~ مكياجك مع بوبي براون أحلى ،

[{سيد العذارى }]

السلام عليكم ورحمة الله وبركاته

راح يكون موضوعي اليوم عن التغطية المثالية للمكياج

وراح اذكر مسميات وأنواع كريم الأساس واستخداماته

وكل نوعية والبشرات اللي تصلح لها

ان شا الله انكم تستمتعون بالموضوع وتستفيدون منه

الموضوع برعاية بوبي براون

​

​

BRB - بليز لحد يرد​

 

[{سيد العذارى }]

راح ابتدي بذكر بعض المصطلحات بالمكياج ،،​

كريم الاساس ​

​

foundation​

هي الخطوة الأولى بالمكياج دائماً ​

نتعرف على انواع كريم الأساس :​

Natural Finish Long Lasting Foundation SPF 15​

​

كريم الاساس السائل الخالي من الزيوت للبشره الدهنيه فقط ​

يوفر لها التغطيه المناسبه بدون مايصير ثقيل على البشرة ويسد المسام

ويحتوي على واقي​

من أشعه الشمس و هو مثالي للنهار. ​

//​

Skin Foundation SPF 15​

​

كريم الاساس الواقي من الشمس واللي يميزه انو خفيف

​

ويعطي مظهر طبيعي

​

وممتاز للنهار ومناسب لجميع انواع البشرة .

​

//​

Foundation Stick​

​

اساس الاصبع ، يتميز بترطيبه الممتاز والتغطية المثالية للبشرة

​

وينفع للسهراات، ومناسب لجميع انواع البشرة

​

//​

Luminous Moisturizing Foundation​

​

كريم الاساس السائل مرطب و ثابت ويمتاز بان تركيبته ثقيله

نوعا ما وهو مثالي للسهرات ​

يمنح تغطيه ممتازه و ثابتة ويعطيك لمعه وحيويه​

مناسب لجميع انواع البشرة

​

//​

Moisture Rich Foundation SPF 15​

كريم الاساس المرطب فيه كريم واقي من الشمس​

للبشره الجافه

وهو مثالي للنهار

.​

 

[{سيد العذارى }]

//


Moisturizing Cream Compact Foundation

اساس كريمي و ناعم مناسب للليل والنهار

//


Oil-Free Even Finish Compact Foundation

الاساس المدمج وهو اللي يحتوي على كريم الاساس والبودره في نفس
الوقت ، مناسب كثيرا للبشره الدهنيه والعاديه و يضمن لك تغطيه كامله

ينصح به فقط في اللليل.

//


SPF 15 Tinted Moisturizer

كريم اساس خفيف يحتوي على كريم واقي من اشعة الشمس
وخفيف و ترطيبة عالي ، مناسب للنهار فقط

.


//

​

BRB - بليز لحد يرد ​

 

[{سيد العذارى }]

//
الحين بعد ما تكلمنا عن الانواع والاستخدامات والمسميات نبتدي نتلكم عن
التغطية المثالية للبشرة

حبيت اتكلم بموضوعي عن التغطية المثالية للبشرة خاصة ان في كثير يبون يعرفون لو الأساسيات بالتغطية
وأغلب كلامي راح يكون من كتاب بوبي براون الجديد قوانين الجمال (beauty rules )

السر الأول لبشرة صافية وماكياج جميل هو التغطية الممتازة
ومو شرط تحطين كميات هائلة من المكياج علشان يطلع مكياجك بيرفك !!

لاحظوا هنا كيف تغطية ممتازة وبدون أي مبالغة

فتحت درجة بشرتها بدون ما يصير في تكلف بالمكياج شي طبيعي وحلوو

 

[{سيد العذارى }]

هنا لون بشرتها الطبيعي لكنه اكثر حيوية وجمال

شي بسيط من التغطية مع لون روج مناسب للبشرة وانتهينا

هنا احس انه شغل ممتاز بالتغطية

لاحظوا اثارالحبوب اللي بجبهتا ، كيف صارت بالتغطية مافي ولا أثر

وغير الحيوية اللي صارت بوجها

​

BRB - بليز لحد يرد​

 

[{سيد العذارى }]

الحين راح احاول اركز على بعض المستحضرات الممتازة للتغطية المثالية

اول شي أيش اللي تحتاجينه لتغطية مثالية ؟؟
فرشاة لتوزيع الاساس
كونسيلر( خافي عيوب )
كريم اساس
بودرة في بعض الحالات او اللوكات


//


اول شي تبدين فيه انك تغسلين وجهك بمنظف بشرة ولا تنسين كريم البشرة + واقي الشمس
قبل المكياج علشان لا بديتي تحطين كريم الاساس
ما تبتدي بشرتك بإمتصاص الكريم المرطب وتقعدين تحطين كمية كثيرة من الاساس
لان بشرتك جافة !!

ولا تنسين تدلكين وجهك لمدة دقيقة كاملة لتنشيط الدورة الدموية

وتسخين البشرة علشان لا جيتي توزعين كريم الأساس
ينساب معك ويتوزع بشكل حلو

..
الحين خذي كريم الأساس وحطيه على ظهر يدك وأخلطيه بالفرشاه علشان يدفى الأساس
خذي كمية من الأساس ووزعيها على بشرتك
ابتداءً من الجبهة الى الرقبة وحدود الكتفين ،والحين يجي دور خافي العيوب

تبدين تحطينه بالتربيت الخفيف حول المناطق اللي تبين تغطينها

بعدها حطي البودرة ( أفضلها للي بشرتهم دهنية )

//



لماذا نستخدم الفرشاة في توزيع الاساس ؟

لان حرارة اليد تخرب قوام الكريم وتخرب مكوناته

الفرق بين الفرشاة والاسفنجة ذات المسام الوسيعة والمسام الصغيرة
الفرشاة / توفر تغطية ناعمه
الاسفنجة ذات المسام الوسيعة / تعطي نغطية متوسطة

 

[{سيد العذارى }]

الاسفنجة ذات المسام الصغيرة / تعطي تغطية عالية

//

علشان تخفين عيوب بشرتك من الأفضل انك تموهينها باستعمال كريم أساس له نفس لون بشرتك

واذا كانت المسام كبيرة عندك اختاري كريم الأساس السائل غير الدهني
والندوب تقدرين تخفينها بخافي العيوب الثقيل

* والأفضل تستخدمين باليت خافي العيوب لميك اب فور افر الملون

ولا تنسين أن الأخضر يخفي الأحمرار بالبشرة

والبني يغمق اماكن الوجه اللي ما نحب نبرزها مثل جوانب الأنف وتحت العين لإخفاء الهالات كطبقة أولى

البيج الغامق على اورنج يوضع كطبقة ثانية على الهالات تحت العين بشكل بسيط

البيج الفاتح يضع على اماكن البقع بالبشرة وكطبقة خفيفة ثالثة على الهالات السودا

واللون الفاتح المائل الى الاصفر نحطه على الأماكن اللي نحب نبرزها بالاضاءة زي الوجنتين وعظمة الأنف

وفي ما يتعلق بالبقع اللي تسببه الحمل أو الشيخوخة
استخدمي كريم الأساس السائل ولا تنسين البودرة علشان تخفي اغلب التجعيدات الظاهرة وتثبيت كريم الاساس لفترة أطول

//

 

[{سيد العذارى }]

الحين وصلنا لفنيات استخدام كريم الاساس

علشان تصير تغطيتك مثالية لازم تعرفي كيف تستخدمي كريم الأساس بحيث ما يصير شكلك اوفرر

وكنك رايحة لعرس !!

وهذي بعض الأفكار للحصول على بشرة مثالية

:
*وانتي تختارين لون كريم الأساس يفضل بإختيار الألوان المائلة الى الاصفرار علشان لو كانت بشرتك تميل الى الوردي
يساعد اللون الأصفر على إعادة التوازن والعكس صحيح ، ولازم يكون في تئالف بشكل طبيعي مع لون بشرة الرقبة .

*لازم تحطين كريم الاساس بعد كريم المرطب وما يكون في مكياج سابق او بقايا مكياج والا راح يخرب كل شغلك

.

*الهدف من استخدام كريم الأساس هو ظهور بشرتك بشكل طبيعي ومشرق فحاولي وانتي تختارين اللون ما يكون في اختلاف

وراعي نوع بشرتك ومدى التغطية اللي انتي محتاجتها .

*واذا احترتي بين لونين اختاري اللي اكثرهم دفئا لأن بالأغلب اللون الافتح يعمل شكل مصطنع

.
*اذا كان وجهك يفتقر الى العظام البارزة بالخدين استخدمي البلاشر او الشيمر

وحاولي
تشفطين خدك للداخل علشان تبرز العظام وابدي حطي الشيمر عليهم بشكل خفيف .

* اذا بغيتي تغطية خفيفة وشفافة اخلطي كمية متساوية من كريم الأساس وكريم المرطب الصباحي وراح تصير بشرتك حيوية وطبيعية جدآآ

.

 

[{سيد العذارى }]

//


الصورة اللي تحت تبين درجات الاساس عند بوبي براون تقدرين تطبعينها وتقارنينها بلون بشرتك

المستحضرات الجديدة :

illuminating foundation
من بوبي بروان

اساس مضغوط من كلينيك للبشره الحساسه

فاونديشين سائل من ماك


وبودرة التغطية المثالية من شانيل

​

 

[{سيد العذارى }]

ألحين نبتدي التطبيق ،،

شفتوا كيف بشرتها طبيعية وتغطيتها ممتازة

نبتدي بتنظيف البشرة طبعا ووضع الكريم المرطب

//

اول خطوه نسويها بالمكياج نحط الكونسيلر على الاماكن الداكنة
ونحطه تحت العين وفوقها واطراف الأنف واطراف الشفايف علشان تبرزها

وننتظر دقيقة علشان يندمج مع البشرة

//

 

[{سيد العذارى }]

//

الحين نبتدي نحط كريم الأساس زي ما ذكرت قبل
بشكل متجه الى الاسفل نبتدي بتوزيع كريم الاساس بهالشكل :
الجبهه
العيون
الخدود
الذقن
الرقبه

وننتظر شويه

//

وبواسطة الفرشاة ناخذ كمية من البودرة ولا ننسى نهزها قبل لا نحطها على البشرة علشان تروح الكمية الزايدة

ونوزعها على الوجه
واذا كنتي بتروحي لمناسبة استخدمي البودرة اللي فيها لمعة ..

//

نروح للحواجب ونرسمها بقلم الحواجب او جل الحواجب او أي نوع انتي تستخدمينه

//

 

[{سيد العذارى }]

بعد ما تختارين الظل اللي انتي تبينه

تقومين توزعينه بشكل بسيط على الجفن العلوي
//

الحين نرسم بالكحل الرسمة اللي نبيها سواء داخل العين او خارجها

//

واكيد جا وقت الماسكرا

//

ناخذ فرشاة البلشر ونستخدمها لتوزيع احمر الخدود على الخدين

//

الحين نحط الروج المناسب

هذي الخطوات الأساسية لوضع المكياج

ومن هنا تقدرين تبدعين

،،


//

 

[Killer^Girl]

ماشالله موضوعج شامل ومفيد
انا تجاربي مع هالماركه شبه معدومه
يعطيج العافيه

 

[مرا دلع]

تسلمين حبوبه بس الموضوع منقول

 

[{سيد العذارى }]

والحين تقدرون تردون

​

اتمنى انكم استانستوا بهالموضوع وحبيتوه

منقول للافاده فقط واتمنى اشوف ردود ترى الموضوع متعوب عليه​

 

[{سيد العذارى }]

مرا دلع حبيبتي ترى انا لين الحين ماخلصت وبعدين انا اي موضوع اذا بنقله اكتب منقول
والله يسلمك منوره الموضوع

 

[مرا دلع]

والحين تقدرون تردون

​

اتمنى انكم استانستوا بهالموضوع وحبيتوه

​

منقول للافاده فقط واتمنى اشوف ردود ترى الموضوع متعوب عليه​

تسسسلمين يا قلبي ووسووري لاني رديت قبل لا تخلصين
يعطيك العافيه يا عسسسسل :eh_s(7):

 

[{سيد العذارى }]

ماشالله موضوعج شامل ومفيد
انا تجاربي مع هالماركه شبه معدومه
يعطيج العافيه

مشكوره حبيبتي على مرورج اهم شي تستفيدون منه ولله يعافيج

 

[{سيد العذارى }]

تسسسلمين يا قلبي ووسووري لاني رديت قبل لا تخلصين
يعطيك العافيه يا عسسسسل :eh_s(7):

الله يسلمك حبيبتي وعادي فديتج من حقكم ويعافيج حياتي اهم شي تستفيدين من الموضوع:eh_s(7):

 

[{سيد العذارى }]

شدددددعوه بنات المشاهدت 18 و2 بس اللي رادين علي