مفاهيمنا البسيطه عن الزواج واحنا يهال !!!

[Miss5bza]

الكاكاو ما كنت افكر فيه
و الحمل حسبالي بس يطق ظهر المره بالريال يصير الحمل
و الولادة يطلع من السره شلون مادري
و شكرا عالموضوع


لحظة نسيت
و اللانجريات ما دريت عنها الا ب اولى متوسط

 

[أم الغزلان]

هههههه سالفة الجهال..

عبالي امي تروح العدان وتختار...

 

[semsem2031990]

ذكرتيني بايام الطفوله
انا عن نفسي قبل لما نروح عرس او اشوف مشهد عرس بالتلفزيون احسب ان بس الريال و المره يلبسون الدبل المره تحمل على طول
للحين اذكر هالسالفه كنت اشوف مسلسل دروب الشك و مشهد عرس زهره الخرجي اذكر كانت لابسه نفنوف العرس
فسالت امي يما شلون تزوجت الحين يعني اهي صج تزوجت و راح تحمل؟؟؟
فهمتوا قصدي كنت ادري ان الافلام مو صج يعني بس تمثيل
بس لما شفت المشهد اقتنعت ان خلاص تزوجوا و اهي راح تحمل الحين و اهو صار زوجها بالصج



يا حلو الطفوله

 

[popa]

ههههههههه
انا عبالي الحمل يصير من البوس على الشفايف
ومره من المرات خالي بيبوسني على شفايفي وانا مو راظيه عاد غصب باسني واقعد ابجي
وجبدي تقلب وافكر شقول حق امي عن هالبلوه
واحس شي يتحرك في بطني
وقمت ابجي
اخر شي الي يتحرك فبطني طلع غازات هههههههه

 

[عويتقة]

هههههههههه اياااااااااااااااااااام
بس تصدقون انا كنت ادري كل شييييييي ادري السالفة من طق طق للسلام عليكم ادري انو الزواج من بعده جماع وادري انو الحامل بتولد من المكان الطبيعي وادري انو قمصان النوم حق الاغراء وكللو من بنات عمامي كانو اكبر مني ويسولفون عن ها الاشياء وعرفت من صغري ههههههههههههههههههههه بس كان بالنسبة لي عااادي يعني مو مشكلة مثل الاكل والشرب بس بشرط الزواج والعرس وان الكل لازن يعرف انهم متزوجين وخلاص وكنت ادري انو البنت بتولد ببكارة ولازم تحافض عليها وهادي عرفتها من امي وسالفة النضافة مشان ولادي يطلعون حلوين وبيض ههههههههههههههههههه

 

[صمت المرافئ]

مواقفكم حلوة وتضحك
يا حلو أيام البراءة :eh_s(15):
آنا كنت أعتقد ان المرة بس تتزوج تحمل جذي بدون أي شي
لمجرد الزواج
وان الياهل يشقون بطن الأم يطلع
بس صار عمري عشر سنين فهمت كل شي >>> عوبة
اشلون ؟؟؟ من بركات مجلة طبيبك ...
كانت اختي الكبيرة تشتريها وأول ما أمسك المجلة
بالخش والدس طبعا ...
على طول باب الحياة الجنسية >>> مثقفة ما شاء الله
​

 

[انثى عاشقة]

لووووووووووووووووووووووووووووووووووووووووول
افكاركم مو صج
انا كنت افكر ان العيال ينولدون من ورا
اما الحمل شلون يصير مدري كان سر غامض ما انكشف خخخخخ
وقمصان النوم لبس للمتزوجين
ايه اول مرة عرفت ان يصير جماع وجذي
احتقرت امي وابوي ان مشيو بالطريج المنحرف وتزوجو ههههههه
​

 

[غربـة روحـ]

هههههههههه خوووش موضووع

انا عباالي من العقد خلاص تحمل المره حتى كنت استغرب الي ملجو وقعدو فتره ماتزوجوو ليه ماتحمل حتى اذكر مره اختي تسولف عن مدرستها تقول مسكينه ماعندها عيال رجلها كان اسير عاد اقول ليش ماتجيب عياال d:

والولاده عبالي تشق بطنها واطلع الجاهل ههههه

قمصان النوم عادي اشوفها كنت ملابس عاديه للكبار هههههه

ياحلو ايامنا مو هالجيل نتفه تعرف كل شي

 

[بولندية]

هههههههه
الردود ابداااااااااااااع على اسمج =)

 

[الفهده...]

انا ماكنت ادري عن هالسوالف الا لما خشيت الكليه
طبعا تفكرين واناصغيره انا الي تحمل لانها خلاص صارت عند ناس فلانه زوجة فلان تحمل منه < مدري شهالمنطق

ولما جيت ثانويه ع بالي من البوس
وبس

 

[عضوا]

ههههههههههههههههههههههههههههههههههههه
ضحكتيني
عاااد قبل من كنت صغيرة
عندي فلسفتين
أولا
انه اليهال من الجمعيه . . . ( ما طولت هالجذبه علي )
ثانيا
ان اليهال اييون من السما
نفس الرسوم متحركه
و فجأه سبحان الله الياهل موجود بفراشه
و لـــــــــــــــــــــــــــــــكن
لمن امي احملت باخوي الصغير و انا كان و قتها عمري 6
أنصدمت صدمه حياتي
يوم انتفخ بطنها و سألتها جان تقول حامل
يه. . . شنو يعني. . .يما؟؟
جان تقول
يعني في بطني بيبي . . .
انا اخترعت من امي و عبالي انها كلت اخوووي
بجييت بجي
و قلبتها مناحه بالبيت
ليش تاكلينه
ما تخافين من الله
حررررراااااااااااااااام
اهو زين يااااااه من السما
نطرنا 6 اسنين عشاااان تاكلينه

و بس

بس ضحكتوووني

 

[مستحيل اخونك]

وااااااااااااي بنات موتوني ضحك خصوصا الي تاكل عيالها

حشى صارت قطوه هههههههههههههههههههههه

اما عن المفهوم كان عبالي زواج يعني ملابس وسوق وروحات وجيات وبقايل

وقمصان النوم كنت اشوفها مع خواتي بس كنت احسب انها تنلبس تحت الملابس

اما عن المحمل فكنت احسب انه الوحده اذا اكلت كثييييير تحمل

حتى مره قلت لاختي قدام اهلي كللللهم كلي كثير عشان تحملين

شويه وابويه فاطس ضحك ليه مدري

ومكان خروج البيبي عبالي من السره

لان عمتي قالتلي كذا

محلا برائتناااا

:ioljnmlk:​

 

[amami al-kuwai]

ههههههههه

ذكرتيني يوم كنت صغيرة كنا عايشين بيت جدي كان لنا شقه فوق فكنت اشوف قمصان امي عبالي بدله عرس تدرين جم مرة لبستهم ونزلت جدام عمامي الرجاجييل امبييييه لا تعدين

اما موضع الحمال والولاده فالمره اول ماتنام مع الززوج تحمل حبوب لقاح مو حمال وشلون تولد هذي قصه ثانيه عبالي انروح المستشفى ونختار البيبي يعني معروض جاهز

 

[يارب يطيب عبود]

انا كنت اقول سبحان الله ربي يخلي الوحده تحمل اذا تزوجت
وربي ما ينسى يخلي البنت تحمل بدون زواج
يعني بمجرد الزواج تحمل

وكان عندي واخد من المفاهيم أخاف أقوله لكم تقولون هذي مو صاحيه
كنت استغرب الاكل اللي ناكله كله وين يروح اكيد في بطني ناس صغار مرا وكل واحد له شغل اللي يقطع الاكل واللي يطحنه وبعدين تحتهم واحد يفرمه وتحت واحد يدقه لين يصير ناعم مرا بعدين واحد يطلعه >>>>أم الغباء مدري شهالتفكير

 

[ورد]

حسستوني اني قليلة ادب ههههههههه

كنت في ابتدائي لما بنت علمتني ان عمها (لاحظو ان عمها) قال لها ان المرة عشان تحمل لازم تتعرى من ملابسها كاملة وزوجها بعد وبعدين يوقفون قبال بعض بحيث كل جزء من الجسم يقابل الجزء المماثل له وفجأة تحمل ! ما اذكر اني انصدمت لانها كانت اول مرة يجي السؤال في بالي وسالتها وهي على طول عطتني الاجابة

اما كيف تولد بعدين هههههههههه تولد من ركبتها شلون ما ادري بس ان تولد من ركبتها

بس ما تاخرت لين صرت من تحت لتحت ادخل على موقع ايلاف اذا تذكرونه واتصفح صفحة الثقافة الجنسية وتثقفت فجأة في عمر صغير :$

 

[ميني مآوس]

ههههههههههههههههههههههههههههههههه
الردود شي الصراحه


انا الى المتوسط وانا على عماي كان فبالي انو الوحدا اذا تزوجت خلاص ربي سبحانه يعرف انها متزوجه وعلى طول تحمل هههههههههه


اما الولاده ابدا ما فكرت فيها يعني انو البيبي يطلع من تحت مستحيل كانت تجي فبالي يمكن كنت عارفه انو ينشق البطن بسس من تحت نو وي


وامممم .. اي تذكرت مره كنا نتابع فلم فجئه يت لقطه بوس وامي غيرتها على طول
عاد انا من لقافتي التفت لامي وقلت : ماما ليش البوس حرام .:bbbiu:
قالت : مادري , شوفي هذا فلم كرتون احسن < فديتها بتغير الموضوع
بس انا مصره قلت : بس جد ليش يعني عشان " السعابيل " صار حرام ؟؟ @@ < ويع مقرفه انا بس والله كان هذا تفكيري
ههههههههههههههههههههههههههه


بس الين بعدين دخلت منتديات وتثقفت =$ وانصصصدمت من اللي قريته =$

 

[دانة_ دبي]

هههههههههههههههههههههههه انا كنت اتحرى ان الياهل يطلع من البطن
بس يوم اشوف المسلسلات و خاصة السورية الحرمة تنوح وهي تربي في شي مب طبيعي


تذكرت يوم عقدت قراني اختي تقول لامي ما حملت دانة
امي تقول ما اسرعها لو حملت هههههههههههههههه

 

[Patcholli]

لووووووووووووووووووووووووووووووووووووووووووووووووول
ابداع احس افكارج مقاربه افكاري

انزين بذمتكم ماكنتو تغارون لما تشوفون غمزات ونظرات بين امكم وابوكم ..؟؟

انا كنت من اسمعهم بينامون العصر انشبلهم عند الباب واطلع افلام .. مره بطني يعورني .. مره بروح الحمام .. مره خايفه ..
وساعات يعني بكسر خاطرهم عشان يفجونلي الباب ايب كمبلي ومخدتي وانام عند عتبتهم << نظام سندريلا هههههههههههه


بالنسبه للعرس .. كنت احتقر المعرس لما يدش الصاله .. ويقعد يم عروسته
اشلون يشوفها واهي صدرها مبطل وزنودها طالعه .. وقاعد يتشقق ويتبوسم ..!!
كنت احتقرهم ههههههههههههههههههههه
وحسبالي الزوجين يتم زواجهم لما يقعدون عالكوشه يم بعض اهني يصيرون متزوجين ..
مو معترفه بشي اسمه ملاج ومحكمه .. ولا عقد شرعي ..
اي اثنين يقعدون عالكوشه يتزوجون ويروحون يعيشون ويا بعض ..

شهر العسل لما كنت اسمع عنه .. حسبالي ان لازم ياكلون فيه عسل كل يوم لين يردون الديره ..
وكله اتخيل انهم يوكلون بعض العسل بصبعهم الاخير .. الخنصر مادري البنصر خخخ

..

وكنت ابجي لما ابطل درج امي والقى قمصان نوم شفافه .. اروحل احقق معاها ..؟؟
يما هذا مال منو ..؟؟ ليش حاطته بالدرج ..؟؟
بعد عمري امي وييها يقط الوان وتقول هذا بس جذي زينه مو مال احد ..وساعات يعني بفتن عليها اقول حق ابوي باذونه يبا ترى ماما عندها ملابس عيب << يكون الوالد مايدري وماعنده خبره عن الموضوع .. وااااااااااااي ياغشامتي


اذكر مره رحت لبست شلحتها الستان وانا معصبه قتلها يعني ترضين انا البس جذي ..؟؟
حسيتها بتموت من الظحك وقامت تصرخ روحي فصخيه واهي تصرخ فيها ظحكه

ثاني يوم ناديت اختي وقتلها تعالي خنبطل درج ماما ونلبس ملابسها

كااااااااااااااااااااااااااااااااااااااااااااااااااااااااااااااااااااااااااااااك

واااااااااااااااااي ابداااااااااااع موضوعج حده ابداااااااااااااااااع ذكرتيني بايااااااااااام البرائه والطفوله ..!!

 

[Dana.Qtr]

×_× يويلي ع الفضايح :krkrkr:
سالفة قمصان النوم كنت احسب كشخة وبس وان عرست خلاص لازم تلبس جذي ..
الزواج مادري كنت افكر ان كل ياهل لازم له ابو !
والحمل عاد هني الف فكره وفكره .. كنت احسب ان لين باسو بعض شفايف خلاص تحمل >> سهالات , وقبلها كنت احسب ان الام تدعي وتححمل وبس ..
والولاده اول شي حسبت يزوعونه وعقب تطور التفكير قلت اكيد يشقون البطن وتطور حبتين عرفت ان من الشرج هههههههه ولما كبرت شوي عرفت الصج الحمدلله ..
وبخصوص العلامات الي ع الرقبه كنت احسب حساسيه وينكسر خاطري وماخلي ادمي ماقوله القصه ×_× اكيد خوالي نسوا
وبلاوي وايد بس جيلي مثقف وايد كنا واعين لله الحمد

 

[Dana.Qtr]

شسالفة الككاو d: