مقولة فلان شكله غلط

[هدوء العالم]

السلام عليكم ورحمة الله وبركاته


شلووونكم خواتي بقسم المناقشات الجادة إلي من زمان مادخلته لهيت بالتصوير

المهم

في عادات عند النساء ما أحبها ومومهم أنا ما أحبها إلا هي محرمة عند الله سبحانه وتعالى أولا وأخيرا
( أكل لحم أخواتنا ،، والشماته بخلق الله )

مثل

فلان شكله غلط


وهي من أعظم الأغلاط الجارية على ألسنة الناس .....

لأن فيه تسخط من خلق الله وسخرية به ..
قال تعالى: ( لقد خلقنا الإنسان في أحسن تقويم )
فيه إساءة أدب مع الله، فكأنه ينسب الغلط إلى الخالق لأن المخلوق لا دخل له بوجه ولا هو خلق وجهه. فهو بهذا يعيب الصانع والعياذ بالله تعالى.

ـــــــــــــــــــــــــــــــ

اليوم بجمعة حريم وبنات ولا يقولون
هالمصطلحات
وع فلانه موحلوه ولا شافت الحلى جيكرة
وترد الثانية
صح وجهها مثل النعال
والكل يضحك والعياذ بالله
عاد أنا شعر راسي وقف لأني تحملت مافيه الكفاية
وقلت والله أنه البنت بتاخذ حسناتكم وبتاخذ حقها منكم بالأخرة
وقلت إذا فلانة ماعجبتكم خلو نقدكم بينج وبين نفسج مو لازم تقولينه للكل

تتوقعون شنو يقولون الحمدالله والشكر
حرية نقول رائنا
قلت قولوا رائكم إلي تعتبرونه حرية وإلي أنظلم منكم ومن غيركم بياخذ حقه منكم يوم الحساب عند الله سبحانه وتعالى

ما عرفت شلون أصيغ الموضوع
وأشياء وايد وايد

بإنتظار مناقشاتكم
وأتمنى من هالفئة تتوب إلى الله وتترك هالصفة إلي تكون من

( الحش والنميمة وتعرفون شنو جزاء من يقوم بها )

 

[هدوء العالم]

للرفع

 

[coralia]

صح كلامج اختي موضوعج يا بوقته .. هذه المعصية (الغيبة) منتشررررة بكثرة مع الاسف والمشكلة انها متعلقة بحقوق العباد انا انصح نفسي وكل وحدة تقع فيها بقصد او غير قصد قبل لا تتكلم تتخيل نفسها يوم المحشر يوم الحساب العظيم يوم يكون المرء في امس الحاجة الى الحسنة الواحدة تقرا في صحيفة اعمالها كل وحدة اغتابتها ماتدخل الجنة الا اذا اقتصت واخذت منها حقها وتنصدم وتبكي على روحها وين اعمالي الصالحة صدقاتي صيامي عمرة حج نوافل كلها راحت لانها تعدت على حق غيرها وهذا العدل وبالنسبة للحلول افضل حل هو النصيحة اذا مانفع مغادرة مجلس الغيبة
​

 

[هدوء العالم]

صح كلامج اختي موضوعج يا بوقته .. هذه المعصية (الغيبة) منتشررررة بكثرة مع الاسف والمشكلة انها متعلقة بحقوق العباد انا انصح نفسي وكل وحدة تقع فيها بقصد او غير قصد قبل لا تتكلم تتخيل نفسها يوم المحشر يوم الحساب العظيم يوم يكون المرء في امس الحاجة الى الحسنة الواحدة تقرا في صحيفة اعمالها كل وحدة اغتابتها ماتدخل الجنة الا اذا اقتصت واخذت منها حقها وتنصدم وتبكي على روحها وين اعمالي الصالحة صدقاتي صيامي عمرة حج نوافل كلها راحت لانها تعدت على حق غيرها وهذا العدل وبالنسبة للحلول افضل حل هو النصيحة اذا مانفع مغادرة مجلس الغيبة ​

الله يجزاج خير حبيبتي coralia على مرورج الرووووعة
وهذا إلي كنت بقوله بس من الصدمة ماعرفة شلووون أصيغ الموضوع عدل وخفت أخورها
وقالها مرة الشيخ محمد الثويني بندوته بهلا فبراير 2012

 

[دلوعة أبوهآ]

آحسن شي الواحد يقوله عشان الله يبعده عن الحش والغيبه !!
آللهم اجعل كتابي في عليين واحفظ لساني عن العآلمين ..


,

 

[Patcholli]

حرام عليهم ..!!
والله شستفادو يوم حشو فيها وقالو عنها جيكره ونعال ؟؟
بدال مايضيعون وقتهم بشي مفيد ..!!
حبيبتي عيل ليش اغلب اهل النار من النساء لان اغلب سوالفهم حش ونميمه
وبعدين مثل ماقلتي اولا هاذي خلقة الله
ثانيا في فرق بين الراي وقلة الادب وقلة الاخلاق
ثالث شي وحده من اللي حشت وعيبت ماتخاف واهي طالعه تسوي حادث وتتكسر جمجمتها وتصير ابشع من البنت اللي يظحكون عليها ترى هالشي كلش مو بعيد ولا صعب وياما صارت بحريم كانو ملكات جمال والتشوهو بحوادث سبحان الله

والله ماتنلامين ومعاج حق ليما تظايقتي والاحسن تتجنبين هالمجالس اللي مامنها فايده والله حرام احنا مسلمين وهاذي مو اخلاق المسلمين لازم ندير بالنا ونخاف ونحاذر بكلامنا قبل افعالنا لان كل كلمه محسوبه ومسجله علينا سواء باللسان او بالكتابه وحتى خائنة الاعين ..!!

 

[نهى الأحمد]

هلا حبيبتي

نورتي قسم المناقشات بموضوعج المهم جدا


كل اللي اقدر اقوله عسى ربي يهديهم ويبعدنا عنهم


وانا افضل ابعد عن مثل هالمجالس حتى ما اكسب اثم


صدقيني ياقلبي

في ناس تقولين جنه هواية ماخذينها اللي اهي الغيبه والنميمه


الله يهديهم بس

 

[ريوف الشريف]

فعلا اختي نهى والله كل مجالسنا كذا الله لايبلانا ​

مايدرون ان الغيبه من كبائر الذنوب ، والغيبه طبعا : هي ذكر اخاك بما يكره ولاننسى ان اللي تستمع وتقول انا مااغتاب اللي


حولي هم اللي اغتابوا لا ياحبيبتي انتي تعتبرنفسهم الا اذا قمتي وتركتي هالمجلس او غيرتي حشهم بشي مفيد


قال تعالى : «ولايغتب بعضكم بع ولا ضاً أيحب أحدكم أن يأكل لحم أخيه ميتاً فكرهتموه واتقوا الله إن الله تواب رحيم»

تخيلوا الموقف تاكلون لحم احد ميت وربي بتتقرفون (وبتلوع جبودكم ) بالكويتي ​

وللآسف ان الغيبه اصبحت مرض منتشر بكثره بين الحريم الا من رحم ربي ​

وفيه نقطه حابه اذكرها , اللي تحش هاذي في خلق الله ليش ماتشوف عيوبها ​

لا وفوق هذه كله تتضايق لما احد يقولها عيوبها ياسبحان الله ​

والله اني اكره هالمجالس اللي كلها حش وخراب بيوت ​

تسلمين اختي نهى دايما مواضيعك هادفه ومميزه ​

 

[PuPa^^SWeeT]

طبعا هذي غيبة و نميمة



وبغض و حقد


و امور و صفات ينهى عنها الله


و الحريين اهم اكثر المبتلين بهالصفات للاسف



يعني كلمة حلوة ولا جيكرة ولا ولا ولا


شالمشكلة يعني حلوة ولا مو حلوة


شبيدخلني ولا شبستفيد من حلات و عدم حلات البنت



للاسف انه حديثهم ينم عن غيرتهم منها و حقدهم و حسدهم


هذي نفوووس مريضة ياحياتي



ولا حل لها الا الدعاء بالهداية

 

[سّرآبْ]

اهوا المظاهر للاسف شي اساسي الحين
يعاملون الانسان ع شكله

هالعاده مو بس عند الحريم
حتى عند الريايل يعني بس الريال عذره اهو مثل بيتزوج ويبي له وحده حلوه بس الحريم ماعندهم سالفه

بس الانسان عامه لازم تكون عنده قناعه انه الله قسم الارزاق
في ناس الله عطاها جمال وفي ناس الله عطاها مال
الحسد والنميمه
وحده مثلا تشوف وحده احلا منها تحقد عليها وتدور عليها اي شي وتطلع عليها كلام
وفي نفس الوقت لما وحده مو حلوه او متوسطه الجمال تقعد تقول ويع لا وتوصل قله الادب تقول لها بويها انها مو حلوه ومن هالكلام

اول شي هالكلام مو من اخلاق المسلمين
والجمال وهالاشياء مابتفيد بالدنيا بولا شي
الانسان المتكبر بشكله بعدين يوم القيامه يبعث واهوا باقبح مايكون
يازين التواضع والله

والحسد بعد ممكن يدخل الانسان النار غير السيئات اللي تيي منه


انتي عالعموم لما تشوفين ناس بهالنفسيات
لا تحرين عمرج عشانهم
بس في نففس الوقت لما تشوفين الغلط لا تسكتين عنه

 

[granted]

ويع شهالتفكير اتقولين حريم هذيلي مراهقات شكلهم استغفر الله الفاظهم تعبر عن مستوى عقولهم

 

[ريوف الشريف]

عفوا اعتذرمنك اختي هدوء العالم وكل الشكر موصول لك نسيت
ان هالموضوع باسمك بس اظاهر من كثر ماني متفاعله ههههههه

وهاذا تصحيح للآيه الكريمه :
​

يقول الله تعالى: ( وَلا يَغْتَبْ بَعْضُكُمْ بَعْضاً أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتاً فَكَرِهْتُمُوهُ ٌ)

 

[Tom ♥ Jerry]

,



الحششششش مصيبه !
الله يفكني منه .. الصراحه اعاني منه معاناه غريبه
خصوصا ويا رفيجآتي و خوآتي لآزم يكون من ظمن السوالف حش !
الله يهديني آدعولي .. اعترف اني غلطآنه ♥

 

[يــــارا♥]

اكرررررررررره شي عندي اللي يتطنزون على خلقة الله
انا ربعي الله يشهد اني امووت فيهم واحبهم واعتبرهم خواتي
بس قبل كنا مسويين جروب عال bbm
اول شي كانوا يحطون صور عاديه (اكل ملابس هالسوالف)
بعدين تفاجأت انهم بدوا يحطون صور بنات (حتى شباب) بالجروب وطايحيييييين فيهم طنازة
وع شهالصوره
شعرها كريه
خشمها عوي
ملابسها تفشل
و و و
ما خلووو شي
انااااااا تفاااااااجأت ويهي صار جذي :eh_s(1):
وزعلت عليهم قلت حرااااام مايجوز اللي تسوونه دام انكم تسوون جذييه اكيد غيركم يتكلم عنكم الكامل الله الكل فيه عيوووب
خذت موقف منهم
والحمدالله هدوا شوي وماصرت اجوف صور بس الكلام ليحين يدور
بس المشكلة انه اغلب البنات جذيه وانا اعتقد انه التربيه لها اثر
قعدات الحريم كلها حش فلما البنت تقعد بوسطهم تتعلم هالشي

الله يهدي الجميع
​

 

[روانتي 12]

أستغفر الله و أتوب إليـة

وفعلآ في بعض ناس تحش بس بالغلط >> وحده منهم ههههه والله اعترف
بس غصب عني

 

[أغداً القاك]

اختي هدوء العالم
حلو كلامنا وردودنا ورفضنا لهذه الظاهرة
لكن مو الكل عنده جرأتج الرائعة في مواجهة الغلط
بارفو عليج وكفو على تربية اهلج لج
انتي شفتي منكر وحاولتي تغيرينه بلسانج
وفعلاً التطنز على خلقة رب العالمين هذي مصيبة احنا مانفكر فيها
لان محد يدري يمكن رب العالمين يعاقب الانسان بشكله
فـ (الجزاء من جنس العمل)

وشكراً على موضوعج القيم

 

[نوف الصقعبي]

جزاج الله كل خير​

 

[M!SS.LOBY]

لا حول ولاقوة الا بالله