مقبلة عالزواج ؟ شوفوا نصايح امهات اليوم

[ياربي انا دلوعه]

بقولج نصايح ماماتي
1)اهتمي فيه ولا تشوفين نفسج عليه حتى لو انه شنو يحبج يموت فيج بيكرهج
2)احرصي على اكله اهم شي حتى لو بيتغدى برا دقي اسالي عنه تغديت ؟؟؟ لانه يحب الاهتمام
3) المشاكل بينج وبينه لحد يحس ان بينكم مشكله
4)لو اهله سووا فيج شي ابتسمي لا تكلمين باهله او تحشين فيهم عند احد لان الخبر بيوصل
5)لبسج واناقتج كلها طلعيها عنده
6)البيت على طول غيري فيه خلي ذوقج يبرز بالبيت حتى للناس اللي يزورنج
7) على طول اذا كان غافل ذكريه بالصلاة شكثر سمعت عن بنات هم اللي ذكروهم بالصلاة
8) ان شاء الله اي عروس تسوي وقف مشروع خيري باسمها واسم زوجها
وبس ^.^

 

[ياربي انا دلوعه]

واي نسيت شغله شكثر اقرا بنات البسي قمصان عاريه حيل او سوي ليله خاصه ليله حمرا ومدري شنو
حبيبتي والله بعضهم ينقد عليج توج متزوجه وتسوين هالحركات بالعكس بيكرهج اكثر

 

[miss youyou]

معاها حق شهالنصايح اللي مافيها خير ولا سنع..هذي مو نصايح خراب بيوت وفضايح!!

مثل ما الوحده تبي ريلها يعطيها ومايقصر عليها اهي بعد لازم تعطيه وماتقصر عليه

وطال الزمن ولا قصر يظل كل ريال يحب ياكل من ايد مرته ويفتخر فيها وبسنعها..واصلا

اللي ماتعرف تطبخ هذي اللي ينقد عليها ويسمونها رفله مو لازم تصير شيف بس عالأقل

تعرف تطبخ حق بيتها وريلها..وبالنسبه حق السواقه الريال السنع ولد الأصول ما يقصر مع مرته

وبيته ويقوم فيهم وبمشوايرهم بس هذا مو معناته نخلي الريال سايق تحت الطلب..الحمدلله

السياره عزوه وتغني المرأه وتقدر تقوم في بيتها واعيالها اذا احتاجوها مو تصير حالها حال
الكرسي بالبيت عاله ما تعرف تتصرف ولا تسوي شي ومعتمده عالريال بكل شي جنها بزر..

الحياة شراكه ومسؤليه بين اثنين كل واحد يقوم بدوره وواجبه..

الزواج مو معناته اتكاليه وارمي البيت بما حمل عالزوج واصير الدلوعه البيبي اللي ما تعرف شي ..
اهو ما يبي طفله يربيها..
يبي زوجه امراه ناضجه مسؤله تتحمل معاه مسؤليه البيت والعيال وتعينه بهالدنيا ولي غاب يقدر يعتمد عليها

معها بكل كلمة

يعني صراحة شنو هو دوركم في البيت كا زوجة ؟ ترى الزواج مو بس الإبداع في الفراش حبيبتي الزواج هو الإبداع في كل شي من فراش وطبخ وترتيب وحتى الكلام

إذا مو قادرة حتى تطبخين لشخصين (إنتي وهو ) ؟ يعني لها الدرجة صعبة ؟

صراحة استغرب لما الوحدة تكون بس هي وزوجها وتخلي الخدامة تطبخ لهم حتى الفطور ؟ والاسواء لما الوحدة ترفض وجود الخدامة بس غداها وعشاها من أهلها أو حمولتها و الأسواء بعد من المطاعم ؟

يعني لها الدرجة مستصعبة دخولك للمطبخ ؟ مع إنه الحين كل شي متوفر يسهل الطبخ يعني مانتي مجبورة تطبخين له شي دسم أو ثقيل كل يوم يكفي خفايف وسندويتشات عادي بس من ايدك مو من الخدامة أو أهلك



أنا الحين أداوم والحمد الله ولا مرة اعتمدت فيها على أحد كل شي من ايدي حتى الخبز صرت اسويه مرتين في الأسبوع وصار زوجي يحبه ومو قادر يستغنى وأفرح أكثر لما يطلب مني اطبخ له شي، صار لي الحين 5 سنوات متزوجة والحمد لله أنا اطبخ ومرات زوجي يطبخ عشان يساعدني مع إنه ولا مرة طبخ في بيت أهله .



والله الدنيا صارت غريبة عجيبة يعني الحين الرفلة ""سوري"" صارت دلوعة والسنعة صارت خبلة وما عندها كرامة .



أما موضوع السياقة هذا بعد ما منه يعني الزوج الاتكالي راح يبين من أول يوم حتى لو مو عندك ليسن راح يخلي كل مرة أبوك أو أخوك أو أحد يوديك ويرجعك للمشاوير إلي إنتي رايحة لها .



ملحوظة: ليش تعتبرون أزواجكم كانهم عدوينكم أو أنهم مايحبون لكم الخير يعني لاحظت أغلب النصايح هي " لا تعلمينه، لا تقولين له ، لا تراوين له ، لا تسوين له ،..." كلها سلبي في سلبي .

المهم الله يوفق كل وحدة على وجه زواج ويخليها زوجها يا دهينة لا تنكتين يا راب .​

 

[قطوووة]

بقولج نصايح ماماتي
1)اهتمي فيه ولا تشوفين نفسج عليه حتى لو انه شنو يحبج يموت فيج بيكرهج
2)احرصي على اكله اهم شي حتى لو بيتغدى برا دقي اسالي عنه تغديت ؟؟؟ لانه يحب الاهتمام
3) المشاكل بينج وبينه لحد يحس ان بينكم مشكله
4)لو اهله سووا فيج شي ابتسمي لا تكلمين باهله او تحشين فيهم عند احد لان الخبر بيوصل
5)لبسج واناقتج كلها طلعيها عنده
6)البيت على طول غيري فيه خلي ذوقج يبرز بالبيت حتى للناس اللي يزورنج
7) على طول اذا كان غافل ذكريه بالصلاة شكثر سمعت عن بنات هم اللي ذكروهم بالصلاة
8) ان شاء الله اي عروس تسوي وقف مشروع خيري باسمها واسم زوجها
وبس ^.^

فديت السنعه بنت السنعه

كلام امج الله يحفظها عين العقل:rerrerek:

 

[قطوووة]

مس يويو

المشكلة نصايح بعض الحريم وراها خراب بيوت


حياج

 

[شذى الحب]

موضوع يونس :krkrkr:

 

[DeSeRt RoZe]

انا عني احب اطبخ
لو يقولون لي طبخي للبيت كله ما عندي مشكله


دايما اسوي اكلات مرات انزل للعشا وياي طبق او الغدا صينية وبالزواره ما ادخل الا وياي طبق مبدعه فيه

احب هالشي من نفسي

مو عشان احد او بعجب احد لان انا بطبعي ما اسوي اللا اللي انا ابي اسويه

يعني المسأله كيفج انتي سوي اللي يريحج وتبينه وعمرج لا تسوين على ابو نصيحة او حمكه ومادري شنو وبس هذا رايي اناا

 

[DeSeRt RoZe]

وعلى النصايح الثانيه
سوي اللي تبينه انتيييي لان هذي حياتج بس لا تكررين الشي وايد ويصير روتين يتعودون عليه الناس وتملينه انتي وتكرهينه
يعني السالفة مزاجج هههههههه

 

[قطوووة]

صحيح .. الحياة تختلف من بيت لبيت

 

[ملگه]

بلعكس سوي له كل الي يبيه على شان مايمل امي نصيحتها دايم لي بيضي وجه قدام ارياجيل وحطي اهله على راسك

 

[[ نور عيني ]]

-


ما ادري بس
مستحيل اسوق ولو اني اموت بالسوااقه .. بس اخاف يخلي كل شيء على راسي
فمن البدايه ابعد عن الشر وغنيييييلوَ ..
والطباخ ممكن أطبخ .. عادي بس مو كل يوم او سوالف قبل زاماااات على المطبخ ..
وبسس .. :$

 

[شب وحرمل]

حبيبتي انا ماعرف اطبخ وأصلا مااحب الطباخ احب ااككل اي شي سرييع بس خطيبي يقولي ابيج تتعلمين الطبخ مابي ااكل الا من ايدج ووقت الزواره والخ ابيج تسوين طبق من ايدج مووشرط اسوي اكل حق قبييله !!1 وبصراحه هو حببني بالطبخ ويشجعني وبديت اتعلم عصاير وكب كيك والشغلات البسيطه واالسريعه وبعدين عاد انتعلم العيووش والمجابيييس وبالنسبه للسياقه شكو يكدشوني اهله ههههههه حتى لو ساكنه معاهم كل واحد عنده سيارته ويدل دربه:eh_s(10): وبالنسبه للجسم ايضا اهو دايما يشجعني عالرياضه ويقولي يلا روحي النادي يعني الريايييل يحبون مرتهم تكوون نوعا ما كااامله وبسسسسسسس مادري اشرايكم

 

[قطوووة]

كلام جميل