مكاتب شحن من الكويت الى امريكا .. فيدونا بليز

[noty]

اللي اتعرف مكاتب شحن حق امريكا اتفيدنا

( التكلفه - مدة الشحن - ارقامهم ...الخ )

و تقول تجاربها مثلا طرشت هالشغله و كلفني شحنهم كذا و وصلوا بعد كذا ...

انا سامعه ب فيديكس و دي اج ال ... اذا في غيرهم مادري

مشكوريين

 

[نيبال]

شركة ارامكس ويوجد لديهم شحن بحري او جوي ويفرق بالسعر والبحري يطول لانه ارخص ، وانا جربتهم في الاشياء ثقيلة الوزن وتاخذ لها علي ما توصل 20 يوم سواء من او الي الكويت او يمكن اكثر حسب ظروفهم ( ساعات يصادف عطل رسمية او عطلة السبت والاحد عندهم والخميس والجمعة عندنا وهذي الايام لها دور بالتأخير ) .
وما اقدر اقولج جم ياخذون لانها حسب وزن القطعه اللي بتودينها فيفرق السعر ، مثلا وديت كتب طبخ لامريكا خذو مني 10 دنانير ، طلبت اكسسوارات منزلية وكل دفعه كانت اتكلفني 20 دينار (للشحن) لان في بعضها حديد فتكون ثجيله بالوزن ( طلبياتي ساعات اتعدي 100 دينار من غير الشحن) و بعد اطلب ملابس عن طريق الانترنت ( وياكثر ما اطلب ) بواسطتهم يعني ادفع ابطاقتي وقيمة الشحن ادفعة لهم وتكلفني دينارين ونص فقط لاغير . واتمني اني افدتج

 

[BaiTotia]

يمدحون آرامكس

و الأخت نيبال ماقصرت

 

[dalloosh]

سلام حبيبتي
أنا كنت موظفة بالفيديكس ,, شوفي في عندهم صندوقين واحد 10 كيلو ,, و واحد 25 كيلو ,, هذول اذا استعملتيه يطلع عليج المبلغ أقل ,,, بس صراحة أنا صارلي 4 سنين هادتهم فما أتذكر الأسعار عدل ,, بس أقدر أفيدج باني أعطيج رقمهم ,, 802233 و طلبي وحدة اسمها رشا و أنا متأكدة انها رح تعطيج المعلومات كاملة ,, و اذا عندج أحد يشتغل بالكويتية ,, يقدر ييبلج خصم 75 %

وانشاءالله اني أكون فدتج حبيبتي ... :eh_s(8):

 

[فتون علف]

حتى انا ابي اعرف لان عندي اغراض بشحنهم امريكا ومو عارفه وين اروح وبجم يكلفني

 

[فتون علف]

و اذا عندج أحد يشتغل بالكويتية ,, يقدر ييبلج خصم 75 %

... :eh_s(8):

اختي خصم للشحن من الكويت الى امريكا 75%؟ وايد زين

انزين ماتدرين شكثر يطول؟ والتوصيل من الباب الى الباب ولا شلون؟

 

[dalloosh]

اختي خصم للشحن من الكويت الى امريكا 75%؟ وايد زين

انزين ماتدرين شكثر يطول؟ والتوصيل من الباب الى الباب ولا شلون؟

الخصم حق موظفين الكويتية يكون من الكويت لأي دولة في العالم ,,, التوصيل يكو ن من 2-3 أيام حق أمريكا ,, لكن اذا اتطرشين يوم الخميس يوصل يوم الأثنين لأنهم سبت و أحد اجازة ,,, و التوصيل يتم على حسب العنوان اللي حاطينه و اذا شكوا في العنوا أو ما كان كامل يدقون عليهم و ياخذون العنوان و يوصلون الطلبية لباب البيت .. و أي استفسار أنا حاضرة لكن على حسب ذاكرتي ....:eh_s(6):

 

[فتون علف]

مشكورة حبيبتي على الرد
كفيتي و وفيتي ماقصرتي

 

[^مزهريه^]

انا ادز عن طريق ارامكس

كنت دازة ملابس
وخذو مني 18 دينار

 

[فتون علف]

جم كيلو مزهرية؟

 

[noty]

نيبال يعطيييج العافيه حبيبتي ما قصرتي

BaiTotia مشكوره ديير

^مزهريه^ ثانكس الوت ديير

 

[noty]

و عليكم السلام بعد قلبي
حبيبتي ما قصرتي والله تسلمين .. كفيتي و وفيتي

فتون علف انشا الله استفدت من اللي قالوه البنات

تسلمون ما قصرتوا

 

[bnt q8 in usa]

نوتي انتي تبين من امريكا للكويت والا العكس
اذا من امريكا للكويت قتلج نطري انشالله اول الاسبوع بدقدق علي جم مكان واعطيج لكن اذا العكس ماعرف

 

[^مزهريه^]

والله مادري جم كيلو

 

[فتون علف]

فتون علف انشا الله استفدت من اللي قالوه البنات

تسلمون ما قصرتوا

اي والله استفدت وايد ماقصروا

بس حبوبة حبيت انبهج
كلمة ((ان شاء الله))تنكتب جذي
انتي كاتبة ((انشا الله)) وهذا يغير المعنى مايجوز

قلت بنبهج بس عشان ماتستاثمين فيها :eh_s(17):

 

[noty]

bnt q8 in usa هلا ديير اي انا ابي اللي طلبته منج ناطره
و اللي قاعد اساله عنه شي ثاني لانه وحده تبي ادز هديه و تبي اتعرف الطريقه .. حبيبتي :*

فتون علف مشكوره عمري عالمعلومه انا كتبتها على طريقة كلامنا النيه جذي كانت ناو خلاص راح انتبه تسلمين

 

[فتون علف]

صاجة حبوبة انا قبل مثلج لين تعودت اكتبها صح

 

[bnt q8 in usa]

اوكي حياتي بحول الله الاسبوع الي يي ادزلج بس ناطره بعلي يفضي
تامرين امر قلبي مو ناسيتج

 

[noty]

صاجة حبوبة انا قبل مثلج لين تعودت اكتبها صح

حبيبتي

 

[noty]

اوكي حياتي بحول الله الاسبوع الي يي ادزلج بس ناطره بعلي يفضي
تامرين امر قلبي مو ناسيتج

يا عمري انتي .. متى ما عرفتي ديير بلغيني . ادري و الله انج مو ناسيه .. حبيبتي :*