مفسرة احلام كويتية جديدة

[خبيرة اعشاب]

السلام عليكم ,
ياريت تفسرولي حلمي لاننه ضيق خلقي وايد
شفت شخص عزيز على قلبي يبجي والدموع تنزل من عينه شنو معنى هالحلم ؟؟؟

البكاء قره عين و اذا اقترن بالنوح اواللطم فانه غير محمود

 

[island]

الغاليه فيه وحده حلمتني اني كنت اغير مكان الاثاث وسريري في الغرفه وكانت تقولي لا حطي سريرج هالجهه والصوفا هالجهه بيعطيج مساحه اكبر في الغرفه واحلى

شو معناته هالحلم هي تقول حلمتبه حزت الفجر

 

[خبيرة اعشاب]

السلام عليكم
حلمت فيني بنت خالي اني موظفة بالنفط و تقولي بالحلم شلون توظفين و انتي طالبة رديت عليها اني الحين ميداني لين اتخرج جان تقولها امي انها "عني" ماتبي التدريس و تقولي بنت خالي بالحلم يا بختج كل سنة سفرة و معاش قوي
! انا طالبة التربية الاساسية سنة ثانية ، و عمري 21 ، و مومتزوجة
شنو تفسير هالحلم ا
و جزاك الله كل خير

ربما الحلم بشاره بتيسر امورج و تحقق احلامج

 

[خبيرة اعشاب]

أنا متحلّمــــــــة إني قاعدة أمشّـــــــــــــط شعري وأشوف ينزل منه قمل وااااااااااااااجد

شنو التفسيرررررررررررر؟؟؟

معناه انك اتصاحبين ناس ضعاف انفس و لكنك لا تنالين منهم اي مضره باذن الله

 

[خبيرة اعشاب]

انا حلمت انه احد قالي خلي فلان يسدد الدين اللي عليه ؟؟

وفلان هذا اعرفه ويصير لي ؟؟

ربما دل على نقص في دين هذا الشخص و الكلام الموجه اليكي معناه تقديم النصيحة اليه
و الله اعلم

 

[خبيرة اعشاب]

حلمت اني في باخره وبعدين ما ادري شلون لقيت نفسي مع اهلي وناس اعرفهم بس ما اذكرهم عاليابسة وقاعدين بشاليهات والبحر جدامنا ازرق يهبل قاعده واطالعة فشنو تفسير الحلم؟

البحر يدل على الفتنه الهائجه و السفينه معناها عصمه الله تعالى لمن عصم فيها اما جلوسك مع اهلك على الشاطئ فتاكيد على النجاه ان شاء الله

 

[* مـذهـلـه *]

لو سمحتي ياريت تفسرين لي حلمي ..

حلمت قبل جم يوم بشخص عزيز علي بس منقطعه عنه حوالي 3 سنوات ما اعرف اخباره و لا اي شي عنه و اهوه شرطي ..

حلمت انه اختي كانت تسوق سياره و انا كنت قاعده جمبها و فجأه وقف شرطي اختي عشان يبي يخالفها قعد يكلمها يبي الاجازه و لمحني لما شافني جنه شاف الفرج حيل استانس و ناداني باسمي و خلى اختي و جا من عند بابي و افتحه و حط راسه على صدري و قام يلمني و يبجي بس البجي مو نواح و لا شي بس حسيت انه يبجي و كان شكله حيل تعبان و لحيته طالعه مو مرتبه يبين على وجهه التعب ..

ياريت تفسرين لي الحلم باسرع وقت و اكون شاكره لج ..
​

 

[خبيرة اعشاب]

[وعندي حلم ثاني حلمته قبل اسبوع .........

حلمت بسمج وااااايد كله على الارض والهوا قوي قاع يطايرالسمج وكان السمج مشوي وبعدين ما ادري يا انا او وحده اعرفها فتحت السمجه ولا كاانت بيضه من داخل وسوده من برا وبعدين فجأه جان اشوف اونو و مو ذاكرته كله.........


/quote]

السمك المشوي خير من النئ في التاويل ...و معناه اصابه غنيمه و خير او قضاء الحاجه او اجابه دعوى او رزق واسع بحسب السك و عدده

 

[خبيرة اعشاب]

السلام عليكم الختي امل انا قبل فتر حلمت اني راكبه على بعير وهذا البعير كبيير وطويل ويمشي فيني بين السيارات بالشارع انا كنت خايفه اطيح منه ... وعقبها وصلني البعير البيت ودخل بيتنا واول ما دخل بيتنا تحول حق ريال وهل ريال طويييييييييل و عبد (كلنا عبيد الله) وكان يشكيي حق ابوي منيي ...
وعلى فكره انا مو متزوجه
ومشكوره و جزاج الله خير

البعير رجل جاهل منافق لقوله تعالى _ان هم كالانعام - و ربما دل على حزن لقول النبي صلى الله عليه و سلم _ركوب الجمل حزن و شهرة _
و ان رات امراه لا زوج لها انها تركب بعيرا و تمشي به فنها تتزوج , فان كان زوجها غائبا فانه يعود ...
اما انقلاب البعير رجلا و فعله شيئا يدل على الشر او الفضائح فانها تشتهر بذلك في الناس و الله اعلم

 

[خبيرة اعشاب]

السلام عليكم
انا حلمانه اني حاطه كحل وشدو واطالع ويهي في المنظره
يوم طلعت من البيت اقول اشفيني انا انهبلت
وانا ماحط مكياج وايد وطفارتي الكحل والشدو الاسود
ومشكوره

الكحل محمود للمراة و سواده يدل على المال و الدين و هي البصيره التي تبصر بها الهدى و الضلاله ...و التكحل دلاله على زياده الصلاح و الدين

 

[بنت جابر الأحمد]

واللي يعافيك فسري لي الحلم

حلمت أن خدامتنا أنزلت للبيت اللي تحت(احنا ساكنين مع عماتي،ويدتي)
المهم وفجأة سمعت الخدامة تصارخ وتناديني
نزلت لقيت عمتي المتزوجة واقفة عند الدرج ومانعتها انها تنزل
قلت لها ليش مو مخلية الخدامة تطلع،قالت طلعوا من البيت
قلت شنووووووو،قالت طلعوا من البيت
هذا مو بيتكم،ولا أنتو استيعابكم بطيء
قلت ليش نطلع،بعدين قالت خلاص أنا أطلعكم غصب
وصعدت فوق علشان تطردنا
أنا صعدت ركض وقفلت الباب وراي
وكانت قاعدة تطقه وتقول تطلعون تطلعون
= = = = = = = = = == = = = = = = = == = = = == = = =
على فكرة عماتي مقاطيعنا يعني أنا وامي وأخواني،وااااااااايد يتمشكلون معانا

 

[nona_nona]

السلام عليكم
عزيزتي , حلمت اني رأيت عناكب كثيره .
ممكن تردينلي على الخاص

 

[الصراحة راحة]

هلا أختي...
عندي حلم.

 

[الصراحة راحة]

أختي حلمت أن أختي أن أختي معها جيس موز وعطتني وحدة وأنا رفضت ورحت نقيت ومن الجيس الي وياها وحدة ثانية ....

بليز ردي على العام .......

 

[حالة استنفار]

: (

ما ابي ما ابي

ليش ما فسرتي حلمي !! : (

​

 

[ANGELICA]

حلمت اني صاعده السطح
وقت المغرب وكان فيه خروف جنه مربوط(كبش) اوذكر مو اول مره احلم بكبش قرون طواال وديج ومربوطين
ماعلينا ارد للكبش اللي فوق السطح كنت خايفه منه ويوم قربت ومديتله ايدي ووكلته مدي شنو
عقب توجهات انا وعمتي المتوفيه وهي صغيره فتحنا حدايد شبك الدريشه ودشينا منه الى داخل بيتنا القديم اللي تركناه وشفت حارسنا اسمه ممدوح مدري محمود
وهذا اللي اذكره من الحلم وشكرا

 

[calemero]

احلى شي ان الواحد يلقى ناس من نفس جنسة و مجموعة يساعدة
حياج الله و هلة هلة بالتفسيرات السنعة اللي تيبشر بلخير

 

[استغفرك يارب]

ليش ما فسرتي حلمي !!

 

[Featured Lady]

ياليت تفسرين هذا الحلم لى واكون شاكرة لج
حلمت اختى فيني انى لابسه نفنوف اخضر؟؟؟؟؟؟؟؟؟؟

 

[almelody]

السلام عليكم

حلمت حلم فيه احداث كثيره من بينها شي يهمني

حلمت كأني دخلت غرفه لقيت فيها الشيخ جابر الاحمد الصباح ( الله يرحمه )

قاعد مبتسم واستانست اني شفته وكانت هيئته مثل ما نشوفه بالصور يعني لابس البشت وشكله بعز شبابه .

المهم رحت له بسرعه وسلمت عليه يد بيد وكانت ايده ( دافيه )

كان شعور حلو لاني تمنيت من زمان اني احصل على شرف مقابلته والسلام عليه .

المهم

بعد ما سلمت عليه نزل ايده ورجعت سلمت عليه مره ثانيه ( كأنه ودي ما أطوف السلام ) أخاف ما اتشرف بمصافحته مره ثانيه .

وكان يبتسم رحمه الله عليه ولا تكلم اي كلمه .

وطبعا صحيت من حلمي وانا مرتاحه وسعيده بشوفته .

انتهى

اتمنى تلقين تفسير حق حلمي