مقهى نسائي

[دراهــم]

وايد حبيت فكرتج ..... والله يوفقج ..

الله يسلمج ومشكووورة على الدعوة

 

[lbnjbh]

تري الفكرة وايد صعبة يعني مو معقولة تقول المرة حق ابوها او اخوها او زوجها انا رايحة القهوه

 

[دراهــم]

اي والله ياليت ياليت نبي مقهى فيه نت وبلياردو وكافيه ذرب نشرب ناكل شي مرتب ويكون نساء بس بس بس مو عائلات ماني شباب خير شر نفس الدول الثانيه وياليت تحطين امن يفتر بالمقهى نفسه يراقب البنات والبويات وملاقة البلوتوث والكاميرات عشان المحجبات والمنقبات ياخذون راحتهم نفس الكافيهات اللي بالرياض وجده والامن حريم سيلانيات مصاكه برا عند الباب
وخدمة بديكير منيكير والله جد اكلمج بنت عمتي بجده تقول ان في كافيه عندهم وفيه ميني صالون بس جم وحده تسوي بدبكير منكير حواجب شوراب ومساج ريول وايد بس شنو طريقته وتقسيمته من داخل ما ادري
وبس ادري قرقت وايد والله يوفقج وبس تسوينه قولي لنا انا اول وحده يايه

حلوة افكارج

ان شاء الله الامن بيكونون عند الباب .. وبتكون فيه شروط للبويات والجنوس كلش ما يدشون

اما خدمة الميني صالون .. بتكون بعدها بفترة

والبلياردو بتكون مزعجة بالنسبة للحضور ..تعرفين صور الكور

ومشكوووورة على الافكاااار

 

[دراهــم]

شوفي انا بقولج على الموضوع من وجهه نظري

اي مكان ما راح اروحله الا لما ارتاح له

بمعنى اول شي باماكن مثل هذي لازم تجذبين الناس لها وتخليهم يرتاحون لها

يعني باول الايام نظمي فيها دورات دينيه ... دورات بالصيف حق البنات من 12-15 سنه جذي امهاتهم رح يجون
وعلى قولتهم رح تتعود رجلهم على المكان

ثاني شي حطي شروط في كل مكان توضحين فيها ان كل الخرابيط ممنوعه
حطي فيه اقسام .. مصلى ... صاله فيها غنفات مريحة ... غرف متخصصه للدورات .. دروات كروشيه ... دورات دينيه ... يعني كل فترة دورة
جذي انشاله بتجذبين اكثر من فئه من الحريم

وموفقه حبيبتي .. والله يوفقج بالخير

حلووووة فكرة الدورات .. حطيتها هندي .. الله يجزاكم خير على هـ الافكار

ومشكووورة

 

[دراهــم]

خوووووووووووووووش مشروع

فكرت فيه من فتره و تالي هونت

يا الله الله يوفقج

الله يسلمج

 

[دراهــم]

ماشالله عليج الفكرة عجيييييييييييييييييبه واذا سويتي المشروع تكفين قوليلي بصير زبونه داشمة بالعكس المشروع وايد راح يكونناجح خصوصا ان بنات الكوي يحبون يروحون كافيهات وبنفس القت في بنات يحبون ياخذون راحتهم بالاماكن العامه من ناحيا سوالف وضحك وحتى بالاكل يعني مو مكان مختلط وكل من حاطه عينه عليج لوووول
وهم افكار البنات روعه وخاصه اسرار الطبيعه والاخت ميساميسو افكارهم حلوة وترى الحين اذا على يالفه الامن انحلت صار عندنا شرطه نسائيه

وحلوة فكرت مكان لبيع الاشياء الغريبه لانه ممكن بعد تاجرينه كل اسبوع حق وحده تعرض بضاعه او شي تبي تبيعه وهم عندي فكره حلوة راح تعجب وايد بنات لان مرات مثلا يكون في بنات يبون يحتفلون بعيد ميلاد وحده من رفيجاتهم وماعندهم مكان او يبون مكان ياخذون راحتهم فيه يعني مايكون في شباب فتحجز بالمقهى مثلا يكون فيه مثل صاله صغيره للمناسبات تكون كورنر او يكون دور مثلا وصدقيني بيطلع شي وااااااو وموفقه يارب

أفا عليج .. كل وحدة بالموضوع بدزلها دعوة خاصة

بس تدرين مكان للبيع احس انه يفقده خصوصيته ..

اما صالة العيد ميلاد .. فكرة حلوة .. سجلتها عندي عشان اقدر انسق الافكار

وتسلميـــــــــن على التشجيع

 

[دراهــم]

فكرة جدا حلوة لكن سؤالي راح يكون بس للكويتيات لو لكل الجنسيات ؟ مثلا انا مو كويتية لكن حابه جدا جدا فكرة المكان

لأ الفكرة فقط للنساء .. ولجميع الجنسيات ..

 

[دراهــم]

بالنسبه للمكان احس اسواق القرين مكان راح تكون العين عليه بس ماعتقد ان مقهى للبنات بيكون وضعه مريح هناك احس بيصير لويه لانه مكان اصلا مشترك ومجمع شكبره
يعني احس لو يصير المقهى مثلا يم مكان نسائي يعني عالكورنيش مثلا يم نادي صحي او يم صالون ليلى هارموني عالبحر عندج
او يكون بمجمع مثلا يكونمجمع ماعليه دوس وايد مثل ليلى2000 عرفتي قصدي يكون احسن وحتى البلاجات مكانهم حلو بس ماعتقد في مكان فاضي هناك

والديكور مثل ماقلتي يكون مريح وبسيط وعصري والحين الديكورات الله ماكثرها بالنت بس اختاري التصميم وعليهم التنفيذ..

وحلوة بعد فكرة انج تستضيفين مشاهير كويتيه مرة اعلاميه مرة فنانه مرة دكتورة مرة داعيه وجذي..[/quote]

اي هذا اللي فكرت فيه
اسواق القرين مكان ما شفته .. وإذا اكو أكبر تجمع تجاري فـ لازم يكون زحمة وازعاج .. ومو هذا المكان اللي انا برتاح فيه

وهم على البحر بيكون شوي صعب علي .. لكني كلفت شركة العقارات إذا شافت لي موقع يناسب الفكرة .. يدقون علي .. واحتمال اروح لكذا شركة ..

ومشكووووورة على المرور[/color][/size]

 

[دراهــم]

ربى يوفقج فى كل عمل تقومين فيه..........

بس احس هالمشروع صعب شوى...................ووراه دوخه راس .....
نادى صحى راقى اعتقد مناسب للمرأه.وفتحى فيه لوبى مناسب للنساء....وزبوناتج.......

الله يسلمج

تصدقين شهد أنا صارلي سنة واخطط للموضوع .. وآخذ أفكار .. واخترت كذا شركة .. والحين بعد ما قررت اطبق .. قلت اراجع على كل اللي فكرت عليه .. وسبحان الله البنات هني ما قصروا بالافكار اللي ضفتها ..

وصعوبة المشروع في البداية بس بـ ( الموقع والاعلان ) .. أما التجهيزات بلغوني انها بتطول ما بين 6 شهور لي سنة

اما مجابل المقهى .. لأني بطلع من وظيفتي لاني اداوم بس عشان الفراغ .. قلت اشغل الفلوس اللي عندي بشي يشغلني

ومشكوووورة على النصيحة

 

[رؤى القلوب]

لأ الفكرة فقط للنساء .. ولجميع الجنسيات ..

مشكور ما قصرتي فرحتيني عيل انا اول الحضور أن شاء الله :aha:

 

[AFRoDiT]

شوفي حبيبتي ..
دام المكان نسائي عيل بعطيج أهم أهم أهم أهم ملاحظه

البويات ..

هالاشكال كل ماشافوا مكان نسائي قلبوه مسخره
فـ لازم يكون الأمن شديد عندج وتقدرين تسيطرين على جذي أوضاع


و ان شاء الله ماتكون زعلتج ملاحظتي
وربي يوفج ويزيدج من الرزق الحلال

 

[FOZQ8]

أمبيه بليز سوي المشروووووع نبي مطعم صج يكون حلو ليمعاتنا مع البنات
بس ما أحبذ يكون الستاف حريم لان مانبي احد يقط حجابه تدرين ليش ؟؟ شوفي المسيله وبتعرفين
يعني اللبس بيصير أرف واللي فيها طبت بتفجره بالمطعم ويصير كأنهم رايحين عرس وااااي لما اشوفهم يحطون كيلوات الميكياج بحمامات المسيله والسشوار يشتغل اموت ضحك

عفيه اذا سويتيه بلغينا نبي نكون زباين عندج دووم
وعسى لله يوفقج

 

[دراهــم]

تري الفكرة وايد صعبة يعني مو معقولة تقول المرة حق ابوها او اخوها او زوجها انا رايحة القهوه

اممم عادي اكثر الحريم الحين يروحون مقاهي خلط .. وطبعا انا ما راح اسميه مقهى .. بيكون ( كافيه _____ ) للحين ما حددت الاسم

وsorrrry توني انتبه لردج .. ترى مو حقران بس لاني كنت ارد ورى بعض والسموحة :tek:

 

[دراهــم]

شوفي حبيبتي ..
دام المكان نسائي عيل بعطيج أهم أهم أهم أهم ملاحظه

البويات ..

هالاشكال كل ماشافوا مكان نسائي قلبوه مسخره
فـ لازم يكون الأمن شديد عندج وتقدرين تسيطرين على جذي أوضاع


و ان شاء الله ماتكون زعلتج ملاحظتي
وربي يوفج ويزيدج من الرزق الحلال

لا ابد بالعكس ملاحظتج تشرفني .. لان كل اللي حوالي يأكدون هـ الشغلة .. ( ديري بالج من البويات ) و ( أي مكان فيه بويات الله ما يطرح فيه البركة )

وإن شاء الله راح انتبه لهـ الشغلة عدل .. اهي والشيشة .. كلش لاغيتهم من اللائحة

وتأكدري اني ما سويت هـ المكان إلا لأني ابي بيئة نظيفة لبناتي وبنات الناس ..

وحياج الله

 

[دراهــم]

أمبيه بليز سوي المشروووووع نبي مطعم صج يكون حلو ليمعاتنا مع البنات
بس ما أحبذ يكون الستاف حريم لان مانبي احد يقط حجابه تدرين ليش ؟؟ شوفي المسيله وبتعرفين
يعني اللبس بيصير أرف واللي فيها طبت بتفجره بالمطعم ويصير كأنهم رايحين عرس وااااي لما اشوفهم يحطون كيلوات الميكياج بحمامات المسيله والسشوار يشتغل اموت ضحك

عفيه اذا سويتيه بلغينا نبي نكون زباين عندج دووم
وعسى لله يوفقج

تبين الصج لازم الستاف يكون حريم .. عشان الوحدة تاخذ راحتها ..

بس انا ما اقدر امنع التلفونات النقالة .. وهني راح احط تنبيهات عشان المناظر اللي قلتي عنها .. من مكياج وسشوار لووووول لاني شفتهم بعد بالمسيلة ولاعت جبدي منهم :krkrkr:

افا عليج .. إن شاء الله إذا خلص على خير حطيت إلان شكبره في المنتدى بس المشروع مثل ما قالولي يبيله بالكثير سنة

وتسلمين على الدعوة الحلوة

:tek:

 

[دراهــم]

مشكور ما قصرتي فرحتيني عيل انا اول الحضور أن شاء الله :aha:

حياج الله :tek:

 

[الله يخليني]

وااااااااااااو
تصدقين صار لي 3 شهور قاعدة أخطط وأدبر علشان الكوفي النسائي ....

فرصة حلوة للتنافس ....
بالتوفيج ....

 

[دراهــم]

هلاااا والله .. اي والله فرصة حلوة .. ويا ليت هـ الاماكن تكثر عشان الخصوصية

والله يكتب اللي فيه الخير ..

انا صارلي فترة مسوية الدراسة .. لكن طلعت الميزانية مكلفة

والحين قللت فيها شغلات شكثر ..

ناقصني المكان بس .. مو عارفة وين احطه ..:/

ومووووفقة يالغالية ..

 

[حلا الألماس]

هلا دراهم

اتوقع مشروع معرض دائم افضل واااايد

وانا افكر في هالمشروع بس مو لاقيه احد يشاركني

لو حابه راسليني


ولو ناويه على فكرة المقهى عسى الله يوفقج ياااااااااااااااااااااارب

 

[Pink Dreem]

خوش فكره والله..

الله يوفقج يارب.