مفسرة احلام كويتية جديدة

[HaSooNa82]

سلام عليكم
عندي حلمين
يا ريت تفسريلي اياهم اول حلم بس ترى ريلي اللي حلمان مو انا :
ان وانت بكرامة قاعد يرجع هذا اول حلم
الحلم الثاني : حلمان ان ( انا وريلي وولدي وامي واختي وابوه وريل خالته )قاعدين في بيتنا بس طريقة البيت غير وان الطوفة كانت من زجاج وقام يطق مطر وبردي وايد وكانت حبات البردي كبيرة ووخرنا من عند الجام وقعدنا كلنا بزاوية لما وقف المطر
ياريت تفيرين الحلم باسرع وقت اذا ممكن ترى ريلي على نار؟؟؟؟

 

[سيد-الغنادير]

والله جزاك الله الف خير
ابوي متوفي من اربع سنوات تقريبا وهو رجال مطوع وتوفى على سجادة صلاته ...
الغريب اني انا الوحيدة بين كل اخواني وخواتي احلم فيه انه معصب حيل علي ونظراته غضب لي مدري ليه ؟؟
والله هالسالفة حيل مضايقتني وكل اهلي يحلمون فيه انه مرتاح ومستانس ياليت تردين علي ..
وياليتني اعرف ليه زعلان (

 

[-Bello-]

أمل حبيبتي لحقيني الله يوفقج ..انا امس حلمت هالحلم وحدي خايفه ..الله يسلمج حلمانه جني قاعده وشيخ دين قعد يقرا علي ايه والعاديات .. وماكمل الايه الا جنه طلع شيي من( ظهري من فوق) وحراره وفجأه انا قعدت من نومي مخترعه وحسيت بشي بظهري والغريب انه الصبح وانا بتحمم انصدمت انه ظهري مشمخ اب نفس المكان اللي طلع منه شي ..؟؟ تكفين ردي علي باسرع وقت ميته الاقي احد يفسرلي حلمي واذا تقدرين اتدزيلي الرد على الخاص هم الله يوفقج ..

 

[شاهة]

السلام عليكم
اختي امل حلمت في والدي الله يرحمة لابس دشداشة وغترة لونهم ابيض بياض اضاءة الفلورسنت "بياض فية نور شديد حيل " وطالع من المستشفي الي توفي فيها بسرعة عجيبة مثل البرق
شنو معني هالحلم
الحمد لله والدي كان انسان ملتزم وايد وتوفي بعد فترة مرض قصيرة

 

[Fanar90]

وناااااااااااااااااااااااااااااااااااااسه عندنا مفسرة أحلام ... الله يتمم عليج من صج ودي اليوم أحلم وتفسرينه لي ..الله يتمم عليج ويوفجج أختي أمل 666

 

[الداعية إلى الله]

أمووووووووله حبيبتي متى تفسرين حلمي

اليووووووم ثالث وأنا أنطر

الله يجعله خير إن شاء الله

 

[عبير العبورة]

اختي لا يكون نستيني

لين الحين ما فسرتي احلامي

والله يعنيج والله عليج ضغط

 

[ساره ستايل]

اختي يزاج الله خير
حلمي بكل اختصار

حلمت جنه حماتي(مومتزوجه عمرها 19سنه ) لابسه قميص نوم (بيبي دول) جدام اخوها اللي اهو زوجي ..
وجنها عادي مو مستحيه منه .. وزوجي جنه بعد عنده عادي انها لابسه جذيه مع انه بالواقع مايرضى باللبس الغلط. وجنه هالقميص اهي امفصلته مو جاهز .

وعساج عالقوة .

 

[miss-one]

السلام عليكم

عندي حلمين وياريت تفسيرين لي اياهم

حلمت اني بسافر امريكا ويا خالي المريض وقاعده احضر جنطتي ومادري شنو احط وشنو اخلي


الحلم الثاني
حلمت انه اخوي طلق مرته وتزوج وحده اسمها عفاف ويابت بنت ولد وسمت البنت صبيحه ( الاسماء مادري ليش اطلعت جذي )

 

[طير الحب]

هلا حبيتى واللى يعافيج فسرى لى هذا الحلم

حلمانه ان الشيخ صباح توفى الله لا يقولها ودخلت على ابوى وهو ضايق خلقه قتله اشفيك قال ان الشيخ عطاج عمره قعدت ابجى وقلته على دوره سنه اخوه . ... وبس

والثانى حلمانه انى عندى عضو ريال ( ذكر ) وقاعده تكرمين ابول وكل ما ابول يصغر الذكر لين صار صغير ( بس مو صغير مال صبى لا ريال)

ويعطيج العافيه

 

[الريشة]

أمل حبيبتي لحقيني الله يوفقج ..انا امس حلمت هالحلم وحدي خايفه ..الله يسلمج حلمانه جني قاعده وشيخ دين قعد يقرا علي ايه والعاديات .. وماكمل الايه الا جنه طلع شيي من( ظهري من فوق) وحراره وفجأه انا قعدت من نومي مخترعه وحسيت بشي بظهري والغريب انه الصبح وانا بتحمم انصدمت انه ظهري مشمخ اب نفس المكان اللي طلع منه شي ..؟؟ تكفين ردي علي باسرع وقت ميته الاقي احد يفسرلي حلمي واذا تقدرين اتدزيلي الرد على الخاص هم الله يوفقج ..

حبيبتي البنوتة حبيت افيدك عن حلمك لأن عندي معلومات بسيطة عن التفسير على قدي..
و الله اعلم أعتقد ان حلمك زين و لا تحاتين ، لأنك حلمتي ان الشيخ قاعد يقرا عليك و طلع منك هالشيء الحار ، يعني افتكيتي منه راح منك و ان شاء الله ماراح يضرك بإذن الله.. لأن الله حفظك بسبب قراءة القرآن عليك (هذا تقريباً مثل ياثوم )
بس : حاولي تقرين سورة البقرة كاملة كل 3 أيام مرة . عشان ما تحلمين هالحلم مرة ثانية و عشان الله يحفظك من الشيطان و العين.. اوكي.
و لا تنسين حبيبي أذكار الصباح و المساء

 

[-Bello-]

مشكووووووووووووووووره الريشه بعد عمري انتي انا دايما مشغله صورة البقره بغرفة نومي الحمدالله وبحاول اقراها بعد كنت وايد قاعده احاتي هالحلم

 

[حلاها بلاها]

الله يخليج عندي حلمين محيريني ودي اعرف تفسيرهم اذا تقدرين

الأول:

حلمت إن نبت في مزرعتنا فطر ( مشروم ) بكميه كبيره جدا و حجمه كان كبير و لونه ابيض و نظيف . أول شي ما كان ودي أجمعه بس بعدين غيرت رايي و جمعته بسله و رجعت البيت حتى تشوفه أمي, بس فجاة قبل لا تشوفه أمي تغير لونه و صار لونه بني و قلت كميته و صار صغار.


الثاني من حوالي اسبوعين تقريبا :

حلمت اني واقفه في وسط حوش بيتنا بروحي و كان الوقت قبل المغرب , رفعت راسي اطالع السما ولا أشوف مكتوب بالسما بسم الله الرحمن الرحيم بخط كبير و منقوش ممتده بشكل طولي فوق بيتنا من اوله لي آخره, و كانت السما لونها وايد حلو و الغيوم ورديه.

 

[وسامي]

حبيبتى وينك عسى ماشر صارلى ست ايام كاتبة حلمي ومارديتى عسى المانع خير انشالله

 

[سيد-الغنادير]

مرحبا انا كتبت لك حلمي بابوي ومارديتي علي

والحين اختي حلمانه انها بسياره وتاكل برتقال وااااااااااجد
ياليت تردين وماتكشتين


انتظرك

 

[سـود العيـون]

السلام عليكم

انا حلمت اني في مكان مو بيتنا بس المكان احسه في الحلم مو غريب علي المهم اني كنت اتجنب اروح اماكن في هالبيت لان فيها جن .. كنت خايفه كثير لان احس الجن في كل مكان وكان كل ما يجيني احد من اهلي اقرا آيه الكرسي وكان بعضهم من الجن متشكلين على صوره اهلي بس انا كنت من يقرب احد مني على طول اقرا آيه الكرسي عشان اذا اختفى او انحاش اعرف انه مو من اهلي وبالفعل في واحد منهم قالي لا وفجأه اختفى فطلع جني

والله يجزاك خير ويبارك فيك

 

[دلوعه الكويت]

السلام عليكم تحلمت ان فى وحده عطتني بضتين فيهم لمع وبعدين قالت راح اعطيج الورد بعدين

 

[ماكنتوشة]

السلام عليكم
شلونج اختي
انا حلمت بالوالد الله يرحمه قاعد بينا (انا وامي وخواتي )
ولا اختي الكبيره تسأله شخبار الحساسيه اللي فيك جان يقولي قومي شوفيها شنو لونها(الحساسيه)
جان اقوم واشوف جتفه اليسار ولا لونها احمر على برتقال جنه مرجان البحر وشكله حلو
وبس

 

[ملاك هدية]

هلا وغلا فيج انا برسلج على الخاص لان عندي احلام ولا الافلام الهنديه الله يعينج علي
يعطيج العافيه

 

[سيد-الغنادير]

انشاللة يكون المانع خير ...
صار لي فترة وانا قاعده انتظر ردك ..