مقهى نسائي

[دراهــم]

السلام عليكم

بنات انا عندي مبلغ شوي كبير ...

فكرت في كذا مشروع .. لكن ما زلت ادور على مشروع يناسبني ..

والحين مفكرة في ( مقهى نسائي )

بس مو عارفة شلون أبدأ

يعني في بعض الأمور مو عارفتها .. مثل :

1 / المكان المناسب ..

2 / شنو أحط في المقهى للترفيه ..

فكرت في ( نت - ركن خاص لأحدث الكتب - تلفزيون - ) وبعد ؟ ممكن تفيدوني .

3 / العاملات اللي فيه .. من أي جنسية أتعامل ؟


وإذا عندم أي ملاحظات .. انا كلي عيون مبققة :ggdw:

 

[انا طبعي كده]

...... ممكن تحطين طاولة بلياردوو

تلفزيوون ... <<<<<<< البنات بيخلون بيوتهم ويجون يتابعون مباريات المنتخب


هاذا اللي عندي اللحين بس لي عوده ان شاء الله

انتظريني

موفقه الغاليه

 

[dalal art]

الله يوفقج وويوفق الجميع وخوش افكار واي مساعده انا حاضر اختي

 

[دراهــم]

الله يعطيكم العافية

ودي اعرف المكان المناسب لأي مقهى نسائي .. تعرفون ؟

تهقون لازم يطل على البحر ؟؟؟؟؟ لأن احتمال ما احصل على البحر ...

 

[Miss_Soso]

اول شي ما انصحج :-

الامن شنو بتحطينه شباب ؟ وحده من البنات قالت تحرش فيني المسؤوليه القانونيه عليج ... تتحملين موظفينج

البنات الي بيون عندج عارفه اخلاقهم ؟ دش رجل متنكر ... الخ كل الاعباء القانونيه عليج .......

 

[katko0ota]

فكره عجيييبه صراحه بس يبيلها مجابل و طوووولة بال حبيبتي لا تستهيني على بو انه مقهى بنات بكون امره سهل !!

اولا : تحديد الفئه العمريه و ساعات عمل المقهى
ثانيا: بخصوص الأمن فا في شركات توفر موظفات للأمن
ثالثا: الحرص على انتقاء مكان مناسب كونه راح يكون مخصص للبنات , يمكن مو كل البنات يقدرون .

هذيل الأشياء الي على بالي و لي رجعه ان شاء الله

 

[فانيلا]

فيه مقهى موجود للبنات بس
مرة حطوه بالتليفيزيون وكان فيه قسم للشيشية بعد

اسالي عنه

 

[كويتيه برونزيه]

والله حبوبه تبين الصراحه ما انصحج أبدأأأأ

فتحي معرض دائم احسن شي تضمنينه مو مقهى نسائي الله يهداج الحين البويات بيدعون لج ههههههه

موفقه يا قلبي بس فكري بعد ,,

 

[أسرار الطبيعة]

فكرة فكرت فيها سابقا ً
وأنصحك تتوجهين بزيارة لدبي وتتابعين بعض المشاربع المشابهه لهذا المجال
وما يمنع لو تقتبسين الشركة اللي سوت الديكور وتجمعين بين هذا وذاك
الأمن عنصر نسائي سيلانيات أو هنديات بالطلب مدربين من بلادهم مثل الوضع في الأفنيوز
الموقع مهم جدا ويفضل في السنتر ، وما يمنع لو يكون ملحق في جميعه تم افتتاحها
أغلب العنصر النسائي يحتاجون لمكان يسوون فيه اجنماعاتهم وتحرجون لو فيه رجال
وبخصوص البويات ممنوع دخولهم بأمر الأمن اللي عندك ، اللي ما تحترم نفسها الكل يرفضها
أنا أشد من أزرك وأِشجعك على مثل هذا المشروع والكويت متعطشه لمثل هذا المكان
واتركي سوالف الشيشه ، لو عندي بنت كبيره ما اسمح لها تتوجه للمكان اياه
بالتوفيق .

 

[دراهــم]

يعطيكم العافية

والله فتحتوا عيني على بعض الأمور اللي ماكنت منتبهة لها

بس لي الحين الفكرة في خاطري

صج يبي لها مجابل .. بس لما اكون مجابلته وانا مرتاحة اعتقد بيكون شي حلو

وطبعا الشيشة ممنوعة .. لاني ودي انه يكون مكان مريح .. ويعتبر استراحة لأي مجموعة من النساء .. يقدرون يرتاحون في قعدتهم

وأما سالفة البويات بيدعون لي .. ما اعتقد :dddds:

لأن بيكون هناك قانون مثل ما قالت الاخت يمنع دخول البويات ..

اسرار الطبيعة .. ما فهمت شلون تكون تابعة لأي جمعية ؟؟

ومشكووورة على التشجيع

::

ويعطيكم الف الف عافية


ويا ليت إذا في مشروه بالكويت جذي تقولون لي اسمه عشان ازوره :tek:

 

[espresso]

أئيد اسرار الطبيعة في رايها

ويعطيك العافية ... أنا أشجعك .. وبكون انشالله من زباينك


أفضل لو بيكون على البحر .. عن نفسي أبي فيو جميل و مريح من اعباء البيت ارتاح فيه بحرية

أقترح ساتف مدرب جدا مو مهم الجنسية ولو إن الفلبينيات معروفين بالذرابة

أقترح تحطين مساج يد و قدم .. البنات يحبون جذي

ممكن تأجير ورق لعب "جنجفة" أو دامة يعني حركات بريئة تونسنا

فكرة الكتب وواااااااااااااايد حلوة

ياريت ممنوع الأطفال علشان ما يسندرون الحريم

ممكن خدمة دي اس ال

اهتمي بنوع القهوة و المينيو ... ترى النساء تبي النظيف و المميز

و الفناتك .. الفناتك

يعني حركات ذربة و عنونة بس تبهر

مثل كوب نمنم ضيافة ممكن يكون فيه قهوة نوع مميز أو عصير ليمون أو .....

مثلا ... فوط التنظيف الي ترمينهم بالماي يكبرون

وردة على الكوب
ما ادري اختار من اقتراحاتي اللي يعجبج


انشالله ما دوختج .....مع خالص تشجيعي

 

[هجير الريح]

بالعكس حبوبه فكرتج وايد حلوه وبعد تقدرين تحطين بالمقهى جناج لبيع الاشياء الغريبه او اى شى تحبين تبيعينه ويهم المرأه و يكون مكان ترفيهى وتعرفين الحريم يحبون الابهار بالديكور وركزى على هذا الشى من اضائه والوان ... حبيبتى حتى لو ماحصلتى مكان على البحر تقدرين توفرين هذا الشى بالديكور وطالعى المشاريع اللى برا ونفذى هنيه بالديره والله يوفقج حبوبه وبكون من زوار هالمكان ان شاء الله واذا ماساعدنا بنات ديرتنا منو نساعد امانه ..... الله يوفقج حبوبه ويحققلج كل اللى تتمنينه

 

[د.شريفة]

الله يوفقج بس ابتعدي عن سوالف الشيشه والسجاير واللويه مو تخلين من هب ودب يدخل البويات والخمه هذول خليهم بعيد عن مكانج
والله يوفقج ان شاءالله

 

[ام هجورة]

ممكن اعرف انت قادرة على هالشي؟ ترا المساله مو مسالة شيشة وبويات وبس المسلبه مسالة سمعة
والله يوفقج

 

[دراهــم]

أئيد اسرار الطبيعة في رايها

ويعطيك العافية ... أنا أشجعك .. وبكون انشالله من زباينك


أفضل لو بيكون على البحر .. عن نفسي أبي فيو جميل و مريح من اعباء البيت ارتاح فيه بحرية

أقترح ساتف مدرب جدا مو مهم الجنسية ولو إن الفلبينيات معروفين بالذرابة

أقترح تحطين مساج يد و قدم .. البنات يحبون جذي

ممكن تأجير ورق لعب "جنجفة" أو دامة يعني حركات بريئة تونسنا

فكرة الكتب وواااااااااااااايد حلوة

ياريت ممنوع الأطفال علشان ما يسندرون الحريم

ممكن خدمة دي اس ال

اهتمي بنوع القهوة و المينيو ... ترى النساء تبي النظيف و المميز

و الفناتك .. الفناتك

يعني حركات ذربة و عنونة بس تبهر

مثل كوب نمنم ضيافة ممكن يكون فيه قهوة نوع مميز أو عصير ليمون أو .....

مثلا ... فوط التنظيف الي ترمينهم بالماي يكبرون

وردة على الكوب
ما ادري اختار من اقتراحاتي اللي يعجبج


انشالله ما دوختج .....مع خالص تشجيعي

افكارج عجيبـــــــــة

انتي هم نفس اختي تقول حاولي مايكون في اطفال بالمكان عشان الازعاج واللوية

وانا خذيت النقاط كلها اللي ذكرتيها .. وسجلتها عندي ..

مااااااقصرتي

 

[دراهــم]

بالعكس حبوبه فكرتج وايد حلوه وبعد تقدرين تحطين بالمقهى جناج لبيع الاشياء الغريبه او اى شى تحبين تبيعينه ويهم المرأه و يكون مكان ترفيهى وتعرفين الحريم يحبون الابهار بالديكور وركزى على هذا الشى من اضائه والوان ... حبيبتى حتى لو ماحصلتى مكان على البحر تقدرين توفرين هذا الشى بالديكور وطالعى المشاريع اللى برا ونفذى هنيه بالديره والله يوفقج حبوبه وبكون من زوار هالمكان ان شاء الله واذا ماساعدنا بنات ديرتنا منو نساعد امانه ..... الله يوفقج حبوبه ويحققلج كل اللى تتمنينه

مشكووورة على هـ الكلام الطيب

أما الديكور .. فـ وحدة تقولي انا اصمم لج الديكور يكون راقي .. هم كويتية .. وعندها خبرة ما شاء الله

ويعطيج العافية

 

[دراهــم]

الله يوفقج بس ابتعدي عن سوالف الشيشه والسجاير واللويه مو تخلين من هب ودب يدخل البويات والخمه هذول خليهم بعيد عن مكانج
والله يوفقج ان شاءالله

لا ان شاء الله ببتعد عن الشيشة .. لان أصلا مدخولها حرام .. وغير انها عادة دخيلة على مجتمعنا .. وانا حبيت يكون المكان مثل استراحة للمرة الكويتية .. ويكون مكان محافظ ان الله راد وسويته

ومشكووورة على التشجيع​

 

[دراهــم]

ممكن اعرف انت قادرة على هالشي؟ ترا المساله مو مسالة شيشة وبويات وبس المسلبه مسالة سمعة
والله يوفقج

قادرة من أي ناحية ؟؟

شلون مسألة سمعة ..؟؟ ترا اهوا مقهى عادي .. ما ادري شـ مدخل السمعة في الموضوع .. يا ليت تفيديني .. يمكم في شي انا غافلة عنه !!

وتسلمين

 

[برنسيسة Q8]

مشرووووووووع ناجح وانا بعد مسويه دراسة جدوى لمشروع كافية بس بحط شيشة لانها مربحة واايد وراح اطلعلي الفلوس اللي بخسرها
الله يوفقج

 

[espresso]

حياج الله ... و بالتوفيق