مكتب زوجي

[Noor_AlQ8]

شنو تكلمينه يعني تستأذنين منه لا ياقلبي أذا شفتيه بهالمكتب أدخلي عليه بدون تعطينه خبر:eh_s(10):
لاكن لاتدخلين وأيدك خاليه يعني مثلا بأيدك عصير قول لي له حبيت أجي أريح أعصابك وأشتقت لك وسويت لك العصير من أيدي أجلسي على رجوله وأهو على المكتب يعني يمكن لشاف حركاتك كذا أهو اللي بيناديك تجلسي معه وأمسح على شعره<<<قمة الرومنصيه هع:d
عشان مايكون لو ذرة شك أو مجرد أحساس أنه فيك فضول تعرفين وش يسوي داخل او يفكر انك تشكين فيه أتمنى فهمتيني:eh_s(1)::eh_s(8):

خوش فكرة تستحق التنفيذ

 

[ثريا الكون]

شوفي انا ريلي عنده مكتب بالبيت لان شغله ياخذا معاه البيت فيكون حييل مشغول بس الي تقول لازم تقعدين معاه وتعرفين كل شئ لان انتي زوجته وماكو سر بينكم هذا اكبر غلط لان احنا ساعات نبي نكون بروحنا ومالنا خلق احد وخاصه وقت التركيز يعني لاتييج زفه احسن يعني حاولي وقت لمن يكون بمكتبه طقي الباب احسن او دقي عليه تلفون يعني احترمي خصوصيته مادري انا اسوي جذيه لان اشوفه يقول حق اليهال لاحد يصعد فوق واذيني فعرفت ان ما يبي احد يزعجه اصعدله مو ما اصعد بس بطريقتي يا ادق تلفون او اطق الباب بالعكس احس يستقبلني بطريقه حلوه يعني يكون متهيأ اني يايه عنده .

والي تقول يبيله عصير اهي فكره حلوه بس همن لا درعمين لووووووووووول نصيحه همن طقي الباب وقوليله يايبتلك عصير وهمزي ريوله بس لا تصيررين ملقوفه ودرعمين والله موقف خايس

 

[pusy cat]

مممممممم اتوقع عادي يمكن متعود على جذي

 

[pusy cat]

اي عنده نت بس لا مو مال شات اهو كلش انا واثقه فيه بس ودي يدخلني معاه وشكله بكلمه واخليه يدخلني بدون طقت باب بعد بس بشوف الوقت المناسب

ليش حبوبه طقي الباب عادي

دام اهو يحب جذي ومتعود على هالشي

انتي زوجته وانتي اولى بطاعته وطقة الباب تدل على الادب والاحترام مافيها شي

انا اقول خليه على راحته لا تناشبينه في ناس يحبون العزله والهدوء

 

[dectora 7elwa]

كلام دبه موت عدل
اخذي معاج عصي وشي حلو وطقي الباب
واذا قال منو دخلي على طول ولا تحطينه عالمكتب جدامه لااااااااااااا
حطيه يمممه وقوليله سويتلي عصير واشتهيت لك واحد معاي وتعالي بوسيه بوسه سريعه وطلعي
جسي النبض اول مره
الصراحه اخوي عنده مكتب ومحححد يدخله لكن مافي تلفزيون ولانت واذا دخل يغطس جذي بس هو قاضي يعني مايبي احد يشوف الملفات وقاعد يحضر دكتوراه فساعات يقول حق زوجته نضفي بس لا تغيرين مكان الملفات

 

[جادل سبيع]

انا احس عادي انا لما كنت اببيت اهلي احب اقعد اكثر من عشر ساعات اكتب وادرس واسمع اغاني ..
ترى المشكله الواحد اذا حب مكان وتعود عليه ولقى فيه انسه مايحب الاماكن الثانيه لان ايلاقي فيها ازعاج..
انتي حاولي ايكون جو الشقه ايناسبه وايكون مرتاح فيه وايحبه وانشاءلله ربي يبعد عنكم كل شر..
والاغاني الحزينه يمكن اهو ايحبها وايحس انها الاصدق من بين كل الاغاني وانتي حببيه باغاني الحب والتفئل ولو تقدرين اتبعدينه عن كل الاغاني احسن..

 

[عميمة]

على فكره ترا الريال يحب يقعد بروحه فترات يفكر ويوازن حياته
و خلوته هدا من اهم الاشياء في حياته ولو نكدتي عليه في هاللحظات راح تبدين تبعدينه عنج
خليه يحبس نفسه عندج بالبيت احسن مما انه يطلع وما تدرين وين يحبس نفسه


انصحج انج تقرين كتاب ( النساء من زهره والرجال من المريخ ) وايد راح تستفيدين منه باشياء وايد وكاتبين عن هالنقطه بالدات

 

[Noor_AlQ8]

يافضحي فضحاااااااااااااااااااااااااااه

بنات حبيباتي تعالوا ميته من الضحك والوناسه ههههههههههههههههههههههههههه


لووووووووووووووووووووووووووووووووووووووووووووووووووووووووووووووووووووول


والله مادري شنو اقول لكن قاعده بالصاله ،واهو قبالي شنوووووو احراااااااااااااااااااااااااااااااااااااج


السالفة كالتالي

دخل قبل ساعة الا ربع وقال ابي قهوة راسي صاكني انا كنت مبطله الموضوع وقاعدة اشوف ردود البنات الاخيره وبنفس الصفحه انا كنت راده على الموضوع رحت اسوي القهوة وهو المحروس استخدم لابتوبي هو دايم جذي انا بعض المرات مالي خلق اشغل لابتوبي استخدم لابتوب والعكس المهم دخل بو الشباب على كلامه

ويجيك بموقع معين ويشوف الصفحه اللي انا مخليتها ،وجبت له القهوة وقالي اوكي خلاص انا اتقهوى كلمي شغلج بالمنتدى اوكي امنا بالله المنتدى يعرف اني ادخله بس مو باستمرار ادخل شغلات ثانيه جان انصدم

وهو يضحك ويقولي ياشطورة ياحلوة مكتبي حق شغلي واخواني مايدخلوني لانه فيه شغل الكلية وانا ماحط شي بمكتب الكلية كله اهني فهم يدرون اني اشتغل فما يدخلون وجرت العادة لاني اقولهم انكم تزعجوني فكلموني من برا واختي الكبيره وامي وابوي يمونون على الرقبه لكن اني اقعد عشر ساعات هالايام لاني قاعد اكتب بكتاب مشترك وعلمتج فيه من قبل شهرين وسالفه طقت الباب محد قالج طقي الباب دشي على طول بس هذا اللي مضايقج لو تبين احط لج مكتب بعد وياي بالغرفه شريت لج مكتب فله مال النونو وترا انا مامنعت احد انه يدخل بس انا موجود لا لاني ماحب طبعي جذي لكن بتدخلين انتي عادي وهم تدخلين بدون طقت باب وسالفة الاغاني انا اشهد اني مادريت عنج بس اغاني عاجبتني هههههههههههه

ويقول اسمعي كلام البنت (طبعا جيكت عليها اللي اهي ثريا الكون) اهو قال هالبنت اللي تقول همز ريوله يقول خوش نصيييحه ههههههههههههههههههه

بنات انا وجهي قام يقط اللوان فيني البجيه جان اقوله خلاص اسكت مكتبك مابي ادخله ولا تقرا شنو كاتبه انا جان يقول عادي خلاص جهازي مغللق ولاتطقين الباب ولاتكلميني وانا بالمكتب ههههههههههههههههههههههه

بو الشباب مصدقك عمرك لا بدخل بدون لا اطق الباب ههههههههههههههه


قاعد قبالي يخزني وانا اكتب هههههههههههههه ويقول شقاعدة تقولين موت حره ماراح اقول


انا اسفه والله نسبت صفحه المنتدي مبطله واهو يستخدم لابتوب بعض المرات وشافه والله اسفه بنات ادري شوي خصوصيه بالمنتدي بس سامحوني هالمره

وانا اسنعه لكم كل يوم سابقته المكتب واخرب اغراضه عقاااااااب عشان التجسسس


فديتكم كلكم بنااااااااااات حبيباتي

 

[عميمة]

هههههههههههههههههههههههههههههههههههههه

شفتي شلون الوساوس مالها داعي ؟

هميتي نفسج على ولا شي

الله يطمن قلبج وقلب منهو مثلج ويسخر ريايلكم لكم

بس هم انصحج بالكتاب

 

[Noor_AlQ8]

هههههههههههههههههههههههههههههههههههههه

شفتي شلون الوساوس مالها داعي ؟

هميتي نفسج على ولا شي

الله يطمن قلبج وقلب منهو مثلج ويسخر ريايلكم لكم

بس هم انصحج بالكتاب

اوكي عميمه ولا يهمج بقراه ان شاء الله

بس لاتشوفيني قاعطه اقط اللوان

 

[Noor_AlQ8]

محدثتكم الان تتكلم من المكتب
هههههههههههههههه

نازله وياي القهوة والحلو ولابتوبي

هههههههههههههه

 

[Dark SouL]

يا عمري ...

اخذي بهداوة وصارحيه باللي يسويه .. هل في شغله مضايقته فيج ؟
واسمحيلي من اللي بقوله " يمكن مو متقبلج من داخل " ..

حاولي تاخذينه على قد عقله وعرفي شنو ورا هالسالفه اللي تصير .. لانه 10 ساعات بالمكتب وايد الصراحه نص يومه بعيد عنج

 

[Noor_AlQ8]

يا عمري ...

اخذي بهداوة وصارحيه باللي يسويه .. هل في شغله مضايقته فيج ؟
واسمحيلي من اللي بقوله " يمكن مو متقبلج من داخل " ..

حاولي تاخذينه على قد عقله وعرفي شنو ورا هالسالفه اللي تصير .. لانه 10 ساعات بالمكتب وايد الصراحه نص يومه بعيد عنج

تسلمين حبوبه على النصيحه
لكن الحمدالله انحلت السالفة بطريقه ماكنت متوقعتها نهائياً جات من الله شوفي ردي فوق

الحمدالله رب العالمين لايحمد سواه

 

[دبه موت]

هههههههههههههههههه الله يرج بليسه
يارب يسعدكم ويبعد عنكم عيون العذال ويخليكم لبعض دوم
والحمدلله طمنتينا

 

[Noor_AlQ8]

هههههههههههههههههه الله يرج بليسه
يارب يسعدكم ويبعد عنكم عيون العذال ويخليكم لبعض دوم
والحمدلله طمنتينا

مشكوره ياقلبي على اهتمامج

 

[أحبك أمي]

حبيبتتي لاتشتتين ذهنك وترهقين عمرك
الوضع طبيعي
وانتي ادرى بزوجك

 

[ثريا الكون]

لووووووووووووووووووووول من زمان ادري ان نصايحي عجيبه بس محد يصدقني

 

[Noor_AlQ8]

لووووووووووووووووووووول من زمان ادري ان نصايحي عجيبه بس محد يصدقني

اي اي اي صدقيييييييييييييييي


هههههههههههههههههههه



نصايحج بتردنا زمن العبودية ههههههههههههههههههه
الله يخليج حبوبه ماقصرتي

 

[خفايا البحر]

يمكن اهو متعود فصعبه تغيرينه

 

[نجدية2011]

حبيبة قلبي انا قريت الصفحة الأولى
وبعطيك رأيي ,,عزيزتي يتضح من كلامك ان زوجك محاضر او دكتور من هالقبيل !
لذلك هالمكتب وراه رجل عظيم ووراء كل رجل عظيم امرأة !!!
فتلك المرأة سعادتك اللتي أعجبتني بفاطنتها عندما رفضت تجاوز خصوصية زوجها والخوف من الدخول
وهذا يدل على تقديرك وأحترامك للجميع
حبيبتي أتمنى من قلبي ان تكوني جزء من هذا المكتب بذكاءك كما عرفت من شخصيتك^_^
1-تكلمي مع زوجك بوقت مناسب ببيتك عن أهمية زوجك لك وانك حريصة على نجاحه
مستمده مثال وراء كل رجل عظيم امرأة
2-عليك عناية هالرجل مثل الوردة اذا ماحد رعاه راح تموت مارح تشرق وتمد روحها للحياة
3-عند تواجده بالمكتب حددي اوقات معه بارادته تدخلين انواع الأكل اللي تساعده على التركيز بالمكتب
مثال طلب منك خبز بجبن مع شاي , ضيفي على الشاي زعتر وقولي حبيبي ضفت زعتر لانه يقوي الذاكرة
ومن هالنمط بالاكلات والمشروبات
4- احرصي ع طلتك ومظهرك الشخصي
5- لاتكتفي بتقديم طلب زوجك بالاكل والخروج كذا صرتي ماكو فرق بينك وبين الخادمه ! كوني قريبه عطيه بوسه ع راسه او مسحه بيدك ع راسه او هق ,واختتمي الهق او البوسه بدعوة حلوووة مثال الله يخليك لي , يارب يكون وراء هالتعب راحه واشوفك مستانس ---الخ
هذا اللي عندي حبيبتي واعتذرعلى التقصير
واطيب الأمنيات لك حبيبتي