعيفه وصارلي سنتين متينه مو قادره انزل واذا نزلت انزل اصير 84 موقفه على هالوزن طبعا انا كانوزني 71 وطولي 168 و يضربون المثل بجسمي والبس الكعب اصير اهبل والحين وزني 88 ولا راضي ينزل استخدم زنيكال من اول رمضان ما تغير شي مضايقه كل خواتي وصديقتي الخاصه يشجعوني اضعفي لازم تضعفين والحين ابي نصيحكتم بشغلات تحرك الوزن ودي لمن يجي العيد اطيح جم كيلو ...اختكم ايمان

 

[سبيجه-هاوا]

اخيييييييه على هالموضوع ضربتي على الوتر الحساس وعطيتينا احلى طراق


انا تعبت من السمنه ابي اضعف , السمنه بدت وياي من الثانويه اتقريبا ولمه دشيت الجامعه سويت ريجيم وضعفت وصار جسمي شحلوه بعدين رديته دبلاااااات وكاني الحين اعاني من هالسمنه

اللي فرق علي ان لمه كنت متينه كان حسبالهم اني ام وعندي عيال وصارت لي مواقف علبالهم اني ام

بعدها سويت ريجيم وصغر شكلي وجسمي شحلوه صار , عقبها رديت ةوني ونفس الشي كله حسبالهم اني ام عيال

ساعات احس السمنه هي اللي ماخرتني عن الزواج بعد كتبه الله طبعا

ابي البس ابي اكشخ بين البنات

خاااااااااااااااااااااااااطري البس عبايه وتطلع علي حلوه , اغبط البنات الظعاف اللي يلبسون عبي شكلهم يطلع مرتتتتب وانيق وذرب



الله يعينننا

والله يكتب لنا الضعف بصحه وعافيه

 

[Japanese]

ا

نا صارلي بعد سنتين وزني زايد عن قبل :<

كان وزني مايزيد عن 53 وطولي 156

بس صارلي سنتين وساعات يزيد بس ماينزل عن ال 60

نفسيتي اتعبت لآن احس شكل جسمي صج صج تغير! انا قصيره ف كل هالكيلوات اللي زدتها مبيييييينهههه ع كل شي حتى ويهي :<

لبسي تغير وهالسالفه بعد مضايقتني وايد

شلون اثرو علي هالكمن كيلو؟ بدون مبالغه وايد!!

صرت اتعب لمن امشي وايد وماقدر العب وايد مع اخواني الصغار :< ،، قبل اتم ايننهمممم احين هم اللي يننوووني :/

صرت اتضايق لمن اروح ابي اشتري ملابس :! وقمه التحطيم لما ادش غرفه القياس :< يتني الصيحه اف

عموما يعني بالحياه اليوميه قمت اتعب من اي شي بسيط

احين صارلي فتره ع دايت ويت واتشرز بس من دش علينا رمضان صار صعب التزم فيه ،، يعني التزمت فيه اول اسبوع ونص

بعدها قمت ماقدر صراحه خصوصا اني آكل اكل ماعرف الوحدات الحراريه له بدقه! لووول

بس مخففه يعني ،، وعندي ابلكيشن للركض وايد وايد وايد اينننننن صارلي عليه احين اسبوعين

هو آبكليشن للآيفون يدرب ع الركض لمسافات طويله بس بالتدريج يعني

يمكن تستصعبونه بس حددددده الآب اينن انصحكم فيه واسمه 5k

وبس احاول يعني اخلي رمضان يعدي ع خير بدون ماآمتن هاي اهم شي​

 

[eman_21]

الله يعين يا بنات الظاهر المشكله فينا احنا مانقاوم الاكل وماكو اراده والاراده حدها اسبوعين ونمل صج ملييييييييت وزني ثابت من اول رمضان اكل زنيكال واخفف ماكو فايده بديت افكر اسوي عملبة البالون زهقت السوق صراحه جنه قاعد يقولنا لا زم تضعفون كل اللبس يلوع الجبد ولا زم افترمليون مره عشان القى اللبس اللي يناسبني تعبت

 

[سبيجه-هاوا]

اب اب اب
نبي مشاركات بعد

 

[Apple1]

قوة بنات موضوعكم حلو بس يعور القلب

انا كل شي سمعته من صغري ، اني كريهة اني فاشلة ان محد يبيني
حتي خالاتي اقولون لي كل شي فيج مب حلو
لدرجة ان حتي ابوي اللي اهو ابوي اقولي وخري عن ويهي بروحي ماشتهيج! طبعا اهو من حرته بس مايعرف يعبر

وبعدين ضعفت بعد الثنوية وصادتني صدمة من كل الاهتمام اللي حصلته
كنت متفاجئة حتي لين قالولي حلوة

طبعا متنت مرة ثانية من مشكلة صحية وبعد ماشفت طبيبة تغذية واخذ دواي بانتظام ضعفت

بس هم ماكو ثقة وماشوف اني ضعفت والله مستغربة مقاساتي تغيرت بشكل جذذذذذري
بس ماشوف تغيير اشوف نفسي للحين متينة
الطبيبة تقولي انزل بعد ٧ كيلو بس مو اكثر بس انا مو مقتنعة
احس يبيلي انزل ١٥!

في وحدة فيكم بعد صارت ضعيفة وللحين تشوف نفسها متينة؟؟؟

 

[حب1985]

صرت ما اقدر البس كل اللي بخاطري من بعد ما كانو يضربون المثل بجمال جسمي بس انا الحين متحدية نفسي ومتحدية كل شخص قال لي مستحيل تضعفين
شكرا علا الموضوع لان جزء كبير من الحل المشكله يكون في الكلام عن هاذي المشكله بس هم بنفس الوقت لازم نسوي شي مو نفضفض وبعدين نروح ناكل لقيمات وفطاير

 

[CHANCE]

هالموضوع يعور القلب ..
انا من صغري رشيقه اشحلاتني بس من يبت العيال انتفخت واخترب جسمي..
وكانت عندي عزيمه ماكنت اخلي وزني يوصل ٧٠ .. بس عقب فلتت الامور وقمت اكل
بدون نظام واحباطات نفسيه خلتني استسلم لفكرة الجسم المترهل والمتن :~(
لين ياا اليوم اللي وازنت فيه وشفت وزني٧٥ انصدمت وقررت اسوي عمليه الربط
وشديت حيلي وتشجعت خصوصا ان في وايد مسوينها وامورهم اوكي... سويتها
وياريتني ماسويتها .. ضعفت اول سنه صرت ٦٨وعقب سوت لي الربطة مشاكل
ورحت وسعتها والحين اتقولون جني مكينه تلي تابيزز اشفط كل شي .. اكل بدون قياس
وخرابيط حلاوه ع معكرونات ع مكادونالد ... شي يعور القلب... ماقدر اتحرك بسهوله احس
اصلي بتعب وعصبيه ونفسيتي مو حلوة ..، صج احاول بقدر الامكان اني اكون ناجحه فحياتي
وهالشي مايأثر علي بس بيني وبين نفسي عارفه ان هالمتن ملعوزني واااايد
...... هييييه خليتونا نفضفض شوووي ونااسه
والحين اتريا شهر رمضان يخلص ورد الدوام علشان احاول اضبط اكلي
طبعا حجي نفس كل مرة هههههههههه بس اتمني تضبط اموري
والله يساعدنا ان شاءالله

 

[اتعبهم عنادي]

وزني 90 فقدت الامل ااني اضعف قررت اسوي تكميم بس امي مب راضيه الحين قاعده ادور حبوب تقطع شهيتي صعب اشوفهم ياكلون وانا لا

قبل سنتين كان وزني 67 اخذت حبوب كرتيزون ومتنت وايد امي تقول منه روحي الدكتوره تعالجج بس مادري احسه ماله دخل حتى امي كلمت دكتوره قالت لها جيبيها بنعالجها صارت تحن علي أنا براسي التكميم ابي اسويها.

سمنتي احسها كلها بكرشتي وايد بطني عود مادري قلت بسوي رجيم اسبوع إذا ماضعفت عيل من الكرتيزون اللي كنت اخذه بس كل يوم اقول باجر

قالوا لي إذا. ركبتي تقويم. بتضعفين الحين صار لي مركبته سنه ونص. ولا ضعفت

جسمي يفشل من قلب

 

[ضــمــاد]

8
88


انزين قبل العمليه .. وقبل لاتضيع ايامج ويزيد وزنج


سمعي كلام امج ماتدرين يمكن روحتج للدكتوره تصير فاتحة خير عليج



ترى احيانا الوحده يزيد وزنها بسبب مرض السكر او امراض ثانيه



لكن لما تعالج الخلل الرئيسي + تمشي على نظام متوازن مافيه حرمان + تتحرك


وقتها تضعف .. روحي مع امج منتي خسرانه .. كلنا نبي الرشاقه والجسم الحلو المشدود


كلنا نتمنى هالشي .. لكن ان وصل الامر للصحه .. لا والله المفروض الوحده تعالج صحتها ووزنها بوقت واحد


ماتقول بضعف وتطنش صحتها ..

 

[divaness Q8]

والله انا كنت ضعيفة و رشيقة و مشتركة بالجمباز بعدين وقفت فترة عن الجمباز فجأة و اشوف وزني زايد قلت عادي بعدين قمت اشوف ان الملابس اللي كانوا قدي صغروا و النتيجة السمنة والله يابنات الرشاقة راحت مني بس انا قلت لا لازم اشد على نفسي والحمدالله نقصت جم كيلو لو كل وحدة فيكم تقوي الارادة اللي عندها راح يصير جسمها جسم عارضات الازياء

 

[Japanese]

اتعبهم عنادي ترى صج لازم تكشفين :/ انا اخبر كنت امتن بدون ماآآكل

تخيلي يوم كشفت طلعت فيني الغده اسم الله عليكم بس تعالجت الحمدالله الحمدالله

صرت واعيه وايد بهالموضوع وكل فتره آجيك ع الفيتامينات والهرمونات وكل هالخرابيط

تخيلي انا دكتور التغذيه مالي بآميركا من جافني قالي اول شي تاخذين فيتامين دال << هاي بدون مايدري انه

معطيني ابره فيتامين دي من قبل بالعضل << من كثر ماهو نازل ،، الطبيعي ٣٠ وانا معدل الفيتامين فيني ٧ تخيليييييييي!!!!!

وهالفيتامين نقصه ع قولته يعني يخلي الوزن ماينزل :///

اي خربطه بالجسم سبحان الله تآثر

انا ماقولج اني انا الصحيه وانا اللي كل شهر بالعيادات بس احاول يعني​