مشرفة القسم Snow angel
هاي بنات اول شي بحط لكم الصوره النهائيه للطبق
وهذي صور بعض المكونات والطريقه بالصور
الخطوات بالتفصيل :
1- اول شي عقب ما نغسل الدجاج عدل ادهنها بزيت زيتون وارشها ملح وننقعها بماي بارد مده نص ساعه علشان تروح الزفره .
2- عقب نغسل الدجاج عدل ونسلقه بماي مغلي لازم ننتبه ان الماي يكون حار جدا قبل لا نحط الدياية .
3- ننتبه ان تطلع الزفره او الرغوه البيضه كل ما تطلع على سطح المي بس تروح كل الزفره نحط البهارات الحب (ورق غار- مسمار - فلفل اسود حب-هيل حب - كزبره حب - كمون حب- دارسين عواده - زنجبيل ناشف - كاري مطحون ملعقه وسط - كركم ملقعه وسط - 5 فصوص ثوم - جزره - طماط - ربع بصله- عود بصل اخضر - جوز الطيب رشه - ملح- ملعقه خل ابيض ) نقطي الجدر ونخليه يستوي على نار وسط
عقب نكون مزهبين الخطار الي بنغليها انا اخترت
باذنجان نقصه مدور وندهنه بهذي الخلطه ( زيت زيتون +زيت عادي+ بابريكا+ كركم +كاري+ملح ) وندخله الفرن لين يستوي او ممكن نقليه
نسوي هذي الخلطه ونرشها على الخضار قبل القلي (بابريكا - كركم - ملح - كاري )
بطاط نقليه
بطاطا حلوه نقليها
جزر نقليه
زهره نقليه
وبصل شرايح نقليه
واخر شي نقلي الطماط
نصف الخضار المقلي بقاع الجدر
الدجاجه ندهنها بمايونيز وشوي كاتشب و كاري وبابريكا وشوي من خلطه الزعفران وندخلها الفرن لين تحمر شوي بس ننتبه لا تنشف
وبس يستوي الدجاج نحطه فوق الخضار
والعيش نسلقه بماي الدجاج ونشخله ونحطه فوق الدجاج والخضار
ونرش فوقه خلطه الزعفران ( زعفران - ملعقه شاي هيل - ملعقتين شاي ماي الكادي - ملعقتين شاي ماء ورد)
واحط ربع قالب زبدة مقطعه مربعات
ونخليه على نار هاديه 45 دقيقه او لين نحس انه نضج عدل
وطبعا يقدم مع دقوس الطماط الكويتي
طريقه الدقوس
نحط دهن شوي بجدر ونحط ثوم وبابريكا وفلفل اسود وملح بس يحمر شوي الثوم احط معجون الطماط احمسه شوي واحط الطماط المطحون والماي تقريبا نص كوب ونخليه على النار لين ينضج ويثقل شوي
اتمنى يكون شرحي واضح
واي استفسار من عيوني
وتنبيه الموضوع مو منقول انا نكي بمنتدى ثاني خبيرة تجميل كويتية
والي ما ترد يويلها ترى تعبت وايد وانا انسق الصور واكتب
