مكاتب تعقيب المعاملات ليش واشحقه ؟

[زهر الرمان]

هاي بنوتات شخباركم؟

بغيت اناقش معاكم موضوع مهم الا واهو مكاتب تعقيب المعاملات اللي منتشره اعلانات بالجرايد الاعلانية
ويمكن شفتوا او قريتوا عن مشاكلهم واللي منهم الشركات الوهمية وشهادات الرصيد المزورة

يعني بعضنا لي بغى يفتحله محل او شركة يعطي المعامله حق مكتب تعقيب المعاملات وياخذ منه مبلغ مو اقل من 100 دينار
وفي الواقع الرسوم من 30 الى 50 دينار فقط لا غير وفوق هذا تكتشفين عقب مدة انه شركتج وهمية وشهادة الرصيد مزورة
وانتي اخر من يعلم:eh_s(1):
شلون واشحقة وليش؟ لانة هالمكاتب ماخذين المبلغ وحاطينة بجيبهم عشان يوفرون كثر مايقدرون
هذا مثال واحد من امثلة كثير



السؤال ياطويلات العمر اهو:





ليش نلجئ حق هالمكاتب؟شنو الاسباب؟
الروتين الحكومي مثلا؟ ماعندج وقت؟ اسباب اخرى؟

وشنو الاشياء اللي لو توفرت في المؤسسات الحكومية راح اتخليج انتي بنفسج اتراجعينهم وما تلجئين حق هالمكاتب؟


نبي الكل يشارك عشان نستفيد ونقدر نقضي على هالمخربين كلن في مجال عمله

ناطره ردودكم

 

[زهر الرمان]

اشدعوة 10 مشاهدات و وله وحدة قالت لنا رايها بالهموضوع؟
معقوله وله وحدة عندها بزنس خاص؟ وله وحده راجعت بالدوائر الحكومية وعندها ملاحظات؟

 

[puppet]

تعقيب المعاملات نوع من الخدمات للترزق ..

مثل الناس اللي يروح بيتكم يغسلون السيارة او يسقون الزرع

وهي مهنة مثل اي مهنة ، منها تحصلين الناس الزينة ومنها تطيحين بالناس الشينة

الدنيا كلها جذي

 

[هيوونه@]

اعتقد كثرة الانشغالات تخليج اتييبين مكتب يخلصلج معاملاتج
انا عن نفسي ما تعاملت معاهم فما اعرف طريقتهم
اللي تعاملت معاه المندوب مال الخدم ياخذها ويخلص اوراقها للاقامه
في اعتقادي لما تطبق الحكومه الاكترونيه ويصير تعاملج كله بالنت
راح توفر الوقت والجهد
ادعي يطبقونها