مكياج العرس وين بتحطون و وين حطيتوا؟

[do0ora]

انا حجزت عند رشا شيك
لان ماشفت من اهلي عروس حاطة عند حنان دشتي وطلعت حلوة

 

[Denya-3'areeba]

اختي كان عرسها قبل جم شهر حطت عند صالون بريجيت بفندق المارينا مكياجها وتسريحتها عند مدام بريجيت اذا قلتلج ابداع شويه .. لان مكياجها غريب واينن .. اختي قالتلها بس ابي كريم طبيعي وشوفي شنو المكياج اللي يصلحلي واهي حطتلها على ذوقها طلعت اتينن والله والكل سألنا وين حاطه مكياجها
انا بصراحة كنت معترضة لان وايد 400 دينار بس لما شفت اختي يوم العرس صج صج يستاهل
عطوها هدايا بقيمة 100 دينار ماسكات شعر وحق الويه ويدكير ومنكير
ربي يوفقج ويهنيج

 

[Glamour-mutir]

انااا حددددددددددي محتاااااااااااااااره ):


مادري وين اروح اهئ اهئ

 

[أسوول]

انا قبل شهرين عرسي سويت عند زهره بالبستكي وتسريحه عربيه وشغلهم حددده وااااااااااااو ناااعم ع فخامه بس مومغيره الملامح
انصحج بزهره تقولين لها الشدو ديزاين شدو

 

[Mrs_Orchidia]

العموم يمدح بريدجيت و حنان دشتي .. ياربي هالحنان دشتي ما ابلعها مادري ليش ادري انها زينة بس ماسحتها من القائمة مرة وحدة

بريدجيت اكثر من وحدة قالت الفاونديشن يتقطع .. ياربييييي وين ارووووح

 

[حنطاويه عسل]

حياتي روحي حق حنان دشتي وبريدجيت

وشوفي شغلهم بالطبيعه

واخر عررس رحتله العروس حاطه عند حنان دشتي وماشالله يهببببببل

 

[Mrs_Orchidia]

حنطاوية
ثاانكس حبيبتي

 

[Mrs_Orchidia]

 

[ديانا سبنسر]

اب ب

 

[*مطبخ الذواقة*]

رشا شيك ...

ولمسة فن ...


وحنان دشتي



بالترتيب

 

[Mrs_Orchidia]

Thaanx بنات عالردوود

مطبخ الذواقة حبيبتي هم اختي قاعدة تقولي روحي رشا شيك مادري عاد

 

[ياربي انا دلوعه]

حبيبتي انا ناويه بريجيت ان شاء الله
رحت كل الصوالين مافي صالون الا وطليت عليهم
انا احب الناعم اللي يبرز الجمال
ورحت بريجيت اكثر من مره حتى حفظتني اللي بالريسبشن من كثر ما اييهم
وكل مره يزيد اعجابي فيهم صراحه حتى اسلوبهم حلووو
صح غالي سعرها بس بيوم العرس تسوي لج جلسات واللي ما يعجبج منهم اشطبيه واستبدليه بشي ثاني
جني سويت لها دعايه موو << هههه عالعموم اللي يريحج روحي له

 

[pink rose]

انا بعرسي حطيت بحنان دشتي بستكي ..
كنت خايفه حدي لاني اكره كل الصالونات كل المناسبات احط مكياجي لنفسي الحمدلله اعرف اتمكيج
و لو يحصلي حتى بعرسي احط لنفسي ههههههه بس قويه
حطتلي رانيا تهبل تهبل تهبل بالها طويل و كانت تسمع كلامي مو مثل الصالونات الخربوطيه فوق انها فلبينيه جنها مكينه تمكيج ما تبي احد يكلمها و يقول ملاحظه على طول تنفس !!!!:eh_s(4):
رانيا وريتها اول ما قعدت الرسمه الي ببالي و وريتها صورتي و انا ممكيجه نفسي قالت هيدا انتي عاملتيه !!! كتير شاطره !! ههههههههههههههههه من بعدها كانت معطتني ويه كل شوي تقولي شوفي جذي و اقولها زيدي مني غمجي مني و تسوي الي اقولها طلع يهببببل و ارتحت نفسياً
مرتب نظيف و مو اوفر وع الحمدلله كلمن مدح :rerrerek:
شعري عند عربيه .. ما حبيتها وايد شايفه نفسها و كل شي على مساعدتها نطرتني سنه تدش تكركر داخل و انا ناطره :eh_s(10):

بس بس ياربي شكثر اقرق :eh_s(1):​

 

[om jana90]

رحت لرشا شيك اممممممممبيه والله على ما اقوله شهيد كنت رايحه اشوف المكياج والتساريح لايف وما كنت ناويه احجز بس ابي اخذ فكره يعني عشان ما اتحسف اذا رحت لصالون ثاني
الي كانت تكتب الفاتوره غصب تبي تكتبني الفاتوره حممدلله والشكر وماخلتني اشوف احد والعرايس بالغرف مسكر عليهم والي برا من البنات ما شفت شي يفتح النفس لا مكياج ولا تساريح ولا مكان حتى

حيل اشمأزيت من المعامله المتخلفه عند المصريه الي تسجل الفاتوره
قبل كانو يمدحون رشا بس يقولون ان الكل طلع من عندها منار وجم وحده تسوي شعر يعني طاح سوقهم


المهم رحت عقبها بفتره لحنان من دشييييييييييييت حسيت بررررررررررررررررراحه نفسيه والي برسبشن حدهم هادين ومتفاهمين وتقريبا كان فاضي بس 3 عرايس قلنا بنقعد نشوفهم ونشوف تساريحهم قالت مافي مشكله
وقعدنا وشفنا العرايس يهبببببببببلون الي مستحيه والي خايفه امبيه يونسون وشفت تساريحهم وصادفت حنان دشتي بنفسها يا حلوها ويا حلو نفسيتها


وتوكلت على الله وحزت مكياج رانيا وشعر زينب


والحمدلله والله يوفق الجميع

:$

 

[white**angel]

كنت محتااااره نفسج لانه كنت حاطه اباااالي بعروووس اهلي ورفيجاتي الحمدلله شكلي اييييييينننن بس خفت بعرسي اصييير مووحلووووه ويلعبون فيني لعب
كنت خلاص مقرره ليلى هارموني بس شفت مكياج رفيجتي كان عرسها قبل عرسي بشهرين كان نعووووم وعجبني بس اختي ورفيجاتي الباجي حبطووووني قالولي لاااا حدا عادي مو خايس بس هم مو وااااااو

فوقتها رحت رشا شيك شفت عروس توها بتطلع حدي غلطانه رايحه متاخر وشفت بس عروس وحده حبيبتي اهيا اللي قالتلي شوفي بصراااحه ماااااااااااااااعجبني وااااااايد موحلووووووو

اخر شي صفيت على مس فرساي بصرااااحه ايننن والنفسيات اللي مناك يهبلووووووون وشغلها لبناااااااني رحت اللي بالشيراتون
اللي تحط مكياج امل والتسريحه في ثنتين وحده اسمها وفاء والثانيه سراب انا سوتلي سراب تهببببببببببل واااااايد وااااااااايد حلوووووووو ما اقولج ناااااااااااااااااااااااااااااعم ما يبين لااااا بس صاير وسط حلوووو صج عروس نصيحه اذا تبين روحي شوفي مناك

 

[3rosta]

منار شيك
حلو شغلهم
ومكانهم راقي وحلو
ومايستقبلون باليوم الا عروشاين او 3

العروس 300 ولها خصوصيتها
غرفة قعده وغرفة مكياج مع تسريحه


والعرض ال vip مادري جم سعره
مادخللته بس شكل بابه بروح مو تمرين بالصالون علشان تطلعين






عجيني كل شي فيهم
بس المكساج حطولي اوفر انا احب الناعم
وتسريحتي واااااااااااو
خيال

 

[3rosta]

نسيت اقولكم
في عندهم مكان خاص لتصوير
غرفه صوري على كيف كيفج

 

[3rosta]

قريت رد اللي قبلي ان اللي برشا طلعووو منها




منار شيك كانو برشا طلعو وفتحو صالون خاص فيهم



احسسس سويت دعايه لوووووول

 

[جود العطور]

حبيبتى الله يتمم لج على خير

انا اختى كان عرسها من يومين وراحت صالون فندق الكونتيننتال ببنيد القار سمعنا عنه وايد وكل رفيجاتى نصحونى فيه

بس صراحه رحنا وشفنا العرايس واقتنعنا فيه وراحت لهم اختى
وطلعت من عندهم تهبل ونعووووووومه وايد

سوت اختى المكياج عند إيلا والشعر عند جولدا طلع شغلهم عجيييييييييب
والصالون نضيف ووسيع شغل فنادق وبعد الموظفات نفسيتهم حلوه وتستانين معاهم والى تبينه يسوونه لج
وانا بعد سويت عندهم مرافقة عروس وسويت شعر عند واحده اسمها فيروز سوريه والمكياج ناديه وكل الى شافنا انا واختى
مدح شغلهم وسألونى وين مسويه
انصحج فيه صراحه لانى وايد لفيت بصالونات الديره ومارتحت غير عندهم

 

[سوبر لولو]

آنا حق عرسي رحت مس فرساي وحده لبنانية حطتلي مكياج
روووعة وايد حلوو مرتب وفيه ذوق وناعم حق عروس
وسوت شعري وحده لبنانية هم شغلها كان زين
بس صج أحلى شي مكياجهم اينن